Bjarni the tyrant

 

Eða svo voru þeir kallaðir einræðisherrarnir sem tóku við að hinum föllnu lýðveldum Grikklands hins forna.

Án þess að það komi málinu við að þá féll lýðveldið þegar fólk hætti að þekkja muninn á lýðskrumi og rökræðu. Svona eins og lýðræðið féll í Bandaríkjunum í síðustu kosningum.

Reyndar hétu harðstjórar hins forna hellenska heims ekki Bjarni, heldur hétu þeir hinu og þessu og voru kallaðir harðstjórar eða tyrant.

 

Það er sögð sú saga um harðstjóra einn sem var eitthvað óviss um vald sitt, að hann sendi ráðgjafa sinn til Sikileysku borgarinnar  Syracus, þar sem mjög skilvirkur harðstjóri réði ríkjum.  Og spurningin var ein, hvernig ferðu að þessu?

Harðstjórinn í Syracus fékk sér þá göngutúr út fyrir borgarmúrana, og stefnan var tekin á næsta akur.  Þar labbaði hann um með sendiboðanum, án þess að segja orð, og það eina sem hann gerði var að höggva annað slagið niður akorn sem risu uppúr umhverfi sínu.

Sendiboðinn skyldi pointið, snéri til baka, og húsbóndi hans varð síðan mjög farsæll harðstjóri, hann fattaði nefnilega að afhausa þá sem ógnuðu veldi hans.

 

Sjálfstæðismenn hafa hins vegar illa tekið pointið, halda að ennþá ríki lýðræði innan flokksins, og þar séu fleiri en einn sem fari þar með völd.

Samt sýndi Bjarni hve vel hann er lesinn, þegar hann skipaði ráðherra innanríkis eftir að rógtungur, sem örugglega hafa ekki átt neinar rætur í Engey, felldu helsta keppninaut hans innan flokksins.  Svona eitthvað svipaðar tungur sem felldu hans helsta keppinaut í íslenskum stjórnmálum nokkrum árum seinna.  Og þær tungur voru heldur örugglega ekki með póstnúmer í Engey, enda eyjan ekki með póstnúmer.

 

Bjarni niðurlægði þungavigtarmenn þingflokksins með því að ná í xxxx uppgjafarþingmann til Sviss.  Sem þarf ekki að taka fram að er alfarið háður velvild Bjarna með valdboð sitt.

Algjörri gat niðurlægingin ekki orðið.  Enda bognaði þingflokkurinn það mikið í baki að utan séð sást enginn hæðarmunur, enda erfitt að gnæfa yfir aðra, þegar allir skríða í auðmýkt fyrir formanni sínum.

 

Augljóst fyrir alla, nema þá sem sáu allt í gegnum flokksgleraugun, og héldu að stuðningur þeirra í prófkjörum, við þeirra mann, þýddi að þeirra maður hefði eitthvað vægi innan flokksins.

Svo núna á að endurtaka kennsluna, aftur á að leita út fyrir þingflokkinn.

Ekki það að það séu ekki allir hlýðnir innan þingflokksins, sískríðandi, en ennþá finnast svo gamaldags flokksmenn að þeir halda að þeir séu sjálfstæðir, og styðji Sjálfstæðisflokkinn.

En ekki hinn samhenta Engeyjarflokk sem ætlar að tilkynna um ríkisstjórn sína eftir helgi.

 

"Kann að leita út fyrir þingflokkinn!!", er hægt að orða það smekklegra?

Hinum algjörum yfirráðum formannsins yfir flokki sínum.

 

Og sýna, svo enginn ætti að veltast í vafa, að Engeyjarflokkurinn er ekki í stjórnmálum til að vinna að hag þjóðar og flokks, hann er það sem hann er, stjórnmáladeild ættarveldis, sem var næstum því búin að tapa stöðu sinni í íslensku efnahagslífi fyrir hinum nýríku ættleysingjum, kennda við útrás.

Og veit eins og er að það er monníið sem ræður öllu á bak við leiktjöld stjórnmálanna.

 

Á næsta kjörtímabili á að einkavæða.

Og einkavæða.

Og einkavæða ennþá meira.

 

Borgunardæmið var æfing á síðasta kjörtímabili.

Núna er það the real one.

Eigum ríkisins skal stýrt til þeirra sem málið varða, það er þeirra sem eiga Engeyjarflokkinn, eða eru bestu vinir eiganda hans.

