Halla Hrund er bara ekki með þetta.

 

Ekki ennþá, þarf að bæta við sig reynslu og styrk.

Burtséð frá vinahyglinni, sem bara eitt og sér afhjúpar reynsluleysi hennar, það er að lenda í þessum fúla pytt, og hafa ekki styrkinn til að þvo eða sverja hann af sér, þá er hún bara of ung ennþá.

Virkilega frambærileg en of ung.

 

Sem ætti að segja fólki að það sé hreinn og beinn kvikyndisskapur að kjósa hana á Bessastaði svona í blóma lífsins.

Loka hana inni til að taka í hendurnar á fólki.

Það er eiginlega bara dálítið perralegt, líkt og það trend öfugugga í tískuheiminum að láta barnungar, grindhoraðar stelpur vera tískumódel.

 

Það er ljóst að Katrín er að taka þetta, það eina sem gæti breytt því er að liðið sem mætti á samstöðutónleikana til stuðnings morðingjum Hamas og þeim hörmungum sem þeir hafa kallað yfir Palestínsku þjóðina, myndi sameinast um Baldur.

Þar á Baldur eitthvað inni en í heildina er Katrín bara með þetta sem þjóðin ætlast til af forseta sínum.

Og þegar upp er staðið þá mun almenningur, þrátt fyrir háværa ruglukolla kjósa með en ekki á móti.

 

Þess vegna kýs ég Arnar Jónsson, ég er með honum.

En það þýðir ekki að ég geti ekki metið verðleika annarra frambjóðanda.

Þetta er upp til hópa fínasta fólk

 

Sumir bara ekki með þetta.

Kveðja að austan.

 

Fylgi Höllu hrundi eftir kappræðurnar

Þegar bjánar stýra för.

 

Stefna þeirra er gjaldþrota, frasar þeirra útbrunnir, þá eru þeir ekki reknir.

Sem væri gert í alvöru þjóðfélagi.

Því hagsmunirnir sem græða á fávisku þeirra, hinni algjöru vanhæfni, þeir bakka bjánann upp.

Og gegn þessum hagsmunum þorir enginn.

 

Ásgeir Jónsson viðurkennir, hann er ekki svo mikill bjáni að afneita þekktum staðreyndum, að heimili og fyrirtæki blæði vegna fávisku vaxtastefnu Seðlabanka Íslands.

Að fyrirtæki og heimili keppist við að greiða niður skuldir svo einhver von sé um líf eftir morgundaginn.

 

Fáráðir og bjánar uppklappa örugglega upp þessa staðreynd en betri lýsing á blæðingu eins þjóðfélags, á efnahagskerfi þess er vandfundin.

Framþróun hagvaxtar byggist á fjárfestingu heimila og fyrirtækja, stöðnun og afturför kjarna hagkerfisins á sér rætur í skorti á þessum fjárfestingum.

Blekkingin eina, hið villta vestur erlendra og innlendra fjárfesta í gullgreftri ferðaþjónustunnar felur þá stöðnun, en þjóð án kjarna, án öflugra heimila og fyrirtækja, er hol þjóð þó gróðafíkn ferðaþjónustunnar geti falið það holrúm um stund.

 

Heimskast af öllu er þegar bjáninn reynir að afsaka bjánaskap sinn.

Að þegar vaxtastefna hans er búin að drepa nógu mikið í kjarna efnahagslífs þjóðarinnar, að þá ætli hann að lækka vexti.

Í rústum efnahags- og atvinnulífs þjóðarinnar.

 

Bjáninn skautar framhjá kóvid og stríðinu í Úkraínu sem hefur þrýst upp verðbólgu um allan heim, hann er svo heimskur að hann heldur að ef hann hækki vexti, þá afkóvida menn heimshagkerfið eða spili aftur á bak stríð Rússa við Evrópu.

Ennþá heimskari er hann þegar hann þykist ekki vita um af hverju húsnæðisverði er þrýst uppúr öllu valdi, dagana og vikurnar eftir að vaxtastefna hans drap eðlilegar nýbyggingar markaðarins.

 

Hann hefur ekki frétt af eldgosinu á Reykjanesi, og afleiðingum þess.

Hvað þá að hann átti sig á að þegar alþjóðleg glæpasamtök í samvinnu við meint atvinnugóðmenni Íslands, yfirfylla landið af meintum flóttamönnum að þá myndast yfirþrýstingur á húsnæðismarkaðinn.

Þar sem nauðvörn innlendra er að bjóða hærra og hærra í það litla húsnæði sem er laust til ráðstöfunar.

 

Bjáninn fattar ekkert að þessu.

Hann er jú bara bjáni sem fattar ekki sinni sjálfur að hann sé bjáni.

 

Hið alvarlega er að bjáninn ræður för og vegur að þjóðinni.

Nytsamur þjónn gráðugra sem líta á samfélag okkar og efnahagslíf sem mjólkurkú sem helst á að blóðmjólka.

Í boði stjórnmálanna, einflokksins sem öllu ræður.

 

En af hverju við hin dönsum með Dansinn í Hruna.

Af hverju við látum bjóða okkur þetta.

Það er óskiljanlegt.

 

En máttur fjármagns hinna sígráðugu er mikill.

Lítil birtingarmynd þess er háðung Guðna forseta með samstöðutónleikunum til stuðnings morðingjunum í Hamas.

