Ríkisstjórnin var stofnuð til að leysa þennan vanda.

 

Og rúmum tveimur árum seinna þá veit hún ekkert, hún bíður eftir niðurstöðum reiknimeistara.

Já, reiknimeistara.

Er til svo aumur maður í sinni að hann styðji ennþá þessa afglapastjórn, sem eftir tveggja ára þrotlausa vinnu, bíður eftir niðurstöðu reiknimeistara, og getur því ekkert sagt.

Annað en að sú niðurstaða eigi eftir að breyta umræðunni.

Hvernig þá??

Að þjóðin hafi ekki efni á réttlæti, aðeins réttlæti auðmanna.

Munum að þjóð sem hefur ekki efni á réttlæti, hún hefur þar með misst rétt sinn til tilveru og sjálfstæðis.

Eru það hin stóru tíðindi Steingríms Joð Sigfússonar, að við eigum að gefast upp fyrir innrásarliði hins alþjóðlega auðmagns?  Að við eigum að verða þræla þeirra?

 

Af hverju hlustar þjóðin ennþá á þetta útburðarvæl??'

Af hverju eru afglaparnir ekki tunnaðir út???

 

Aum er aumingjastjórn, en ennþá aumari er sá sem styður hana til illra verka.

Kveðja að austan.

Niðurstaðan gerbreytir allri umræðu

Athugasemdir

[Guðmundur St Ragnarsson, 29.10.2010 kl. 16:47]

Núna ótrúlega löngu eftir að kallað var eftir aðgerðir í þágu heimilanna og þjóðarinnar ætlar blessuð ríkisstjórnin að segja "ekki benda á mig. Heyrið hvað REIKNIMEISTARARNIR segja ... ".

Kotroskin og hrokafull yfirlýsing fjármálaráðherra er ekki að boða neitt gott fyrir almenning. Hann er að finna afsökun (enn og aftur) til að gera ekki neitt.

Steingrímur/Jóhanna: Ekki gera EKKI NEITT!

[Ómar Geirsson, 29.10.2010 kl. 17:39]

Blessaður Guðmundur.

Daginn sem Steingrímur gekk undir ægivald AGS, þá tók hann ákvörðun að gera ekki neitt, það er ef þær kröfur eru gerðar til aðgerða að þær taki á þeim vanda sem þeim er ætlaðar.

Og fólk verður að skilja þetta orsakasamhengi, við höfum ekkert að gera við nýja stjórnarherra sem gangast fríviljugur undir þetta sama ægivald.

Þess vegna er lítil líkn í stjórnarandstöðunni.

Kveðja að austan.

[Björn (IP-tala skráð) 29.10.2010 kl. 21:51]

Tek mér orð Jóhönnu í munn "við þurfum að samhæfa og samræma vinnubrögð í þessum málum og vinna hratt í þessu verkefni" (http://dagskra.ruv.is/sjonvarpid/4547145/2010/10/28/6/ ... frá 45 sekúndu). Þetta er sama ræða og hún flutti í janúar 2009.

Þessi frægi frasi um að "vinna hratt" er orðið öfugmæli hjá þessari ríkisstjórn, í þessum málum sem og nánast öllum öðrum. Ég legg til að í næstu slangurorðabók verði sett inn "Vinna hratt = svæfa mál"

[Ómar Geirsson, 29.10.2010 kl. 23:00]

Blessaður Björn.

Ja, hún er búin að skoða málið nokkuð lengi, þannig að það er viss framför að fara að vinna hratt.  Og að stofna starfshóp númer eitthvað mikið eitthvað, það lýsir náttúrulega vissum áhuga.

En útkoman, já útkoman hún er meiri spurning.  Samt hlustar maður á fullt af fólki í útvarpinu, og í Kastljósi, tala um útkomuna, eins og það sé einhver útkoma, það er aðgerðir sem takast á við þann vanda sem um ræðir.

Til dæmis þegar Jóhann sagðist ætla láta hringja út til fólks sem var að missa sitt, þá tóku margir það alvarlega, hváðu hvort virkilega væri fólk sem væri að missa allt sitt án þess að vita af því.

Gott ef þess ráðstöfun, úthringingar voru ekki taldar nægilegt svar við þeirri ólgu sem braust upp á yfirborðið við þingsetninguna og síðan við stefnuræðu forsætisráðherra.  Enda mættu eftir það innan við hundrað manns til að mótmæla.

