Voru þá árásirnar á forsetann ekki geðshræringar????

Viðbrögð ríkisstjórnar Íslands við tilkynningu forsetans um að vísa ICEsave lögunum í þjóðaratkvæði, voru ótrúleg. 

Í stað þess að viðurkenna staðreynd mála, viðurkenna að málið væri umdeilt, og það yrði ekki lágmarks sátt um það nema þjóðin hefði haft síðasta orðið,, þá var strax sett á stað ótrúleg ófrægingarherferð á hendur forseta landsins.

Krossfestir píslarvottar mættu í sjónvarp og útvarp og fordæmdu ákvörðun forsetans, en sögðu með öllum þeim þjáningarsvip sem krossfestur maður getur sett upp í þjáningum sínum, að nú yrðu þau að lágmarka skaðann.

Að lágmarka skaðann.

Hvað skaða?????  

Það var ekki skaði að skrifa upp á 1.000 milljarða skuldabréf sem öllum er ljóst að þjóðin risi ekki undir, nei það var skaði að bandarískt einkafyrirtæki skyldi fá pöntun á að setja Ísland í ruslflokk.

Engum datt í hug að spyrja að fyrst að Ísland, sem hafði aðeins sent frá sér tilkynningu um að það vildi að þjóðin hefði síðasta orðið gagnvart þessum risaskuldbindingum, lenti í ruslflokk vegna þess, að í hvað flokk myndi landið lenda í þegar það hefði skrifað undir.

"Fullyrðingar í fjölmiðlum um að Ísland verði útskúfað frá fjármálamörkuðum ef það tekur ekki á sig þessa skuldabyrði eru fjarstæða. Þvert á móti myndi skuldafjallið og skattahækkanirnar sem þær myndu kalla á fæla á brott erlenda fjárfesta" Prófessor Sweder van Wijnbergen, Amsterdamháskóla

Þó virtir erlendir prófessor benda á þessa augljósu staðreynd þá hefur hún ekki komist inn í íslenska fjölmiðlaumræðu.  Spunakokkar ríkisstjórnarinnar eru öflugri en það.

Forsetann átti að knésetja með öllum ráðum.

Og þessi frétt afhjúpar að ekki var um stundarbrjálæði augnabliksins að ræða, atlagan að Ólafi var vel skipulagður fjölmiðlasirkus.

En að verja þjóð sína var þessum mönnum ofviða.

Enda eru þeir einu sem trúa Brown og Darling.  Eða réttara sagt, telja það hagsmuni sína að trúa þeim.

Og á meðan blæðir þjóðinni, hún er sundurtætt milli þess áróðurs sem bretavinir láta stanslaust dynja á henni i gegnum ríkisfjölmiðlanna, og þess sem heilbrigð skynsemi segir henni. 

En ein af grunnstoðum lýðræðisins er að fólk trúir valdsmönnum sínum á hættutímum, trúir því að þeim gangi gott eitt til.  Og í 80 ár hefur ríkisútvarpið staðið vörð um þjóðina og hagsmuni hennar.  Oft upp á kanti við valdsmenn.

Fólk höndlar ekki þá staðreynd að nú er því hlutverki lokið.  Ríkisútvarpið hefur fundið sér nýja húsbændur, og þeir eru fólkið sem vill svíkja hundruð milljarða út úr landsmönnum á ólöglegan hátt, en njóta til þess stuðnings valdagráðugra innlendra Leppa.

En fólk þarf að átta sig á þessari staðreynd, áður en það er um seinan.

Það er jú framtíð barna okkar sem er í húfi.

Kveðja að austan.

 

 

 

 

 

 

Þrjár ólíkar yfirlýsingar stjórnarinnar voru til reiðu