Múslimi drap fólk.

 

Enn og aftur, og aftur og enn.

 

Vissulega drepa aðrir fólk af tilhæfulausu í Evrópu en múslímar, nærtækast er skotárás ungs Svía á fólk af erlendum uppruna í skóla í Örebro.

Svo er Breivik eins leiðinlegur Norðmaður eins og Norðmenn geta genetískt orðið.

 

Breytir samt ekki þeirri staðreynd að það eru yfirleitt múslímar sem keyra inní mannfjölda í Evrópu, og fyrir utan Breivík, þá eru það alltaf múslímar sem sprengja í loft upp lestir, veitingahús, tónleikastaði, og það eru ekki alltaf gyðingar sem eru drepnir, þó vissulega hafi það verið tilfellið á friðartónleikum einfeldninga nálægt landamærum Gasa, einfeldninga sem trúðu að Íslamistar vildu frið, eða lifa í friði með öðru fólki.

Að það væri aðeins í orði sem þeir sögðust vilja útrýma okkur hinum.

En gerðu það ekki í raunveruleikanum.

 

Og áður en lengra er haldið þá skal það tekið skýrt fram að flestir múslímar eru hið friðsamasta fólk, og ef útí það er farið, þá eru flestir sem múslímar drepa, múslímar.

Því það eru ekki allir múslímar Íslamistar.

Vissulega hafa Íslamistar það í forgangi að drepa okkur kristnu, til vara gyðinga, en þeir búa flestir við þann fjanda að búa innan um aðra múslima, svo þeir þjóna drápseðli sínum með því að drepa þá þá múslima sem eru ekki Íslamistar, eða játa Shía greinina, sem reyndar í huga Íslamista er í raun verri glæpur gegn guðdómnum; þeirra Allah, en sú viðurstyggð sem kristnir og gyðingar eru.

 

Við Vesturlandabúar megum samt eiga að við reynum að auðvelda Íslamistum sem mest verkið, það er að drepa kristna og gyðinga.

Góða fólkið okkar sem og leiðtogar okkar, sem oftast í dag er sama fólkið, styður Hamas í gjöreyðingarstyrjöld þessa Íslamistasamtaka við gyðinga Ísrael, gengur í takt með olíuauð miðaldaríkja Persaflóans til að þjóðarmorð Hamas gegn íbúum Gasa skili þeim árangri áróðursstríðs Hamas að einangra leiðtoga Ísraels á alþjóðavettvangi.

Við fylgjum alþjóðalögum segir Góða fólkið, bæði Þórdís Kolbrún sem og Þorgerður Katrín, og taka undir kostaða afskræmingu þeirra, það er alþjóðalaga, í boði olíuauðs miðaldaríkjanna við Persaflóann.

Samdauna Íslamavæðingu Evrópu sem er kostuð þaðan.

 

Kannski sök sér að auðvelda Íslamistum að útrýma gyðingum, það er margur í dag sem telur að það hefði verið synd hjá Bandamönnum að trufla Hitler við þá iðju.

Tek ekki afstöðu til þess, en heimskur er sá sem lítur í hina áttina þegar múslimavæðing Evrópu er rædd, væðing sem virðist vera algjörlega undir stjórn Íslamista.

Tilvitnuð hryðjuverk ná ekki einu sinni að ná toppi af þeim ísjaka.

 

Um alla Evrópu ráðast múslímar að gildum okkar.

Þeir ráðast á konur, á kvenfrelsi, þeir kúga og pína eiginkonur sína, dætur, til að lúta miðaldaaga hirðingja sem eru ættaðir frá Arabíuskaganum eða Mið-Asíu, og þegar þeir komust upp með það, þá tóku þeir yfir stjórn heilla borgarhverfa í borgum Norður Evrópu, Frakklandi og víðar.

Og í nafni umburðarlyndis er það liðið.

 

Kúgun, yfirgangur, ofbeldi, kynferðislegt ofbeldi; Nei, ég er ekki að tala um hegðun ungra múslima í Breiðholti, nauðganir, hvít þrælasala.

Glæpir sem voru látnir viðgangast í Bretlandi í áraraðir, í skjóli núverandi forsætisráðherra, sem var ríkissaksóknari á meðan glæpirnir voru þaggaðir niður.

Hann var afhjúpaður, en sambærilegt var þaggað niður í Svíþjóð, Þýskalandi og víðar.

 

Og hvernig var þetta aftur með ofbeldið og níðingsháttinn gagnvart veluppöldum börnunum okkar þarna í Breiðholtinu, knúin í skóla vegna skólaskyldu en ekki vernduð á nokkurn hátt.

Varnarleysið svo algjört að vanvitið sem að sögn ætlar víst að taka til eftir strákana í nýjum meirihluta, kannast EKKERT við þetta ofbeldi eða þjáningu barna okkar.

Undirliggjandi; Er það ekki bara hvítt drasl eða það sem Góða fólkið kallar white trash sem á heima í Breiðholti??

 

Ef við hlustum á Góða fólkið, til dæmis á Rúv, það eru það gyðingar sem standa fyrir hörmungum heimsbyggðarinnar í dag.

Það eru þeir sem fremja hryðjuverkin, það eru þeir sem keyra bílum í mannþröngir, það eru þeir sem drepa fólk á tónlistarhátíðum, sprengja upp lestir og aðrar almenningssamgöngur.

Það eru gyðingar sem drepa rithöfunda fyrir skoðanir sínar eða teiknarar fyrir myndi sínar.

Eða höggva höfuðið af miðaldra frönskum kennslukonum fyrir að fjalla um kynfrelsi ungra stúlkna.

 

Ekki Hamas, ekki Íslamistar, ekki miðaldamennirnir sem fremja glæpina í raun.

 

Og sjálfsagt eru það gyðingar sem halda heilum borgarhverfum í Evrópu í gíslingu öfga og glæpa, misþyrma ungum stúlkum fyrir að vera svo vestrænar að brosa framan í unga stráka, eða vilja vera sjálfstæðar.

Dugi misþyrmingarnar ekki til, þá eru það örugglega gyðingar sem senda þessar gjörspilltu stúlkur, þeirra glæpur að vilja aðlagast nútímanum, til gamla heimsins, til Tyrklands eða allra hinna landanna, til að giftast ungar, eða vera drepnar ella.

Algjört aukaatriði hjá Góða fólkinu að Íslamistar þessara landa hafa fyrir löngu í umburðarlyndi sínu útrýmt öðrum trúarhópum, og síðan vil það alls ekki ræða morðin á ungu stúlkunum sem ekki fóru, og ekki létu sér segjast; heiðursmorð???, hvað er það, er að ekki bara eitthvað gyðingalegt.

Sjáið svo hörmungarnar á Gasa maður!!!

 

Á þessa fávisku, og þennan fávitahátt Góða fólksins sem ég lýsti hér að ofan, benti líklegast ólíklegasti maður þessa heims, það er ef maður hlustar á Rúv; Vance, sem mér skilst að sé varaforseti Bandaríkjanna.

Hann gerði ekki lítið úr ógninni af Pútín, hét Evrópu stuðning ríkisstjórnar Trump við þá ógn.