Kannski er Jóhanna eftir allt saman hið besta svar við þeirri eftirspurn sem er til staðar.  Ekki það að ég muni sætta mig við það svar, en ósköp eru þetta mjórómar raddir sem ekki dást af klæðaburði keisarans.

Og þeir sem það ekki gera, þeim finnst Pétur Blöndal vera mun meiri smekkmaður, enda eins og Egill Helga sagði, Pétur þú ert maðurinn sem fellur ekki í skrumið.

Hreinlega held ég að Jóhanna sé ekki vandinn í þessu máli.

Kveðja að austan.

[Elle_, 29.10.2010 kl. 23:10]

Enginn þarf að halda að þau muni gera neitt óvanalegt fremur en fyrr og örugglega ekki skila oftökunni.  SKOÐIÐ.

[Ómar Geirsson, 30.10.2010 kl. 08:40]

Blessuð Elle, enda hef ég aldrei skilið af hverju ríkisstjórnin spari ekki stórfé, og slái öllum ráðuneytunum saman í eitt ráðuneyti, ráðuneyti skoðunar og skoðunarmála.

Það ætti sko vel við kjaftastéttirnar sem styðja hana,.

Kveðja að austan.

[Elle_, 30.10.2010 kl. 12:41]

Ómar, jú þau halda platfundi um að skoða mál og skoða endalaust.  Og skoða einu sinni enn.  Ha, ha, farið að verða næstum fyndið það er svo óskiljanlegt og held ekki að þau séu að skoða neitt nema hvernig þau geti enn varið bankana og peningaöflin.  En tókstu eftir að það var linkur undir orðinu SKOÐIÐ að ofan?  Og hefurðu SKOÐAÐ hann?? 

[Ómar Geirsson, 30.10.2010 kl. 13:29]

Ne, Elle, ég er með visst ofnæmi fyrir "Skoðið". 

En þetta er gott og gilt, vandinn er bara miklu dýpri en svo að utanþingsstjórn leysi hann.  Hún mun líklegast framfylgja mjög svipaðri stefnu, því þannig hugsar stærsti hluti yfir og kjaftastéttarinnar.

Hverjir hafa stutt þjóðina í ICEsave??'

Manstu eftir einum mektarmann eða kellingu sem þorði að koma fram og tala beint gegn lögleysu breta????

Hverjir styðja almenna skuldaleiðréttingu, fyrir utan Marínó og félaga????

Til dæmis er mjög stór hluti ICEsave andstöðunnar á Péturs línunni, og hann er hetjan gegn skruminu.  Það eina sem ég fatta ekki er af hverju þetta fólk studdi ekki sömu lygi í ICEsave, af hverju er hægt að vera skynsamur gagnvart einni ógn, en á sama tíma falla fyrir lygavaðli Hrunverja í næsta???

Og hvernig er krafan um stóriðju á kostnað almennings??  Nýtur hún ekki stuðnings atvinnulífs og góðgjarna íhaldsmanna, til hvers að reka AGS úr landi, en klára svo hengingaról skuldanna með hundruð milljarða viðbótarlántöku vegna virkjana sem enginn veit hvort hægt sé að virkja????

Veistu það Elle, hafðu ekki hátt um það, en núverandi ríkisstjórn er það besta sem við höfum.  Því hún er svo aum, og trausti rúin, að hún kemur fáum fólskuverkum í gegn, og engum stórum eins og IcEsave.

Sjálfstæðisflokkurinn mun að uppistöðu gera það sama, hugsanlega bakka eitthvað í ICEsave, en bætir stóriðjunni við svo niðurstaðan er ókleyfur skuldahamar.

Utanþingsstjórn velviljaðra manna, ef þeir eru þá til sem ég dreg stórlega í efa, hún mun ekki koma neinu í verk í anda þess sem plaggið segir til um.

Vegna þess að fjórflokkurinn og atvinnulífið mun djöflast á þeim dag og nótt, með stuðning ESB mútufés (sjá pistil dagsins) og kjaftastéttanna.

Nei Elle, kjarni málsins er sá að þjóðin þekkir hvorki óvina sína eða þær ógnir sem við henni blasa, og hún mun ekki sameinast um réttlæti og heilbrigða skynsemi.

Og á meðan verður ekki réttlæti eða skynsemi.

Sorglegt en satt.

Kveðja að austan.

