Kærleiksheimilið

 

Flokkadrættir hafa fylgt flokkum frá því að fyrsti flokkurinn var stofnaður.

Og ýmislegt gengið á í gegnum tíðina.

En svei mér þá, í slíkum dráttum og deilum hefur það aldrei gerst áður, að formaður flokks, sem leiðir lista flokks síns, biðji kjósendur um að strika út manninn sem er í öðru sæti á þeim sama lista.

Þó ég geti ekki fullyrt þá þætti mér líklegt að slíkt væri líka einstakt á heimsvísu.

 

Kristrún er sæt, eða þannig.

Örugglega eldklár.

Hún á hinsvegar ýmislegt ólært í pólitík.

 

En hvað getur maður sagt annað en "að friður sé með yður".

Og hlegið sig svo máttlausan.

Kveðja að austan.

„Þá liggur beinast við að strika hann út“

Við ætlum að hrista upp í kerfinu

 

Er haft eftir Kristrúnu Frostadóttur á Vísi í dag.

 

En sú fullyrðing er ekki beint trúverðug í ljósi þess að Dagur B. Eggertsson kemur fast á eftir Kristrúnu á lista Samfylkingarinnar.

Sem fyrrverandi borgarstjóri í Reykjavík ber hann ábyrgð á óskilvirkasta stjórnkerfi sem sögur fara af, kerfi sem sígur til sín aðföng og fjármuni en skilar litlu til baka.

Lélegar ákvarðanir, léleg stjórnsýsla.

Þetta er eins og að lýsa yfir stríði gegn veggjakroti í miðbænum og fá afkasta mesta veggjakrotara landsins til að leiða það stríð.

 

En það er ekki erindi þessa pistils heldur vil ég benda á frama eins af þeim blaðamönnum sem tengist eiturbyrlunarmálinu, þar sem einum af borgurum þessa lands var byrlað ólyfjan og aðeins tilviljun ein bjargaði lífi hans, annars hefði verið um morð að ræða.

Vera hans á listanum segir aðeins eitt; Samfylkingin hefur ekkert siðferði.

Þekkir ekki muninn á réttu og röngu.

 

Kristrún hóf sinn feril með fellu.

Kveðja að austan.

Listinn í Reykjavík norður samþykktur

Slátrun hægri manna.

 

Íhaldsmanna, sem stoltir kenna sig við sjálfstæði, hefur greinilega skaðað fylgi Sjálfstæðisflokksins.

 

Raunveruleikinn er einfaldlega sá að þegar forysta Sjálfstæðisflokksins ákvað að leggja niður bæði stefnuna um sjálfstæði þjóðarinnar sem og gildi íhaldsmanna, en veðja þess í stað á hægri kratisma, sem krónprinsessa flokksins, Þórdís Kolbrún var andlit fyrir að þá gleymdi hún einu.

Samkeppninni við aðra hægrikrata flokka, Viðreisn og Samfylkinguna.

Með sína öflugu leiðtoga, Hönnu Katrínu og Kristrúnu.

Já, já og Þorgerði Katrínu.

 

Hvort nýjasta útspilið, að shanghæja Jón Gunnarsson á listann, geri einhvern diff, veit tíminn einn.

En Jón setti niður við að þiggja brauðmolann og brandarinn um breytingu á löggjöf um hvalveiðar, lítilsvirðir kjarna flokksins, það er eins og það að vera íhaldsmaður, hægri maður, Sjálfstæðismaður, snúist um það eitt að fá hvalkjöt á diskinn.

 

Eftir stendur.

Forysta Bjarna Benediktssonar, sem reis upp eins og fuglinn Fönix þegar hann loksins mætti kúgun VG.

Gamli Bjarni er kominn og gamli Barni er öflugur.

Hann gefur Sjálfstæðisflokknum vigt sem aðrir leiðtogar hans gera ekki.

 

Breytir samt ekki að hann fyrirskipaði slátrunina á sjálfstæðismönnum flokksins.

Eftir öll þessi ár tók hann afstöðu með kratisma, með Eurokrötum gegn sjálfstæði þjóðarinnar.

Hann treysti á að sjálfstæðir íhaldsmenn myndu ganga jarmandi í dilkinn sem flokksforystan ætlaði þeim, þeir væru jú sjálfstæðismenn.

 

Þessi skoðanakönnun segir að sú ætlun Bjarna hafi mistekist.

Sem og að hægri kratar Viðreisnar og Samfylkingarinnar fiski betur en stelpurnar sem flokkurinn ákvað að veðja á.