 

Svona er Ísland í dag.

Svona er Sjálfstæðisflokkurinn í dag.

Svona er þjófræðið í dag.

 

En gleymum því aldrei.

Skriðdrekar bjuggu ekki til þennan raunveruleika.

 

Það er allt fyrir opnum tjöldum.

Kveðja að austan.

 

 

Kann að leita út fyrir þingflokkinn

Vér morðingjar, -annar hluti.

 

Gleymum því ekki að þegar teflt er um mannslíf, þá er aðeins tímaspursmál hvenær ein skák tapast.

Og þá eru þeir sem ábyrgðina bera með blóð á höndum sínum.

Allir.

Kveðja að austan.

Komust ekki með sjúkling

Þjófræði á sér margar myndir.

 

Ein af þeim er gífurlegir fjármunir á aflandssvæðum.

Sem er svona ígildi fjársjóðseyja sjóræningja í gamla daga.

 

Önnur eru stjórnvöld sem telja gullkisturnar á fjársjóðseyjunum  hinn eðlilegasta hlut, jafnvel dæmi um heilbrigði efnahagslífsins.

 

Sú þriðja er ríkisstjórn þar sem gullkistueigendur eru í hópi ráðherra.

Sem gilti um síðustu ríkisstjórn, og mun gilda um þá næstu.

 

Síðan er það sú fjórða og sú fimmta, og í verstu tilvikum þjófræðis duga puttar beggja handa ekki til, ekki heldur að tánum sé bætt við, ekki heldur að heill strætisvagn sé fenginn til að aðstoða við upptalninguna.

 

Hvort við Íslendingar þurfum heilan strætisvagn til að telja, skal ekki metið hér.

Ekki skal heldur lagt mat á hvenær þjófarnir stálu lýðræðinu.

Ekki heldur gerð tilraun til að meta hvenær þjóðin reynir að endurheimta lýðræði sitt úr þjófa höndum.

 

Þetta er eins og með offitusjúkling, sem telur Burgerking mat bestan.

Nema þegar hann rífst við sjálfan sig um að Dominos pizzan slái burgeronum við.

Líkur þess að hann taki upp hollan lífsstíl á morgun eru ekki miklar.

Líklegra er að sjúkrabíllinn sæki hann áður, ef hann þá kemst í slíkt farartæki.

 

Þó er vonin stærri í hans tilviki, um það eru mörg dæmi.

Hann veit eins og er að þetta á ekki að vera svona, það bíður eitthvað betra handan við hornið.

Til dæmis framtíð.

 

Íslenska þjóðin er hins vegar sátt við sinn Burger, og sína Pizzu.

Enda vel fóðruð að kolvetnaríkum ferðamönnum sem halda uppi kolvetnaríkri neyslu.

 

Þó innviðirnir séu eins og hjarta og æðakerfi offitusjúklingins, þá duga þeir meðan þeir duga.  Það er jú alltaf hægt að fá sér aðra Pizzu, fleiri ferðamenn.

Fjársveltir skólar, myglað heilbrigðiskerfi, vegakerfi sem komið er fram yfir síðasta söludag, skiptir ekki máli, ný ferðamannapizza reddar hagtölum.  Reddar kolvetnaneyslunni.

Þó skyndibitafóðrarinn fitni, það er veski hans, þá er ekkert að því að hann flytji gróðann úr landi, hann reddar jú svo góðum skyndimat.  Hann fóðrar vel.

 

Enda til hvers er lýðræði, til hvers þarf að bjóða uppá íslenskan mat, íslenska framleiðslu, til hvers að sækja í heilbrigði og hollustu.

Er grænmeti hvort sem er ekki fyrir kanínur, og frelsið fyrir auðmenn.

Ekki kvarta kanínurnar og hví ætti þá fólk að kvarta þegar auðmenn eru frjálsir.

 

Búum við ekki í frjálsu þjóðfélagi þar sem menn mega það sem þeir vilja?

Er eitthvað að Burger borgaranum???

 

Nei, þjófræði á sér margar myndir.

Og sú alvarlegasta er uppgjöf fólksins.

 

Hún er mesta meinið.

Verri en þessar krónur á aflandseyjum.

 

Því hún mun engu breyta.

Kveðja að austan.

Allt að 810 milljarðar á aflandssvæðum

Mikil er spekin.

