Þá þekkjum við stuðninginn við Steingrím í hans eigin kjördæmi.

 

Já flokkurinn sem Steingrímur Joð Sigfússon leiddi, beið mikið afhroð í þjóðaratkvæðagreiðslunni um ICEsave.  Þó var talið að í Norðaustur kjördæmi gætu hann fengið töluvert fylgi því þar er höfuðvígi VG á landinu.

En besti hugsanlegi samningur sem mögulega var hægt að fá, fékk 1,94% atkvæða hér fyrir Norðaustan.

Ef þetta kallast ekki afhroð, hvað er þá afhroð????

Jú, tíuþúsund manna Ítalskur her gafst upp fyrir 30 manna herflokki breta í Norður Afríku.  Og Finnar flengdu Rauða herinn á fyrstu vikum Vetrarstríðsins.

Og Ísland tapaði 14-2 fyrir Dönum en eru fleiri dæmi til????

 

Er ekki kominn tími á forystusveit VG eftir þennan harða dóm kjósenda.

Kveðja að austan.

Úrslit í Norðausturkjördæmi

Athugasemdir

[Guðmundur 2. Gunnarsson (IP-tala skráð) 7.3.2010 kl. 23:13]

Sæll foringi, og til hamingju með það sem ekkert er, ef marka má Steingrím vin okkar og Jóhönnu.  Þau fara á kostum í fýlukeppni, og segjast ekki hafa reynt að letja neinn til að mæta á kjörstað.  Eins og Borgarnesræðan ver ekki til að hygla Baugsskúrkunum og öðrum af þeirri sortinni, var forsíða Fréttablaðsins með að sú fýlda ætlaði ekki að kjósa, alls ekki svoleiðis meint.  Hún var sennilega hvatning fyrir þjóðina til að mæta.  Hvernig hefði nú farið ef þau hefðu lagt sig fram við að letja fólk til að nota atkvæðaréttinn?  En merkilegt eins og hversu ómerkilegt málið er að þeirra mati, hversu skelfilega illa þau taka ósigrinum.  Kannski ættu þau að fara fram á endurtalning atkvæða?

Sigurkveðjur frá suð/vesturhorninu hvíta.

[Ómar Geirsson, 8.3.2010 kl. 00:09]

Blessaður Guðmundur, ætli við hefðum ekki Hoxað kosninguna ef Jóhanna hefði beitt sér gegn kosningunni.

Sorglegur leiðtogi, en forsetinn er að koma sterkur út, hann kann pólitík, eitthvað sem ég hélt alltaf að Steingrímur kynni.

En hann er víst galinn og sagði já, svo ég noti lýsingu Ögmundar.

Já þetta var sætur sigur, en það þarf dálítið að passa upp á framhaldið.   Sem mun örugglega ganga vel því rugludallarnir eru í útrýmingarhættu.

Ætli það endi ekki á því að þeir fái sérstakan talsmann og skjól undir lagabálknum sem fjallar um tegundir í útrýmingarhættu, nema þeir verða allir komnir inn á safn áður, sem steingervingar.

Flottasta fyrirsögnin í dag var hjá hinum ötula trúmanni, hilmari jónssyni, þar sem hann sagði í fyrirsögn við frétt um að Darling væri allur að vilja gerður til að halda áfram að innheimta skattinn, að þarna sæju menn árangurinn af vinnu Steingríms og Jóhönnu.  Til hvers þarf að borga Spaugstofunni kaup, þegar maður fær svona skemmtun hér á Mbl.is.

Og þetta er bara eitt af mörgum dæmum um gullkorn dagsins.

Ekki svo galinn hugmynd hjá mér að skipa þeim talsmann þessum heiðursmönnum ICEsave átrúnaðarins.  Þeir mælast varla lengur.

Kveðja að austan.