Aumingja Árni Finnsson.

 

Vakti fyrst á sér athygli fyrir að vera á móti hvalaáti.

Tók síðan náttúru Íslands í fóstur.

Endaði sem stuðningsmaður fjárkúgunar.

Það þarf ekki glöggan mann til að sjá ferlið.

Ætla ekki að segja það en þetta hefur eitthvað með byggð í landinu að gera.

Kveðja að austan.

Stuðningsmenn Icesave boða til fundar

Athugasemdir

[Dagný, 23.3.2011 kl. 21:56]

Árni hefur  alltaf verið hræddur. Sérstaklega við stóru strákana. Blessaður kallinn alltaf svo hræddur við að vera óvinsæll en tekst samt aldrei að afla sér vinsælda eða fylgis í því sem hann gerir. Svipaður karakter og Ástþór.

Æ-Æ - má kannski ekki segja svona á opinberum vettvangi?

[Svavar Bjarnason (IP-tala skráð) 23.3.2011 kl. 22:18]

Alveg einstaklega málefnalegt!

[Sigurður Haraldsson, 23.3.2011 kl. 23:52]

Landráða fólki fer fjölgandi hjá okkur vegna flokksræðisins og spillingar!

[Ómar Geirsson, 24.3.2011 kl. 00:14]

Það er rétt Svavar, þetta er alltof jákvæður pistill um Árna greyið.  Að styðja fjárkúgun er glæpur, en það er ólýsanlegt fyrir mann með hans bakgrunn, að ganga svona erinda valdastéttarinnar.  Hann hefði átt að finna peningafýluna sem lagði af listanum.

Og þegar helstu rök íslenskra stuðningsmana bresku fjárkúgunarinnar eru þau að annars fáum við ekki lán til að virkja hverja sprænu og hvern hver á næstu árum, þá er afstaða Árna með öllu óskiljanleg.

Þetta hlýtur eiginlega að vera annar Árni, en Náttúrárni.

Hlýtur eiginlega að vera, eða þá að þetta er snemmbúið 1. apríl gabb til að plata náttúrusinna.

ICEsave og náttúran kemur álíka vel saman og svöngum ketti með mús, lokaða inn i búri kattarins.

En þessi listi er hvort sem er djók.  Það skrifar enginn upp á opinbera stuðning við fjárkúgun.

Það varðar við lög.

Kveðja að austan.

[Ómar Geirsson, 24.3.2011 kl. 00:17]

Takk fyrir innlitið Sigurður og Dagný,.

Þetta er aðeins aumkunarvert peningafólk sem ætlar öðrum að borga þessa fjárkúgun.  Bretar mega þó eiga það að þeir fara yfir hálft Atlantshafið með kúgun sína, en þetta lið vill ræna vasa nágranna sinna.

Líklegast er ég að misnota orðið aumkunarverður þegar ég lýsi framferði þess.

En ég er jákvæður í dag, læt það duga.

Kveðja að austan.

[Magnús Sigurðsson, 24.3.2011 kl. 07:21]

þetta hrunalið vill tryggja Bretum og Hollendingum aðgang að afkomu Íslendinga næsta áratuginn án þess að lögmætið verði skoðað fyrir dómstólum.  Því hvetur það ekki frekar til frjálsra framlaga frekar en landráða og fjárkúgunar?

[Ómar Geirsson, 24.3.2011 kl. 08:15]

Já Magnús, það er eitthvað svo ömurlegt við fólk sem styður rán og rupl.  Sérstaklega er hlutur ICESave mæðranna átakanlegur, að svínbeygja svona réttindi barna sinna fyrir einhverja trú. 

"Komdu vinur, það er miklu betri framtíð fyrir þig að vera skuldaþræll en frjáls maður, og þeir ætla leyfa þér að þræla fyrir Evrópusambandið."

Það er ótrúlegt að fullorðið fólk skuli ekki vita hvernig réttarkerfið virkar.

Kveðja að austan.

