Er ekki hægt að gefa þessu liði kaffi????

Sorglegt hvernig auðræningjar geta alltaf spilað með Kanann.

Svo skiljum við ekkert í fólki á afskekktum svæðum þar sem síðast sást til nútímamanns fyrir um 1.400 árum, að það vilji grýta konur við flest tækifæri.

Miðað við hvernig upplýst þjóð lætur spila með sig, þá þarf enginn að vera hissa á ægivaldi síðhærðra klerka fyrir fáfróðu sveitafólki.

 

Þess vegna er þeim mun meiri þörf á að bið losum okkur við leppa auðmanna úr stjórnkerfinu, rekum AGS úr landi og sýnum að fólk er ekki heimskt í sína innsta eðli.

Það er hægt að gera fólki kleyft að lifa á Íslandi mannsæmandi lífi án skuldaþrældóms og auðráns.  

Gleymum aldrei að auðrán er illkynja æxli sem kemur heilbrigðu markaðsþjóðfélagi ekkert við.

Gleymum því aldrei þó auðræningjar eigi fjölmiðlanna og mútufé ESB stjórni Ruv, að þá erum við vitiborið fólk, og vitiborið fólk lætur ekki sama fólkið koma sér á kné tvisvar í röð.

 

Almenn leiðrétting skulda heimila er nauðsynleg forsenda endurreisnar hagkerfisins, líkt og súrefni er öllu almennu lífi.

ICEsave er fjárkúgun og nauðungarskattur og er ekki forsenda uppbygging þó að Hrunverjar láti leppa sína hjá ASÍ og Vinnuveitendum bulla svo.

Það eru almenn skilyrði efnahagslífsins sem skapa störf og hagvöxt, ekki skuldsett stóriðjustefna Stalíns.  

Það er til nægur matur á Íslandi, nóg af húsum, það á enginn að lýða skort og vergang.

Og nútímafólk skuldaþrælkar ekki náunga sinn.

 

Munum að mútufé Ruv starfar fyrir þá sem hafa hagsmuni að gæta að koma þjóðinni á kné.  Munum að fjölmiðlaveldi Jóns Ásgeirs vinnur fyrir hann, ekki þjóðina.

Munum að allir þeir álitsgjafar sem segja að stóriðja og skuldaþrælkun séu framtíð þjóðarinnar, að þeir eru sömu mennirnir sem þáðu fé fyrir að vegsama hina skuldsettu útrás þó hún væri andstæð öllum hagfræðilögmálum.

Látum ekki sama fólkið ljúga í okkur tvisvar.

 

Og hvað kemur þetta kaffidrykkju og síðhærðum klerkum við??

Jú ef við viljum sjá barnabörn okkar vaxa úr grasi í lífvænlegum heimi, þá þarf að stöðva þetta mannhatur og þetta auðrán.  Í eitt skipti fyrir allt.

Og lykillinn er mjög einfaldur, hver og einn sem einstaklingur þarf að hætta að láta ljúga að sér.  Vatn rennur ekki uppá móti þó tannkremsbrosandi leiguþý auðræningja segi það.  

Hættum að trúa þeim sem segja að þrældómur og ófriður sé eina framtíð mannsins.

Og hættum að láta ræna okkur.

 

Takist okkur þetta á Íslandi þá er ekkert sem segir að þetta takist ekki annars staðar. 

Og framtíð okkar allra krefst þess að þetta takist.

 

Áhugafólk um framtíð barnabarna sinna á ekkert val.

Leiðréttum skuldir heimilanna og tökum svo slaginn við lygina sem þjónar illskuöflum.

Kveðja að austan

 

Teboðshreyfingin með sinn fyrsta þingmann