Nei, það á eftir að svíkja þjóðina í ICEsave.

17.8.2010 | 18:13

Nei, það á eftir að svíkja þjóðina í ICEsave.

Þess vegna segjum við ekki upp vitgrönnum starfsmönnum.

Aðeins fólki eins og Kristni Hrafnssyni, hann er jú ekki grannur af viti. Og kann að segja fréttir án þess að vera fífl eins og SuS börnin á óræðum aldri.

Og þó hann hafi skoðanir, eins og til dæmis í Evrópumálum, þá segir hann fréttir, ekki skoðanir.

Hvað þá að hann sé á launum hjá bretum við að svíkja þjóð sína.

Slíka fréttamen þolir Páll ekki, hvað þá litlu börnin sem koma óorði á nafnið Sigfús. Þau ráku fréttamanninn, sem sagði fréttir, því hann gat ekki leikið fífl.

Páll, sem einu sinni var góður fréttamaður, var í þröngri stöðu. Hann er ekki jú fífl. en kostun fíflanna hjá Ruv vegur þungt þegar útgjöldin versus tekjur eru gerð upp.

Þess vegna þarf þjóðin, það er 95% af henni, að hlusta á fífl, sem koma óorði á Nóbelskáld, sem geta ekki opnað munninn án þess að tala um ICEsave án þess að taka fram að fjárkúgun breta sé alþjóðleg skuldbinding Íslands samkvæmt EES samningnum.

Eða á Spegil eða Egil sem fá mislukkað stjórnmálafræðinga, sem höfðu ekki einu sinni tötsið að láta Ingibjörgu vinkonu sína útvega sér bitling, og koma óorði á nafnið Sigríður, til að útskýra að íslenskir öryrkjar og ellilífeyrisþegar eigi að borga ICEsave, vegna þess, af því bara.

Að ég minnist ekki á skoffínið sem hefur prófessortitil fyrir norðan, ekki sem erkifífl, heldur sem heimspekingur, og sagði að það væri hollt fyrir Íslendinga að leggja niður velferðarkerfi sitt svo þeir hættu að kjósa Sjálfstæðisflokkinn í framtíðinni.

Sjálfstæðisflokkurinn bæri jú ábyrgð á evrópska regluverkinu sem fór með bankakerfið á hliðina.

Öll þessi fífl og skoffín, munu örugglega dúkka upp á næsta vetri, þökk sé Páli. En sú stofa sem sagði satt, án þess að heimska eða keyptar skoðanir landráðafólks réði för, hún er lögð niður.

Enda kostað enginn auðmaður sannleikann.

Og bretar borga ekki fyrir fólk sem stundar ekki landráð í ICEsave.

Þeir borga bara fyrir Leppa og þjóðníðinga.

Og AGS kann ekki að meta fólk sem spyr spurninga af hverju ríkisstjórnin sló skjaldborg um auðmenn og heimili þeirra, en sinnti í engu réttlætinu í gengistryggðu lánunum. Og AGS stjórnar fjármálaráðuneytinu, sem aftur setur þumalskrúfuna á Pál.

Og þá verður lokað fyrir Páli eins og nafni minn lýsti hremmingum hans af mikilli framsýni fyrir nokkrum áratugum.

En ég spyr einfaldrar spurningar, af hverju á ég að borga skatt til breta???

Af hverju í ICEsave og af hverju til bretavina Ruv???

Geta þeir ekki látið BBC duga. Og sínar eigin skatttekjur.

Ég vil láta reka fullt af fólki á Ruv.

Og stinga þeim í steininn í leiðinni.

Það gerðu bretar þegar þeir vörðust þýskri kúgun, þeir vissu eins og er, að föðurlandssvikarar vinna fyrir óvininn í von um 30 silfurpeninga.

Vissulega er óþarfi að nota bresku hreinsunaraðgerðina, enda böðull hans (hennar) hátignar látinn.

En að láta þetta fólk komast upp með að svíkja þjóð sína, það er aumingjaskapur af verstu gerð. Og ávísun á mikla aukaskattheimtu kennda við ICESave.

Það er sorglegt að þessu fólki sé ekki sagt upp.

Það eru mild örlög fyrir svik þeirra.

Kveðja að austan.