 

Ákveðin mengun er umborin vegna þess að hún er minnst skaðleg.

Það er eins gott að eiturbyrlari lesi ekki þessa snilld eftirlitsiðnaðarins, því hann gæti tekið uppá því að dreifa rottueitri til þeirra sem hann er í nöp við.  Og réttlætt það með þeim rökum að blásýra og arsenik séu miklu hættulegri eiturefni.

 

Hvar endar þessi niðurlæging fólksins sem þiggur laun frá skattgreiðendum fyrir að sjá um að reglur um sóðaskap eða mengun séu haldnar??  Að ekki sé minnst á dýraníð, mannsal, ólaunaða sjálfboðavinnu í ferðaþjónustu, og svo framvegis, og svo framvegis

Af hverju er allt umborið, af hverju eru reglur endalaust togaðar og teygðar, eða hreinlega brotnar án þess að ekkert sé að gert??  Eða það sem gert er, er í flugumynd og hefur lítt eða engin áhrif.

Af hverju þarf alltaf hinn svokallaða þrýsting frá almenningi til að seint sé um rassinn gripið??  Og ætíð er passað uppá að ekkert fréttist svo hinir brotsömu fái óáreittir farið sínu fram.

 

Mengun er ekkert einkamál þeirra sem menga, eða við hana starfa.

Mengun er ógn við tilveru okkar og framtíð, og á hvergi að líðast um fram það sem leyfilegt er.  Og öll leyfi eiga að byggjast á kröfum um bestu mögulegar mengunarvarnir sem í boði eru, og síðan á endalaust að gera kröfur um minni mengun, betri búnað, hreinni framleiðsluhætti.

 

Sem  aftur vekur upp stóru spurninguna???

Hvaða kröfur voru gerðar til þessa bandaríska auðhrings??

Eru þessir svokallaðir byrjunarörðugleikar teknir fram í starfsleyfi verksmiðjunnar???

 

Ef svo er ekki, þá á að loka verksmiðjunni strax á morgun (það er svo áliðið í dag), og ekki hleypa henni í gang fyrr en menn treysta sér til að hefja starfsemina innan skilyrta marka.

Því það er ekkert óvart eða óvænt í svona ferli, eina spurningin er hvað auðhringurinn er tilbúinn að eyða miklum peningi í að hindra mengandi drullustarfsemi.

 

Ef hins vegar að starfsleyfið var gefið út þrátt fyrir að vitað væri um hina svokallað byrjunarörðugleika, og þá mengun sem af þeim gat hlotist, þá er ljóst að eitthvað var rotið við það ákvörðunartökuferli.

Og fjölmiðlar eiga að komast að upptökum þeirrar rotnunar.

Vegna þess að svona á ekki að gerast, og þegar það gerist þá eiga menn að læra, koma í veg fyrir að svona gerist í framtíðinni.

 

Því mengun á ekki að líðast. 

Það er alltaf til fullt að tólum og tækjum til að komast í veg fyrir hana.

Það er aðeins spurning um viljann.

Og tilfærsla fjármuna frá þeim sem vill menga, til þess sem tekur ákvörðunina, á ekki að geta spillt þeim vilja.

 

Það er ekkert vitrænt við að láta út úr sér að einhver tegund sannarlegra mengunar, valdi minnstum skaða.

Og skert vit hjá fullvita fólki, á sér alltaf skýringar.

 

Gleymum því ekki.

Umberum það ekki.

Kveðja að austan.

Glerkísilrykið veldur minnstum skaða

Ekkert lát á hlýnun jarðar.

 

Eins og einhverjum hafi í alvöru dottið annað í hug.

Að snjórinn á norðurslóðum hafi bara farið í fríið á sólarströnd, og bráðnun ís og freðmýra gerist af því bara.

Nei, menn þurfa að vera ákaflega heimskir til að sjá ekki hvað er að gerast allt í kringum þá.

 

En á þeirri heimsku er ekkert lát, allavega í hópi bandarískra hægriöfgamanna.

Það fyndna er eins og kom fram núna áðan í sjónvarpinu, í heimildarmyndinni, Fyrir flóðið, að sá hópur sem drífur áfram heimskuna, miðaldra hvítur karlmaður, sem ætlar að eyða ævikvöldinu á ströndum Flórída, að hann þarf að kaupa sér kafarabúning því stór hluti Flórída mun hægt og rólega hverfa í hafið.