[Elle_, 30.10.2010 kl. 17:29]

Allt sem þú sagðir þarna, Ómar, var svo sorglega satt að mig setti hljóða.  Enginn hærra settur maður nema forsetinn hefur komið fram opinberlega gegn ICESAVE.  Helst Lilja M. og Ögmundur að vissu mörkum, en aldrei alla leið.

Líka hef ég oft velt fyrir mér þessu sama og þú: Hvers vegna styðja sumir eina vitleysuna og þó ekki ICESAVE?  Það er þó allavega gott fyrir okkur að þau eru ekki alveg komin í glötun og vilja ekki enn ICESAVE. 

Og ég treysti ég alls ekki Sjálfstæðisflokknum í heild.  Samt eru nokkrir hæfir þar, það er bara svo mikið foringjaræði eða flokksræði þar eins og í núverandi stjórnarflokkum, Ómar.  Óttast þann flokk með allri sinni einkavæðingu og virkjanaæði.     

[Elle_, 30.10.2010 kl. 17:31]

Ómar, þarna meinti ég ógn frekar en vitleysu: Hvers vegna styðja sumir eina ógnina og þó ekki ICESAVE?

[Eina lausnin (IP-tala skráð) 30.10.2010 kl. 18:33]

Afþví við höfum enga valkosti :

http://utanthingsstjorn.is/

[Ómar Geirsson, 30.10.2010 kl. 18:35]

Blessuð Elle.

Þessi þráður er svo gamall, að það er alltílagi að spjalla.  Opinberlega er ég á móti stjórninni, vill hana frá, en óttast að það sé aðeins upphaf af ennþá lengri þrautgöngu.  Tel að lífsháski þjóðarinnar sé ekki kominn á það stig, að hún sameinist um gömul gildi eins og réttlæti og skynsemi.  Ég bloggað dálítið um þetta í dag, svona þegar þú dregur áreitið frá, þá er ég aðeins að reyna að móta ákveðna hugsun, hægri hluti valdelítunnar þjáist af vitþurrð, en vinstri hlutinn er með illu að koma okkur inn í ESB.

Reyndar þegar ég tala um ESB mútufé, þá geri ég mér grein fyrir að uppistöðu er það andlegt, fólk er sammála ICESave, Evru og ESB af hugmyndafræðilegum ástæðum, og svo styðja menn sína flokka.  En í mínum huga er heimskan svo algjör, að ég vil frekar réttlæta hana með mútum, en því að fólk sé vísvitandi í landráðum af hugmyndafræðilegum ástæðum.  

Af hverju kemst ASÍ upp með að tala um að ICEsave sé forsenda styrkingar krónunnar þegar það er skriflegt, bæði í skýrslum AGS og Seðlabankans, að vegna ICEsave útstreymisins (sem og vegna AGS lánanna) þá verði krónan veik allavega fram yfir 2021.  Fyrir utan augljóst orsakasamhengi, þá er þetta skriflegt, en engin fjölmiðlamaður spyr Gylfa forseta út í þetta.

Er það vegna þess að þeir eru svona innilega heimskir, eða hvað????????'

Tökum dæmi af greyinu honum Frey í morgunútvarpinu (þennan sem kallaði skottuhagfræðinginn "hagsnilling Íslands").  Hann var eitthvað að ræða um almennar skuldaleiðréttingar og sagði að "þetta eru gífurlegar háar tölur, miklu hærri en ICEsave skuldin".  Nú er almenn skuldaleiðrétting brúttó upp á 220 milljarða, kannski nettó uppá 20-50 milljarða, og að teknu tilliti til óbeinna áhrifa, kannski hrein tekjuaukning fyrir þjóðfélagið, en látum það liggja milli hluta, en þessi svokallaða ICEsave skuld hans er upp á 507 milljarða, miðað við 90% endurgreiðsluhlutfall.

Er hann svo heimskur að halda að 220 milljarðar sem falla á áratugum, séu hærri upphæð en 507 milljarðar sem áttu að greiðast fyrir 2021.  Og það gerir enginn athugasemdir við svona fávitaskap, þetta er bara eitt dæmið af ótalmörgum um vitleysuna sem vellur upp úr manninum.  Og hann er virtur dagskrárgerðarmaður.  

Og herferð Sigrúnar Davíðsdóttur fyrir hagsmunum breta í ICEsave, hún kemst upp með hana.

