Takk Finnar, þið eruð vinir í raun.

 

Risalánið sem kennt er við vinaþjóðir og AGS er ein mesta svívirða nútímasögu, því með því á að koma krónueignum braskara yfir í erlendan gjaldeyri á kostnað skattgreiðanda.

 

Verði það samþykkt og tekið, þá er út um Ísland eins og við þekkjum það í dag.

 

Þetta vita Finnar og sjá þarna kjörið tækifæri til að leiðrétta hina glæpsamlegu heimsku þegar íslenskir stjórnmálamenn í losti samþykktu þau fáráð að 300.000 þúsund manna smáþjóð þyrfti að hafa varagjaldeyrissjóð upp á 800 milljarða króna.

Hafi Finnar mikla þökk fyrir.

Kveðja að austan.

Lán frá Finnum háð Icesave

Athugasemdir

[ómar (IP-tala skráð) 7.3.2010 kl. 22:02]

myndir þú lána frænda þínum sem er róni milljónir á hans forsendum eða þínum?

Við eigum enga kröfu á að norðurlönd hjálpi okkur, hvað höfum við gert fyrir þau?

[Toni (IP-tala skráð) 7.3.2010 kl. 22:31]

Norðurlöndin eru ekki að lána okkur vegna erfiðleika okkar. Þau eru að taka þátt í lánapakka IMF til styrktar fjármagnseigendum sem eru fastir í krónunni.

Frænda mínum myndi ég sýna meiri hugulsemi en þetta, þó hann væri bæði róni og auðnuleysingi ómar minn og ekki lána honum eitt penný. Pennýið myndi ég gefa honum til að hann kæmist í meðferð, frekar en að skuldsetja hann fyrir milljarða til þess eins að bjarga ósvífnum sprúttsölunum.

[Ómar Geirsson, 7.3.2010 kl. 22:58]

Blessaður nafni og Toni.

Sé ekki betur en að við séum allir þrír sammála, við eigum sko enga kröfu á hjálp Norðurlanda.

En nafni kæri, þá er samt hægt að gera þá kröfu til þeirra að þau taki ekki þátt í níðingsverkum.

Og þetta vita Finnarnir, skilja mætavel að stjórnmálamenn í sjokki, eftir algjört hrun efnahagslífs sinnar þjóðar, að  þeir hafi ekki dómgreind eða vit til að mæta alþjóðlegum glæpamönnum og föntum, og því fór sem fór, 800 milljarðar í gjaldeyrisvarasjóð handa þjóð sem vantar stærri Seðlageymslur til að geyma þann sjóð sem hún á fyrir.

Finnar eru heiðursfólk og gátu ekki sóma sinn vegna tekið lengur þátt í slíkum skrípaleik.

Og ég endurtek, hafi þeir þökk fyrir.

Kveðja að austan.