Það var aðeins skipt um kennitölu á græðgisvæðingunni.

 

Fyrir Hrun var hún í boði hægri manna, núna drífa vinstri flokkarnir hana áfram.

Og núna ætla græðgiöflin að læra af reynslunni, þau voru næstum búin að missa völdin í umrótinu eftir Hrunið haustið 2008, þegar almenningur barði potta og pönnur.  

Þá komu VinstriGrænir þeim til bjargar.

 

Geirneglt var að hinir föllnu bankamenn stjórnuðu endurreisn efnahagslífsins með því að gera þá einráða um leikreglur og vinnubrögð.

Geirneglt var að almenningur ynni hörðum höndum næstu áratugina fyrir Hrunskuldum auðmanna.

Geirneglt var að skattpeningur þjóðarinnar yrði notaður til að greiða bröskurum með skammtíma gjaldeyrislánunum sem kennd er við AGS.

Og ICEsave átti að binda endapunktinn á gjaldþrot þjóðarinnar.

 

Og þá kom áramótaskaupið 2009  og Ólafur forseti var ekki lengur með.  ICEsave var fellt, og er ennþá óklárað verk valdelítunnar áður en hún getur sagst hafa fulla stjórn á þjóðinni.

Eins frestaði ICEsave deilan uppgjörinu við skuldsett heimili og skuldsett fyrirtæki, á meðan það á eftir að kjósa um ICEsave, þá er fjöldagjaldþrot ekki leyfð.  Hefur eitthvað með lýðræðið að gera, almenningur má ekki kjósa vitlaust.

En svo, en svo fer skriðan af stað.

 

Heimili og fyrirtæki verða gerð upp í stórum stíl.

Sjúkrahúsum og skólum lokað.

Landsvirkjun sett í pant fyrir AGS lánið.

Almannaþjónusta einkavædd.

 

Mikið mikið gaman hefði Laddi sungið fyrir munn fjárfesta og peningaafla.

Og almenningur gerir ekkert, því bylting græðginnar notar kennitölur vinstrimanna og verkalýðshreyfingarinnar. 

Sannar hið fornkveðna, að ef þú vilt almenning illt, fáðu þá vinstrimenn í verkið.

Sagan margsannar að þeir eru langhæfastir í fólskuverkin.

 

Og árið í ár og næsta mun sanna það á Íslandi.  

Því í árslok 2012 verður gamla Ísland dáið, án þess að lögreglan hafi þurft að tæma einn einasta táragasbrúsa.

Og þar með lauk sjóferðinni sem hófst 1944.

Það er ef ICEsave samningurinn verður samþykktur í komandi þjóðaratkvæði.

 

Sú atkvæðagreiðsla er síðasta von þjóðarinnar að endurheimta land sitt og mið.   Hún sker úr um hvort þjóðin er sátt við græðgisvæðinguna, sátt við auðránið, sátt við skuldaþrældóminn.

Þann 9. apríl 2011 verður greitt atkvæði um sjálfa framtíð barna okkar.  Og skoðanakannanir sýna að þrælasalarnir hafa hrætt nógu marga til að segja já við endalok þess þjóðfélag sem gaf okkur menntun, heilsugæslu, öryggisnet auk jöfnuðar og frelsis.

Var það mistök hjá þrælapískurum Suðurríkjanna að meina þrælum sínum að greiða atkvæði í almennum kosningum.  Var þrælslundin eitthvað minni hjá þeim en þeim hluta íslensks almennings sem tekur framtíð flokka sinna fram yfir framtíð barna sinna????

Eða var ekkert ríkisútvarp sem menn gátu nýtt í sína þágu til að hræða menn undir ok svipunnar???

 

Já, 9. apríl 2011 er stór dagur, dagurinn sem annaðhvort markaði upphaf hins Nýja Íslands, eða dagurinn sem þjóðin ákvað að jarða sitt gamla þjóðfélag og ganga sjálfviljug undir skuldaok auðræningjanna.

Hvort verður er ekki gott að spá.  En ég las það í annarri frétt að kirkjan fær leiguþý auðræningjanna til að svívirða sjálfan Hallgrím í tilefni páskanna.  

Minnir dálítið á atriði úr myndinni Cobra Verde þegar presturinn henti vígðu vatni á þrælareksturinn, þar með lauk samúð hins geistlega valds með fórnarlömbum illskunnar.  Kirkjan á Íslandi bætir um betur, hún hæðir fórnarlömb Hrunsins, sveltandi öryrkja, einstæðar mæður með því að láta Hrunverjana lesa þeim hungurpistilinn.

"Sæll er sveltandi skuldaþræll því hann fær að vinna fyrir ICEsave og AGS." 

