Enn ein röddin sem lætur lýðskrum ekki tækla sig.

 

Það er óþarfi að allir gangi af viti og siðferði af hræðslu við dóm götunnar.

Sérstaklega þegar ljóst er að auðræningjar kynda undir þann dóm.

Mæltu manna heilust Þórunn, þú ert manneskja að meiri.

Kveðja að austan.

Fráleitt að framið hafi verið refsivert athæfi

Athugasemdir

[joi (IP-tala skráð) 28.9.2010 kl. 11:49]

Ef það er ekki refsivert að fara á svif við stjórnaskrána þá er ég dálitið hissa, þar stendur skýrum orðum að ræða ber mikilvæg mál í ríksstjórnarfundum, og mál verða ekki mikilvægari en greiðslufall ríkissinns, en í stað þess að gera það þá var þessum upplysingum um yfirvofandi fall bankana haldið frá fagráðherra, ef það er ekki klárt stjórnaskrárbrot þá held ég að djöflarnir í helviti séu í snjókasti...

[J.þ.A, (IP-tala skráð) 28.9.2010 kl. 11:54]

Ég tel mig ekki vera í hópi  auðræningja, og ég tel mig heldur ekki vera nokkur áhrifamaður götunnar.  En hvaða einstaklinga ætti frekar að sækja til saka ef ekki ráðamenn þjóðarinnar undanfarin 8-10 ár.  Mér skilst nú að mikið af þessu sé fyrnt. (þ.e. aula- eða skepnuskapurinn í garð þjóðarinnar)  En eitt er hægt að gera nú þegar , þ. e. að reka þau úr starfi sem en starfa á vegum íslenska ríkisins, og þeir sem komnir eru á aldur (ellilífeyrisþegar) verði sviptir launum. Þessi lög er hægt að setja strax. Þau þurfa ekki að vera afturvirk.

En þeim skal svíða sem undir míga.

[Ómar Geirsson, 28.9.2010 kl. 17:20]

Blessaður joi, ef þú trúir því að hægt hafi verið að halda fagráðherra utan við hinar meintu upplýsingar um yfirvofandi fall bankakerfisins, þá ert þú dálítið trúgjarn, eða þá þú hefur mjög lítið álit á viðkomandi fagráðherra.

Ef fullyrðing þín er rétt að forsætisráðherra hafi haft upplýsingar um yfirvofandi greiðslufall ríkisins, hefur þér aldrei dottið í hug skýringuna á því að hann ræddi ekki málin formlega á ríkisstjórnarfundi????

Smá hint, hvað hefði raungert þetta yfirvofandi fall????

En rökstuðningur minn fyrir fáráð þessa lýðskrums hefur komið fram í fyrri bloggum mínum og sé ekki ástæðu að endurtaka það hér, nema ég ætla að endurtaka mig örlítið í næstu athugasemd þar sem ég svara honum JÞA. 

Þú mátt alveg lesa það ef þú vilt.

Kveðja að austan.

[Ómar Geirsson, 28.9.2010 kl. 17:44]

Blessaður J.Þ.A.

"En þeim skal svíða sem undir míga", þú segir nokk.  Kannski kjarni málsins.  Sonurinn minn, rúmlega 6 ára, lenti í þessu í nótt, og ég sem þokkalega siðuð manneskja, dreif hann úr fötum, og í hreinsun, og klæddi hann svo í hrein nærföt, og leyfði honum að klára nóttina á milli.  Þreif síðan rúmfötin, og er núna að koma þeim á sinn stað aftur.  

Hef síðan rætt við hann um leiðir til að endurtaka ekki migið, aðallega þó hans vegna því hann var ósköp dapur yfir glæpnum.  Ég las það nefnilega að það væri fullt að börnum sem lentu í þessu, á því væri skýringar, og við foreldrar mættum aldrei persónugera glæpinn gagnvart barninu.

Svo ég heimfæri þessa ekki sviðasögu yfir á Hrunið þá tel ég að siðlaust kerfi græðgi og peningasiðspillingar hafi örsakað Hrunið.  Og ábyrgðina beri þeir hugmyndafræðingar, innlendir og erlendir sem töldu þetta illskumódel vera það sem koma skyldi í kapítalisma Vesturlanda.  Trúr því vil ég fella þetta kerfi, annars endurtekur Hrunið sig bara aftur og aftur.  Ég hef líka fært rök fyrir því að einmitt það sé að gerast.

Ég hef líka fært rök fyrir því að "ábyrgðarmenn" Hrunsins séu þeir sem mótuðu almenningsálitið og þeir sem höfðu hagsmuni á að kerfið þróaðist í svona átt.  Þeim til háðungar kalla ég þá auðræningja og tel þá hafa allan hag á að kerfið viðhaldist, og ég tel að þeir hafi róið að því öllum árum, strax frá Hruni að svo verði.  

Og ég tel að þeir séu langt komnir með að endurtaka sama leikinn, auk þess að ræna restinni af þjóðarauðnum.  Með stuðningi leppa sinna í stjórnkerfinu og ríkisstjórn.

Og svona gerviákærur þjóna einmitt þeim tilgangi að lát almenning rífast um það sem liðið er, á meðan stórfelldasta eignarrán Íslandssögunnar á sér stað.

En ekki ætla ég öllum að vera sammála, og að menn vilji uppgjör við einstaklinga.  Þá á forsendum sakmála, að glæpur, ekki afglöp hafi verið framin.

Gott og vel, þá á að vinna það eins og hjá fólki.  Rannsóknin á að vera hafin yfir allan vafa, ákærur skýrar, byggðar á lögum, og allir ákærðir.  

Ekkert af þessu er til staðar í dag.

Þess vegna kalla ég þetta skrípaleik, og þegar hann hittir á Auðránið mikla, þá eru tengslin augljós í mínum huga.

Kveðja að austan.