Ekki frétt um hið augljósa

 

Hetjan Vilhjálmur bankamannaskelfir var einn af þeim sem brást þjóð sinni eftir Hrun.

Hann gaf auðræningjum og Leppum þeirra í stjórnkerfinu trúverðugheit þegar hann kom fram í Kastljósi og mælti með ICEsave svikum ríkisstjórnarinnar og fann allt því til foráttu að leiðrétta Hrunskuldir landsmanna. 

Hafði rosalega miklar áhyggjur af verðbólguárunum milli ´70 og ´85 og taldi að sparnaður myndi hrynja ef verðtryggingin mæti ekki viðhalda bólueignum hins fallna hagkerfis.

Rök sem koma málin ekkert við, áttundi áratugur síðustu aldar kemur aldrei aftur og miskunnarlaus verndun bólueigna með verð og gengistryggingu er ávísun á nýtt Hrun, og í því Hruni munu eignir hrynja í verði.

Forsenda Vilhjálms var nefnilega reist á sandi, daginn sem skuldarar neita að greiða Hrunskuldir sínar, eða gefast upp á því ef það fyrra gerist ekki á undan, þá eru pappírs eignirnar sem verð og gengistryggingin á að vernda, verðlitlar eða verðlausar, fer eftir umfang hins stóra gjaldþrots.

 

Vísbendingar um stöðnun og uppgjöf í hagkerfinu koma úr öllum áttum.

Ein vísbendingin er minnkun á sparnaði almennings, og staðfestir að menn eins og Vilhjálmur bulluðu út i eitt þegar þeir mærðu Hrunskuldir og viðhaldi þeirra.   Það er augljóst að fólk sem ræður illa eða ekki við skuldir sínar, að það dregur ekki bara úr eyðslu sinni, og kælir þar með hagkerfið, það dregur líka úr sparnaði sínum eða þarf að ganga á eldri sparnað.

 

Í stað þess að játa mistök sín, þá heldur Vilhjálmur andliti sínu með því að taka þátt í hráskinsleik blaðamanns Morgunblaðsins, sem er að uppfylla kvótann um neikvæðar fréttir af skattahækkunum ríkisstjórnarinnar.  Og úr þessu vanheilaga bandalagi kemur suða sem er Ekki frétt.

Sparnaður er ekki að minnka vegna hækkunar á fjármagnstekju skatti eða öðrum sköttum.  Sparnaður er að minnka vegna hins hrikalega ástands sem ríkir á heimilum fólks á aldrinum 25-55, þess hluta þess sem hafði keypt sér fasteign eftir að bóluhagkerfið náði flugi.

 

Vissulega getur slæmt líferni dregið fólk til dauða fyrir aldur fram en fólk sem lendir í kúlnahríð auðræningja, því er bráður bani búinn ef það nýtur ekki hjálpar og aðhlynningar samfélagsins.

Menn eins og Vilhjálmur sáu til þess að sú hjálp og sú aðstoð bærist ekki, og þegar afleiðingar siðleysis þeirra kemur í ljós, þá benda þeir á hið slæma líferni eða annað, sem vissulega hefði getað skipt máli, ef til skotárásarinnar hefði ekki komið.

 

Svona frétt er léleg blaðmennska og Morgunblaðinu til vansa.

Kveðja að austan.

 

 

 

70 milljarða samdráttur

Athugasemdir

[Kári Harðarson, 28.9.2010 kl. 10:23]

Vilhjálmur skuldar engum neitt.

[Ómar Geirsson, 28.9.2010 kl. 11:20]

Sem er líklegast kjarni hans skammtímahugsunar.

En þegar skuldarar þessa lands lúta í gras fyrir raunveruleikanum, þá eiga menn eins og Vilhjálmur heldur ekki neitt, það er ef eigur hans eru bundnar í bréfum.

Samfélag er ein lífræn heild, og ef einn angi þess tærist upp, þá kemur hitt í kjölfarið.

Kveðja að austan.