[Mister Ice-Slave speaks: (IP-tala skráð) 24.3.2011 kl. 08:36]

Ef að við ekki þóknumst kúgurum mannkyns,

Bretum með sína blóðudrifnu slóð, svo hálfur þriðji heimurinn situr eftir í sárum og Hollendingum með sína löngu sögu af kúgun fátækra þjóða, og svo kannski France komi inn í málið og við getum farið að borga þeim líka eins og Haiti sem er ónýtt land út af skuldum við Frakka...þá er hætta á því, að við fáum ekki að verða þegnar Fjórða Ríkisins, og taka við skipunum frá Stór-Þýskalandi, verðandi Germanistan. Við munum ekki fá að fara í blindri hlýðni eftir þúsundum röklausra boða og banna, reglna og reglugerðarbálka. Það er sorglegt. Við fáum aldrei að marsa í takt við hina í heimsku og hræsni. Það er hræðilegt. Og þegar reikningsskil þessara skuldugu þjóða, sem skulda þriðja heiminum sitt fyrir aldalanga kúgun þeirra, koma, og þegar reiði Trójuhestsins sem dvelur í þeirra eigin landi bitnar á þeim, þá munum við ekki heldur þurfa að kenna á reiðinni, því við verðum ekki talin með þjófsnautum þeirra sem arðrændu heiminn. Það er sorglegast alls. Við fáum þá aldrei að sitja og drekka rauðvín, og ímynda okkur við séum eftir allt saman Frakkar. Aldrei fáum við að lesa slúðurblöð og ímynda okkur Elísabet sé okkar drottning. Þetta er sorglegt. Við munum þurfa að gangast við laufabrauðum og pönnukökum. Við munum þurfa að horfast í augu við spegilinn. Við munum þurfa að vita hver við erum, sem við sjálf, og í samhengi hins stóra, stóra heims, sem nær óendanlega langt út fyrir endimörk snobbs hinna grunnhyggnu. Við munum þurfa að fara að hugsa um Afríku, um Indland, um Japan. Þvílíkt hlutskipti! Nei! Lokum okkur frekar inni með deyjandi Old Europe og gamla hrynjandi heimsskipulaginu! Hendum svo lyklinum og deyjum í blekkingu og fáum aldrei að vita hver við erum! Það er svo gaman!

[Erna (IP-tala skráð) 24.3.2011 kl. 08:39]

Ertu komin með grafskrift á legstein þarna fyrir manninn, Ómar? Já, það hlýtur að vera þægilegt fyrir þetta fólk að sofna á nóttunni með góða samvisku, búið að styðja kúgara heimsins með ráði og dáði og leggja sitt lóð á vogarskálar óréttlætisins.

[Ómar Geirsson, 24.3.2011 kl. 08:54]

Ertu ekki fullfljótur á þér Herra Ísþræll sem talar.  Ennþá hefur þessu liði ekki tekist að koma skuldaklafanum á þjóð sína, og ekki vilja þau sjálf taka að sér að borga.

Óþarfi að gráta fyrr en skuldahlekkirnir glamra.

Erna, nei það hef ég reyndar ekki, er lítið fyrir að jarða fólk.

En samviska þess mun veita því tiltal, því þó peningar nái um stund að svæfa samviskuna, þá er hún þarna, og verður ekki kæfð til lengdar.  Til dæmis þegar blessað barnið spyr ömmu sína, "amma af hverju vildir þú ræna framtíð minni, eða amma, af hverju vildir þú að skólum yrði lokað svo hægt væri að borga glæpinn þarna um árið, eða amma, afhverju studdir þú fjárkúgun eða amma ........".

Spurningin er því hvernig þetta fólk velur sína eigin grafskrift???

"Ég hef syndgað gegn ykkur, fyrirgefið mér"?????

En aumt er aumingjalið sem vill að aðrir borgi skuldir enn annarra svo það geti látið eins og Hrunið mikla hafi engar afleiðingar haft fyrir það og þeirra lífsstíl.

Ég eiginlega vorkenni þeim.

Kveðja að austan.

[Helgi Rúnar Jónsson (IP-tala skráð) 24.3.2011 kl. 09:13]

Ómar,

finnst þér þetta vera málefnaleg kosningabarátta..??..að níða fólk sem leggur nafn sitt við lista stuðnings fólks við Icesave..?. Ég hélt einmitt að nei sinnar hafi lagt á það ofuráherslu að þessi kosningabarátta yrði málefnaleg og að öll sjónarmið fengju að njóta sín til að fólk gæti takið óháða og málefnalega afstöðu. Þess í stað virðist að þið nei sinnar leggi á það ofuráherslu að níða alla þá sem leggja nafn sitt við já við Icesave, kalli þá öllum illum nöfnum eins og þjóðníðinga, glæpamenn, ræningja, aumkunarverðir aumingjar og landráðafólk...ég spyr...er þetta sú "málefnalega" umræða sem við  viljum hafa í kringum þetta mál...???

