Wikilekur afhjúpar viðurstyggilegt innræti breskra stjórnvalda.

 

Og algjöran aumingjaskap íslenskra stjórnvalda.

Hvaða fólk stjórnaði eiginlega landinu haustið 2008????

Eina sambærilega dæmið um hryðjuverkaárás breta síðustu ár er árás Osama hreyfingarinnar á Bandaríkin.  

Eitthvað sem Bandaríkjamenn létu ekki bjóða sér, hvað þá að þeir sömdu við ódæðismennina.

 

En íslenskir ráðamenn settu nýtt met í gunguskap, þeir gerðu hryðjuverkamönnunum gagntilboð, gagntilboð sem fól í sér skuldaþrældóm þjóðar þeirra.

Smánin er algjör, allir sem nærri komu eru með flekað mannorð.  Lyddur, gungur, er það jákvæðasta sem hægt er að segja, þjóðníðingar, illmenni lýsa aftur þeim sem studdu bresku svívirðuna.

 

En þjóðin varðist, og verst enn.

Illvirki breta gengu ekki eftir, og í dag er vígstaða þeirra engin, þeirra eigin fjölmiðlar viðurkenna lögleysuna, ESB hefur kveðið á að um fjárkúgun hafi verið að ræða.

 

Þeirra eina von er stuðningur innlendra kvislinga og landráðafólks, ásamt stórum hópi gunga sem segja, "verður ekki að klára málið, að semja!!!".  Gungurnar sjá ekki að það er einmitt síðustu forvöð að semja við breta, áður en þeir gefast endanlega upp.

Áður en þeir verða dregnir fyrir dóm og ákærðir líkt og gert er við aðra hryðjuverkamenn, fjárkúgara, glæpamenn.

Að semja við þá í dag, er eins og að alþjóðasamfélagið hefði gefið Serbum sjálfdæmi eftir að her þeirra var sprengdur í loft upp í Kosovo.  Auðvita var það ekki gert, heldur var helstu morðingjar þeirra sendir í járnum til Haag, þar sem réttað var í málum þeirra.

Þeir voru ekki svo heppnir að íslenskar gungur mættu í fjölmiðla, og sögðu "Verður ekki að klára málið, að semja!!!!!". 

 

Við skulum muna að landráðafólk í ríkisstjórn Íslands, að það ræður engu, það hefur ekki afl til neins.  En ef gungur landsins, sérstaklega í Sjálfstæðisflokknum, mynda með þeim vanheilagt bandalag, þá fá þeir afl til að selja þjóð sína.

En gungur hafa aldrei neitt afl, þær ráða því aðeins ef fólk er sátt við gunguskap þeirra.

 

Í dag, og næstu daga verður úr því skorið, við vitum að vitgrannir fjölmiðlamenn, ásamt mútufé ESB, vill selja þjóðina, en það er okkar að segja Nei.

Það er okkar að hrekja þetta lið aftur inn í skúmaskot sín.  Það er okkar að gera það upp við okkur hvort við erum menn eða mýs.

 

Maður semur ekki við fjárkúgara, maður dregur þá fyrir dóm.

Fjárkúgun þrífst því aðeins ef gungur ráða för.

 

Látum þetta ekki vara ár gungunnar, líkt og árið 2008.

Hefjum þjóð okkar aftur til vegs og virðingar.  

Segjum Nei við ICEsave. 

 

Og setjum auðræningja á bak við lás og slá.

Kveðja að austan. 

 

 

Buðu 13,5% Icesave-vexti

Athugasemdir

[Sveinn Úlfarsson (IP-tala skráð) 13.1.2011 kl. 17:12]

Og þar blés hann sögðu hvalveiðimenn í gamla daga, skil reyndar mætavel reiði þína og tek undir að það að gera þessum kúgurum gagntilboð er í sjálfu sér svik við land og þjóð.

Hitt er aftur á móti annað hvort orð einhvers starfsmanns í utanríkisráðuneytinu á þeim tíma endursögð af starfsmanni bandaríska sendiráðsins og birt á Wikilekandanum séu nógu góð heimild um að ríkisstjórn Íslands hafi ætlað að bjóða þessi kjör, eru dálítið hæpnar forsendur.

Við viljum þjóðaratkvæði um icesave og ESB helst í einum pakka og þar verður þessi þjóðarnauðgun sett í ruslakistu sögunnar og helst ríkisstjórnin með.

[Ómar Geirsson, 13.1.2011 kl. 17:42]

Blessaður Sveinn, kallar þú þetta blástur???, þetta er aðeins æfing af gefnu tilefni, það var mikil ógæfa að fólk skyldi ekki stjórna 2008,  það hefði mætt bretum af fullir hörku, kært þá fyrir Öryggisráðinu og krafið Nató um aðgerðir.  Þá hefðu menn neyðst til að ræða efnisatriði málsins, lagalegar forsendur þess, sem og hitt hvort ríki eigi að komast upp með stríðsaðgerðir á friðartímum, án þess að alþjóðasamfélagið beiti þau refsiaðgerðum.

En það þarf engan bandarískan sendiráðsmann til að vitna um hið meinta gagntilboð, það var samið við Hollendinga á þessum forsendum, líklegast hafa bretar krafist meira fyrst að ekki náðust samningar við þá líka.

Eins er hæpið að hann ljúgi til um 13,5% töluna, menn hafa ekki hugmyndaflug til þess.  Hlýtur að vera satt.

Og já, við segjum Nei við ICEsave.

[Jón Þór Helgason, 14.1.2011 kl. 13:15]

Mig grunar að 6% vextirnir sem hrunríkisstjórninn samþykkti eða Árni Matt fyrir hennar hönd hafi verið þvingun Bretana til að heypa í gegn beiðni Íslands til AGS. ég minni á að

En þetta lið var náttúrulega vita vonlaust og hefur ekkert skánað.

[Ómar Geirsson, 14.1.2011 kl. 15:12]

Blessaður Jón Þór.

Svona ef vikur hinna löngu hnífa væru ekki upprunnar, þá má alveg tína til málsbætur, en eftir að þetta lið ákvað að svíkja aftur í ICEsave, án þess að hafa nokkra neyð sér til afsökunar, þá er út um griðin.

En vissulegar eru margar hliðar á öllu.

Kveðja að austan.