 

En það skyldi enginn vanmeta Bjarna Benediktsson og styrk hans þegar á móti blæs.

Þá er Bjarni eiginlega sterkastur.

Þá gustar af honum.

 

En trúið mér.

Í kirkjugörðum landsins heyrist grátur liðinna Sjálfstæðismanna.

 

En þeirra kosningaréttur er liðinn.

Hins vegar veit ég ekki hvort þeir sem lifa heyri þann grát.

Kveðja að austan.

 

Ný könnun: Sjálfstæðisflokkur dalar og VG botnfrosið

Dúsan.

 

Eða var snúið svo fast uppá handlegg Jóns Gunnarssonar að brakabrestirnir náðust á mælum??

Þá er nú reisnin hjá Sigríði Andersen.

 

"Ég yfirgaf ekki flokkinn, flokkurinn yfirgaf mig".

Eða eitthvað þannig.

 

Það virðist að Þórdís hafi reiknað Jón rétt út.

Það var óhætt að fella hann.

Kveðja að austan.

Verður sérstakur fulltrúi Bjarna í ráðuneytinu

Það vinna ekki bara meðvirkir á Morgunblaðinu.

 

Meðvirkir sem réttlæta allan þann viðbjóð sem Stefán E. Stefánsson spyr Sönnu Magdalenu um hvort hún sé samþykk.

Skora á alla læsa, alla sem hafa vott af siðferðiskennd, og þaðan af meira, til að lesa þetta viðtal.

 

Stefán afhjúpar algjörlega hugsunarhátt samlanda okkar sem styðja voðaverk Hamas, og með bulli og vitleysu reyna að réttlæta voðaverk Íslamista um allan heim.

Eða það markmið þeirra að útrýma rúmlega 9 milljón manna þjóð, vegna átaka sem áttu sér stað fyrir rúmum 70 árum síðan.

Nauðganir, limlestingar, áður óþekktur óþekktur viðbjóður á 21 öldinni, aftaka barna með byssukúlum, það er þau sem voru heppin, sundurlimun með sveðjum í ungbarnarúmum, börn sem bera augljósleg merki um að hafa verið brennd lifandi.

Vörn Sönnu, Sólveigu Önnu og annarra sem styðja þennan viðbjóð, þessa viðurstyggð, er að þessi voðaverk þurfi að skoða í "sögulegu samhengi" svo ég vitni beint í viðtal Stefáns.

 

Stefán á miklar þakkir fyrir þetta viðtal.

En mér leikur forvitni á hvernig hann getur unnið á sama vinnustað og þeir blaðamenn Morgunblaðsins sem ganga meðvirkir í takt með Hamas og voðaverkum samtakanna, bæði þau sem voru framin í Ísrael þann 7. október 2023, eða tilgang þeirra, að kalla dauða og hörmungar yfir þjóð sína, vera tilbúin að fórna "mörg hundruð þúsund sak­laus­ir borg­ar­ar lét­ust. "Þetta voru nauðsyn­leg­ar fórn­ir," er haft eft­ir Sinw­ar.".

Að fórna heilu samfélagi milljóna til að ná fram pólitískum markmiðum sínum um að útrýma Ísraelsríki og íbúum þess, sem eru rúmlega 9 milljónir í dag.

 

Í ljósi aðstæðna þá skil ég á vissan hátt menn eins og Sinwar, biturð þeirra varð ekki til úr engu.

En ég skil ekki hina meðvirku á Morgunblaðinu, í alvöru.

 

Ofstæki brenglar fólki oft sýn.

Þess vegna eru eldri forystumenn félagsskaparins Ísland-Palestína með langa ferilsskrá þar sem þeir lofsama voðaverk, hvort sem það var hjá kínverskum kommúnistum eða tilraun Rauðu khmerarna til að útrýma borgarastétt landsins eftir valdatöku sína.

Búandi að arfleið fólks sem réttlætti voðaverk Stalíns.

 

En eiginlega finnst mér hinir meðvirku eiga sér enga afsökun.

Og í ljósi þess sem þeir réttlæta með skrifum sínum og fréttamennsku, vera í raun eitthvað úr ranni þess sem kennt er við mannvonsku.

 

Eiga ekki ofstækið sér til afsökunar.

Að baki býr eitthvað óeðli sem þrífst á þjáningum annarra.

Þar sem meint gæska er réttlæting.

En er í raun réttlæting illskunnar.