[Ómar Geirsson, 24.3.2011 kl. 09:27]

Blessaður Helgi, sjálfsagt ef þetta væri kosningabarátta, eða að það væri að kjósa um mál eða málefni, þá ætti þetta innslag þitt vissulega fullan rétt á sér.

En það er verið að kjósa um glæp, og fámenn valdaklíka, studd af peningaöflum, er að koma gífurlegri fjákrúgun á saklaust fólk, með blekkingum, lygum, hræðsluáróðri.  Og ef það tekst, þá er úti um þjóð okkar.

Hvernig bregst maður við því Helgi??? 

Þegar Stalín reyndi að fjárkúga Finna með skriðdrekum, þá fundu  Finnar upp á Molatov kokkteilnum.

Þegar bretar reyndu að fjárkúga Íslendinga með efnahagsþvingunum, þá buðu stjórnvöld þá velkomna, greiddu götur þeirra og veittu þeim alla þá aðstoð sem þeir þurftu til að ná fram markmiðum sínum.  En forsetinn fann þá upp þjóðaratkvæðið, sem vörn þjóðarinnar.

Vörn gegn glæp og ránsskap, og þeir sem það styðja, eru glæpamenn og ræningjar, segja lögin sem voru samin löngu áður en ég lærði að kveikja á tölvu.  Svíði mönnum þessi orð, þá verða þeir að breyta lögunum, ekki argast í þeim sem vitna í hvað lögin kalla þetta atferli.

Norðmen sem voru líka fjárkúgaðir af einhverju nágrannastórveldi, fundu hvorki upp á Molatov kokteilum eða þjóðaratkvæði, þeir vörðu sig með orðinu, fundu upp á orðinu kvislingur, sem var mikið skammaryrði þar í landi á meðan fjárkúgunin stóð yfir.

Svo ert þú Helgi að væla yfir því að ég er aumingjagóður, og vorkenni aumkunarverðu fólki.

Þér væri nær að skamma mig fyrir hógværðina.

Kveðja að austan. 

[Helgi Rúnar Jónsson (IP-tala skráð) 24.3.2011 kl. 10:20]

Hvernig er það Ómar, ná ekki útvarps og sjónvarpssendingar til ykkar þarna fyrir norðan...??....fylgistu ekki með fréttum..??...það var nefnilega ákveðið í febrúar 2009 af ríkisstjórn Geirs H. Haarde að ganga til samninga við Breta og Hollendinga frekar en að fara dómsmálaleiðina í þessi icesave máli, með öðrum orðum, ÞAÐ ER BÚIÐ AÐ SAMÞYKKJA ÞESSAR KRÖFUR BRETA OG HOLLENDINGA, kosningarnar snúast ekki um að borga eða borga ekki, þær snúast um tiltekin samning og það er sem betur fer fullt af fólki í þessu landi sem er það skinsamt að það vill halda áfram lífinu og samþykkja þennan samning sem allir málsmetandi menn eru sammála um að eru góðir.

Hver er þá glæpurinn Ómar...?? liggur hann þá ekki hjá ríkisstjórn Geirs H. Haarde...??..hvernig geturðu haldið því fram að þeir sem ætla að segja já við þessum samningi séu glæpamenn og ræningjar þegar þeir ætla að segja já við samningi sem náðist vegna þess að það var ákveðið að ganga til samninga við Breta og Hollendinga...??

[Guðmundur Pétursson, 24.3.2011 kl. 11:23]

Nei er svarið. Þessi vesæli hræðsluáráður sem haldið er uppi af mörgum, er bara ekki alveg að virka.

[Kristján Hilmarsson, 24.3.2011 kl. 12:06]

Helgi Rúnar !

Hver samþykkti glæpinn og hvenær og hvernig, er allt önnur umræða, og það er gott að sjá að þú ert sammála um að þetta sé glæpur og beri að meðhöndlast sem slíkur.

