Af hverju ætti Alþingi að kjósa þessa 25 einstaklinga í stjórnarskrárnefnd???

 

Sökum almennrar þekkingu og reynslu á viðfangsefninu????  

Varla, þetta er örugglega ágætisfólk, sumt meira að segja velútlýtandi, og þekkt, en hvað veit það um stjórnarskrár, svona almennt????

Að ég spyrji, endurspeglar það viðhorf þjóðarinnar, eða er þverskurður af henni????

Varla, þetta er að mestu fjölmiðlafígúrur og 101 lið, fæst migið í saltan sjóð eða sáð kartöflum.

 

Í raun er aðeins ein manneskja þarna sem er treystandi fyrir verkinu, vegna ástar sinnar á þjóð og landi, og það er nafni minn Ragnarsson.

Ef hann yrði settur í verkið, þá fengi þjóðin góða stjórnarskrá eftir svona 5 ár, það tekur alltaf tíma að kynna sér hin ólíku sjónarmið, og ná sátt um þau.  En hann er hæfur, hefur einstaka samskiptahæfileika og næmni sem ætti að duga.  Ef honum tekst það ekki, þá tekst engum það.

 

Menn virðast nefnilega halda að hægt sé að keyra á stjórnarskrárbreytingar gegn skoðunum og vilja allavega helmings þjóðarinnar eins og landið lúti fámennisstjórn.  En það er mikill misskilningur, galdurinn felst í að finna fleti, finna nýja hugsun, að finna eitthvað sem allir geta samsamað sig við.

Og með fullri virðingu fyrir stjórnlagaþinginu, þá gera þingfulltrúar þar sér allflestir enga grein fyrir þessum grunnsannindum.  Þeir tala um hvað þeir vilja, ekki hvað þjóðin vill, eða ekki hvað hægt sé að ná sátt um.

Þess vegna var það þeirra gæfa að Hæstiréttur dæmdi þá úr leik, því hugmyndin var alltaf andvana fædd.

Það sem stofnað er til með ófriði, nær aldrei til að sameina.

Spyrjið bara rússnesku þjóðina og reynslu hennar af sæluríki kommúnista.

 

En þessir menn voru kosnir af þjóðinni myndi þá einhver segja.  Og gera sig að algjöru fífli því aðeins nokkur hundruð atkvæði eru að baki lungans af hópnum, sá atkvæðahæsti fékk færri atkvæði en frambjóðandi í prófkjöri í meðalbæjarfélagi með íþróttafélag á bak við sig.

Þjóðin kaus ekki þetta fólk, það er rugl að halda öðru fram.

 

En þetta fólk var kosið í almennum kosningum, ekki því að kenna að atkvæði dreifðust svona.  

Sem er vissulega rétt, en almennar kosningar þurfa að vera lögmætar, til að niðurstaða þeirra sé lögmæt.

Og svo var ekki.

 

Hvað sem veldur, þá næst aldrei sátt um eitt eða neitt, á meðan vinnubrögð er öll fyrir aftan rassgatið.  Hvort sem það er út af fordómum út í rassgöt, eða annað, þá er það bara svoleiðis.

Þjóðin þarf ekki nýjan skrípaleik.

 

Nógu margir eru leiknir nú þegar.

Kveðja að austan.

 

 

 

 

Ekki fráleitt að skipa þingið

Athugasemdir

[Haraldur Haraldsson, 30.1.2011 kl. 21:23]

mikið er maður þér sammála 'Omar/Kveðja

[Jóna Kolbrún Garðarsdóttir, 31.1.2011 kl. 01:54]

Heyr, heyr....

[Ómar Geirsson, 31.1.2011 kl. 08:16]

Takk fyrir innlitið kæra fólk.

Í alvöru vil ég meina að farsælast sé að fá mann með stórt hjarta, og mikið brjóstvit til að ná sátt í þessu máli, til að koma saman hugmyndum, og skapa frjóa umræðu.

Ekki fræðimann, heldur mannvin, og þjóðarvin.

Aðeins þannig er von um nýja stjórnarskrá, sú sem við höfum er örugglega ágæt, en barn síns tíma.

Og það vantar algjörlega inn í hana skýr ákvæði um að drullusokkar megi aldrei, ekki undir neinu kringumstæðum, veðsetja börnin okkar, hvorki innlendum eða erlendum burgeisum.

Og þjóðin á auðvita landið og gæði þess.

Í nútímanaum deilir enginn um slíkt, nema þeir sem hafa hagsmuni af öðrum.  Og ný stjórnarskrá er meitluð um vilja þjóðarinnar, ekki hömruð á stál hagsmuna.

Aðeins þannig mun hún standast tímans tönn.

Kveðja að austan.