 

Hann benti hins vegar á að það væri ekki Pútín, það væru ekki Rússar sem héldu heilum borgarhlutum í Svíþjóð, í Þýskalandi, í Frakklandi sem og fleirum ríkjum Vestur Evrópu í gíslingu.

Og að Pútín væri ekki að drepa fólk með því að keyra á það, eða kúga konur, eða nauðga ungum stúlkum, það voru ekki Rússar sem stóðu að baki fjöldanauðgunum á ungum stúlkum í Bretlandi.

 

Og þó Vance hafi ekki minnst á það, þá veit ég fyrir víst að meint fráfræði Góða fólksins í Reykjavík, sem stjórnar borginni í dag, um ofbeldi, einelti, misþyrmingar, kynferðislegt ofbeldi, óttastjórnun, plúss margt annað, að sú fáfræði stafar ekki af ótta við Pútín.

Annað skýrir það óeðli.

Til dæmis Rétthugsun.

 

Þar liggur smán meirihlutans í Reykjavík.

Þar liggur smán fjölmiðla sem þegja.

 

Á meðan eykst ógnin innan frá.

Trump og Vance hvað??

Kveðja að austan.

 

Mæðgur létu lífið eftir árásina í München

Rauð ljós loga.

 

Kann Kristrún Frostadóttir hagfræði ekki eftir allt saman??

Eða stjórnar lýðskrum málflutning hennar??

Lýðskrum sem ætlað til að höfða til fávísra kjósenda Samfylkingarinnar, sem og annarrar, sem styðja ofurskattlagningu á fyrirtæki landsbyggðarinnar kennda við auðlindagjöld.

 

Þessar spurningar og fleiri komu upp í huga mér þegar ég las þessa grein Heiðrúnar Lindar, sem með hnitmiðuðum rökum afhjúpar falskan tón í málflutningi Kristrúnar Frostadóttur varðandi veiðigjöld og að meintar fjárfestingar og afskriftir í sjávarútvegi sé leki úr skattstofni þeirra, leki sem Kristrún virðist telja að það þurfi að koma böndum á.

Heiðrún Lind bendir kurteislega á að þarna sé Kristrún að boða áður óþekkta hagfræði; "Þetta eru hag­fræðileg­ar mál­flutn­ing­sæfing­ar sem ekki hafa heyrst áður."  Hingað til hefur verið viðurkennt að fjárfestingar eru forsenda verðmætasköpunar, ekki skattlagning; "Fjár­fest­ing hef­ur því verið lyk­ill­inn að auk­inni verðmæta­sköp­un í sjáv­ar­út­vegi og þar með aukn­um skatt­tekj­um rík­is­sjóðs, en ekki öf­ugt."

 

Það er þessum fjárfestingum að þakka að uppsjávarfloti þjóðarinnar er það öflugur að hann getur brugðist við loðnubresti með því að sækja kolmuna og makríl á fjarlægar veiðislóðir, og koma aflanum svo ferskum í land að það mætti halda að hann væri nýveiddur.

Í stað þess að fara í gúanó fortíðarinnar er hægt að vinna hann í verðmætustu afurðir, tryggir fyrirtækjum hagnað, launþegum góð laun, samfélaginu arð í formi fjármuna sem velta um hagkerfið og svo að sjálfsögðu hærri skatttekjur í sameiginlega sjóði þjóðarinnar.

Sbr að allir búmenn vita að þegar þú fóðrar kýrnar vel, þá færðu það margfalt til baka í aukinni mjólkurframleiðslu þó vissulega séu til einfeldningar sem kjósa Samfylkinga sem vilja auðlindagjöld á blessaðar kýrnar svo bóndinn hafi aðeins efni á að gefa þeim gras með tilheyrandi minnkun á mjólkurframleiðslunni, og þar með stofni ofurskattlagningarinnar, þar til sá stofn verður smán saman að engu.

 

Einnig afhjúpar Heiðrún Lind fáheyrða rangfærslu, því hagfræðimenntuð manneskja á að vita betur, þegar Kristrún heldur því fram að sjávarútvegurinn njóti einhverra sérkrafa með flýtifyrningu, og þá hugsaða til að koma greininni frá sanngjarnari skattlagningu.

Gefum Heiðrúnu Lind orðið; "Fjölda at­vinnu­greina er heim­ilt að flýta fyrn­ingu eigna með sam­bæri­leg­um hætti eða meiri. Þetta kem­ur skýrt fram í 37. gr. tekju­skattslaga, sem æski­legt væri að formaður­inn kynnti sér. Hér má nefna eign­ir á borð við flug­vél­ar, verk­smiðju­vél­ar, iðnaðar­vél­ar, leiðslu­kerfi og skrif­stofu­tæki. Það er óá­sætt­an­legt að staðhæft sé að sjáv­ar­út­veg­ur njóti ein­hverr­ar sérmeðferðar."

Fleiri orð þarf ekki að hafa um rangfærsluna.

 

Fyrirsögn þessa pistils; Rauð ljós loga, er hins vegar ekki vegna þessarar afhjúpunar á fölskum tón Kristrúnar Frostadóttir, henni til vorkunnar má benda á að lýðskrum og froða er forsenda þess að réttlæta ofurskattlagninguna á landsbyggðina, og hún er jú formaður Samfylkingarinnar.

Klár engu að síður.

Fyrirsögnin er vísan í þau björg sem Sjálfstæðisflokkurinn er að ganga í svo hver einasta læmingjahjörð gæti verið mjög stolt af.

 

Í dag þarf þjóðin á því að halda að þessi hefðbundni hægri og íhaldsflokkur okkar nái vopnum sínum á ný, líkt og breski íhaldsflokkurinn gerði nýliðið sumar þegar flokkurinn kaus íhald en ekki gufu Rétttrúnaðarins sem formann.

Nema flokkseigandafélagið ætlar að bjóða fram vandamálið en ekki lausnina, ég er ekki flokksmaður, ekki heldur í næsta lífi, þar næsta lífi eða þarþarnæsta, en góður málefnalegur íhaldsmaður skrifaði grein í Morgunblaðið og benti á akkilesarhælinn sem fylgir því vandamáli.  Gef Hirti Guðmundssyni orðið;

"Vandséð er þannig hvernig framboð Áslaugar Örnu getur talizt fela í sér trúverðugt nýtt upphaf í ljósi þeirrar staðreyndar að hún sat í fimm ár við ríkisstjórnarborðið með Vinstri grænum þar sem teknar voru þær fjölmörgu ákvarðanir sem valdið hafa megnri óánægju og reiði í röðum okkar sjálfstæðismanna, farið í berhögg við hugmyndafræði flokksins okkar, hrakið fólk frá stuðningi við hann og átt í seinni tíð stærstan þátt í þeirri afleitu stöðu sem við stöndum frammi fyrir."

