Er vitið endanlega búið að yfirgefa Jóhönnu????

En bréf hennar er samt mikil framför. 

Það er skömminni skárra  að hafa misst vit sitt og skynsemi, vegna álags, en að beita fyrir sig lygum og blekkingum eins og hún gerði í framsöguræðu sinni 30 des, þegar hún mælti með ICEsave frumvarpinu.  Vil í því samhengi minna á blogg mitt um þá vanvirðingu sem Alþingi var sýnt að stærsta mál Íslandssögunnar var fylgt úr hlaði með ósannindum.

http://omargeirsson.blog.is/blog/omargeirsson/entry/998301/

Í bréfi Jóhönnu, sem hefur örugglega valdið Ólafi miklum heilabrotum yfir dómgreindarleysi sitt þegar hann stuðlaði af myndun núverandi stjórnar, þá koma engar beinar lygar, það er allavega ekki í þeim tilvísun sem koma fram í viðhangandi frétt.  Bréfið byggist á mati, og skoðunum um það sem hugsanlega gæti gerst, og útskýrir kannski martröð Jóhönnu.

Og ljóst er að martröð stýrir þjóðarskútunni.  Og óttinn við að vakna og sjá að heimurinn er ekki dökkur og skelfilegur, heldur er lífið dásamlegt og björt framtíð bíður þessarar þjóðar, að sá ótti rekur ríkisstjórnina til að semja við breta og Hollendinga.

En ef Jóhanna trúir sínu eigin röksemdarfærslum, þá er ljóst að hún hefur gert alvarleg mistök með því að birta bréfið.  Núna vita bretar allt um það hvað þeir sömdu af sér þegar Svavar kom geispandi til London og þóttist vera einfeldningur.   Bretarnir áttu sem sagt aldrei að semja, þeir höfðu öll tromp í hendi eða eins og Jóhann segir "að Bretar og Hollendingar græði jafnvel meira á því að Íslendingar hafni lögunum"

Það er vegna þess að

"Þeir hafi nú þegar leyst til sín kröfur meginþorra innstæðueigenda á þrotabú Landsbankans. Í krafti þeirra muni þeir fá til sín langstærstan hluta þess sem greiðist úr þrotabúinu, og fái þannig á næstu sjö árum allar þær greiðslur sem þeir hefðu fengið samkvæmt samningnum. Bretar og Hollendingar yrðu þannig í reynd eins og eigendur þrotabúsins, og hefðu ráð íslenskra skuldunauta þrotabúsins í hendi sér."

Vá, hvað á maður að segja yfir annarri eins dómsdagsvitleysu???????

Ef bretarnir tryðu orði af þessu, þá væri þeir fyrir löngu búnir að hafna öllum samningum við Íslendinga, og ef þeir voru fyrst að fatta þetta eftir að Svavar náði hinum meintu plati, þá væru þeir núna að skála í kampavíni í Whitehall, dauðfegnir að Ólafur hafi bjargað þeim úr snöru sinni.   Bara komnir með fullt vald yfir íslenskum veðum, til hvers að bíða í 7 ár, ef það er strax hægt að leggja landið undir sig?????'

En kannski hafa bretarnir heyrt um íslensku neyðarlögin, sem ESA hefur þegar dæmt gild samkvæmt EES regluverkinu.  Og í þessum neyðarlögum var íslenski hluti bankakerfisins skilinn frá.  Hann er ekki lengur á forræði gamla Landsbankans.  En hins vega getur verið eftir skuldir nokkurra auðjöfra, og það gæti útskýrt þessar áhyggjur Jóhönnu, en á þeim hafa bretar ekki hinn minnsta áhuga. 

Og svarið er öllum augljóst, því ef svo væri þá hefðu þeir tekið yfir þrotabú gamla Landsbankans, og fengið þannig upp í ICEsave kröfur sínar.  En bretarnir vissu að þær eigur eru óvissunni háðar, og ennþá er ekki ljóst hvort breskir dómsstólar leyfi íslensku neyðarlögunum, og þá forgangi innstæðna fram yfir aðrar kröfur, að standa þar í landi. 

Bretarnir vita eins og er að fugl í hendi er meira virði en óljós veiði inn í skógi.

Þetta eru fantar og fúlmenni í framkomu sinni í ICEsave deilunni, en heimskingjar eru þeir ekki.  Þeirra vit hefur ekki flogið á veg í ólgusjó fjármálakreppunnar.  Þess vegna var ekki skálað í Whitehall, heldur bölvað og ragnað, eins og heimspressan hefur verið svo dugleg að fá birt í Ruv. 

Og hvað gerist árið 2012????

Nú það gerist fátt annað en að bretar þurfa þá að fara eftir lögum og reglum eins og þeir þurfa í dag.  Nema í dag eru þeir með Leppa sína við stjórnvölin, en það er ekki eins víst að svo verði árið 2012.  Breski flotinn getur ekki lengur tryggt slíka stöðu. 

Og þjóðin er að vakna, og hún mun henda breskum Leppum á haf út eftir 2 mánuði. 

Þess vegna er öllum lygum og blekkingum ICEsave deilunnar beitt svo óspart í íslenskum fjölmiðlum, þess vegna er þjálfaðir áróðursmenn að afvegleiða heimspressuna.   En gallinn við lögleysu er sá, að hún kemst alltaf upp á yfirborðið.  Þess vegna borga glæpir sig ekki.

Eins mun fara fyrir þessari tilraun til þjófnaðar á skattfé íslensks almennings. 

En það er dýrt gjald að missa ekki bara æru sína fyrir dygga bretaþjónustu, að missa vitið líka er öllu verra.

Ríkisstjórn Íslands á alla mína samúð.

Kveðja að austan.

 

 

 

 

Vöruðu við afleiðingum synjunar