Öfugmæladrottningin toppar sjálfa sig.

 

Skjaldborga-hvað hugsar maður þegar maður les þetta gullkorn.

"Það er ekki valkostur að efna til átaka í þeirri stöðu sem Ísland er í."

Vissulega rétt en af munni Jóhönnu, formanns flokks, sem hefur staðið fyrir stanslausum ófriði frá því Hrunið mikla varð,  bara í þeim einum tilgangi að styrkja pólitíska stöðu flokksins á kostnað þjóðarinnar, það er alveg yndislega fyndið.

Monthy Python náði aldrei svona hæðum í súrerlaískri fyndni. 

 

Og svo maður víki aftur af alvörunni, hvaða fyrirlitning er þetta eiginlega gagnvart þjóð sinni að tala um sátt og að sameinast um stefnu Alþjóðagjaldeyrissjóðsins?

Veit forsætisráðherra um einhverja þjóð þar sem Óbermi Alþjóðagjaldeyrissjóðsins hafa rústað lífskjörum almennings í "sátt"  og veit hún um önnur tæki en her og skriðdreka til að fá þjóðir til að sameinast um afsala sér auðlindum sínum og almannaeignun í hendurnar á alþjóðlegum bröskurum.

Af hverju ættum við Íslendingar vera fyrsta þjóðin á byggðu bóli sem lætur taka sjálfa sig af lífi í efnahagslegu tilliti svo auðmenn og auðleppar geti fitnað eins og púkinn á fjósabitanum, án þess að mótmæla eða reyna að brjótast undan arðráninu og kúguninni?

Heldur hún virkilega að þjóðin sé fífl þó stuðningsmenn hennar vaði ekki í vitinu, eða hafa fyrir löngu losað sig við allt raunveruleikaskyn????

Það á að varða við lög að móðga þjóðina svona.

En fyndin er hún.

Kveðja að austan.

 

 

 

Óvíst hvort annað tækifæri gefist

Athugasemdir

[Guðmundur Ásgeirsson, 26.6.2010 kl. 15:50]

Grátbroslegt er orðið sem ég myndi nota yfir veruleikafirringu þessarar annars virðulegu eldri konu.

[Ómar Geirsson, 26.6.2010 kl. 16:10]

Já, virðuleg er hún.

Og hefði jafnvel haldið virðingu sinni ef hún hefði þekkt sinn vitjunartíma.

Kveðja að austan.

[Guðmundur Ásgeirsson, 28.6.2010 kl. 00:25]

Og nú er hún gengin í hjónaband. Ég óska henni velfarnaðar á þeim vettvangi, og vona að hjúskapurinn með Jónínu gangi betur en á stjórnarheimilinu!