 

Já, 9. apríll 2011 er stór dagur, tekst okkur að losa okkur við auðræningjanna, tekst okkur að hreinsa musterin af þeim sem seldu okkur, ekki fyrir sálu sína, heldur fyrir buddu sína.

Tekst okkur að hreins út sorann af Alþingi, losa okkur við fólkið sem vinnur fyrir erlenda fjárkúgara, fólkið sem átti aðeins 2 milljarða í aðstoð handa skuldugum heimilum en taldi sig fara létt með að láta almannasjóði borga 160 milljarða í vexti græðginnar.  Fólkið sem bauð fórnarlömbum verð og gengistryggingar upp á skuldafangelsi eins og mannúð og mennska hefði ekkert þróast frá myrkum tímum misréttis 19. aldar.

Losnum við mannaumingjanna sem vilja selja börn samlanda sinna í fátækt og örbirgð skuldanna.  Mannaumingjanna sem lætur fólk svelta í þessu landi alsnægta þar sem fiskur syndir í sjónum og kjötið bítur gras og ylurinn knýr gróðurhúsin.  

Losnum við það lægsta af því lægsta, fólkið sem sveik hugsjónir sínar og lífsskoðanir fyrir 30 silfurpeninga.

 

Já, 9. apríl 2011 er dagurinn sem forsetinn gaf okkur til að endurheimta landið okkar úr höndum ræningja.,

Nýtum þann dag, jörðum sjálftökuna, jörðum auðránið, jörðum braskið.

Segjum Nei við ICEsave.

Og hefjum svo gönguna saman inn í framtíðina.

 

Og skilum börnum okkar þjóðfélagi sem við getum öll verið stolt af.

Kveðja að austan.

 

 

Segir að stöðva þurfi græðgisvæðinguna

Athugasemdir

[Ransý (IP-tala skráð) 8.3.2011 kl. 01:56]

þakka þer Ómar  ,eg vona að sem flestir lesi þennann sanna og góða pistil þinn .Eg græt af ótta við það sem koma skal eða getur orðið ef Icesave verður samþykkt .Þó eg voni ekki En engin veit hvað yfir okkur yrði  kallað ef það gerðist Og er fólk búið að hugsa það til enda Að Island liði undir lok ,þvi það mun gerast ef Icesave verður samþykkt !  ÞÁ VERÐUR EKKERT ISLAND !!! og það þyðir ekki fyrir neinn að halda að hann losi sig við eitthvert Icesave bull með þvi að samþykkja !      Aldeilis ekki , ÞVI þá fyrst hefst baráttan ....

[Magnús Ágústsson, 8.3.2011 kl. 04:08]

Ef svo illa fer ad Islendigar samthykki samningin er tha ekki haegt ad kaera thetta sem brot a stjornarskra?

eg tharf ad fynna hvar eg get kosid NEI herna i Philippine 

[Ómar Geirsson, 8.3.2011 kl. 07:03]

Blessuð ransý, lesturinn kemur því þetta er aðeins upphitun fyrir þann flöt sem ég ætla að skrifa um.  Og þegar ástandið hitnar þegar líður á mars, og í byrjun apríl, þá mun hvessan taka yfir umræðuna.  

En það er rétt, ef ICEsave verður samþykkt, þá fyrst hefst stríðið, þá er ljóst að Ísland er Leppland þar sem lygar og blekkingar, auk hótana eru stjórntækin.

Magnús, er það ekki sendiráðið???  Og jú, þetta verður kært, og það verður látið sverfa til stáls.

Kveðja að austan.

[Magnús Ágústsson, 8.3.2011 kl. 10:02]

Gott ad hafa svona menn eins og thig ad standa vaktina

vid hofum ekkert sendirad herna eins og blessadir uppgjafar politikusar hava verid duglegir ad opna sendirad

thad er raedismadur herna en hef itrekad sent honum\henni Mail en engin svor  

[Ómar Geirsson, 8.3.2011 kl. 11:07]

Blessaður Magnús.

Utankjörsstaðaatkvæðagreiðslan hefst 16 mars voru þeir að tilkynna í gær.

Er það ekki þannig annars að í þeim löndum þar sem ekki er sendiráð, að þar fer eitthvað Norðurlandasendiráðið með umboðið.  Þá á ég við að menn leita þangað með mál ef eitthvað kemur upp á.  Spurning hvort þeir hafi ekki líka umsjón með utankjörsatkvæðagreiðslu.  En þeir hjá utanríkisráðuneytinu vita það, og þeir svara tölvupósti, segðu þeim bara að þú ætlir að segja Já, og þeir senda DHL á eftir atkvæði þínu.

Kveðja að austan.