Er til svo illgjarnt fólk ????

 

Að  það hundsar neyðaróp fólks sem er fast í kviksyndi Hrunskulda og þessa eina framtíð er að vera blóðmjólkurkýr fjármagnseiganda og bankakerfis sem er að stórum hluta í eigu ameríska vogunarsjóða.

Svarið er já, og sá hópur er mjög fjölmennur.

Kallast stuðningsmenn Leppstjórnar Alþjóðagjaldeyrissjóðsins.

Allflestir eru með heimilisfesti hjá Vinstrigrænum og Samfylkingunni, einnig má finna flærðina hjá mörgum íhaldsskarfinum sem á sér þann æðsta draum að vera feitur þjónn alþjóðaránhyggjunnar sem kennd hefur verið við Nýfrjálshyggju.

Frá slíku vanheilögum bandalagi er aldrei neitt góðs að vænta.

Kveðja að austan.

Óttast setningu bráðabirgðalaga

Athugasemdir

[Pétur (IP-tala skráð) 10.6.2010 kl. 11:04]

O, slagorðin eru svo ódýr. Vandinn er allur öðrum að kenna, en alls ekki mér. Alþjóðagjaldeyrissjóðurinn er svo ósvífinn að setja íslenska ríkinu það skilyrði fyrir lánveitingum að það jafni fjárlagahallann -- með þeim ósanngjörnu rökum að danskir, sænskir eða norskir skattgreiðendur vilja ekki borga hann fyrir okkur. Hvílík ósvífni. Já og ríkisstjórnin vill ekki þurrka út formálalaust allar "skuldir heimilanna". Heimilin eru jú öll saklaus og einhver þarf að bjarga þeim. Ekkert þeirra skuldsetti sig um of í óráðssíu fyrri ára, og því er nú eins gott að skuldirnar verði þurrkaðar út. Hver kemur til með að borga þann brúsa? Í anda efnahagsstefnu framsóknar þá bara gufa þær upp sí svona, enginn þarf að borga neitt, en einhvern veginn á ég erfitt með að sjá hvernig lífeyrissjóðurinn minn ætti að bregðast við á annan hátt en þann að lækka greiðslur úr sjóðnum í framtíðinni ef minn skuldavandi yrði þurrkaður út -- reyndar fórum við hjónin það gætilega fyrir hrun að við höfum getað staðið við okkar skuldbindingar án hjálpar ríkisins, og það þótt annað okkar hafi misst vinnuna; en við keyptum okkur reyndar ekki jeppa, nuddpott, eða ennþá stærri íbúð -- ekki einu sinni flatskjá -- en allt þetta eru auðvitað lífsnauðsynjar sem "heimilin" mega alls ekki vera án. Að öllu gamni slepptu: horfumst í augu við það að þjóðin skuldsetti sig langt umfram getu á árunum fyrir 2008 og nú er komið að skuldadögum, hjá heimilum, hjá fyrirtækjum, hjá ríkinu (sem skuldsetti sig óbeint með því að nota bóluhagnað frá fjármálafyrirtækjum til að lækka skatta). Engar skuldir geta horfið sí svona, því að þeir sem geta ekki greitt skuldir sínar -- samkvæmt þeim skilmálum sem þeir gangast að á þeim tíma sem þeir taka lánið -- eru gjaldþrota og gjaldþrota einstaklingar, fyrirtæki og ríki njóta ekki lánstrausts. Hættum þvi að kenna öðrum um, hjálpum þeim að fremsta megni sem eiga um sárt að binda, en hvernig sem allt veltur þá er engin skyndilausn til.

[Ómar Geirsson, 10.6.2010 kl. 11:52]

Blessaður Pétur.

Þar sem verið er að ræða um illgirni gagnvart mikilli neyð hjá heilli kynslóð Íslendinga sem á engan hátt bar ábyrgð á því sem gerðist í aðdraganda hrunsins, hvorki á þenslunni því hún var sköpuð á skrifstofum ríkisstjórnar og Seðlabanka, eða fávitahætti banka og fjármálamanna sem ætluðu að kaupa allan heiminn fyrir annarra manna fé, þá setti mig hljóðan.

Hvað rekur menn til að bulla svona eða fara eins rangt með og þú gerir.

"Alþjóðagjaldeyrissjóðurinn er svo ósvífinn að setja íslenska ríkinu það skilyrði fyrir lánveitingum að það jafni fjárlagahallann -- með þeim ósanngjörnu rökum að danskir, sænskir eða norskir skattgreiðendur vilja ekki borga hann fyrir okkur"

Trúir þú þessu sjálfur.  Auðvita jafnar þjóð í þrengingum sinn fjárlagahalla en til þess eru önnur ráð en að keyra allt í þrot.  En burtséð frá því þá er fjárlagahalli okkar í innlendri mynt, hvorki AGS, hvað þá skattgreiðendur á Norðuröndum eru ekki að fjármagna hann.  Þó núverandi stjórnvöld séu bæði illgjörn og heimsk, þá hafa þau ekki náð því stigi að keyra fjárlagahallann á erlendum lántökum.

Lánapakki AGS er hugsaður sem gjaldeyrisvarasjóður til að verja gengi krónunnar, og þó sú aðferðafræði sé arfavitlaus, þá er það samt tilgangur hans.  Þegar þáverandi forsætisráðherra þegar AGS samningurinn var gerður, réttlætti þessi risalán, þá sagði hann að vel mætti svo fara að ekkert yrði gengið á lánið, færi eftir þróun útflutnings þjóðarinnar og hvernig semdist um skuldir hennar.  

Þú mátt ráða Pétur hvort þetta bull þitt sé komið af lygnum huga eða öðrum annarlegum hvötum.