 

Þeir sem samt þykjast vera hægri menn, íhaldsmenn, ekki í Viðreisn heldur Sjálfstæðisflokknum, og klöppuðu fyrir æfðri framboðsræðu Áslaugar Örnu, sendi Hjörtur þessa pílu;

"Það er ekki nóg að segja réttu hlutina þegar eitthvað allt annað er síðan gert. Til að mynda að tala gegn inngöngu Íslands í Evrópusambandið en taka síðan vel í það fyrir kosningar að tekin verði skref í þá átt með þjóðaratkvæði í þeim efnum. Eða tala fyrir góðri meðferð á skattfé en láta síðan kaupa dönsk hönnunarhúsgögn fyrir milljónir í nýja ráðuneytið sitt."

Áslaug Arna sagðist nefnilega, fyrir kosningar, að ætla að gera það sem Inga gerði; "en taka síðan vel í það fyrir kosningar að tekin verði skref í þá átt með þjóðaratkvæði í þeim efnum."

Jafnvel Björn Bjarnason getur ekki snúið út úr þessum svikum Áslaugu Örnu.

 

Burtséð frá því að Hjörtur lýsti yfir stuðningi við Guðrúnu Hafsteinsdóttur, sýndarframboði flokkseigandafélagsins til að skapa trúverðugleik um kjör Áslaugu, hennar meinti trúverðugleiki felst í því að hún kom svo seint að ríkisstjórnarborðinu og gat því ekki átt stóran þátt í því þeirri afleitu stöðu sem blasir við Sjálfstæðisflokknum, svo ég vísi í orð Hjartar hér að ofan, þá stendur eftir þörfin á alvöru frambjóðenda.

Skýrum, rökföstum, veit til dæmis að það þarf konu og karl, það er bæði kynin til að búa til barn og viðhalda þar með lífinu.

Og Rauðu ljósin loga vegna þess að þó við hefðum hundrað ár, þá hefði Áslaug Arna aldrei getað skrifað eins einfalda skýra grein, sem afhjúpaði rökveilur grundvallarstefnu Kristrúnar Frostadóttur, sem eru ofurskattlagning undirstöðu atvinnugreinar þjóðarinnar, forsendu lífskjara hennar og velmegunar, jafnt núna sem og í gegnum tíðina.

Eyði ekki orðum á Guðrúnu, hún er embættismaður, fín sem slík, en leiðtogi er hún ekki.

 

Rauðu ljósin loga vegna þess að Sjálfstæðisflokkurinn reynir ekki að finna hæft fólk til að leiða flokkinn.

Burt séð frá Áslaugu Örnu, sem er ekki lausnin, heldur hluti af vandanum, þá kristallast fáviskan í því að rætt er um fyrsta þingmann flokksins í Norð-Austur kjördæmi sem hugsanlegan varaformann.

Einstakling sem hefur ÞAGAÐ eftir að vanvitið í meirihluta Reykjavíkur náði fram lokun Reykjavíkurflugvallar, munum að það er skýrt brot á lögum að reka þann flugvöll með einni flugbraut, og hefur hvorki manndóm eða vitsmunalegan styrk til að vega að pólitískri Rétthugsun innan Vegagerðarinnar  sem leggur matvæli á vegi landsins með þekktum afleiðingum, vegirnir eru að leysast upp í algjöra matarolíudrullu.

 

Samt er vitið til staðar innan flokksins.

Það þarf aðeins að lesa þessa grein Heiðrúnar Lindar Marteinsdóttur til að sjá það.

 

Þjóðarheill er undir.

Að Viðreisn taki ekki yfir hægri væng borgaralegra íhaldsmanna.

Fái bókun 35 samþykkta og síðan inngönguna í Evrópusambandið.

 

Fullorðið fólk leiðir Viðreisn.

Fullorðið fólk þarf að leiða Sjálfstæðisflokkinn.

 

Skýrt, rökfast, skynsamt.

 

Davíð og Styrmir heitinn risu upp gegn vélarbrögðum flokkseigandafélagsins þegar það átti endanlega að negla ICEsave svikin og neyðarlán AGS til að borga út braskarakrónur hrægammanna, með því að landsfundur Sjálfstæðisflokksins átti að samþykkja tillögu um inngöngu íslensku þjóðarinnar í Evrópusambandið.

Styrmir er allur og Davíð er tannlaus, þeir koma ekki til bjargar.

 

En er manndómurinn þar með dauður?

Það er innan Sjálfstæðisflokksins.

 

Spyr sá sem ekki veit.

Ég er ekki sjálfstæðismaður.

 

En ég er Íslendingur.

Kveðja að austan.

Er forsætisráðherra að smána fjárfestingu?

Bíl­ar fólks verða óöku­fær­ir á veg­un­um.

 

Er haft eftir bæjarstjóra Grundarfjarðarbæjar.

 

Ef það er til betri lýsing á fjórða-heimsríki þá er það þessi staðhæfing trúnaðarmanns almennings fyrir vestan, þar sem hryðjuverk vegagerðarinnar í nafni umhverfisverndar, bitna einna harðast á almenning.

En sem hluti af samfélagi þar sem raunveruleikinn, staðreyndir lífsins hafa fyrir löngu lútið í gras fyrir almennu kjaftæði Rétthugsunarinnar, sem á útlensku er kennt við Vók, þá skortir bæjarstjóranum kjarkinn sem hinn venjulegi hefur, og ég vitnaði í síðasta pistli mínu;

"Það er eitt­hvað mjög sér­stakt í gangi í þess­um fræðum hjá Vega­gerðinni. Það er ekki hægt að skýla sér enda­laust á bak við veðráttu og að efni sem áður voru í notk­un – white spi­rit – séu ekki leng­ur í notk­un. Það séu líf­ræn efni sem eru notuð núna í þess­ar klæðning­ar. Þetta veld­ur stór­tjóni á stóru bíl­un­um og eig­in­lega öll­um bíl­um".

En gat engu að síður ekki þagað, orð sem segja eiginlega allt þegar haft er í huga að við lifum í samfélagi þar sem rugl og blaður, almenn vanhæfni og óskilvirkni er norm, ekki fáheyrð undantekning.

"Og það er al­veg at­hug­un­ar­efni af hverju það er að ger­ast".

Já, það má alveg fara að spá í það, er það ekki???

 

Þessa athugasemd fékk ég við fyrri pistil minn þar sem ég spáði í af hverju er fólk út á landi yfir höfuð að hafa fyrir því að kjósa sér þingmenn, um leið og þeir eru komnir suður þá hverfa þeir í ginningargap forheimskunnar, dansa með vitleysunni sem ógnar tilveru okkar í stað þess að taka hana glímutökum af fornum sið afreksmanna og hetja sem einu sinni riðu um grundu.

"Keyrði nýja veginn um Teigskóg í fyrra og leið eins og væri á gömlum vegi sem var illa viðhaldið, svo margar voru holurnar. ".

Já nýi vegurinn var eins og eldgamall vegur, illa viðhaldið, sem stemmir alveg, þegar hann var nokkra vikna gamall þá þoldi hann ekki umferð gangandi vegfaranda á gönguskóm.