 

Er til meira siðleysi en að fórna lífi barna okkar fyrir skammtímagróða? var spurt í myndinni.

Sem út af fyrir sig er röng spurning því þú fórnar ekki lífi barna þinna, sama hvað er í boði, sama hver reynir að plata þig til þess.  Já Abraham hafði rangt fyrir sér, menn gera það ekki einu sinni fyrir guð sinn.

Hvað þá Mammon, hinn lifandi guð frjálshyggjunnar.

 

En við gerum samt.

Hvað veldur?

 

Hvers vegna féll vestræn siðmenning fyrir frjálshyggjunni?

Af hverju náði Svarta pestin að gegnsýra hugmyndaheim okkar svo algjörlega að við erum sem viljalaust verkfæri í höndum hennar.

Af hverju gáfum við eftir lýðræðið fyrir auðræði??

Af hverju látum við fámennar auðklíkur stjórna löndum okkar??

 

Þessara spurninga þurfum við að spyrja, og leita svar við, áður við eigum minnsta möguleika á að endurheimta framtíð barna okkar.

Ef við ætlum ekki að verða fyrsta kynslóðin í sögu mannkyns sem á börn, sem munu ekki eiga framtíð. 

Því siðmenning mun ekki lifa af komandi hörmungar af völdum loftlagsbreytinganna.

 

Og þær eru ekki af manna völdum.

Þær eru afleiðing af siðblindu, sígræðgi og síngirni.

 

Hinna Örfáu.

Og hagkerfis þeirra.

Kveðja að austan.

Hnattræn hlýnun tók sér enga pásu

Myglað Ísland

 

Vanvirðir eldri borgara þessa lands.

Það viðheldur heilbrigðisstofnunum sínum í stöðugu fjársvelti og notar eitthvað fjármálahrun sem réttlætingu þess að myglan sé að yfirtaka byggingar og innviði heilbrigðiskerfisins.

Eða hvað útskýrir hið algjöra afskiptaleysi sem lýst er í þessari frétt.

 

Peningaskortur, fátækt samfélagsins??

Nei, þjóðin hefur aldrei verið ríkari.

 

Aðeins mygla hugarfarsins útskýrir að samfélag okkar er orðin féþúfa gírugra fjármálamanna og minnst af þjóðarauðnum fer til samfélagslegra þarfa.

En stærri hlutinn í vasa fjármagns og auðs.

 

Og aðeins myglað fólk styður þá stjórnmálamenn sem sjá ekkert athugavert við kerfið, nema það þó helst að þeir veiti of miklum fjármunum í það.

Þrátt fyrir innan við 30% fylgi þá er tangarhald þeirra á á þjóðfélaginu algjört, þökk sé velheppnaðri fjármálafléttu að láta hluta ættarveldisins bjóða fram "andófsflokk" gegn hina sama ættarveldi.

Líkt og þann klofa að láta vinstri höndina fara í sjómann við hægri höndina, og vita ekki fyrirfram hvor fari með sigur.

 

Mygla er því miður ekki bara bundin við byggingar.

Hún getur lagst á fólk, og yfirtekið huga þess og vilja.

Hættir þá að vera bara heilbrigðisvandamál, heldur verður að þjóðarvá.

 

Hversu mikil sú vá er mun skýrast um helgina.

Kveðja að austan.

 

Orðlaus vegna afskiptaleysis

Valsmenn meika þetta.

 

Þeir lokuðu fyrst neyðarbrautinni, og núna náðu þeir að hrekja formann KSÍ úr embætti.

Hver efast um mátt peninganna???

Kveðja að austan.

„Þetta er bara komið gott“

Hryðjuverkastefna Nató í hnotskurn.

 

Er að styðja stjórnvöld sem hýða fátækt fólk sem biður um það eitt að samninga um laun eigi að virða.

Samningar sem fela það eitt í sér að lágmarkslaun, sem eru lægra en allt það sem lágt er, standi.

Að virða ekki þá samninga er aðeins yfirlýsing um eitt, að þrælahald sé löglegt.

 

Og Nató segir ekki orð, ekki frekar en þegar hið sama miðaldraríki sendi hryðjuverkamenn til að sprengja í loft upp turnana sem einkenna New York.

Eða fjármagnaði Ríki Íslam frá A til Ö.