 

Það er þó gott að ennþá vinni ærlegt fólk á Morgunblaðinu.

Kveðja að austan.

Sanna: Skoða þurfi barnagíslatöku í samhengi

Sorgleg blaðamennska.

 

Það er fáheyrt að borgarlegt blað eins og Morgunblaðið skuli gefa áróðursdeild Hamas samtakanna svona mikið pláss til að fegra voðaverk sín og ábyrgðina á þeim hörmungum sem íbúar Palestínu ganga í gegnum í dag.

 

Það er vitað að Hamas hefur undirbúið þetta stríð í mörg ár. Wall Street Journal afhjúpað samskipti æðstu yfirmanna samtakanna þar sem þeir á kaldrifjaðan hátt ræddu um hvernig fyrirhugaðar morðárásir á Ísrael yrðu að framkalla heiftarárásir á íbúa Gasastrandarinnar, og þeir gerðu sér fulla grein fyrir að slíkt myndi kosta tugþúsundir landa þeirra lífið.

"Í ein­um skila­boðum til Ham­as-liða í Doha vitn­ar Sinw­ar til sjálf­stæðis­bar­áttu ríkja á borð við Als­ír þar sem mörg hundruð þúsund sak­laus­ir borg­ar­ar lét­ust. "Þetta voru nauðsyn­leg­ar fórn­ir," er haft eft­ir Sinw­ar. Sýna mörg skila­boð, sem voru meðal ann­ars send til ým­issa sátta­semj­ara og er­ind­reka í samn­ingaviðræðum um vopna­hlé, að Sinw­ar sé full­ur sjálfs­trausts um að Ham­as geti haldið leng­ur út en Ísra­el. "Við höf­um Ísra­ela nákvæm­lega þar sem við vilj­um þá," sagði Sinw­ar í ný­leg­um skila­boðum til Ham­as-liða."

Já, lát hundruð þúsunda eru nauðsynlegar fórnir og við höfum Ísraela nákvæmlega þar sem við viljum hafa þá.

 

Í stríðsundirbúning sínum gerði Hamas meira en að grafa göng með tengingar við skóla og sjúkrahús þar sem hægt væri að gera árásir á væntanlega ísraelska hermenn, áróðursfólki var líka plantað um alla Evrópu, æft í frösum eins og "Palestína er ekki bara fyr­ir Palestínu­menn, við eig­um ekki í nein­um vand­ræðum með að búa með kristn­um mönn­um eða gyðing­um, all­ir sem eiga sér hlýju í hjarta geta búið þar, Jesús fædd­ist í Palestínu".

Hlálegur frasi í ljósi þess að Íslamistar hafa þurrkað upp byggðir kristinna og gyðinga við Miðjarðahafið, byggðir sem eiga sér mun eldri rætur en Íslam.

 

En frasar og áróður morðingja, þar sem stærst er ábyrgðin á mannfalli óbreyttra borgara Gasastrandarinnar, er yfirleitt í skúmaskotum alnetsins, líkt og hjá Breivik og skoðanabræðrum hans, sjaldgæft er að borgarlegur fjölmiðill gefi þeim vængi á miðlum sínum.

Réttlæti þannig meintar nauðsynlegar fórnir saklausra sem voru aldrei spurðir hvort þeir vildu deyja fyrir málstaðinn.

Líkt og fréttaritstjórn Morgunblaðsins gerir með því að birta þennan einhliða áróður Hamas samtakanna.

 

Mig langar að vitna í meðvirknina í þessu sorglega viðtali;

"Já já, við erum úti um allt, við erum með fólk í Kan­ada, Banda­ríkj­un­um, Bretlandi og víðar sem ræðir við fólk á göt­unni um þjóðarmorðið sem við vilj­um stöðva. Við vilj­um bara hafa frið, en ég bendi líka á að þegar ég segi „við“ vís­ar það til þess að allt góðhjartað fólk finn­ur til með Palestínu,“ svar­ar hann og fær í staðinn þunga­vigt­ar­spurn­ingu um hvernig fólk taki hon­um þegar hann gef­ur sig á tal við það. Hvort ein­hverj­ir reiðist ekki eða fyrt­ist við, hringi jafn­vel á lög­regl­una.".

Já, þungavigtarspurningin var að spyrja hann um viðbrögð fólks sem hann áreitti með áróðri sínum, en ekki að spyrja áróðursmanninn út í fullyrðingar hans, til dæmis ef hann vildi frið, af hverju væri hann ekki með risaborða með skilboðum til Hamas að sleppa öllum gíslum sem Hamas héldi föngnum?