Ég get einnig upplýst þig um að þjóðir með sjálfstæða mynt eins og bretar og Bandríkjamenn, þær keyra á miklum fjárlagahalla og er hann fjármagnaður með seðlaprentun svo ég vitni í viðtal við Bernanke Seðlabankastjóra Bandaríkjanna.  Viðskiptahalli er vissulega fjármagnaður með erlendum lántökum en á síðasta ári var afgangur af viðskiptum við útlönd.

Og hvað kemur það umræðunni við viðbrögð við bráðavanda heimilanna, að þú og þín fjölskylda eigi ekki í vanda.  Ég og mín fjölskylda eigum ekki heldur í vanda, hvað kemur það málinu við?

"Engar skuldir geta horfið sí svona, því að þeir sem geta ekki greitt skuldir sínar -- samkvæmt þeim skilmálum sem þeir gangast að á þeim tíma sem þeir taka lánið -- eru gjaldþrota og gjaldþrota einstaklingar, fyrirtæki og ríki njóta ekki lánstrausts."

Hver er að tala um að skuldir hverfi????

Það er að tala um skuldaleiðréttingu vegna forsendubrests í hagkerfinu.  Verðtryggingin var ekki hugsuð til að takast á við fjármálahrun.  Það er einfaldlega verið að lýsa því yfir að þessir peningar séu ekki til.  Þetta eru útreiknaðir peningar þar sem forsendur útreikninganna hurfu við Hrunið.  Eina spurningin er hvort menn viðurkenna vandann og reyna að stýra honum eða hann verði óviðráðanlegur með miklu meira tjóni fyrir allt hagkerfið.

Á þessi einföldu sannindi benti Sólon og þau gilda í dag.  

Þú minnist á skerðingu lífeyrissjóðs þíns, þú er sem sagt þjáður af því siðleysi sem ég fjallaði um í síðasta pistli, að þú sér ekki forsendur þess að aðstoða þá sem lentu í hamförum.  En eignir lífeyrissjóðs þíns eru verðlausar ef greiðsluvilji hverfur úr hagkerfinu, og þá fyrst sér þú fram á skerðingu lífeyris þíns.

Skuldaleiðrétting er nefnilega skynsemi.

Og það heitir ekki að kenna öðrum um þegar bent er á að  stjórnvöld eru vanhæf og ráða ekki við þann vanda sem við blasir.  Það heitir staðreynd, og ef ekki er brugðist við þeirri staðreynd, þá mun nákvæmlega sama gerast hér og annars staðar þar sem óbrúanleg gjá myndast milli þeirra sem eiga og stjórna, og hinna sem kallast almenningur.  

Það verður ólga sem leiðir til uppreisnar í einhverri mynd.

Á  það benti líka Sólon.  Og hann benti á að það þýddi ekki fyrir eignamenn að tefla fram fólki laust við vit sem sæi allt til foráttu við að framkvæma hina óhjákvæmilegu skuldaleiðréttingu.  Það er ekki víst að almenningur léti það sér duga að afhausa fávitana og auðleppana, hann gæti líka afhausað eignamenn.  Hlutur sem gerðist bæði í Kína og Rússlandi á sínum tíma.  

Og jafnvel þó eignmenn og auðleppar hefðu sigur, þá væri sá sigur á rústum eigna þeirra, sem þar með skiluðu lítilli arðsemi.  

Það er nefnilega skynsamlegra  að deila á krepputímum, en að eiga á hættu að þeir sem ekkert eiga, taki allt.

Og um það snúa stjórnmál á Íslandi í dag.  Þeir sem halda að uppreisn almennings sé bundin við brandara Besta flokksins, þeir vaða í villu og keldu.

Eftir stendur Pétur hvað rekur þig áfram, er nafn þitt annað sjálf fyrir auðlepp sem heitir Ásgeir og gætir hagsmuna krónueigenda, eða ertu gerður út af klíku verkalýðsforingja sem standa dyggan vörð um húsbændur sína hjá Alþjóðagjaldeyrissjóðnum.

Enginn venjulegur maður talar svona.

Kveðja að austan.

 

[Anna Sigríður Guðmundsdóttir, 10.6.2010 kl. 17:55]

Mikilvægt er að fólk skilji að ekki gengur í heiðarlegu spili að sitja fyrst öðru megin við borðið með siðlausum staðhæfingum sem ekki gilda hinumegin við borðið?

Stundum kallað svindl þegar við þykjumst vera að kenna börnunum leikreglur, sem ættu að vera nothæfar í siðuðu þjóðfélagi?

Eitthvað klikkaði?

Hvað var það? Nú spyr ég fræðimennina sem eru "menntaðir"?

(SKÓLI ER VINNA, EN VINNA ER MESTI SKÓLINN, OG STÓRLEGA VANMETINN SKÓLI)?

Ég skil alltaf minna og minna í fólki?

Það læra börnin sem fyrir þeim er haft, og þvingað er inn í huga þeirra í siðspilltum skólunum! Krefjumst ekki meir af þeim en réttlátt er!!!!!

Verðugt umhugsunarefni fyrir alla. Og líka alla sem hafa hátt um óréttlæti um þessar mundir, og auðvitað alltaf, ef eðlilegur árangur á að nást á samfélags-grunni en ekki sundrungar-stríðsgrunni?

Þar sem börnin eru alltaf svikin vegna peninga-græðgi-sjúkleika! M.b.kv.

[Ómar Geirsson, 11.6.2010 kl. 00:14]

Blessuð Anna.

Alltaf gaman að fá álit þitt.

Og takk fyrir baráttukveðjur þínar.

Kveðja að austan.