 

Það sama gildir um nýju klæðninguna sem lögð var á stóran hluta Öxnadalsheiði, ég keyrði hana nýlagða, og sá strax hvað hún var hál vegna matarolíunnar sem leitaði uppá yfirborðið.  Ári seinna birti Rúv frétt um erlendan hjólreiðamann sem spændi upp þessa nýlögðu klæðningu á reiðhjóli sínu.

Og hann spurði hvort það væri ekki allt í lagi með okkur.

 

Hvernig er hægt að verða svona samdauna fávisku og forheimsku??

Að við Íslendingar séum eina þjóðin í heiminum sem getur ekki lagt nýja vegi, eða endurnýjað klæðningu á þeim eldri, án þess að þeir séu ónothæfir rétt á eftir??

Og ef matarolían þó heldur bindingunni, að þá eru þeir slepjuleg olíudrulla, hættulega hálir í bleytu, bílar okkar tjörusvartir á eftir.

 

Eru hvergi hitabreytingar annars staðar í heiminum nema á Íslandi??

Og afhverju skiptu þessar hitabreytingar ekki máli á árum áður, við sem eldri erum munum alveg eftir því að nýir vegir með nýlagðri klæðningu voru nýir vegir, samgöngubót, sem þoldi bæði bíla, reiðhjól og gönguskó.

Hvaða úrkynjun mannlegrar hugsunar er að afneita þeim staðreyndum??

 

Þetta er ekki fyrsti pistillinn sem ég skrifa um þessi ónýta vegi Rétthugsunarinnar. 

Fyrir nokkrum árum fékk ég athugasemd sem mér þótti fyndin í kaldhæðni sinni.  En sá sem hana sendi benti mér á að hann hefði nýverið á ferð um fjalllendi Ítalíu, og þar hefðu heimamenn sums staðar ennþá notað vegi sem hinir fornu Rómverjar lögðu fyrir um 2.000 árum síðan. 

Og það sæist varla á þeim.

 

Eitthvað hefur greinlega farið úrskeiðis í verkkunnáttu síðan, allavega hér á Íslandi.

Það er umhugsunarefni.

Það umhugsunarefni að þetta snýst ekki um tækni, heldur hugarfar.

 

Hugarfar þeirra sem leggja vegina.

Og hugarfar þeirra sem kaupa vegina.

Kaupi menn ónýta vegi þá hljóta þeir að vera sáttir við þá.

 

Spurningin er hins vegar; Af hverju erum við sátt??

Við ónýta vegi Rétttrúnaðarins, við skemmdir á bílum okkar, við vanhæfa þingmenn sem gæta ekki hagsmuna okkar.

 

En ég segi bara eins og blaðamaðurinn sagði í annarri frétt hér á Mbl.is.

Jens, ertu að fara í varaformanninn??!!!

 

Firring sem segir allt sem segja þarf.

Kveðja að austan.

Stórhættulegir vegir og fólk búið að fá nóg

Til hvers kýs fólk á landsbyggðinni þingmenn??

 

Til að gæta hagsmuna sinna??

Eða til þess að blaðra??

Um allt og ekkert, án innihalds og tilgangs.

 

Það er vegið að landsbyggðinni, alvarlegra nú en oftast áður.

 

Vanvit kemst upp með að þrengja að Reykjavíkurflugvell þannig að hann gegnir vart lengur hlutverki sínu, trén í Öskjuhlíðinni eru aðeins síðasti kaleikurinn í þeim beiska bikar.

Og loftslagstrúarbrögðin komast upp með sóa fjármunum almennings með því að leggja ónýt efni á nýja vegi þjóðarinnar.

Með þekktum afleiðingum, nýju vegirnir eru hálfónýtir þegar þeir eru teknir í notkun, endast svo ekkert.

 

Hvað þarf að segja þessa staðreynd oft, þú blandar ekki matvælum við bik, það er engin binding í repjuolíunni.

Hvað er á milli eyrnanna á fólkinu sem framkvæmdir þessa vitleysu, og heldur að það sé umhverfisvænt og hvað er á milli eyrnanna á fólki sem líður þessa vitleysu??

 

Morgunblaðið má eiga að það vitnar þó í orð venjulegs manns, lætur sér ekki duga að hringja í skaðvaldinn og fá sama staðlaða svarið; Nei, það er ekkert að vinnubrögðum okkar, og við erum svo umhverfisvæn.

Og þessi orð hins venjulega segja allt; "Það er eitt­hvað mjög sér­stakt í gangi í þess­um fræðum hjá Vega­gerðinni. Það er ekki hægt að skýla sér enda­laust á bak við veðráttu og að efni sem áður voru í notk­un – white spi­rit – séu ekki leng­ur í notk­un. Það séu líf­ræn efni sem eru notuð núna í þess­ar klæðning­ar. Þetta veld­ur stór­tjóni á stóru bíl­un­um og eig­in­lega öll­um bíl­um".

 

Þessi vinnubrögð vegagerðarinnar eru hryðjuverk gagnvart íbúum landsbyggðarinnar og þar með verðmætasköpun þjóðarinnar.

Það er þetta sem hryðjuverkamenn gera; eyðileggja innviði, valda tjóni, trufla samgöngur.

Og þingmenn okkar þegja, eins og hræddar kanínur, skjálfandi á beinunum af ótta við að gáfumennin fyrir sunnan hlæi að þeim, bendandi á þau og segi; hvílíkir sveitamenn, vilja hafa samgöngur í lagi.

 

Aðförin að flugvellinum okkar, aðför loftslagstrúarbragðanna að vegakerfi okkar.

Það eru ekki brýnni mál sem snerta hagsmuni landsbyggðarinnar, varðandi búsetu og öryggi.

 

Og menn þegja.

Steinþegja.

Nema jú það á víst að ræða trjágróðurinn í Öskjuhlíðinni á næsta nefndarfundi einhverjar nefndar.

 

Liðleskjur.

Kveðja að austan.

„Við komum ekki aflanum í burtu“

Hverju vilja menn ná fram með ákærum??

 

Að mannlegt fólk, sem lifir í raunheimi, ekki trans eða vókheimi, hafi vanmetið hættulegar aðstæður í Grindavík??

Eins og að einhver á vettvangi hafi búið að reynslu aðstæðna, að sprungur og gliðnun væri eitthvað sem þeir hefðu aðra þekkingu á en að hafa kannski hugsanlega lesið fræðibækur um það efni, og þar með átti viðkomandi að gera sér grein fyrir áhættunni að vinna með meint öruggt yfirborðssvæði, þar sem hyldýpi væri undir.

 

Trans og vók liðið, hvað þá ómerkilegasti einstaklingur sem hefur nokkurn tímann gegnt embætti Ríkissaksóknara, ætti þá að geta vitnað í einbeittar aðvaranir jarðfræðinga, eða annarra sem töldu sig vita betur og vöruðu við sprungunum.

Og að þær aðvaranir hefðu legið fyrir áður en hinn sorglegi atburður átti sér stað þegar jörðin gleypti vinnandi mann á vettvangi.

Eða var það vitað að hinn vinnandi maður hafi verið þvingaður til starfa???

 

Orkuverið við Svartsengi stendur í dag vegna þess að við höfðum tæki til að verja það gegn hraunstrauminum.