Eða spyrja hann að ef honum er alvara að stöðva meint þjóðarmorð, af hverju krefst hann ekki að Hamas leggi niður vopn sín, hætti átökum innan um þjóð sína sem fellur umvörpum í þeim átökum?

 

Blaðamaðurinn hefði jafnvel líka geta spurt hann þeirrar þungavigtarspurningar, að fyrst hann væri fulltrúi Hamas hérna á Íslandi, hvort hann fyndi ekki til ábyrgðar, jafnvel samsektar vegna þessa meinta þjóðarmorðs, svona í ljósi þess að samtökin sem hann tilheyrir, hófu þessu átök, einmitt í þeim tilgangi að tugþúsundir samlanda hans myndu falla í þeim átökum.

Klassísku spurninguna um hver ber ábyrgðina á stríðshörmungum, sá sem hóf þau í þeim tilgangi að útrýma meintri óvinaþjóð, eða hin meinta óvinaþjóð sem bregst við með vopnavaldi því hún vill ekki láta útrýma sér.

Frömdu Bandamenn þjóðarmorð í Þýskalandi eða var ábyrgðin nasistanna sem hófu styrjaldarátökin meðal annars með einbeittum vilja sínum að útrýma slavnesku nágrönnum sínum í austri??

 

Og ekki hvað síst hefði blaðamaður Morgunblaðsins, þetta er jú borgarlegur miðill, geta spurt stærstu spurningarinnar, sem hefði afhjúpað innræti hins meinta friðeldandi áróðursmanns.

Varst þú einn af þeim sem hrópuðu og blístruðu í fögnuði Palestínuaraba víðsvegar í borgum Evrópu, þar á meðal í Reykjavík??

Daginn sem fréttirnar bárust af voðaverkum Hamas í Ísrael.

Stjórnlaus fögnuður fólks yfir drápum á óvininum þó það vissi að þau dráp myndu kosta þúsundir samlanda sinna sem hvergi gátu farið, líf og limi, sem og eyðingu byggðar þeirra.

Nei í meðvirkni sinni gerði blaðamaður Morgunblaðsins það ekki, vitið er ekki meira en guð gaf.

 

En vitið á að vera meira á fréttaritstjórn blaðsins.

Það á ekki að ganga í takt með morðingjum sem víla sér ekki fyrir að fórna "mörg hundruð þúsund sak­laus­ir borg­ar­ar", til að tryggja þær mannfórnir, láta liðsmenn sína fremja viðbjóðsleg hermdarverk svo ríkisstjórn Ísraels átti ekki aðra kosti en að taka slaginn í þéttbýli Gasa strandarinnar.

Rifjum upp hvaða mannlega viðbjóð fréttaritstjórnin er meðal annars að réttlæta;

"Videos filmed by Hamas include footage of one woman, handcuffed and taken hostage with cuts to her arms and a large patch of blood staining the seat of her trousers. In others, women carried away by the fighters appear to be naked or semi-clothed.

Multiple photographs from the sites after the attack show the bodies of women naked from the waist down, or with their underwear ripped to one side, legs splayed, with signs of trauma to their genitals and legs.

"It really feels like Hamas learned how to weaponise womens bodies from ISIS [the Islamic State group] in Iraq, from cases in Bosnia," said Dr Cochav Elkayam-Levy, a legal expert at the Davis Institute of International Relations at Hebrew University. "It brings me chills just to know the details that they knew about what to do to women: cut their organs, mutilate their genitals, rape. Itis horrifying to know this."".  BBC 3. des 2023, ég feitletra vísanir í myndskeið tekin af Hamasliðum á morðvettvangi og ljósmyndir af fórnarlömbum þeirra sem blaðmönnum voru sýndar.

 

Í nafni málstaðar má sem sagt nota konur sem vopn í stríði, nauðga þeim, limlesta.

Það er það sem Morgunblaðið er að segja með þessari frétt.

 

Og Morgunblaðið vill endurskrifa söguna, það voru Bandamenn sem frömdu þjóðarmorð í Þýskalandi.

Nýnasistarnir höfðu sem sagt rétt fyrir sér.

 

Spurningin er, hvenær tekur Mogginn viðtal við einn slíkan?

Svona ef blaðið ætlar að vera sjálfu sér samkvæmt.

 

Af sem áður var.

Kveðja að austan.

