Góðar fréttir ef sannar séu.

En þessir menn viðurkenndu ekki heimskreppuna fyrr en löngu eftir að hún var skollin á. 

Alþjóðagjaldeyrissjóðurinn var alltaf mun bjartsýnni í spá sínum en aðstæður buðu upp á.

Skýringin var mjög einföld, það að viðurkenna vandann, var talið auka á kreppuna. 

Eins er það í bataferlinu.  Það þarf að tala það upp segja fræðin.

En á þessu er einn stór galli. 

Ef heimskreppan varð vegna kerfisgalla, og á þeim galla er ekki tekið, þá verður aldrei raunverulegur bati. 

Aðeins sá blekkingarbati sem er tilkominn vegna opinbera útgjalda.

Fjármálakerfið er ennþá í rúst, en hagar sér eins og ekkert hafi gerst.  Það lánar í spákaupmennsku og gróðabrall en sinnir illa þörfum grunnatvinnuvega.  Þar er oftast, bæði í Bandaríkjunum og Evrópu aðeins um endurfjármögnun lána að ræða.

Eins er það með yfirskuldsetningu flestra ríkiskassa hins vestræna heims.  Þær skuldir eru ekki borgaðar nema til kom skattahækkanir.   Það dregur úr veltufé hagkerfisins.  Og yfirskuldsetning ungs fólks sem hefur keypt sér húsnæði í húsnæðisbólunni, hún dregur líka úr veltufé.  Og bankar sinna atvinnulífinu með eindæmum illa. 

Samt er bati segja menn.  Þeir tókust ekki á við kerfisgallana, og þeir hundsa allar þekktar forsendur hagvaxtar.  Á hverju á hagvöxturinn að byggjast???  Ofurbónusum bankamanna???

Við skulum ekki gleyma því að þeir sem vöruðu við fjármálakreppunni, að þeir eru mjög efins á þennan sýndarbata opinbera útgjalda.  

Þeir höfðu rétt fyrir sér þá, hafa þeir líka rétt fyrir sér núna?????

Hinir sem vitnað er i, þeir hafa alltaf haft rangt fyrir sér.

Á að treysta þeim núna???

Kveðja að austan.

 

 

 

Efnahagslíf heims að ná sér