Sameinist um ICEsave og AGS segir Viðskiptaráð.

 

Skerið niður grunnþjónustu á landsbyggðinni, skerið niður velferð en lækkið skatta á brask og fjármálagjörninga.

Verslun og þjónusta er innan viðskiptaráðs.  

Hvað sagði Mark Flanagan um hina nýju veröld AGS sem Viðskiptaráð biður fólk að sameinast um

"Flanagan sagði einnig að ljóst væri að Ísland þyrfti að breytast úr þróuðu þjónustusamfélagi í framleiðsluþjóðfélag með áherslu á útflutning. Þessa myndi sjá stað á næstu misserum í mjög minnkandi hlut verslunar og þjónustu til innanlandsnota í veltu samfélagsins."

 

Stuðningur Verslunar og þjónustu við þá Síamstvíburana Gylfa forseta og Villa atvinnurekenda er álíka gáfulegur eins og íbúar Harlem sendu stórtemplara Ku Klux Klan bænarskjal um að gerast borgarstjóri New York.

 

Það er ótrúlegt að fullorðið fólk skuli ekki skilja að almenningur vill ekki sátt um þessa stefnu.

Að almenningur vill ekki niðurbrot grunnþjónustu svo braskarar fái blómstrað.

Að almenningur vill ekki skuldaþrældóm Hrunverja.

 

Og á meðan yfirstéttin fær þetta ekki skilið, þá er mótspyrna eina svar almennings.

Og sú mótspyrna fer harðnandi.

 

Setjum leppa AGS af og sendum sjóðinn úr landi.

Endurheimtum stjórn okkar mála.

Og líðum enga málamiðlun.

Kveðja að austan.

Vilja leggja pólitískan ágreining til hliðar

Athugasemdir

[Ólafur Ingi Hrólfsson, 2.11.2010 kl. 12:47]

Burtséð frá niðurrifsstefnu AGS - það er nauðsynlegt að allir taki höndum saman -

hugmynd Bjarna Ben um ríkisstjórn allra flokka í einhvern x tíma til þess að vinna að ákveðnum málum og kosningar í framhaldinu hljóta allir að geta sameinast um.

Núverandi stjórn er hvorki að ráða við eitt eða neitt. Getur ekki einu sinni nota milljarðana í Ofanflóðasjóði til framkvæmda vegna andstöðu AGS

[Elle_, 2.11.2010 kl. 17:03]

Alþingi og ríkisstjórnin geta ekki afsakað sig með hvað AGS vilji og vilji ekki.  AGS er EKKI landstjórinn og ef þeim er leyft að ráða öllu og valda skemmdarverkum á landinu, þurfum við alls enga ríkisstjórn.  AGS verður að fara úr landinu.  Við ættum að skila peningunum frá þeim núna og koma þeim burt. 

[Ómar Geirsson, 2.11.2010 kl. 20:20]

Blessaðir félagar úr ICEsave andstöðunni.

Ólafur, ég er hræddur um að ef þessi sýn þín gengur eftir, þá geti ég ekki notað þetta ávarp mikið lengur.

Ekki nema þú ætlir í andstöðu við þinn eigin flokk.

Kveðja að austan.

[Ólafur Ingi Hrólfsson, 2.11.2010 kl. 22:54]

Yfirgmæfandi meirihluti Sjálfstæðismanna er andvígur því að greiða Icesave - enda eigum við ekki að gera það.

Hitt er svo annað að þótt ég sé Sjálfstæðismaður og telji þann flokk öðrum betri þá hef ég ekki gefið eftir skoðanafrelsi - málfrelsi - tjáningarfrelsi hverskonar né önnur mannréttindi.

Enda þarf þess ekki til þess að vera Sjálfstæðismaður.

[Ómar Geirsson, 3.11.2010 kl. 04:29]

Nei Ólafur, þetta er alltaf stóra spurningin, hvenær telur trúr flokksmaður flokkinn ganga fyrir björg.  Spurningin sem ESB andstæðingar VG hafa orðað með sterkum hætti undanfarið.

Þetta er ekkert persónulegt en sporin hræða.  Og mikill er máttur Péturs Blöndal í dáleiðingu.

En  mitt persónulega álit er að allflestir almennir flokksmenn þínir munu halda í ICEsave andstöðu sinni, reikna samt með að flokksforystan komist upp með söguleg svik í nafni skynsemi, en sá samningur verði miklu mun hagstæðari en síðustu ósköp.

En maður veit samt aldrei, ICESave er víti allra þeirra sem ætla að svíkja þjóðina.

Og Davíð er okkar meginn, þó það sé í tísku hjá mörgum ykkar að afneita ykkar fyrrum formanni flokksins, af ástæðum sem ég hef aldrei skilið því ég hef aldrei áttað mig á meintum hlut hans í Hruninu sem Seðlabankastjóri, tel frekar, og reyndar veit að hann bjargaði miklu á síðustu metrunum þegar auðleppar ætluðu að ræna gjaldeyrisvarasjóðinn, og honum verður seint þökkuð mótstaða hans við AGS, og þetta þori ég að segja þó ekki sé ég stuðningsmaður hans, þá virðist það vera erfiðara fyrir marga Sjálfstæðismenn að segja þetta.

Davíð hefur ótrúleg áhrif þegar hann beitir sér í grunnmálum eins og ESB og ICEsave, og fyrr á ég von á að himnarnir hrynji en að hann svíki.

En hann kaus að enda sem taglhnýtingur Péturs Blöndal í málefnum heimilanna, mannsins sem er höfuðsmiður mesta hluta þess óhróðurs sem klínt er á Davíð.  

En ég á svo sem ekki að vera grenja þetta, hingað til hef ég aldrei grátið þó íhaldið lúti í gras og gæfa Péturs á eftir að vera ykkur söm í dag eins og hún varð flokknum í sparisjóðsráninu og Hruninu.

Og ekkert fær því breytt að sameining viðskiptaráðs er um skuldaþrælkun heimila, ICEsave,  og AGS.

Það er nefnilega hægt að sameina fólk um málstað sem er í grundvallaratriðum rangur.

Og leiðir til ófarnaðar og þjáningar, þvert á fyrirheit.

Kveðja að austan.

[Birnuson, 4.11.2010 kl. 00:44]

Þú telur þá ekki, Ómar, að Seðlabankanum hefði borið að setja útþenslu bankanna skorður með því að hætta að samþykkja að gengistengdar krónueignir væru taldar til gjaldeyriseignar, svo lítið dæmi sé tekið?

[Ómar Geirsson, 4.11.2010 kl. 01:33]

Ha, Birnuson??

Heldur þú að ég sé að hvítþvo Seðlabankann með því að benda á þá einfaldu staðreynd að Davíð var lögfræðingur og las ræður sem aðrir skrifuðu.

En persóna hans lék hlutverk á lokasprettinum.

Og það hlutverk var mikil gæfa okkar.

Kveðja að austan.