 

 

„Ég hef bara verið handtekinn á Íslandi“

Eltingarleikurinn við skottið.

 

Þeir þóttu ekki sérstaklega gáfulegir hundarnir í sveitinni sem eyddu heilu og hálfu dögunum í að eltast við skottið á sjálfum sér.

En miðað við þetta viðtal við formann grunnskólakennara þá virðast þeir ekki hafa verið svo vitlausir, mætti jafnvel halda að þeir væru hámenntaðir.

 

Kjör verða ekki til með eilífum samanburði, að þessi fái svona mikið, því á ég að fá svona mikið, og þá er þetta seinna svona hærri tala en hjá fyrra svona.

Kjör verða heldur ekki til með peningaprentun, það þýðir ekki að segja að ég vil fá milljón, eða tvær milljónir, jafnvel margar milljónir, ef það er ekki innistæða fyrir þeirri kröfu.

Og eins og fjárhagsstaða ríkis og sveitarfélaga er í dag, þá er engin innistæða fyrir launahækkun opinbera starfsmanna.

Allt sem er knúið fram með verkföllum leitar beint út í verðbólguna, og það vita allir hvað það þýðir, eru vextir ekki nógu háir nú þegar??

 

Kjör verða til með verðmætasköpun og ef kennarar vilja hærri raunlaun, þá ættu þeir að krefja stjórnvöld um að bæta skilyrði atvinnulífsins, til dæmis með lækkun skatta eins og tryggingargjaldsins.

Og ef þeir eru nógu djúpir á því, vilja virkilega jákvæða kjaraþróun, þá krefja þeir næsta alþingi að segja upp EES samningnum sem fyrir löngu er orðinn dragbítur á þróun atvinnulífsins með öllu reglufargani sínu.

Einnig yrði ágætis kjarabót að loka landamærunum, á meðan fólk flyst hraðar til landsins en við náum til að byggja fyrir það þak yfir höfuð, þá er viðvarandi síþensla og hávextir.

 

En að fara í verkfall til að knýja fram kjararýrnun er ekki gáfulegt.

Svei mér þá.

Kveðja að austan.

Kennarar vilja meira en milljón í laun

Núna er rétti tíminn til að ljúka stríðinu

 

Er haft eftir Blinken, utanríkisráðherra Bandaríkjanna.

Stríði sem átti aldrei að verða, stríði sem átti löngu að vera lokið, stríði sem hefur þróast útí lönguvitleysu.

 

Þá þarf Blinken að standa við orð sín, gera harðlínumönnum í ríkisstjórn Ísraels það ljóst að áframhaldandi stuðningur Bandaríkjanna við ísraelsku hernaðarvélina sé háður því að Ísraelsmenn lýsi því yfir að gegn lausn gísla, jafnt lifandi sem látna, þá fari þeir frá Gasa fyrir fullt og allt.

Láti íbúana þar glíma við Hamas og morðingjasveitir þess.

 

Þarna reynir á forystu Bandaríkjamanna.

Vonandi bregst hún ekki.

Kveðja að austan.

„Núna er rétti tíminn“ til að ljúka stríðinu

Árásir á kennara.

 

Það eru margar hliðar á þeim vanda sem blasir við skólakerfinu í dag.

Og Morgunblaðið á hrós skilið fyrir umfjallanir sínar og viðleitnina til að reifa ólík sjónarmið, bæði með viðtölum og fréttaskrifum.

 

Eins má hrósa blaðinu fyrir málefnaleg efnistök varðandi grein Svandísar, því margt er til í því sem Svandís segir, og mjög ómaklegt að skella skuld á kennara vegna kerfis sem hefur algjörlega brugðist varðandi menntun barna okkar.

Því það er ekki nóg að hluti barna okkar fái góða menntun, öll börn, óháð þjóðerni og þjóðfélagsstöðu eiga að fá hana.

 

Sérstaklega vil ég hrósa Morgunblaðinu fyrir þessi orð, því það gleyptu svo margir við aulabrandara Einars borgarstjóra þegar hann gerði grín af fjarvistum kennara vegna veikinda;

"Rætt var á mbl.is í sept­em­ber við fjölda kenn­ara, sem hrak­ist hafa úr störf­um sín­um við grunn­skóla í Reykja­vík sök­um myglu. Í ljós kom að borg­ar­yf­ir­völd höfðu skellt skolla­eyr­um við ít­rekuðum ábend­ing­um þess sem sá um hús­næði skól­ans.".

Það eru nefnilega skýringar á öllu, og þarna liggur skömmin hjá borgaryfirvöldum.

