Tungur tvær tala og eru samt í sama manninum.

 

Hvað gerist ef önnur segir, farðu út úr ESB en hin segir farðu í ESB.

Getur sami maðurinn haldið samtímis í sitt hvora áttina???

 

Og þá kemur framsóknargen Engeyjarættarinnar til bjargar.  

Við eigum að draga umsóknina til baka, en þar sem við erum ekki í aðstöðu til þess, þá leggjum við alla okkar krafta fram við að tryggja að hagsmuni Íslands verði gætt í hvívetna í komandi aðildarviðræðum.

Jafnvel Steingrímur heitinn hefði ekki getað toppað þessa framsóknarmensku.

 

Eina spurningin er hver útbreiðsla framsóknargensins er í Sjálfstæðisflokknum?

Munu flokksmenn gleypa við þessum málflutningi Evrópusinnans Bjarna Ben????

Eða dugar þeim Nei-ið og síðan útskýringu þess af hverju flokksforystan  er að gera allt sem í hennar valdi stendur að fá hagfellda niðurstöðu í viðræðum sínum við breta og vini þeirra í ESB.

Snúast ESB viðræðurnar eftir allt saman um % ICEsave samningsins??

Ef marka má Bjarna, þá virðist svo vera.

Kveðja að austan.

Leggja aðildarumsókn til hliðar

Athugasemdir

[Kristján Hilmarsson, 26.6.2010 kl. 16:35]

 Sæll Ómar !

Ég hef ekki hugmynd um hvort Bjarni er ESB sinni eða ekki, en "stóla" á þig þar sem þú virkar svo viss í þinni sök.

En hann er nú held ég meira að reyna að minnka áhrifinn af ósætti um ESB aðild innan flokksins með sínum “vel völdu” orðum, sem góðum formanni ber (nema auðvitað formenn af Stalíns kalíber) ;)

En sama hvað þá treysti ég Bjarna (að þessum orðum skrifuðum er hann kosinn formaður með 62% atkv,) til að passa upp á að þegar þar að kemur, verði þjóðin alfarið látin hafa síðasta orðið, og er reyndar hjartanlega sammála honum í því að leggja allt þetta aðildarferli til hliðar, bretta upp ermar og koma landinu á réttann kjöl, hvernig og hvað langann tíma það tekur á að vera ALGERLEGA óháð ESB aðildarferli.

MBKV að "Utan" en með hugann "Heima"

KH

[Ómar Geirsson, 26.6.2010 kl. 18:18]

Blessaður Kristján.

Hef ekki hugmynd um það.  

Þessi pistill minn er liður í bloggþema dagsins.

Sem er eitt, að tala illa um Pétur Blöndal, og tvö, benda íhaldinu á að núna sé tími til kominn að hafa stefnu í málum þjóðarinnar.

Stefnu sem ég vona að verði andvíg AGS öflunum.

En eins þú ættir að vita, þá eru vegir mínir að markmiðunum illrannsakanlegir, það þarf að lesa marga pistla til  að fatta hvert ég er að fara.

Og átta sig á hvenær ég er bara að stríða til að stríða, eða hvenær ég er vísvitandi að ganga gegn skoðunum þess fólks sem ég síðan tala til í næsta pistli.

Minn endanlegi ósigur væri að allir yrðu sammála mér.  

En geta menn sannmælst um grunntóninn???

Að sumt megi ekki.

Þó ekkert réttast sé til, þá á hið sammannlega að vera grundvöllur framtíðar barna okkar.  

Ekki það að ég geti ekki rætt þá speki án þess að stríða nokkrum manni (veit samt ekki) en almennt lesa menn þá sem eru ósammála þeim af meiri ástríðu en þá sem þeir eru sammála.  

En hafir þú þann styrk að fá menn til að fatta að það sé svo lítið sem skilur á milli, þá .........

Það er þetta "þá" sem er markmið skrifa minna Kristján.  Þess vegna ræði ég svona mikið málin, ég er alltaf að eltast við ákveðna grunnhugsun.  Finna sameiginlega fleti, þó annað mætti halda við fyrstu sýn.

Grunnhugsun sem ég tel skipta máli.

En eins og ég sagði við þig áðan, þá er ég jákvæður út í drenginn, finnst hann lofa góðu.  Það er nefnilega margt ljósið hér í myrkrinu.

Kveðja að austan.