Úti að aka á móti rauð ljósi.

 

Jógríma er söm við sig, vit hennar er ekki í askana látið.

Hún vinnur markvisst að því að minnka tekjur almannasjóðs.

Stolt hennar og metnaður flest í að rústa sem mestu á þeim tíma sem henni er gefið.  

Hún er húsbóndaholl Alþjóðagjaldeyrissjóðnum.

 

En að auka tekjur ríkisins dettur henni ekki í hug, það gæti stuðlað að endurreisn landsins án þess að allir endi í skuldahlekkjum hins alþjóðlega auðvalds.

Enda til hvers að vera Leppur auðmanna, ef maður þjónar þeim ekki.

 

En Jógríma er forneskja líkt og mannát eða mannblót.  Skiptir engu þó slíkir ósiðir séu nútímavæddir af Nýfrjálshyggjunni og færðir í búning niðurskurðar og blóðfórnar undirokaða skuldaþræla.

Eftir rúma viku mun Reykvíkingar senda hana á safn innan um frumstæðan átrúnað, sem hún á heima með öðrum skrímslum sem blótuðu fólki til að róa guðina, fjármálaguðina meðtalda.

 

Sú stjórn sem við tekur, mun gera það sem þarf til að auka tekjur ríkisins.  

Aðferðin er mjög einföld, kallast skuldaleiðrétting og lækkun skatta.  Og lækkun vaxta.

Skuldaleiðréttingin mun losa um gífurlega fjármuni sem í dag renna í vasa hrææta  hins alþjóðlegs auðvalds, amerísku vogunarsjóðanna.  Þessir fjármunir munu renna um hagkerfið og skapa veltu og hagvöxt, nauðsynlega forsendu tekjuaukningar ríkissjóðs.  

Lækkun skatta mun skila fleiri störfum, sem þýðir minni útgjöld og hærri skatttekjur.  

Lækkun vaxta er svo forsenda fjárfestinga, sem aftur auka veltu í núinu, sem og skapa forsendu framtíðar velmegunar.

 

Hagfræði hinnar hagsýnu húsmóður er sú fræði sem næsta ríkisstjórn mun vinna eftir og sú hagfræði sem mun endurreisa efnahagslíf landsmanna.

Hagfræði hagdverga Íslands, þessa snillinga sem steyttu þjóðarskútuna á skerjagarði heimskunnar, fellur með Jógrímu, og kemur aldrei aftur.

Það sem er margreynd heimska mun líka enda á safni í básnum sem kenndur er við Bakkabræður.  

Eða í minningardeildinni um þá sem óku á móti rauðu ljósi.  

 

Þjóðin vill þessa vitleysu ekki lengur, stjórnmálastéttin gróf endanlega sína gröf með því að afhenda Magma orku almannaveitu Suðurnesja.  Það var dropinn sem fyllti bikarinn.

Eftir 2-3 ár mun enginn muna af hverju þetta fólk fór með völd í öll þessi ár.

Kannski var þetta bara allt saman martröð.

Martröð sem við vöknum upp af eftir viku þegar Besti flokkurinn bakar fjórflokkinn í borginni.

Allavega er framtíðin björt.

Jógríma hefur runnið sitt skeið á enda.

Það vill hana enginn lengur.

Fólk skammast sín fyrir að hafa ljáð henni atkvæði sitt.

Mistök sem ekki verða endurtekin.

 

Farið hefur fé betra.

Kveðja að austan. 

 

 

 

 

Skattar eiga að hækka um 11 milljarða

Athugasemdir

[Jóna Kolbrún Garðarsdóttir, 22.5.2010 kl. 00:26]

Ég vona að tími Jóhönnu sé á enda, bara að hennar tími hefði aldrei komið.  Þá værum við ábyggilega í betri málum...

[Jóhannes H. Laxdal, 22.5.2010 kl. 04:02]

Æðisleg ríkisstjórn.  launasamningar að losna í vetur og hugsanlegar launahækkanir við sjóndeildarhringinn og þá ætlar þessi Ríkisstjórn "Fólksins" að hækka skatta sem verður örugglega til þess að éta upp allar launahækkanir ef einhverjar verða.