Grindavík lifir ennþá, og mun lifa þegar endir á goshrinunni við Sundhnúksgígja blasir við, vegna þess að við höfðum tæki til að verja byggðina á Ögurstundu.

Þessi tæki voru til staðar vegna þess að til voru einstaklingar sem fóru gegn þessari vók og trashugmyndafræði, lögðu sig í hættu við að bjarga þessum tækjum þó að glóandi eldhraunið var allt um kring.

 

Þá fór vel, en það gat farið verr.

Hefði þá vók og transhugmyndafræðin ákært þá sem tóku ákvörðun um björgun á Ögurstundu???

 

Ég er einn af þeim sem hélt að Úlfar lögreglustjóri Lúðvíksson væri maður en ekki mannleysa skrifræðisins.

Að hann hefði ístað til að standa gegn kjaftæðinu, sársauki þeirra sem sáu á eftir ástvini er ekki vogarskál gegn því ístaði.

 

Það segir allt um stöðu Úlfars að vók og transkjaftæðið telur sig þurfa að koma honum til varnar.

Þegar hann vegur að þeim sem gerðu sitt besta við aðstæður sem eru án allra fordæma.

 

Fyrir mann er leitun að meiri niðurlægingu.

Kveðja að austan.

 

Ríkissaksóknari dró hæfið ekki í efa

Heimilt að bregðast við með atbeina lögreglu.

 

Er haft eftir Jóni Gunnarssyni í þessari frétt Morgunblaðsins.

Eftir stendur spurningin; Af hverju var það ekki gert fyrir löngu??

 

Ég var einn af þeim sem trúði að einhver skynsemi væri til staðar hjá embættismannakerfi okkar, en sú trú mín endaði uppá skeri eftir að hafa hlustað á viðtalið við Jón Gunnarsson í Kastljósi gærkveldisins.

Þar játaði þessi embættismaður þjóðarinnar að stofnun hans hefði ekkert aðhafst í töluverðan tíma þó ljóst væri að tré væru komin upp fyrir lágmarksöryggismörk aðflugsins að Reykjavíkurflugvelli.

Átti bara að segja sorrý ef flugvél hefði hlekkst á í flugtaki, til dæmis vegna sviptivinda, og allir um borð farist??

Fáviskan stjórnar borginni en hún á ekki að stjórna embættismannakerfinu.

 

Í viðtalinu við Jón kom einnig fram að þessi lokaða braut væri forsenda starfsleyfis flugvallarins, án hennar uppfyllti hann ekki þær kröfur sem gerðar eru til flugvalla.  Og hann ítrekar þessi orð sín í viðtalinu við Morgunblaðið; "Reykja­vík­ur­flug­völl­ur þarf að vera með tvær flug­braut­ir, hrein­lega út af vindátt­um og starfs­leyfi flug­vall­ar­ins er miðað við tvær flug­braut­ir. Það er starfs­leyfi sem við gef­um út."

Forsenda starfsleyfisins er sem sagt þessar tvær flugbrautir, og því blasir við að þegar annarri brautinni er lokað því hún uppfyllir ekki lengur öryggiskröfur, að þá á að afturkalla starfsleyfið.  Í stað þess að segja; "Þannig að það að taka aðra braut­ina úr notk­un er stór ákvörðun, það verður bara að segj­ast.".

 

Hvaða endemis rugl er þetta??

Þó fullorðið fólk stjórni ekki Reykjavík, lýðræðið gerir ekki kröfu um slíkt, þá skyldi maður ætla að enginn fengi ábyrgð hjá hinu opinbera án þess að vera allavega fullorðinn, og hafi því vit og þroska til að skilja mótsögnina sem felst í þessum orðum sem ég vitna í hér að ofan.

Samkvæmt reglum, sem hefur ekki verið breytt, þá uppfyllir Reykjavíkurflugvöllur ekki skilyrði starfsleyfis síns, og á því að loka tafarlaust.

Þetta er ekki styrkveiting til stjórnmálaflokka, þetta er spurning um líf, það er verið að gambla með líf og limi samborgaranna.

Allt til að þóknast vanhæfu fólki sem Reykvíkingum virðist ómögulegt að kjósa burt þrátt fyrir margar tilraunir þar um.

 

Jón Gunnarsson og Samgöngustofa á að loka Reykjavíkurflugvelli.

Ef hann gerir það ekki þá á að setja hann af.

Því þá er hann að ganga annarra hagsmuna en almennra.

Lögin bjóða einfaldlega ekki uppá annan valkost.

 

Mistök fortíðar á vissulega að rannsaka, draga af þeim lærdóm, og jafnvel spyrja um ábyrgð, en í dag er það ekki aðalatriði málsins.

Það er engum bjargað úr sjávarháska með lestri á sögu Slysavarnarfélags Íslands.

Ekki frekar en það er enginn endurlífgaður sem hefur dáið í flugslysi, það vita ættingjar þeirra sem 64 sem lentu í Potomac-ánni við Washington nýlega.

 

Þetta snýst ekki um óljósa hótun um heimild til að beita lögreglunni.

Það á að beita henni, það á að senda víkingasveitina uppí Öskuhlíðina, og þar á hún að vernda stórvirkar vinnuvélar þar til öll tré sem ógna flugöryggi eru fallin, menn geta svo rifist um kostnaðinn seinna.

Engu skiptir að það hefði aldrei átt að koma til lokunar Reykjavíkurflugvellsins, þær aðstæður eru í dag að það er lögbrot að hann sé opinn, og Samgöngustofu ber skyldu til að sjá til þess að þær aðstæður séu ekki lengur til staðar.

Trén þarf að fella í dag, ekki í gær, því í dag er ekki hægt að gera neitt í gær.

Ekki á morgun því það er bein atlaga að almannahag, að flugöryggi þjóðarinnar.

 

Ekkert flókið við þetta.

Aðeins spurning um hvort börn eða fullorðið fólk stjórni þjóðinni.

 

Nú reynir á nýja ríkisstjórn.

Þetta er hennar Grindavík.

Kveðja að austan.

 

„Hefðum líklega átt að bregðast fyrr við“

Stríðið sem aldrei átti að verða.

 

Og átti fyrir löngu að vera búið að enda með vopnahléi, er loksins að renna sitt skeið á enda.

Að því virðist, gíslum er sleppt, fangar látnir lausir.

Eftir standa spurningarnar; Af hverju???  Til hvers??

 

Hvað gekk Hamas til með voðaverkum sínum?? 

Þetta var ekki stríð eða hernaðaraðgerð á nokkurn hátt.

Eina sambærilegt í hinum siðmenntaða heimi eru voðaverk Ríki Íslams í Írak og Sýrlandi. 

Önnur hryðjuverkasamtök Íslamista, hvort sem það er Al Kaida, Heilagt stríð eða hvað sem þessi lýður kennir sig við, hafa ekki svona voðaverk á ferliskrá sinni.

 

Oft er talað um Hizbollah í sömu andrá og Hamas, og þá líklega vegna þess að bæði samtökin njóta stuðnings Írana.