Stoppa feril glæpsins eins og skot, (segja nei) og láta reyna á hvert umfang og hver stærð hans er fyrir dómi, síðan má byrja að finna út hverjir séu stærstu "glæpamennirnir", hverjir voru upphafsmennirnir og hverjir héldu áfram að fremja glæpinn eftir að ljóst var að þetta var og er glæpur og í framhaldi af því refsa þeim sem refsa ber.

Semsagt slökkva eldinn fyrst, svo má reyna finna út hver kveikti í.

Og gera allt þetta með "flokksgleraugun" vel geymd niður í skúffu, "gleraugu" réttlætisins henta betur hér.

MBKV

KH

[Ómar Geirsson, 24.3.2011 kl. 14:10]

Helgi, þann 22. júní 1940 undirrituðu löglega kjörin stjórnvöld Frakklands samning við löglega kjörin stjórnvöld Þýskalands þar sem meðal annars var ákvæði um að héruðin Elsass og Lothringen yrðu eftirleiðis þýsk héruð.  Síðast þegar ég leit á landakort þá voru þau frönsk.  Þú þarft að finna kort sem var gert á árunum 1941-1945 til að finna þau merkt Þýskalandi.

Samt var þetta löglegur samningur, hvað veldur???

Jú, það lá þvingun að baki, þess vegna er samningur sem þú undirritar undir þvingun, hvort sem þú ert einstaklingur, fyrirtæki eða stjórnvald, einskis virði þegar þvinguninni er aflétt.  Það er ein skýring þess að fjárkúgarar fara ekki með mál sín fyrir dóm.

Þetta er svona almennt sem hver fullorðin maður ætti að vita.

Þar fyrir utan má benda þér á tvennt.

Þó ríkisstjórn Geir Harde hafið ákveðið að semja, jafnvel þó engin þvingun lægi þar að baki, þá skuldbindur hún ekki þjóðina í málinu, en hugsanlega þarf hún að segja af sér ef hún hefði samið og ekki fengið samninginn staðfestan.  Þar fyrir utan þá hefur Ingibjörg staðfest að enginn óbrjálaður maður hafi talað um samning á þeim forsendum sem Svavar kom með heim, og það er til skriflegt, það er hvað óbrjálaða fólkið ætlaði sér.

Hitt atriðið er að samningur sem er ólöglegur að efni og innihaldi, að hann löghelgast ekki þó einhver ríkisstjórn hafi ákveðið að semja.  Þetta er svona annað atriði sem hver fullorðin maður ætti að vita, og í raun ekki hægt að skilja að fólk skuli hafa kosningarétt en ekki skilja einföldustu reglur réttarríkisins.

Segjum til dæmis að við Nei menn myndum taka yfir stjórn landsins í kjölfar rassskellingarinnar sem ríkisstjórnin mun verða fyrir þann níunda, þá gætum við ekki til dæmis samið við Færeyinga að hörðustu Já mennirnir myndu manna fiskvinnsluna hjá þeim, naktir, næstu 10 árin, af þeim forspurðum.  Af hverju?, þar með værum við að taka okkur vald sem við höfum ekki samkvæmt lögum landsins, stjórnarskrá og þeim mannréttindasáttmálum sem við höfum skuldbundið okkur til að virða.

Eins er það með fjárkúgun, hún verður ekki lögleg þó fórnarlambið semji, í raun er bannað að semja við kúgarar, hvort sem það eru mannræningjar eða þeir sem sprauta eitri í matvæli.

Ég vona það þín vegna Helgi að þú sért það ungur að þú hafir ekki kosningarétt.  Þú hefur þá nægan tíma til læra hvernig lýðræði virkar í réttarríkjum.

Þú staðfestir þann grun minn að fáfræði útskýrir stuðning hinna auðtrúuðu við fjárkúgun og glæp.  Og það er ljótur leikur hjá valdaklíku auðmannanna að misnota svo hrekkleysi fólks.

Cheer up, leiðin getur aðeins legið upp á við.

Kveðja að austan.

Ps, ég fattaði forsendur þínar um fáfræðina þegar ég sá að þú ræður ekki við áttirnar, þær eru jú fjórar og alveg hægt að ruglast á þeim, sérstaklega í þoku, það vitum við Austfirðingar manna best.

Kveðja að austan.