Hvað er eiginlega að henni Lilju???

 

Er hún líka farin að trúa Moggalyginni???

ICEsave bagginn: FELLUR Á RÍKISSJÓÐ, fyrir neðan, "32 milljarðar í stað 47 milljarða.

Heimild Fréttastofa sjónvarps, mjög hlutlaus fréttamiðill.  Mjög.

 

Hvað þarf að ræða málið frekar, núna þarf að drífa í að gera þjóðarsáttina.  Við ICEsave vantrúarhundar, við samþykkjum að ríkið greið bretum eingreiðslu uppá 32 milljarða, hinir trúuðu gangast í sjálfsábyrgð fyrir því sem hugsanlega gæti fallið umfram, til dæmis ef gengistuð Lilju gengur eftir.

Sjá nánar um þessa hugmynd á þessum link.

http://omargeirsson.blog.is/blog/omargeirsson/entry/1147332/

 

Vissulega er ég einn af þeim sem vill ekki greiða glæpamönnum krónu, hvort sem þeir eru í Hell Angels eða bresku ríkisstjórninni, en samt má eitthvað leggja á sig fyrir friðinn.  

Að greiða 32 milljarða er í raun lítið gjald til að losna við ICEsave fréttaflutning hlutlausra fjölmiðla þjóðarinnar.  Einnig verður að taka tillit til að auðmenn lögðust svo lágt að fá Spaugstofuna til að gera reglulega sketsa um okkur vantrúarhundanna, og það er ekkert gaman að láta hlæja að sér daginn út og daginn inn.

Og stuðningsmenn ICEsave trúa því í fyllstu einlægni að ICEsave komi út í gróða, þannig að ekki stendur á þeim að skrifa upp á ábyrgðina.

Bretarnir vita líka eins og er að það eina sem þeir hafa upp úr dómsmáli, er þungar sektir vegna tilraunar til fjárkúgunar.  Eins er öruggt að ef Íslendingar kæra fjárkúgunina til bresku lögreglunnar, þá munu helstu ráðamenn þeirra þurfa að moka mó á Dartmor heiði næstu árin.  

Að fá 32 milljarða og sjálfskuldarábyrgð alþingismanna, framkvæmdarstjóra, verkalýðsfrömuða auk frá tugþúsundum sanntrúaðra ICEsave sinna út í þjóðfélaginu, er sá besti díll sem þeir gætu ekki einu sinni látið sig dreyma um.  Það er sáttin yrði betri en niðurstaðan úr þeirra villtustu draumum (sem var að losna við ákæru).

 

Eftir stendur að skynsamt fólk á Alþingi, í fjölmiðlum og í Háskóla Íslands, deildinni hans Þórólfs Matt, að það beiti sér fyrir þessari sátt.  Ef vel tekst til þá væri hægt að blása af þjóðaratkvæðagreiðsluna og stjórnvöld gætu loksins farið að stjórna landinu á þann hátt að ég komist í sumarfrí á jeppatröllinu mínu með skuldahalann í eftirdragi.

Kjörorðið er; Burt með ICEsave, inn með dísel.

Og drífið nú í þessu einu sinni.

 

Áður en þið tapið enn einu sinni, 98-2.

Kveðja að austan.

 

 

 

 

Kynning á Icesave ekki nógu hlutlæg

Athugasemdir

[Bjarki Ívarsson (IP-tala skráð) 3.3.2011 kl. 20:19]

Mér sýnist reyndar Lilja vera að segja að kynning samninganefndarinnar sé ótrúverðug og fjalli ekki nægilega vel um þær áhættur sem gengisbreytingar hafa í för með sér, samþykkjum við þennan samning.

[Sólveig (IP-tala skráð) 3.3.2011 kl. 20:29]

Hún hlýtur að vera að tala um umfjöllun Moggans.

[Gunnar Th. Gunnarsson, 4.3.2011 kl. 00:45]

Samninganefndin vill ekki taka afstöðu til þess hvað þjóðin kýs. Þeir voru bara ráðnir í vinnu við að ná sem hagstæðustu samningunum og þeim tókst það ágætlega.

En auðvitað eigum við að fella þetta í þjóðaratkvæðagreiðslunni. Ég þoli ekki hótanir ríkisstjórnarinnar.

[Jóna Kolbrún Garðarsdóttir, 4.3.2011 kl. 00:54]

"Þegar talað er um Icesave þessa dagana er sífellt talað um einhverja tugi milljarða. 34 milljarða hér eða 65 milljarða þar.

Einhverjir virðast viljandi gleyma því að raunverulegu tölurnar eru 1234 milljarðar hér eða 1265 milljarðar þar.

Eða það skilst leikmanninum mér. "  Fengið að láni frá Don Hrannar de Breiðholt....

[Ómar Geirsson, 4.3.2011 kl. 08:37]

Takk fyrir innlitið kæra fólk.

Sitt sýnist hverjum en enginn er tilbúinn að standa við skoðun sína.

ICEsave væri ekki deila ef þeir sem trúa samninganefndinni, myndu gangast í sjálfsskuldarábyrgð fyrir því sem er umfram 32 milljarða.  Þá eru þeir svo alltí einu  hræddir við óvissuna, en ekki þegar náunginn, sá sem stendur höllum fæti á að borga.

Segir allt sem segja þarf um málatilbúnað þeirra sem skríða fyrir fjárkúgurum og öðru glæpahyski.

Kveðja að austan.

[Glaði (IP-tala skráð) 5.3.2011 kl. 02:39]

Eitthvað má leggja á sig fyrir friðinn? Sagði fávitinn sem fór svo bara og kaus yfir sig Hitler.

"Þeir sem eru tilbúnir til að fórna hluta af nauðsynlegu frelsi sínu fyrir ímyndað tímabundið öryggi...............................eiga hvorugt skilið....................og munu glata bæði frelsi sínu og öryggi" sagði mikil frelsishetja og forseti Bandaríkjanna á sínum tíma...og bauð Euro-hyskinu byrginn!

[Ómar Geirsson, 5.3.2011 kl. 09:24]

Blessaður Glaði,

Hvað sýra er í þér, sérðu ekki fram fyrir tærnar á þér???

Það hefði ekki orðið stríð ef Hitler og hans hirð hefðu mannað skriðdrekana. Tillaga að sátt, sem lætur þann sem vill í ófrið, fara sjálfan en ekki senda saklaust fólk fyrir sig, eða sem lætur þá taka áhættuna, sem segja hana enga, hún leysir allar svona deilur.

Viljinn til verka er alltaf fyrir hönd annarra.

Kveðja að austan.