Hvað gerir fólk þá???

 

Fer út á kvöldin að ræna mann og annan?????  

Fer í víking og heggur mann og annan eins og tíðkaðist í upphafi Íslandsbyggðar??????

Fylkir liði á öskuhaugum eins og fórnarlömb Alþjóðagjaldeyrissjóðsins í Argentínu gerðu?????

 

Ég persónulega myndi fylkja liði á götum landsins og hrópa siðlaus ríkisstjórn.  Og það kæmi mér illilega á óvart ef tugþúsundir manna og kvenna á öllum aldri og úr öllum stéttum á hverju byggðu bóli myndu ekki samfylkja gegn musteri heimsku og siðleysis.

Núverandi efnahagsstefna er röng, hún er heimskuleg.  Og hún er algjörlega siðlaus.  

Þú þarft að sameina að vera algjörlega siðlaus og ákaflega heimskur til að taka tugmilljarða út úr hagkerfi á krepputímum til að borga eigendum krónubréfa hæstu vexti í heimi.

Og aðeins rotið stjórnvald bregst ekki við vanda þegna sinna á þann hátt að þeir hafi hjálp af.

 

Ég vona að hrópin vanhæf ríkisstjórn eigi aftur eftir að hljóma um götur og torg þessa lands.  

Oft hefur verið þörf, en núna er lífsnauðsyn.

Við þurfum fólk, við þurfum manneskjur, til að stjórna þessu landi.

Slíkt er ekki til staðar í dag.

Kveðja að austan.

 

 

Brátt hverfa bæturnar

Athugasemdir

[maria (IP-tala skráð) 11.6.2010 kl. 09:21]

Er nú ekki verið að tala um að þeir sem hafa verið atv.lausir í þrjú ár og á bótum- að þeir missi réttinn?

ég þekki engann sem betur fer, sem hefur verið atv. laus í þrjú ár...svo ég þekki þetta kannski ekki svo vel.

Hinsvegar heyrði ég um daginn, um manneskju sem var að útskrifast, hún fékk ekki starf sem hæfði hennar menntun -sótti um á nokkrum stöðum, fékk ekkert strax og skráði sig á atv.leysisbætur. ? er það bara ég eða finnst engum eitthvað skrítið við þetta? 

Ég hef sjálf sótt um lakari vinnur eða vinnur sem eru mjög erfiðar, lægri launaðar en bjóða uppá hærri laun með mikilli yfirvinnu, -ef ég hef ekki fengið þá vinnu sem mér hefur fundist ákjósanlegust.

Mér finnst þetta skítt. að hver sem er geti skráð sig atv.lausann af því hann fékk ekki starf sem bankastjóri eða eitthvað -bara því hann var búinn í bankastjóraskóla....

Ég held það sé allt í lagi að setja þessu aðeins skorður -eeen skoða hvert og eitt dæmi fyrir sig. passa sig á að valta ekki yfir fólk/eða skerða hlut þeirra sem virkilega geta ekki tekið bara hvaða vinnu sem er- barnafólk eða einstætt barnafólk osfrv.

[Ómar Geirsson, 11.6.2010 kl. 10:10]

Takk fyrir innlitið maria.

Kannski var ég að nota þessa frétt til að blogga um næst vinsælasta bloggáhugamál mitt, að tala illa um ríkisstjórnina.

En langtíma atvinnuleysi er flókið mál, og á sér margar orsakir.  Ég held að fæstir séu þar vegna þess að þeir fái ekki fína stöðu eða þeir eru að bíða eftir að staða Seðlabankastjóra losni vegna lágra launa þar á bæ.

Sjónarmið þitt gagnvart langskólamanneskjunni er um margt skiljanlegt, það er vissulega gáfulegra að vinna en að svelta.  En þú mættir líka hugsa um hennar hlið.  Hún var jú að mennta sig til ákveðinna verka.  Og það er viss praktík í því fólgin að taka ekki niður um sig, það eyðileggur ferilskrána, næst þegar þú sækir um þá afgreiðir ráðningastofan þig sem lúser.  

Það er skýring þess að svo margir langskólagengnir segjast vinna sjálfstætt, vera ráðgjafar eða annað slíkt, þeir hafa ekki vinnu, og eru að leita fyrir sér um hana.  Þrjóti allt, þá bæta þeir við sig gráðu, sumir koma jafnvel ekki aftur úr skólanum, fá svo margar gráður að sjálfvirkt ráðningaferli skóla skyldar þá til að ráða viðkomandi sem kennara, þó hæfnin sé kannski ekki í takt við gráðufjöldann.

Það sem ég er að segja er að það eru margar hliðar á öllum málum.

En kjarninn er sá að versti valkosturinn er að fólk fari út á kvöldin að ræna, þess vegna spáir siðað stjórnvald í hvað það getur gert.  Starfsemi eins og hjá Hinu Húsinu er dæmi um hvernig hægt er að koma ráðvilltum ungmennum inn á sporið, það næsta sem fréttist af þeim eru að þeir skapa mikinn gjaldeyri við gerð tölvuleikja, fá sem sagt tekjur af áhugamáli sínu.

Nefni þetta aðeins sem dæmi um að víða leynist sprotinn.

En þú færð enga uppskeru úr vonleysi og örbirgð.  

Og svo ég sé sanngjarn þá þekkja margir stjórnarliðar þessa staðreynd, og það er reynt að setja pening í aðstoð við langtíma atvinnulausa.

En sanngirni í garð ríkisstjórnarinnar er ekki á efnisskrá þessa bloggs.

Kveðja að austan.