Mbl.is, þið eruð svo navý.

 

Hvenær hafa greiningardeildir bankanna sagt fyrir um annað en hentar eigendum þess????

En vissulega er verðbólgan að lækka, það veldur lánasukk AGS.

 

Guð gaf ykkur vit, (alveg satt), og hvenær fellur gengið???

 

Þegar AGS lánin koma til greiðslu eftir 5 ár???

Þegar ríkisstjórnin í boði Ruv og breta, samþykkir ICEsave???

 

Allavega lýgur ekki AGS, þeir segja það hreint út að gengisvístalan mun haldast í besta falli í því gildi sem hún var í ársbyrjun, byggja spá sína á jöfnunni, að það sem fer út stjórnar því sem fer inn.  Því meira út, því minna inn.

Og það á eftir að semja um ICEsave.

Það er að segja að landráðafólk ríkisstjórnar Íslands ætlar að gefast upp fyrir kúgun breta.

 

Hver verður verðbólgan þá???

 

En Moggamenn, vissulega má ekki ætla ykkur of mikið vit.  Ykkur finnst Bush æðstur manna og sjáið ekki samhengið milli opinberlega framlaga til flóðvarnargarða, og síðan hins meinta tjóns ef það er í skötulíki frjálshyggjunnar.

Hét hún ekki Katrín sem sannað andlega yfirburði ykkar í greiningu efnahagsmála.  

 

Verst að fólkið sem treysti á leiðsögn ykkar, sjálfstæðir atvinnurekendur og hin velmegandi millistétt, að hún blæðir fyrir ykkar navý hugsun.

En þið eruð jú aðeins börn, börn frjálshyggjunnar.

Kveðja að austan.

Verðbólgan 3,3%

Athugasemdir

[Helgi Rúnar Jónsson (IP-tala skráð) 27.10.2010 kl. 10:55]

Og samt villtu ríghalda í krónuna..tvískinnungurinn er algjör hér á blogginu.

[Óskar Þorkelsson, 27.10.2010 kl. 11:03]

tek undir með Helga hér.. tilhvers að halda í þetta krónuræskni sem enginn vill versla með nema glæpamenn ?

[Ómar Geirsson, 27.10.2010 kl. 13:36]

Blessaður Helgi.

Ég skal viðurkenna að táknin í þessari færslu er af ætt Eliot, Wasteland ekki langt undan.

En hvernig þú færð út skoðanir mínar á krónunni, það er mér óskiljanlegt.  Það mætti halda að þú væri bókmenntafræðingur, með mikla reynslu af túlkun texta, jafnvel það mikla að núverandi höfundar, segja; "Ja, hérna, sagði ég það".

Kveðja að austan.

[Guðmundur Ásgeirsson, 27.10.2010 kl. 16:52]

"tilhvers að halda í þetta krónuræskni sem enginn vill versla með nema glæpamenn"

Já, til hvers ættirðu að geta keypt þér í matinn úti í búð Óskar? Eða heldurðu að kaupmaðurinn taki kannski við tölvuleikjum og DVD diskum sem greiðslu?

Ástæðan fyrir því að krónan hrundi er ekki að hún sé svo eftirsótt af glæpamönnum, heldur einmitt að glæpamenn hættu að versla með hana. Þar áður voru þessir sömu glæpamenn hinsvegar búnir að blása gengi hennar langt upp fyrir það sem skynsamlegt gæti talist og innleysa stórfelldan hagnað áður en þeir drógu sig út. Gengisfallið varð af tveimur ástæðum: 1) braskararnir hættu að braska með krónuna (sem er gott) en þar með hrundi eftirspurn eftir henni 2) í ljós kom að þeir höfðu tæmt hagkerfið (sem er slæmt) og þar með hrundi traust á hagkerfinu sem krónan byggir á. Þau áhrif sem þetta brask hafði er ekki krónunni að kenna því hún er ekki fær um að taka sjálfstæðar ákvarðanir, það eru menn hinsvegar færir um hvort sem þeir eru heiðarlegir eða braskarar. Það sem er að hagkerfinu er ekki heldur krónunni að kenna því hún stjórnar ekki hagkerfinu heldur eru það menn sem gera það með ákvörðunum sínum, góðum eða slæmum.

Pössum okkur að rugla ekki einkennunum saman við orsökina. Til að forðast einkennin þarf að ráðast að orsökinni, en nýr plástur á meiddið dugar skammt einn og sér.

[Óskar Þorkelsson, 27.10.2010 kl. 19:03]

hryllilega barnalegt svar Guðmundur.. sorry

[Ómar Geirsson, 27.10.2010 kl. 19:30]

Takk fyrir innlitið Guðmundur.

Og Óskar, þú mátt þó eiga að þú kannt að skrifa útlensku.  Oft er mjór mikill vísir.

Kveðja að austan.

[Guðmundur Ásgeirsson, 28.10.2010 kl. 20:22]

Óskar: Barnalegt? Þér má alveg finnast það ef þú vilt, ég hef hvort sem er aldrei lært að hegða mér í samræmi við aldur og finnst allt svoleiðis afar leiðinlegt.

En er það þá svona rosalega fullorðinslegt að kalla þá sem vilja nota íslenskar krónur glæpamenn? Allir í minni fjölskyldu nota íslenskar krónur, en við erum kannski bara barnalegir glæpamenn öll með tölu... fyrst við viljum geta keypt í matinn, borgað leikskólagjöld og stundað ýmsan annan glæpsamlegan barnaskap.

Hvaða gjaldmiðil notar annars allt það heilaga fólk sem þú umgengst Óskar? Kannski ærgildi eða álnir vaðmáls? Því það er svo fullorðinslegt... eða hvað?