Nei, Elle, það er engin vigt með þjóðinni.  Hvort sem það er í ICEsave, eða skuldamálum heimilanna.  Ég hef reynt að vekja athygli á þessu með því að hjóla í helg vé þegar fréttatengingar bjóða uppá það, til dæmis Öryrkjabandalagið, fyrrverandi forseta, eða biskupinn og kirkjuna.

Af hverju styður kirkjan ekki fólk í neyð.  Síðan hvenær fjallaði sagan um Miskunnsama Samverjan eða um Týnda soninn, um kostnað eða rétta hegðun.  Ég heyrði stolta konu hjá Hjálparstofnun kirkjunnar segja að óráðsíufólk fengi enga aðstoð hjá þeim.  En er það ekki einmitt einkenni á óráðsíu, að hún leiðir til neyðar.  Og þá líka barnanna í viðkomandi fjölskyldum.  Var ekki dæmisagan um týnda soninn, einmitt um afleiðingar óráðsíu.

Hver hefur rétt til að dæma??

Hver hefur rétt til að verðleggja réttlæti????

Svona er þetta bara, ég er skeptískur ennþá á sjálfsbjargarhvöt þjóðarinnar.  En ICEsave hafði í sér þvílíka lögleysu og grímulausa kúgun, að almennt fólk trúði ekki lengur kjaftastéttunum um að hún væri skuld þjóðarinnar.  Þar sá maður að réttlætiskennd fólks var misboðið.  

Og fólk lagði sjálfstætt mat á málið, lét ekki vinnumennina mata sig.  

En þar með var dæmið búið, það sjálfstæði og sú dómgreind sem fólk sýndi þar, hún náði ekki til annarra mála, þar getur uppspretturót lyganna ennþá stjórnað fólki og afvegleitt baráttu þess.

En ICEsave hefði verið endalok alls, og því varð að sprengja þessa stjórn, lemja á ICEsavesinnum með öllum þeim ráðum sem hægt var.

En í dag, þá er ég sáttari við þessi ósköp, en það sem kæmi í staðinn.

Því það er ekki neitt gott að koma í staðinn.

Ekki ennþá, en vonandi kemur það.

Kveðja, Ómar.

[Elle_, 30.10.2010 kl. 19:49]

Ómar, ég get ekki með neinu móti skilið hvers vegna í veröldinni ASÍ-skrímslin og nokkur annar hefur komist upp með þvæluna um batnandi efnahag ef við borgum fjárkúgun upp á 500-1000 MILLJARÐA.  Og verð reið í hvert sinn sem ég hugsa um slíka andsk. raklausa lygi og þvælu sem kemur þó frá nokkrum. 

Og okkur aumingjunum er ætlað að trúa þvættingnum.  Enginn hugsandi maður trúir þessu.  Kæra ætti opinbera aðila sem ganga um ljúgandi og stofna landinu og sjálfstæðinu í hættu fyrir peninga og peningaöfl.  Og reka þá úr embætti með skömm. 

Skil ekki, bara skil ekki alla rökleysuna sem ræður hér ríkjum og enginn er dæmdur, ekki nokkur maður.  Föðurlandssvikarar og stjórþjófar ráða öllu.  Og ég er orðin svo leið á að heyra um það, lesa um það, skrifa um það. 

[Ómar Geirsson, 30.10.2010 kl. 20:55]

Blessuð Elle.

Ótrúlegt er að menn skuli komast upp með að segja að hvítt sé svart, þvert ofaní skjalfestar heimildir, mútur eða heimska, það verða blaðamenn að gera upp við sig.

En sleppum ICEsave, tökum þá annað mál fyrir, forsendur almennra skuldaleiðréttingar.  Þar hefur skynsemin yfirgefið margan ICEsave andstæðinginn.

Fáránlegt að ræða slíkt segir Agnes Bragadóttir tveimur vikum eftir tunnusláttinn, allir verða að borga sínar skuldir, alltof mikill kostnaður og svo framvegis.

En það vit sem guð gaf henni virðist ekki duga fyrir manneskjuna að skilja, að það er ennþá meiri kostnaður að gera það ekki.  Burtséð frá því þegar ríkissjóður er búinn að taka á sig hundruð milljarða vegna fjármálakerfisins, þá er það skrítið siðferði að afneita almenningi um svipaðan rétt en gleymum því, það hafa allir rétt á að þjást á skorti á siðferði, en þá er það fullkomin heimska að ganga út frá að aðgerðaleysi hafi engan kostnað í för með sér.

