Grímur Ormstunga kom upp um sig.

Hrannar B Arnarsson er hinn illi andi í stjórnarráði Íslands.

Hann er maðurinn sem matar Jóhönnu Sigurðardóttir á röngum upplýsingum.   Hann er maðurinn sem  hvíslar í eyrun hennar að hún sé gömul og veik, hennar dýrðardagar séu liðnir.  Einu sinni hafi hún verið sverð og skjöldur alþýðunnar, en núna hafi hún aðeins þrek til að milda ósigurinn.  

Hann er Grímur Ormstunga okkar Íslendinga.

En Grímur Ormstunga hafði vit á að hvísla, hann hafði vit á að afvegleiða húsbónda sinn með röngum upplýsingum þegar enginn heyrði, eða eins og segir um hann í góðri bók, þegar ógnin kom úr vestri, þá sá hann til þess að varnarliðið héldi í austur.  

Hann var hinn fullkomni flugumaður óvinarins.

En Hrannar hefur lúmsk heitin, en ekki vitið hans Gríms.  

Hann réðist opinberlega að Joly, hinni hugrökku skjaldmey,  og núna hefur hann vegið að riddaranum Lipietz, sem skjaldmeyjan fékk til liðs við sig í baráttunni við hin illu ofríkisöfl.   Fyrst með að panta róg frá misgáfuðum þingmönnum, og þegar það dugði ekki til þá sendi hann út fréttatilkynningu í nafni forsætisráðherra.  

Fréttatilkynningu sem stenst ekki skoðun sannleikans, en afhjúpar af hverju Jóhanna hefur verið skugginn af sjálfri sér.  Óvinurinn átti Hauk í innsta horni, og hann beitti rökum húsbónda sinna til að dáleiða hina öldnu baráttukonu, svo það eina sem hún sá í stöðunni var að gefa eftir vörn þjóðarinnar, en semja þess í stað um uppgjöf hennar, í þeirri von að einhverju væri þyrmt.

En núna veit þjóðin af hverju leiðtoginn gekk um hokinn, og af hverju varnarliðið lagði niður vopn.

Núna veit þjóðin hver bar ábyrgð á þrælasamningnum.

Það var Grímur Ormstunga og vélarbrögð hans.

Ég ætla lítillega að fjalla um blekkingarvef Ormstungu í næstu bloggfærslu.   En ég veit að verðir þjóðarinnar, þeir Stefán Már og Lárus Blöndal, mun skjóta þau í tætlur, pakka niður í tunnu og senda aftur til uppruna síns.

En nú skýrast víglínur, eftir að blekkingartungan sýndi spil sín.

Núna er brýnt að láta kné fylgja kviði og lofta út úr stjórnarráðinu.

Skrímslasafnið fékk fé af fjárlögum, því er ekki of gott að taka við hinum illa anda.

Þar er hann best geymdur innan um sína líka.

Kveðja að austan.

 

 

 

Ábyrgð heimaríkisins ljós

Athugasemdir

[magnús steinar (IP-tala skráð) 11.1.2010 kl. 17:51]

Heldur þetta lygadót í ráðuneytunum að við trúum þvættingnum í þeim, þau eru búinn að ljúga að þjóðinni síðan þau lugu sig í gegn um kosningarnar.Jóhanna og Steingrímur látiði okkur í friði, og farið til Bretlands eða Hollands þar eigið þið heima.

[Ingibjörg Guðrún Magnúsdóttir, 11.1.2010 kl. 20:02]

Já áfram Ísland segi ég bara. Góð grein Ómar og hafðu þökk fyrir.

[Ómar Geirsson, 11.1.2010 kl. 23:18]

Blessaður Magnús.

Það er merkilegt hvað margir trúa.

Og þess vegna þarf að svara fréttinni strax, svo fólk fái hin sjónarmiðin.  Eftir að 53% skoðanakönnunin var birt, þá hef ég reynt mitt besta, og látið allt annað sitja á hakanum.  

Og þetta er að hafast hjá okkur, okkur öllum, hvort sem er hér á Íslandi, eða úti.

Og ég held að hinn andi hafi valdið þeim gjörningum sem gera Jóhönnu og Steingrím eins og þau eru.  Spurning hvort kirkjan eigi ekki særingarmann á lausu.  Það er kaþólska kirkjan.  Eða Ásatrúarmenn, þeir þekkja andaheim.

Allavega eru rök þessa fólks ekki af þessum heimi.

Kveðja að austan.

[Ómar Geirsson, 11.1.2010 kl. 23:20]

Blessuð Ingibjörg.

Og takk fyrir.  Alltaf gaman að heyra í þér.

Mig hefur lengi langað að koma meistarastykki Tolkiens inn í umræðuna, og ég gat ekki stillt mig þegar ég las þessa fréttartilkynningu.  Rökin komu svo í næsta pistli.

Kveðja að austan.