Var Jóhanna krafin svara um leynisamning sinn við breta????

Jóhanna Sigurðardóttir upplýsti hollenskan almenning í dag að Ísland væri skuldbundið Hollandi og Bretlandi.  Og íslenska ríkisstjórnin vildi fá að greiða þær skuldbindingar, en sem stæði bannaði forseti Íslands henni að gera það.

Nú er ljóst að aðeins tvennt getur skuldbundið þjóðir.

Dómur, eða undirritaður samningur sem byggist á lögum.

Nú hafa Hollendingar og bretar ekki farið með kröfur sínar fyrir dómstóla og fengið þær staðfestar.

Og forseti Íslands hefur ekki skrifað undir þau ólöglegu lög sem Alþingi samþykkti með minnsta mun að kvöldi 30. desember.  Og þau lög voru um ríkisábyrgð á láni frá bretum og Hollendingum, en skýrt tekið fram að íslensk stjórnvöld og Alþingi Íslendinga viðurkenndi ekki ólöglegar kröfur breta og Hollendinga.

En samt inniheldur bréf Jóhönnu þessa setningu: "Ísland muni gera sitt ítrasta til að standa við skuldbindingar sínar við Breta og Hollendinga".

Ekki er konan að ljúga eða við skulum ætla ekki.

Þá stendur eftir sú spurning, hvað leynisamning hafa íslensk stjórnvöld gert við yfirvöld í Bretlandi og Hollandi sem skuldbinda íslenskan almenning???

Og er sá samningur löglegur, geta stjórnvöld skuldbundið almenning með leynisamning án þess að fá til þess fyrst samþykki Alþingis?

Eða er bara öllum sama, 507 milljarðar séu bara skiptimynt milli vina.

En þekkir einhver aðra þjóð sem myndi líða forsætisráðherra sínum að skuldbinda þjóð sína um 2/3 af þjóðarframleiðslu, brúttó, en ef allt fer á besta veg, 1/3 af þjóðarframleiðslu??

Eða er Jóhanna að ljúga upp á okkur skuld eins og Gordon Brown???

Hví hræðast þau skötuhjúin svona dómsstóla????

Hvað eru þau að fela???

Eða er öllum sama, ætlum við bara að yfirgefa landið og láta breta um að hirða upp eigur okkar???

Allavega er handboltinn stærra mál en yfirlýsing forsætisráðherra um hina meintu skuldbindingu þjóðarinnar.

Ég held að við séum einstök.

Kveðja að austan.

 

 

 

Engin niðurstaða eftir Icesave-fund

Athugasemdir

[Sigurbjörg Jónsdóttir (IP-tala skráð) 21.1.2010 kl. 21:30]

Hvað eru þau að bralla Jóhanna, Steingrímur, Össur, Svavar,Indriði,Jón B og ekki má gleyma Gordon B hryðjuverka undrinu,svo hef ég verið að pæla í Ólafi R.

[Ómar Geirsson, 21.1.2010 kl. 23:35]

Þetta eru allavega brallar Sigurbjörg, og brallið snýst um að selja þjóðina.

En Ólafur vill sátt við þjóð sína.

Kveðja að austan.

[Elle_, 22.1.2010 kl. 00:30]

Nei, það er orðið algerlega óþolandi hvað þessi Jóhanna Sig. gengur langt í koma glæpnum yfir okkur, Ómar.  Núna hefur þessi kona lagt í blákalda herferð út í heim, með loforð fyrir okkar hönd í nokkrum fjölmiðlum um að VIÐ munum standa við OKKAR skuldbindingar og á þessu hefur þessi kona staglast við útlönd síðan í apríl.  Ekkert enn skrifað fyrir okkar hlið.  Og hvaða OKKAR skuldbindingar ætli það séu nú???  Drottinn forði mér frá því að segja opinberlega það mig langar mest að segja.

[Guðmundur 2. Gunnarsson (IP-tala skráð) 22.1.2010 kl. 00:37]

Sæll austanmaður.

Vona að ég sé ekki að syndga uppá náðina að skrensa aðeins út af færslunni og lauma inn nokkrum gagnlegum heimildum og slóðum, sem og hugrenningum um Icesave áróðurinn sem þeir sem leika í röngu liði eru að reyna að eitra fyrir þjóðinni.  Því miður sem fyrr tekst þeim ekki að koma með ein einustu rök sem eru ekki hreinar lygar að grófustu gerð, sem er um leið þungamiðjan í þeirra málflutningi.  Ganga að því sem vísu að fólk gefist upp með að afla sér réttra upplýsinga og eða að fólk er fífl.