En þegar árásir Hizbollah á Ísrael eða ísraelska herinn í Líbanon, eru skoðaðar þá hafa þær alltaf yfirbragð hernaðarárása, tilgangurinn er að ráðast á hermenn eða hernaðarmannvirki.  Auðvita geta óbreyttir borgarar fallið í slíkum árásum, en dráp þeirra er ekki markmiðið sem slíkt.  Hvað þá að þeir séu sértaklega teknir fyrir og drepnir á hinn hroðalegasta hátt.

Flugskeytaárásir Hisbollah yfir landamærin á Ísrael höfðu hernaðarlegan tilgang, og svo þegar Ísraelar réðust á víg samtakanna í Líbanon, og samtökin sáu að þau gátu ekki staðist árásir ísraelska hersins, þá sömdu þau um vopnahlé.

Mannfall óbreyttra borgara í stríðsátökum var ekki tæki í áróðursstríði þeirra.

 

Hamas verður að svara þessum spurningum; Af hverju?, til hvers?, áður en alþjóðlega samfélagið, lesist Vesturlönd, setur fjármuni í endurbyggingu Gasa.

Annars geta menn bara kveikt í peningunum strax, eða það sem er táknrænna, fengið einhverja sprengjusveit til að sprengja þá í loft upp eins og tundurduflin sem reka á fjörur.

 

Samtökin hafa þjást, misst þúsundir liðsmanna en þegar myndir birtust af sigurhrósandi liðsmönnum samtakanna á montútifundi í Gasa borg þegar þeir ætluðu að gera einhverja gripasýningu úr frelsun 4 ísraelskra herkvenna 4 female soldiers return to Israel, þá er ljóst að samtökin hafa ekkert lært.

Sláandi er montið þegar horft er á myndir af rjúkandi rústum Gasa strandarinnar eða hugsað til allra mannfórnanna sem samtökin bera ábyrgð á.

Bæði í Ísrael sem og hjá sinni eigin þjóð.

 

Af hverju??

Til hvers??

 

Jafnvel vitfirringar vissu að voðaverkin myndu framkalla heiftarviðbrögð Ísraela, og samtökin yrðu skoruð á hólm, og jafnvel vitfirringar vissu að í þeim átökum ætti Hamas ekki möguleika, sama hvað margar holur þeir höfðu grafið til að fela sig í.

Nema að vitfirringin hafi verið þess eðlis að veðjað var á að holurnar héldu nógu lengi til að ríkisstjórn Ísraels neyddist til að semja um vopnahlé, vegna þrýstings inna og utanlands.

Ef svo er þá gekk sú taktík eftir.

 

En þá verður maður aftur að spyrja.

Til hvers??

Af hverju??

Jafnvel sá vitfirrtasti hefur ástæður að baki gjörðum sínum.

 

Þessu verður Hamas að svara.

Alveg eins og Góða fólkið verður að svara af hverju það tók stöðu með Hamas gegn íbúum Gasa.

Dró þannig þjáningar á langinn í stað þess að krefja Hamas frá fyrsta degi að leggja niður vopn sín og sleppa gíslum sínum.

 

Stjórnmálafólk úr röðum Góða fólksins verður að svara af hverju það tók stöðu með rangri ákvörðun Alþjóða glæpadómsstólsins sem tók stöðu með Hamas og gíslatöku samtakanna.

Ákvörðun sem aðeins afhjúpaði múslimavæðingu Evrópu og ítök olíuauðsins við Persaflóa í samtökum Sameinuðu þjóðanna.

 

Það sama gildir um Amnesty og fleiri samtök sem tóku stöðu með Hamas gegn íbúum Gasa.

Af hverju var ekki hægt að krefja Hamas um að sleppa gíslum og hætta að berjast sem og fela sig innan um óbreytta borgara.

Af hverju fordæmdu þessi samtök ekki Hamasliða fyrir að vera fyrstir að mæta á svæðið þegar einhver skiki var lýstur öruggur af ísraelska hernum??

 

Hamas hefur þó tilgang með gjörðum sínum sem er að útrýma 9 milljón manna nágranna þjóð sinni.

En hver er tilgangur meintra atvinnugóðmenna að styðja slíkt morðæði, og hjálpa til við þetta viðbjóðslega markmið?

Til dæmis á þann hátt að reyna ekkert til að stöðva þjáningar íbúa Gasa.

 

Nei þetta stríð átti aldrei að verða og það átti fyrir löngu að vera búið að stöðva það.

Á því seinna bar ríkisstjórn Bidens mikla ábyrgð, þegar ljóst var að komin var pattstaða á Gasa, hvorugur gat útrýmt hinum, þá átti hún að knýja Ísraelsmenn til að semja um vopnahlé, ekki láta öfgamennina komast upp með að halda áfram þessum tilgangslausum drápum og eyðileggingu.

 

Eftir stendur lærdómurinn.

Vonandi verður hann einhver.

 

Því miður óttast ég að svo verði ekki.

Kveðja að austan.

Kennarar með lægri laun en aðrir sér­fræðing­ar á markað.

 

Er haft eftir Kristrúnu Frostadóttir, forsætisráðherra þjóðarinnar.

Upphefur þar með hinn eilífa spíral samanburðar sem knýr launahækkanir og verðbólgu upp til skýanna, svo sjálfur Karlinn í Tunglinu þarf að passa sig á að vera ekki skotinn niður.

 

Kristrún kemur samt úr ranni hins frjálsa markaðar, veit að þar heldur enginn sérfræðingur vinnu á sínu háu launum án þess að sína árangur, sem og að sinna sinni vinnu.

Enginn sérfræðingur héldi vinnu á markaðnum að ef hann eftir 10 ára starf, líkt og kennarar með nemendum sínum frá fyrsta til tíunda bekkjar, skilaði 50% árangri í engu, það er að hann væri ekki hæfari en það að helmingur starfa hans skilaði minni en engum árangri, þó hann hefði fengið 10 ár til þess.

 

Kennarar á ríkislaunum geta hins vegar stoltir sagt að það sé slökum launum þeirra að kenna að helmingur nemanda þeirra hafa ekki lært grundvallaratrið námsins, það er að lesa og skrifa, eftir 10 ár, þar sem milljörðum á milljörðum ofan er eitt í sérúrræði fyrir þá nemendur sem læra ekkert fyrstu 3-4 árin eða svo, nema kannski að föndra og leira, og hafa gaman, þó líklegast finnist viðkomandi nemendum ekkert gaman við það að verða strax annars flokks í upphafi námsferils síns.

 

Markaðurinn hefur nákvæmlega ekkert við slíka einstaklinga að gera, enda er markaðurinn ekki með sjálfkrafa áskrift á tekjur líkt og sveitarfélög okkar sem taka þátt í þessum skrípaleik vanhæfni og vankunnáttu.

Markaðurinn mynd einfaldlega aldrei líða svona hegðun og vanhæfni, ef hann gerði það þá blasti fjöldagjaldþrot við.