Eða alla hina svo kölluðu hryðjuverkaklerka sem boða hatur og heift gegn vestrænum lífsgildum, þeir þiggja allir sem einn fé frá þessum sama "bandamanni" vestrænna þjóða.

 

Eða reisa mosku á Íslandi.

 

Hin æpandi þögn segir aðeins eitt, að morðin og viðbjóðurinn sé í boði vestrænna hagsmuna.

Hverjir þeir hagsmunir eru, er ekki augljóst.

Það er ekkert augljóst að styðja ríkisstjórn sem stendur fyrir viðbjóð og hryðjuverk um víða veröld.

Þó olíufé múti, þá mætti maður halda að mútufjárþiggjendurnir þyrftu að standa ábyrgð gjörða sinna í lýðræðislegum kosningum.

 

Að vestræn gildi spyrðu ennþá um rétt og rangt.

Og glæpafólk og mútuþegar fengju ekki þjóðum að stýra.

 

En morðin og óöldin í Sýrlandi sem vestrænir fjölmiðlar í vasa Murdochs og annarra siðblindra auðmanna, kalla borgarastyrjöld, þó annars vegar berjist stjórnarher löglegrar ríkisstjórnar, og hins vegar fjármagnaður hópur erlendra vígamanna, sanna það eitt, að vestræn gildi eru hornreka í Evrópu í dag.

Og gæti maður efast, þá sanna síðustu fréttir frá miðaldabandamanni Nató, Saudi Arabíu, að fólk í kjaradeilu sé hýtt og fangelsað, að ómenni ráða för hjá vestrænum ríkisstjórnum.

Því aðeins óeðli getur útskýrt þá ómennsku að helsti bandamaður Nató við Persaflóann hýði fátækt verkafólk sem fær ekki laun sín greidd.

Það er að hann sé ennþá bandamaður.

 

Það er engin eyland.

Hvorki ríki eða ríkisstjórnir.b 

 

Saudi Arabía er í okkar boði.

Í boði ríkisstjórnar Íslands.

Og annarra ríkja í Nató.

 

Og á meðan við látum fjármagnsþjófa stjórna okkur mun ekkert breytast.

Því siðblindan þekki ekki sið.

 

Hún vindur aðeins uppá sig.

Kveðja að austan.

 

 

Hýddir og fangelsaðir fyrir mótmæli

Engeyjarstjórn í burðarliðnum.

 

Og er það svo sem vel, að sýna almenningi sitt rétta andlit ætti að vera sjálfsögð kurteisi í stjórnmálum.

 

Benni frændi vann ekki aðeins þarft verk fyrir flokkinn, jók fylgi hans í yfir 40%.  Og náði að nýta sér trúgirni Pírata um að hann væri kerfisandstæðingur, og eyðilagði þar með möguleikann á samstarfi, vinstra megin við Sjálfstæðisflokkinn.

Því það var jú alltaf hætta á samstarfi vinstri og miðjuflokka.  En Birgitta greyið hélt að Framsóknarflokkurinn væri gerandi í íslenskri pólitík, og tók því náðarfaðm Engeyjarættarinnar fram yfir sögulega sátt á vinstri vængnum.

 

Og Benni frændi náði að stilla sjálfstæðum Sjálfstæðismönnum upp við vegg á þann hátt að þeir trúðu að ESB umsókn væri eina ráðið til að halda villta vinstrinu frá völdum.

Jæja, reyndar kallast sú umsókn þjóðaratkvæðagreiðsla í dag, en tilgangurinn ennþá sá sami.

Reyndar var sú blekking auðveld því allt síðasta kjörtímabil komst Bjarni upp með að afturkalla ekki umsóknina til ESB svo hún væri tilbúin þegar flokkurinn yrði blekktur til að halda umsóknarferlinu áfram.

 

Sumir gætu haldið að þessi ríkisstjórn frjálshyggju og auðs, myndi grafa hina endalegu gröf Sjálfstæðisflokksins, en það er mikill misskilningur.

Hinar kostuðu árásir vinstripennanna á flokkinn áttu sér aðeins eina skýringu, og það er sú óvænta samþykkt flokksþingsins í janúar 2009, að Bjarni og félagar mættu ekki sækja um aðild að ESB.