Það er vandséð hvernig einhverjir leynisamningar standist lög ef þeir eiga að skuldbinda ríkissjóð, sem er samkvæmt stjórnarskrá ógerlegt.  Öll framkoma Jóhönnu og Steingríms bendir til að þau hafi skapað sér lagalega ábyrgð gegn samherjum sínum Bretum og Hollendinga og ESB ófreskjunnar.  Á þessu sem öllu öðru tengdum Icesave hörmungunum verður að fara fram opinber lögreglurannsókn á, og draga ráðherra sem aðra sem hafa brotið lög fyrir dómstóla.

Nokkrir alfræðingar og sjálfskipaðir lagasnillingar hafa riðið bloggsíðum með óþverralegum lygum og málþófi til að reyna valda Íslendingum sem mestum skaða. og hafa kosið að ganga í líð með Bretum og Hollendinum og ESB "alþjóðasamfélaginu".  Fremstir hafa ma. farið aðilar eins og Auðunn Gíslason og Ómar Kristjánsson á þessum vetvangi.  Í fjölmiðlum prents sem ljósvakans hefur gamall falskur Samfylkingarþokulúður, Jón Baldvin Hannibalsson reynt að blása.  Hann var seinast á Útvarpi Sögu í vikunni og hefði getað verið viðrekstur þeirra Ómars og Auðuns, svo kostulegur var málflutningurinn.  Eitt eiga þeir 3 sammerkt, að lesskilningurinn virðist einstaklega visinn.  Þas. ef það er ekki eitthvað annað alvarlegra sem brýst fram í þessari andfélagslegri hegðun þeirra félagana.

Sigurður Líndal lagaprófessor tók lúðurinn falska fyrir hálfu ári síðan, leysti niður um hann og rassskellti opinberlega vegna sama lygavaðals og hann er byrjaður að básúna, sem er sá sami og félagarnir Ómar og Auðun láta frá sér fara.  Sennilega eftir leiðbeiningum ellilífeyrisþegans:

http://www.pressan.is/pressupennar/lesa_Sigurd_Lindal/ur-thrasheimi-stjornmalamanns

Hér er samantekt eftir þá Lárus L. Blöndal hæstaréttarlögmanns, Stefán Má Stefánsson og Sigurð Líndal  lagaprófessora, yfir þær greinar sem þeir hafa skrifað um Icesave hroðann, og þeir bakkabræður Ómar, Auðun og Jón Baldvin skilja ekki:

http://www.mbl.is/mm/mogginn/blad_dagsins/netgrein.html?art_id=94089

Þeir Bakkabræður hafa ítrekað logið til um merkilegheit minnisblaðs, og ekki síst um gerðardóm sem átti að fara fram stuttu eftir hrun, þar sem þeir snúa öllu á haus, eins og vera ber.  Ísland átti að hafa gjörtapað málinu og neitað að niðurstaðan yrði endanleg.  (Sérstaklega væri ánægjulegt að heyra frá lagasnillingnum Ómari Kristjánssyni um þennan þátt. (O:  )  Segir sennilega allt um hversu lágt skrímsladeild stjórnarliða og Breta og Hollendinga leggst til að reyna að rústleggja landi og þjóð fyrir ESB draum Hitlers. 

Viðtal við fyrrverandi fjármálaráðherra:

http://www.inntv.is/index.php?option=com_n-thattur&do=watch&vid=1427&id=1422&Itemid=27

Held að það er vel til hæfis að láta gamla lærimeistara ESB fíkla eiga seinasta orðið:

"By the skillful and sustained use of propaganda, one can make a people see even heaven as hell or an extremely wretched life as paradise."

Adolf Hitler 

Bestu kveðjur frá suð/vesturlandi og gjörðu svo vel að sækja aftur ..... austanveðrið. 

[Jóhann Ingi Kristinsson (IP-tala skráð) 22.1.2010 kl. 03:40]

Ég er 100% sammála þér, Ómar minn. Jóhanna er ein gangandi valdasýki, og Steingrímur J. líka!!!

[Jakobína Ingunn Ólafsdóttir, 22.1.2010 kl. 04:57]

Þetta er allt að verða mjög dularfullt. Þrátt fyrir mikin meðbyr í umheiminum og hvatningu til þess að láta Breta og Hollendinga ekki kúga okkur heldur ríkisstjórnin áfram bljúg að beygja sig fyrir innrásarhernum.