 

Forstjóri, sem ræður til sín sérfræðinga á góðum launum, myndi heldur síðan aldrei líða það að þegar hann gerði athugasemdir við stöðugar fjarvistir sérfræðinga sinna á góðu laununum, að hann yrði þá lagður í einelti líkt og kennarar gerðu við Einar Borgarstjóra, þegar hann benti á þau einföldu sannindi, að það væri líka launakostnaður að borga fólki laun í veikindum þess, og áður óþekktar fjarvistir kostuð pening, fjármuni sem færu þá ekki í að hækka laun og bæta kjör.

 

Allt þetta á Kristrún að vita, og hafa kjark til að segja.

Það er svo mikið undir, sjálf framtíð barna okkar.

 

Ógöngur skólakerfisins síðustu 15 ár eða svo, eru algjör.

Jafnvel strúturinn fyndi ekki nógu djúpa holu til að grafa haus afneitunarinnar í.

 

Það er allt svo heimskt við kjarabaráttu kennara svo leitun er að öðru eins.

Forsætisráðherra sem hefur ekki kjarkinn til að segja það, því enginn efast um vitsmuni Kristrúnar, er ekki hæfur á tímum þar sem þjóðin þarfnast leiðsagnar, að talað sé mannmál um það sem þarf að tala mannamál um.

 

Kristrún er ekki hæf ef hún getur ekki betur.

Svo einfalt er það.

Kveðja að austan.

„Þetta er auðvitað í höndum kennara núna“

Andlit sakleysisins.

 

Er andlit stríðsátakanna sem aldrei áttu að verða.

En urðu vegna þess að voðmenn frömdu voðaverk í nágrannaríki sínu ásamt því að skjóta þúsundum á þúsundum ofan flugskeytum á byggðir þess.

Í þeim eina tilgangi að skapa heiftarviðbrögð öflugasta herveldisins á svæðinu svo öruggt yrði að saklaus börn, sem áttu lífið framundan, líkt og hin sex ára gamla Hind Rajab myndu deyja í þeim átökum.

Og áróðurinn átti að tryggja að Ísraelsmönnum yrði kennt um dauða þeirra.

Svona svipað og þú neyðir börn þín til að hlaupa út á götu fyrir bíla og kennir svo bílstjórunum um dauða þeirra, og krefst af þeim skaðabætur.

 

Þessi frétt um að ár sé líðið frá hinu ótímabæru andláti þessarar ungu stúlku sem náði að verða andlit stríðsins, fékk mig til að kíkja á nokkra pistla sem ég skrifaði í upphafi átakanna á Gasa, hvort ég hefði ekki örugglega áttað mig á því að miklar hörmungar biðu íbúanna þar.

Fyrsti pistillinn sem ég skrifaði eftir að fréttir bárust af voðaverkum Hamas, var skrifaður eftir að mér ofbauð meðvirknin með voðaverkunum þar sem Rúv og Mogginn töluðu strax um meintar hefndarárásir Ísraela, þegar öllum með einhverja vitglóru í hausnum átti að vera ljóst að Ísraelsher yrði að ráðast inná Gasa til að reyna frelsa gísla Hamas, og hann myndi ekki hætta þeim árásum fyrr en Hamas gæfist upp.  Svona svipað og Rússar hættu ekki að herja á Berlín fyrr en Þjóðverjar gáfust upp. Það er ágætt að rifja upp þennan pistil;Það er munur á árás og árás.

 

Og vitna í þessi orð: "Hver eru skilaboðin (það er að tala um hefndarárásir), máttu íbúar Gasa búast við að þeir fengju að halda áfram að blístra og fagna morðum á óvopnuðum ungmennum, eða þeir fengju annan daginn í röð að svívirða lík af nöktum ungum konum sem voru keyrða á pallbílum um götur og stræti Gasa, eða hæðast að eða misþyrma gömlu fólki, konum, börnum sem vígamenn Hamas fluttu sem gísla í skjólið á Gasa?? Lengra er vart hægt að ganga í óbeinu samþykki á stríðsglæpum og almennum viðbjóði, það er engin afsökun að þetta fólk er kúgað, og hafi verið kúgað lengi. Það eru mörk sem þarf að virða, það er ósýnileg lína sem má ekki stíga yfir.".

Síðan þurfti ekki mikinn spádómsanda fyrir þessa spá; "Miklar hörmungar bíða íbúa Gasa".

 

Í öðrum pistli sem var skrifaður út frá orðum sendiherra Palestínu hjá Sameinuðu þjóðunum, "Lík barna, ekki leikfangabrúður" Börnin eru leikbrúður.. þá benti ég enn og aftur á hverjir bæru ábyrgð á dauða þeirra: "Af holdi og blóði og falla í valinn vegna geðveiki kaldrifjaðra manna, sem í pólitískum hráskinnsleik frömdu voðaverk sem höfðu þann eina tilgang að koma öllu í bál og brand í Miðausturlöndum. Verði þess menn ekki stöðvaðir þá munu miklu fleiri börn deyja, kannski megnið á svæðinu áður en yfir líkur. Það er það sem gerist þegar átök stigmagnast og verða að allsherjarstríði".

Og svo seinna: "Svona er þetta bara, og börnin eru leikbrúður, lík þeirra þjóna kaldrifjuðum tilgangi miðaldra manna sem byggja völd sín á stríði og stríðsæsingum. Þessir miðaldra menn eru að um allan heim í dag, þó heimsbyggðin ráði aðeins við einn harmleik í einu".

Sem ég held að sé kjarni málsins og þessir miðaldra menn komast upp með þetta.

Og það er alltaf einhver sem styður þá líkt og Góða fólkið styður Hamas og sér ekkert athugavert við að hinir miðaldra karlar sem stýra samtökunum fórni börnum samlanda sinna til að afla samtökunum stuðnings hinna Góðu á Vesturlöndum sbr. þessi orð í viðtengdri frétt; "Dauði Hind er sagður hafa orðið eins kon­ar tákn bar­áttu palestínsku þjóðar­inn­ar".

 

Þjóðverjar gátu sýnt margar svona myndir, bæði meðan þeir vörðu land sitt fyrir innrás Bandamann sem og á eftir ef þeir hugðu áfram að herja á og drepa nágranna sína.

Til að spara sér plássið hefðu þeir aðeins þurft að taka eina mynd af kolmola í öskuhrúgu, sem táknmynd fyrir þau tugþúsunda barna sem urðu að ösku einni í vítisbálum loftárásanna á Hamborg og Dresden, enda brunnu hvort sem er allar myndir af börnunum.

Sem þeir reyndar gerðu í stríðinu áður en þeir gáfust upp, víst rosalega ljótir menn sem herjuðu svona á þá alsaklausa.

En þeir gerðu það ekki eftir stríðið, það var komið nóg.

 

Hvenær verður komið nóg í Mið-Austurlöndum veit ég ekki.

Það er allavega ljóst að Ísraelsher hefur ekki þann kraft og styrk sem þarf til að útrýma Hamas, á myndböndum þar sem þeir sleppa gíslum sínum eru Hamasliðar feitir og pattaralegir, veifandi byssum sínum.

Eins og þeir séu að fagna sigri í rústum landsins, ofan á fjalli af líkum.