 

Eflaust er grein Svandísar skrifuð sem hluti af kosningabaráttu hins deyjandi flokks hennar en þá hefur hún allavega gert þarft verk í þeirri baráttu.

Það eru ekki kennarar sem móta menntastefnuna, þeir þurfa að vinna eftir henni.

Það eru ekki kennarar sem þróa fávitanámsgögn eins og stærðfræðikennsluna sem átti að byggjast á að nemendur sjálfir uppgötvuðu formúlur og stærðfræði sem þurfti þúsundir ára og mestu hugsuði hvers tíma til að þróa og bæta.  Eða þá nálgun í lestrarkennslu að afleggja stafa og hljóðkennslu heldur að kenna orð með því að láta börnin þreifa á hlutum, teikna þá og föndra.

Það eru kennararnir sem þurfa að reyna að gera gott úr þessari forheimsku úr ranni froðu rétttrúnaðarins.

 

Eins eru það ekki kennarar sem bera ábyrgð á sístreymi erlends fólks til landsins, á þjóðarskiptunum sem eru að afleggja íslenska menningu og tungu.

Þeir fá bara alltaf ný og ný börn í bekkina sína, ómælandi á íslensku, ólesandi á íslenska texta.

Svo eru menn hissa á því að þessi sömu börn koma ekki vel út á Pisa könnunum.

 

Ábyrgðaraðilar þessarar hringavitleysu, hvað sem þeim gengur til, finnst auðvelt að frýja sig sök með því að skella skuldina á kennara, og því miður taka margir undir.

Minn mælikvarði eru ánægð börn sagði ein fótboltamamman við mig, sem í aukastarfi frá því að vera fótboltamamma, var kennari, og umræðan var Pisa könnun þegar tvítugir strákarnir okkar voru 12-14 ára að mig minnir. Og svo fylgist ég með hvernig þeim vegnar í lífinu, sé mörg af þeim fara til frekari náms og standa sig vel.

 

Sem foreldri tveggja stráka, aldnir upp í litlu samfélagi, get ég tekið undir þessi orð.

Þeir hlutu góða og kærleiksríka menntun, bæði í grunnskóla sem og í framhaldsskólanum hér í bænum.

Smár en góður, lífsglaðir krakkar sem virðast standa sig vel í því námi sem þau hafa farið í.

Af þeim er sómi, og þau eru rósir fyrir skólakerfi minnar litlu byggðar, bæði kennara sem og stjórnenda.

 

Þannig er þetta alls staðar þar sem vel er gert.

Og kennurum gert kleyft að sinna störfum sínum.

 

Fyrir það ber að þakka.

Sem og að andæfa því að sekir geti skellt skuld á þá sem litla eða enga sekt bera.

 

Þess vegna eiga bæði Mogginn og Svandís hrós fyrir skrif sín.

Kveðja að austan.

 

 

 

Segir að ráðist sé á kennara og hart sótt að þeim

Eiturbyrlun er ekki hluti af skyldum Rúv við land og þjóð.

 

Svo ég vitni beint í orð Stefáns; "Áfram mun­um við sinna okk­ar verk­efn­um og skyld­um við land og þjóð af metnaði og krafti líkt og und­an­far­in ár".

 

Byrlun sem aðeins tilviljunin ein kom i veg fyrir að varð að morði, kannski greip einhver vættur inní sem gat ekki hugsað sér að Ríkisútvarpið skipulegði morðatlögu að borgurum þessa lands.

Og Stefán Eiríksson hefur ekki axlað ábyrgð á.

Lítilmennska hans því algjör.

 

Þó stór miðað við þá smán að fulltrúar almennings, fulltrúar löggjafarvaldsins skulu framlengja ráðningartíma Stefáns Eiríkssonar til næstu 5 ára.

Í þeirri smán felst yfirlýsing að þessir fulltrúar almennings, þessir fulltrúar löggjafarvaldsins telji Ríkisútvarpið sé hafið yfir lög og reglur samfélagsins, það megi búa til fréttir, taka fólk og fyrirtæki fyrir og beita öllum ráðum til að ná höggi á viðkomandi.

Jafnvel reyna að drepa fólk, þar er engin afsökun að tilgangurinn hafi verið að reyna svæfa viðkomandi borgara svo hægt væri að stela síma hans og afrita.

 

Það er mikið að í samfélagi sem líður svona.

Kveðja að austan.

Stefán endurráðinn til fimm ára