Aðild að ESB er forsenda hins algjöra arðráns fjármagnsins, þá eru engin innri landamæri á fjármagnsflutningum og endalaust hægt að flytja hagnað úr landi en skilja skuldir eftir hjá almenningi.  Og það er það sem átti að gerast í janúar 2009, og hefði gerst ef móðgaður Davíð hefði ekki mætt á svæðið og virkjað þjóðerniskennd hinna borgarlegu íhaldsmanna.  Sem aftur minnir á það að það voru mistök hjá Bjarna að fá Geir Harde til að styðja aðförina á Davíð með sinni æpandi þögn.  Því þá hefði Davíð ekki verið svona móðgaður.

Og síðan þá hefur Sjálfstæðisflokkurinn mátt sæta stanslausum árásum hinna frjálsu fjölmiðla auðsins, Fréttablaðsins, Fréttatímans, Stöðvar 2 og Ruv.  Að ekki sé minnst á alla hina "róttæku" penna sem silfrið þiggja.

 

Þessum árásum mun linna.

Ekki á þann áberandi hátt að Gunni, Hallgrímur, Illugi og þeir allir hinir fari að vegsama flokkinn, þeir munu einbeita sér að fólkinu á móti, fólkinu sem ennþá vill halda í sjálfstæði landsins og þá velmegun sem ennþá er til staðar í samfélagi okkar.

Árásirnar á landbúnaðinn og sjávarútveginn munu því margfaldast í stjórnartíð Engeyjarstjórnarinnar.

 

Bjarni er því sigurvegari Panamaskjalanna, hvort sem hann átti putta sem hönnuðu atburðarrás eða náði að nýta sér uppákomuna til að jarða sinn helsta keppinaut í íslenskum stjórnmálum.

Og hann náði að mynda fyrst ómenguðu frjálshyggjuríkisstjórn Íslands.

Í þegjandi samkomulagi við fólkið í VG sem sveik vorið 2009.

Í raun snilld hjá svona ungum manni, og í raun ekki hægt annað en taka ofan hattinn fyrir þessum Machivelli Íslands.

 

Eftir stendur hvernig Davíð greyið kyngir þessari nýju ESB ríkisstjórn. 

Það verður ekkert fast í hendi til að gagnrýna, en áin sem rennur að ósi Brussel blasir við öllu vitibornu fólki.

Og hafi hann ekki vitað hverjir hvöttu Samfylkingarklárinn í atlögunni að honum í Seðlabankanum á sínum tíma, þá ætti honum að vera það ljóst núna.

Ekki nema hann sé vitgrannri en allir þeir sem hann gerir endalaust grín að fyrir meinta vitleysu og heimsku.

 

Fyrir áhugamenn um stjórnmál eru þetta skemmtilegir tímar.

En kannski ekki eins skemmtilegir fyrir almenning.

 

Hann hefur jú ekki sólina sem Grikkir geta jú alltaf huggað sig við.

Kveðja að austan.

 

 

 

Bjarni boðaður á Bessastaði

"Sjúklingnum heilsast vel".

 

Má  lesa á vef ríkisútvarpsins á meðan Morgunblaðið reynir að upplýsa þjóðina um alvarleika þess að á ögurstundu í lífi fólks, getur það ekki komist undir læknishendur vegna þess að þjóðin lét ógæfufólk komast upp með að loka neyðarbraut höfuðborgarinnar án þess að hafa aðra braut tilbúna í hennar stað.

 

Morgunblaðið spyr spurninga sem skriffinnurinn, þessi í hvítu skyrtunni með bindið svo ég vitni í Ove, telur fyrir neðan virðingu sína að svara.  Sjálfsagt mun hann segja að lokum að Hæstiréttur hafi fyrirskipað þessa meinta tilraun til manndrápa, eins og að dómurinn muni stefna íslenska ríkinu fyrir að hafa neyðarbrautina opna.

Ríkisútvarpið telur það aðalatriði málsins að stóru flugvélar flugfélags Íslands hefðu ekki notað neyðarbrautina.  Eða svo segir í fyrirsögn fréttarinnar á Ruv.is;  "FÍ hefði ekki notað þriðju flugbrautina í gær ". 

Eins og það komi málinu eitthvað við.