[Ómar Geirsson, 22.1.2010 kl. 09:11]

Takk fyrir innlitið kæra fólk.

Ég var að henda inn uppskrift minni að viðtölum Egils Helga fjölmiðlasnillings við þá Alain Lipietz og Michael Hudson.   Þar er kjarni ICEsave deilunnar rakinn, bæði hvað varðar lagaþáttinn, réttleysi breta, og viðbrögð umheimsins.  Sérstaklega er  sjónarhorn Hudson á viðbrögð umheimsins athyglisvert, "we are not alone". 

Þessi viðtöl eru óendanleg uppspretta pistla og raka okkur í hag.  Og þau þyrftu að fara sem víðast.  Ég ætla að pistla nokkra grunnkjarna með mínu nefi, og aðrir mættu gera það sínu.  Öll rökin fyrir sigri þjóðarinnar koma þar fram, enda réðist ICEsave stjórnin á þennan þátt Egils af mikilli heift.

Og Jakobína, sú heift og þær rangfærslur, sem ég ætla að taka fyrir i dag, þær sanna, hafi einhver efast, að það á að semja við bretana með illu, rök málsins koma því ekki við.  Bréf Jóhönnu er enn ein staðfesting þess.

Og takk fyrir Guðmundur, ég treysti því að þú hleypir úr rökbyssum þínum sem víðast.  En ég skil ekki með ykkur sunnlendingana, viljið þið aldrei austanveðrið, hvað er að sólinni????

Kveðja til ykkar allra.

[Hallfreður (IP-tala skráð) 22.1.2010 kl. 10:06]

mig langar að minnast á eitt sem mér finnst allir vera búnir að gleyma en það er upphaf þessa máls ég man ekki betur en Geir nokkur Harde hafi lofað þessum greiðslum og að samningar sjálfstæðis og samfylkingar við breta hafi borið hærri vexti og til skemmri tíma en það sem nú er upp á borðum. þegar ríkisstjórnarskipti urðu gat ný ríkisstjórnin farið fram á að taka aftur upp viðræður og kemur til baka að mínu mati með ill skárri samning en Sjálfstæðismenn. Þetta er svo sama fólkið sem heldur því framþegar það er komið í stjórnarandstöðu að það sé hægt að fá betri samning eða þá að við eigum ekkert að borga, hvað olli þessum viðsnúningi

[Ómar Geirsson, 22.1.2010 kl. 10:51]

Blessaður Hallfreður.

Ég vona að þú sért maður, ekki eitthvað annað.  Að þú eigir börn, eða ætlir að eiga börn.

Hvað kemur Geir Harde, Davíð Oddson, Ingibjörg Sólrún, Halldór Ásgrímsson, eða nokkur annar því við hvort þú vilji lifa á þessu landi.

Ég ætla að vitna í Alain Lipietz í Silfrinu núna um daginn, en þú getur lesið viðtalið í heild hér að framan.  Og Lipietz, meðan ég man heitir ekki Harde eða er Sjálfstæðismaður, í Frakklandi myndi hann kallast VinstriGrænn, en pólitík kemur því ekki við sem hann segir, hann talar sem maður.

"Hún er sú að breyta skuli ICEsave skuldinni, skuld einkarekinna banka í skuld íslenska ríkisins.  Ekki vegna þess að það sé í samræmi við tilskipun 94, því þar kemur ekkert slíkt fram, heldur er það af einhverjum sökum túlkað sem svo að íslenska ríkið sé ábyrgt fyrir mistökum íslenskra einkafyrirtækja. 

Þetta er alveg andstætt inntakinu í tilskipununum (all the directive), tilskipun 94, 2002 og öllum öðrum sem málið varðar. "

Og seinna segir hann 

"Ákvörðun um að breyta skuldum einkafyrirtækja í skuld ríkisins gæti aðeins tekið gildi eftir þjóðaratkvæðagreiðslu.  Þetta hefur verið í gildi (that is truth) frá því í byltingunni á 18. öld.  Ríkið getur ekki tekið peninga af þegnum sínum af því að það vilji lána einhverjum öðrum féð.  "

Hallfreður, það hefur enginn rétt að setja skuldir höfðingja á alþýðu fólks.  Aðeins hjartalausir auðmannsdindlar skilja það ekki. 

Notaðu hjartað í þér, lestu viðtalið við Hudson og Lipietz, og komdu svo aftur að spjalla.  Það er aldrei of seint að vera maður og gera það sem rétt.

Kveðja að austan.