Þjóðarframleiðsla byggist upp á þremur meginþáttum, einkaneyslu, samneyslu og fjárfestingu.  Skuldahít almennings og fyrirtækja dregur beint úr einkaneyslu og fjárfestingu, og óbeint úr samneyslu.

Skuldahít er það versta sem getur komið fyrir efnahagslíf þjóðar.  Til lengri tíma litið lamar það efnahagskerfið og það er kostnaður.  Miklu meiri kostnaður en almenn skuldaleiðrétting hefur í för með sér.

Þetta útskýrðu þeir Gylfi og Jón fyrir öllum sem hlusta vildu, og það kom á daginn að aðeins einn stjórnmálamaður hlustaði, Sigmundur Davíð, og líklegast þau hjá Hreyfingunni, en það er bara svo erfitt að átta sig á þeim.

Blaðamenn eins og Agnes Bragadóttir geta ekki látið eins og þau kannist ekki við þessa umræðu, eða hafi ekki vit til að skilja forsendur hennar.  Þess vegna er um vísvitandi blekkingu að ræða vegna einhverra hagsmuna.  Og þá sjálfsagt hagsmuni þeirra sem ætla að þrælka þjóðina.  Af hverju studdi Agnes þá ekki líka í ICEsave, ef hún á annað borð vill þjóðarþrælkun????

Sama rökveilan er hjá virkjunarsinnum, álið hér fyrir austan var talið auka þjóðarframleiðsluna árlega um 0,5% og virkjanleg orka er til fyrir 2-3 Kárahnjúkavirkjunum.  Þar með er hagkvæm orka búin en gífurleg skuldsetning situr eftir, skuldsetning sem eykur vaxtaálag landsins, og færir lánardrottnum algjört vald yfir landinu.

Fyrir hvað???????  Hafa menn ekki frétt að kerfi Stalíns varð gjaldþrota???  Vita menn ekki að efnahagsstjórnun byggist á að skapa almenn skilyrði og leyfa síðan einstaklingnum að njóta sín???

Og að hægrimenn skuli standa fyrir þessum Stalínisma, það er ótrúlegt.

En ef fjórflokknum er ekki treystandi, hverjum þá???

Þorvaldi Gylfa og Guðmundi Óla?????  Eða öllum þeim háskólamönnum sem annaðhvort studdu beint fjárkúgun breta, eða höfðu ekki kjark til að standa gegn straumnum???

Það er til lítils að stinga upp á utanþingsstjórn ef menn vita ekki hverjir eiga að manna hana, fyrir hvað þeir standa sem þeir stinga upp á, og menn vita ekki hvaða aðilar í þjóðfélaginu ætla að bakka hana upp.

Þessi tillaga er að ætt Hollywood, að einhvers konar töfrar eigi að bjarga öllu.

En það er ekki þannig, menn þurfa bæði að hafa stefnu sem virkar, til dæmis í samræmi við þekkta hagfræði og menn þurfa líka stuðning við þá stefnu í þjóðfélaginu.

Annað er barnaskapur.

Kveðja að austan.

[Elle_, 30.10.2010 kl. 22:05]

Já, Ómar, hvaðan fá menn´rökin´um efnahaginn og sem eru orðin alltof ríkjandi?  Hagsmunagæsla örugglega.  Og stórundarlegt með þessa LÆRÐU hagfræðinga, Guðmund Ólafsson, Þorvald Gylfason og Þórólf Matthíasson. 

Las það fyrir skömmu að Þorvaldur Gylfason hafi kennt 50-60% af bankamönnum föllnu bankanna: Innherjar
-------------------

ragnar 29.10 2010 08:16

þetta "bréf", sem greinilega kemur frá "Penthouse Professornum" Þorvaldi Gylfasyni sem útskrifaði og var Mentor ca 55-60% af top bankamönnum á Íslandi á síðustu 15árum, hefur ekkert að gera með umtalaða skortsölu eða hedge á íslensku krónunni sem verið hefur í umræðunni síðustu daga. Þessi grein í WSJ er frá 15april og margt til í henni, en kæri Egill endilega reyndu að vera faglegri í þessari umfjöllum.