 

Hvað höfum við landsbyggðarmenn upplifað oft að sjá sjúkraflugvél á frumstæðum flugvöllum okkar, þó farþegaflug hafi legið niðri??  Þúsund sinnum, fimm þúsund sinnum?  Hver veit, nema þeir sem hafa flogið sjúkraflugvélum í gegnum tíðina, og hafa með hæfni sinni og þori bjargað hundruðum mannslífa, þegar annar möguleiki var ekki í boði til að bjarga mannslífi en að fljúga í kolbrjáluðum veðrum. 

Ríkisútvarpið leggur sig ekki niður við að spyrja þá menn, en það gat upplýst þjóðina að farþegaflug hefði legið niðri, og er þá sjálfsagt að ýja að Fokkerinn sjái um sjúkraflugið.

Og ríkisútvarpið gengur lengra, það upplýsir í frétt sinni að lokun neyðarbrautarinnar minnki "nýtingarhlutfallið aðeins lítillega og þá aðallega í þeim vindáttum sem voru í gær". 

Gefið í skyn að málið sé eiginlega stormur í vatnsglasi.

 

Lægra er ekki hægt að leggjast.

Neyðarbrautin er einmitt neyðarbraut vegna þess að hún er eina flugbrautin sem nýtist í stífri suðvestan átt, og ekki er um aðra braut að ræða á suðvesturhluta landsins. 

Og það er í eðli neyðar, að vera undantekning, eitthvað sem er notað í neyð.  Eins og til dæmis nýtísku björgunarbúnaður í borð í fiskiskipum, fullkomin eldvarnarkerfi í verslunar og iðnaðarhúsnæði og svo framvegis.

Og á neyðarstundu skiptir slíkt öllu máli og getur bjargað mannslífum við aðstæður sem annars hefðu kostað mannslíf.

Það er engin tilviljun að sjóslysum hefur fækkað, að færri látast í umferðarslysum, heldur er það vegna þess að markvisst hefur verið unnið að koma í veg fyrir þessi slys.

 

Nema í höfuðborg okkar, þar telja ráðamenn það tölfræðilega viðunandi að auka dánarlíkur fólks.

Og eru ekki einir um þá siðblindu eins og frétt ríkisútvarpsins staðfestir, þar er Vöggur greyið tíndur til svo hægt sé að réttlæta hið óverjanlega.

 

Heiðarlegur, hlutlaus fjölmiðill, sem ríkisútvarpið er náttúrulega ekki, hefði rannsakað málið. 

Spurt af hverju neyðarbrautin er lokuð.

Og spurt reynda sjúkraflugmenn hvað þeir hafa oft upplifað að þessi braut skipti sköpum.

 

Hvað hefur hún í raun bjargað mörgum mannslífum??

Er svo flókið að spyrja þeirrar spurningar, og afla sér upplýsinga um það?

Í stað þess að gefa í skyn að einhverjar annarlegar hvatir búi að baki málefnalegrar gagnrýni sjúkraflugmanna, eða þeirra lækna á landsbyggðinni sem taka undir að það sé mjög mikilvægt að hægt sé að senda bráðveika og eða illa slasaða sjúklinga suður á Landspítalann þar bestu aðstæður eru fyrir hendi til að bjarga lífi fólks, og eða tryggja því sem besta heilsu.

Eða halda menn að það sé spurning um dagpeninga eða stubb að sjúkraflugmenn vilja fljúga í kolvitlausum veðrum??

 

Mikil er firring þeirra sem verja hið óverjanlega.

Mikil siðblinda hlýtur að búa að baki.

 

Morgunblaðið á hins vegar heiður skilið fyrir fréttaflutning sinn, og vonandi nær blaðið að fylgja málinu alla leið, að það hætti ekki þegar ljóst er að boltinn er ekki hjá ógæfufólkinu í borgarstjórn Reykjavíkur.

Vissulega hafa krakkarnir þar mikil völd, en þau stjórna ekki landinu.

Og stundum þarf að spyrja eigin flokksmen óþægilegra spurninga.

Þó ríkisútvarpið sé fast í forarpytti flokkshollustunnar, að þá vonandi gildir það ekki sama um Morgunblaðið.

 

Á næstu dögum þarf að lenda þessu máli á þann hátt að sjúkraflugmenn fái lent með sína sjúklinga.

Að það séu þá veðurguðirnir sem stöðvi þá, ekki forheimska mannanna.

 

Því þetta er spurning um mennskuna.

Um það að vera maður.

 

Að vera manneskja.

Kveðja að austan.

„Brautin hefur ekkert breyst“