Hver var þá tilgangurinn leyfist mér að spyrja??

 

Hver er tilgangurinn með þessum stanslausum drápum og átökum??

Hvorugum aðilanum tekst að útrýma hinum, samt virðist það vera eini tilgangur hinna miðaldra karlmanna sem stjórna og bera ábyrgð á þessum átökum.

Það er vopnahlé í dag, en hvað verður svo á morgun??

Ný morðárás yfir landamærin svo vítahringur drápa og átaka hefjist á ný??

 

Við þessi á ég ekki svar.

En ég veit að saklaus börn eins og Hind Rajab dóu vegna þess að leiðtogar Hamas veðjuðu á að til væri heimskt fólk sem myndi styðja þá í áróðurstríði þeirra.

Töldu þess vegna mannfórnir samlanda þeirra tilgangarins virði.

 

Og þeir höfðu rétt fyrir sér.

Það er varðandi hið heimska fólk.

 

Svo spurningin er kannski; Hverjir eru í raun hin seku??

Voðmennin eða þeir sem spila með??

 

Ég held að almættið viti svarið við því.

Kveðja að austan.

Ár frá andláti Hind: Festist í bíl með látinni fjölskyldu

Norskir kratar svíkja allt sem hægt er að svíkja.

 

Þjóð sína, almenning sem er leiksoppur orkubraskara, atvinnulífið.

Allt sem er hægt að svíkja, til að eyða þeirri samkeppnishæfni Norðmanna að búa að ríkulegum orkuauðlindum.

Þeir eru svo aumir, svo undir hæl frjálshyggju auðsins um að Markaðurinn megi braska með allt, sjúga auð og kraft úr samfélagi hinna venjulega, með stuðningi hinnar betur borguðu menntastéttar landsins.

 

Jú, það eru hin menntaða stétt sem í skjóli háskólagráða sinna, hefur knúið fram launayfirburði fram yfir vinnandi fólk, sem styður þessa aðför frjálshyggju hins Frjálsa markaðar að lífi hins almenna borgara, sem og að fyrirtækjum einstaklingsins, gegn atvinnulífinu, því það sjálft telur sig öruggt líkt og yfirstéttir fyrri aldar, hvort sem það var franski aðalinn, sá rússneski, aðlar sem voru líflátnir fyrir þessa trú sína um réttmæti kúgun sína og örbirgð hinna venjulega, eða þrælaeigendur Suðurríkjanna, sem töpuðu borgarastyrjöld en héldu samt lífinu, sem og tækifærinu til að hefja nýja tíma kúgunar og arðráns.

 

Venjulegt fólk um alla Evrópu hefur fyrir löngu sagt Nei við frjálshyggju hins frjálsa flæði Evrópusambandsins, hvernig lífskjör þess eru rústuð, fyrst í nafni hins frjálsa flæði um lægstu laun, síðan útflutning starfa til Fjarskaistan, og núna síðast með því að venjulegu fólki er næstum því gert ókleyft að lifa venjulegu lífi, að kynda húsin sín, að reka bíla sína, eða fá vinnu hjá fyrirtækjum sem hafa lokað vegna tilbúins orkuskorts.

Aðeins innflytjendur, og afkomendur þeirra, tryggja leppum auðsins völd í Evrópu í dag.

 

Norski Miðflokkurinn sagði líka Nei, seint verður hann sakaður um últrahægri öfga svo ég vitni í þekkt stef áróðursdeildar frjálshyggjunnar í Brussel.

Fórnarlömb hins frjálsa flæðis, og þar sem það eru til svo vitlausir hægrimenn sem kenna hugmyndafræði Fridmans og Hayeks við kratisma, frjálsa flæðis sem er frá a til ö hannað út frá kenningum frjálshyggjunnar um hinn Frjálsa Markað, hafa líka sagt Nei.

Og kosið þá flokka sem segja Nei, hvað annað þeir segja, spá fórnarlömbin lítt í.

Líkt og í Bandaríkjunum þar sem hið venjulega fólk kaus Donald Trump, þvert gegn fordæmingu hinnar nýju yfirstéttar, háskólamenntaðs fólks sem telur siga hafa allt á þurru.

 

Fyrirsögn þessa pistils vísar í það að jafnaðarmenn, þeir lýðræðissinnar sem klufu sig frá sósíalistum á þriðja áratug síðustu aldar, sögðu þá Nei við alræði sósíalistanna, en Já við félagslegt réttlæti, jöfnuð og bræðralag.

Já, sem er arfleið norskra krata og þeir sviku, sviku hið venjulega fólk, sviku bræðralagið, sviku réttlætið, sviku jöfnuðinn.

Aumkunarverð skrípi þess sem áður var.

 

Hér á Íslandi gengur Skúffan í skrifborði, þessi í miðju, önnur frá hægri, hjá Samtökum Atvinnurekanda erinda frjálshyggjunnar, erinda þess glóbals auðs sem hefur rústað efnahag og framleiðslu vestrænna ríkja síðustu 30 árin eða svo, það að Viðreisn vill í ESB er ekki frétt, málaliðar hagsmuna auðsins hafa alltaf verið til, og munu alltaf vera til.

Þeir eru jú á góðu kaupi.

 

Íslenskir jafnaðarmenn hafa lengi gengið þessa svikaslóð, samviskusamlega fjármagnaðir af auðrónunum sem vilja evru til að krónan sé ekki milliliður þegar þeir flytja auð sinn úr landi.

Það er smán okkar í Norð-Austur kjördæmi að Logi Einarsson var eini kjördæmakjörni þingmaður Samfylkingarinnar í kosningunum 2016, annars hefðu svikin við þjóðina, við almenning þurrkað út þessa þjóna auðsins við frjálshyggju hins frjálsa flæðis Evrópusambandsins.

Lærdómur sem Kristrún Frostadóttir hefur meðtekið, og gert Samfylkinguna aftur að stjórnmálaafli jafnaðarmanna og félagshyggjufólks.

Hennar leiðsögn er að þjóðin sé mikilvægari en regluverk hins Frjálsa flæðis í Brussel.

 

Þá sveik Inga með eign sinni; Flokki fólksins.

Bættist í röð þeirra Áslaugu Örnu og Þórdísar Kolbrúnu.

 

Viðreisn og Þorgerður Katrín virðast stjórna öllu í dag.

Ef Inga fer út, þá kemur bara Áslaug í staðinn.

 

Í Noregi er til ærlegt fólk sem segir Nei.

Slíkt fólk finnst ekki hinsvegar á Ísland í dag.

 

Ekki ef ráðherrastóll er í húfi.

 

Almenningur heldur samt áfram að segja Nei.

Spyrjið bara Trump.

 

Hann fattaði þetta.

Og Bandaríkin eru ekkert eyland.

 

Því í dag er Nei svarið.

Að vera þræll er ekki valkostur.

 

Ekki fyrir okkur venjulegu.

Og við erum fleiri.

 

Það get ég svo svarið.

Kveðja að austan.

Norska stjórnin sprungin: Ósátt um orkumál og valdframsal til ESB