-------------------
Kannski skýrir það að hann heimti ICESAVE??  Getur það verið??  Honum finnst það allavega rosalega HOLLT fyrir okkur. 

Og Guðmundur Ólafsson komst upp með það í þætti Sigurðar Tómassonar í ÚSögu að kalla alla sem ekki sættust á ICESAVE öllu illu.  Og að ekki sé minnst á RUV-Egilinn sem komst upp með að kalla alla andvíga ICESAVE "ÖFGAMENN"  eins og þú veist. 

Gott að ÚSaga losaði hlustendur við Guðmund Ólafsson.  RUV verður að losa okkur við Egilinn rakalausa og öfugsnúna, það er orðið gjörsamlega óþolandi að hafa hann þarna með sitt Evrópusambands- og ICESAVE-lið endalaust. 

[Ómar Geirsson, 31.10.2010 kl. 00:10]

Blessuð Elle, Egill kom með Hudson, Lipietz og Stiglitz, bara fyrir það eitt á hann ævarandi þakkir skildar.  Og hann er ekki páfi, sá sem tekur mark á honum, er þegar sammála honum.  En sú breidd sem er í umræðunni, hún er þó hjá honum.  Til dæmis viðtalið við Jóhannes í síðasta þætti.

Glæpurinn liggur hjá þeim sem dreifa lygum.  Eins og til dæmis Guðmundur Óla.  Eða sjá ekkert rangt við hagfræði mannvonskunnar eins og Þorvaldur Gylfa.

En kjarninn er sá Elle, að það er ekki hægt að telja upp neina þungavigtarmenn sem styðja þjóðina.  Það er enginn sem hefur heildstæða sýn á vandann og gengur út frá forsendunum um það sem má, og það sem má ekki.  Leiðtogar okkar átta sig ekki á því að þeir eiga að leggja línurnar, koma með kúrsinn, en síðan eiga hagfræðingarnir að útfæra leiðir af þeim markmiðum.  

Veið eigum góða hagfræðinga, Lilja og Jón hafa nokkurn veginn komið með útfærðar leiðir sem taka á okkar vanda, en það er enginn pólitískur stuðningur því stjórnmálamenn okkar þykjast vita betur, um leiðir og hvernig eigi að fara þær.

Þeir átta sig ekki á því að grunnhlutverk þeirra á svona krepputímum er að ákveða hvert skal stefna, á hvaða forsendum, og hvað má og hvað ekki.  Auðvita heppnast ekki allt, og það má deila um útfærslur, en forsenda þess að komast á leiðarenda, þar sem sá endi er sá staður sem menn vilja komast á, er að menn setji stefnuna þangað.

Ef menn ætla til Akureyrar, þá fara menn þangað en ekki til Ísafjarðar, en vissulega eru margar leiðir til Akureyrar frá til dæmis Reykjavík.  Sú lengsta er sjálfsagt að halda í suður, en það er samt betra en að fara ekki neitt, það er ef líf og limur liggja undir.

Það eru þegar til þekktar leiðir til almennrar skuldaleiðréttingar, þær hafa verið farnar og aðeins forheimska stjórnmálamanna hindrar að sú Akureyrarleið sé farin.  

Það er hægt að setja það markmið að fólk haldi húsum sínum, og það er hægt að útfæra greiðslukerfi þar sem menn borga eftir getu.  Og við þær aðstæður sem nú ríkja, þá mun það kerfi skila kröfuhöfum mestu.  

Þetta eru einfaldar staðreyndir, en einfaldar staðreyndir ná ekki eyrum hins venjulega manns, sem ræður jú öllu í krafti lýðræðisins.  Og á meðan fólk kýs að láta spila með sig, þá er spilað með það.

Og ég sé ekki neina menn í sjónmáli sem gætu skipað utanþingsstjórn um þau markmið sem eru á þessu annars ágætu plaggi sem ég átti að skoða.  

Það er veikleiki hugmyndarinnar.

Fólkið í Andstöðunni þarf að geta komið sér saman um einfalda grunnhluti áður en það getur ætlast til að aðrir hlusti á það.

Þannig að grunnvandinn er ekki fjórflokkurinn, grunnvandinn er þroskaleysi þeirra sem telja sig geta gagnrýnt hann.  

Þeir ná ekki til að mynda trúverðugt afl.  Og það er enginn tími til umræðu, þjóðinni er að blæða út.

Ljótt en satt.

Kveðja, Ómar.