Það sér til þess að það er liðið að það sé vit á Bessastöðum og engin breyting þar á í sjónmáli.

Eða fávitastjórnmálin sem tröllríða umræðunni.

 

Í þess þjónustu er bjáninn, líklegast óaðvitandi.

Stjórnmálin, fjölmiðlarnir.

 

En við hin sem blæðum?

Hvað með okkur??

 

Er gott að blæða??

Er gott að samfélagið sem við erfðum frá foreldrum okkar og við ætlum að skila betra til barna okkar, sé mjólkurkýr hinna sígráðugu??

 

Það virðist vera því enginn stöðvar bjánann.

Enginn rís upp, nema náttúrulega Vilhjálmur Skagamaður sem enginn hlustar á.

 

Sem vekur upp spurninguna, hver er hinn raunverulegi bjáni.

Henni ætla ég ekki að svara.

 

Börn okkar krefjast hins vegar svara.

Kveðja að austan.

„4-5% gólf sem við verðum bara að brjótast í gegnum“

Sveltum okkar eigið fólk.

 

Á einhverjum tímapunkti þarf fólk að horfast í augu við hverjir hófu þetta gjöreyðingarstríð á Gasa, hverjir viðhalda því, og hverjir bera ábyrgðina á því að það tekur engan endi.

 

Stríðsmenn Hamas hófu þetta stríð með voðaverkum sínum í Ísrael, voðaverk sem eiga ekkert skylt við stríðsátök eða varnarbaráttu kúgaðra sem reyna að endurheimta land sitt.

Þessi voðaverk nutu víðtæks stuðnings almennings á Gasa, sem og hjá brottfluttum Palestínuaröbum búsettum á Vesturlöndum. Á annan hátt er ekki hægt að túlka mikil fagnaðarlæti sem brutust út þegar fréttir bárust á morðum og viðbjóðslegum misþyrmingum á almennum borgurum Ísraelsmegin við landamærin.

Þessi voðaverk nutu víðtæks stuðnings meðal stuðningsfólks Palestínuaraba, samtök eins og Ísland-Palestína réttlættu þau strax, þar fólst viðbjóðurinn ekki bara í að réttlæta það sem aldrei er hægt að réttlæta, sama hver gerandinn er eða fórnarlömb hans, heldur líka máttu forsvarsmenn slíkra samtaka gera sér ljóst hvaða afleiðingar þessar árásir myndu hafa á líf og limi íbúa Gasa-strandarinnar.

 

Samt hefði verið hægt að stöðva manndrápin og eyðilegginguna á Gasa í fæðingu, ef alþjóðasamfélagið hefði strax sent ríkisstjórn Ísraels þau skýru skilaboð að hinkra með útrýmingarstríð sitt á hendur Hamas á Gasa á meðan það myndi knýja Hamas til að láta alla gísla lausa og framselja alla sem ábyrgðina báru á voðaverkunum, jafnt þá sem frömdu og þá sem skipulögðu þau, til stríðsglæpadómstólsins í Haag.

Draumórar myndu flestir segja, að það næðist alþjóðleg samstaða um slíkt þannig að Sameinuðu þjóðirnar myndu beita sér til að koma í veg fyrir fyrirsjáanlegar hörmungar óbreyttra borgara Gasa, jafnt hið fyrirsjáanlega gríðarlega mannfall sem og hina algjöru eyðingu mannvirkja, jafnt íbúða sem innviða.

Sjálfsagt en þeir sem legðust gegn þeirri samstöðu bæru þá hina beinu ábyrgð á hinum fyrirséðu hörmungum, ekki Hamas, ekki Ísrael, heldur þeir sem sögðu Nei vegna sinna eigin pólitískra hagsmuna.

 

Ábyrgðin á því stríði er því þeirra sem gerðu ekki það sem þeir áttu að gera til að stöðva þessi stríðsátök.

Það aðgerðarleysi sýnir alvarleik ástandsins í heimsmálum í dag, heimurinn er klofinn í herðar niður milli ólíkra fylkinga og hagsmuna, sem eru ófær um að ná saman á ögurstundu þegar mannkynið allt virkilega þarfnast þess.

Fyrirsjáanlegt vissulega, en jafn sorglegt fyrir það.

 

Á meðan heldur refskákin áfram.

Ísraelsmenn sprengja og drepa, og ef eitthvað lát virðist vera á, þá senda herskáir Hamasliðar eldflaugar yfir landamærin, svo það sé öruggt að átökin haldi áfram.

En að skjóta þeim á landamærastöð sem er opin fyrir innstreymi hjálpargagna er eitthvað svo sjúkt að maður trúir því varla. 

 

Örlitla stund gleymir maður því að hungrið á Gasa er eitt af vopnum Hamas til að fóðra almenningsálit á Vesturlöndum, og þá sérstaklega Góða fólksins sem má ekkert aumt sjá.

Og maður spyr sig; Er ekkert lát á þeim hörmungum sem þið bjóðið þjóð ykkar í þessu vonlausa stríði ykkar við Ísrael??

Því þetta stríð er vonlaust því voðaverkin sem stríðsmenn Hamas frömdu í Ísrael voru mjög einföld skilaboð; ef þið verjið ykkur ekki, þá útrýmum við ykkur.  Og þjóð sem fær slík skilaboð og er miklu öflugra herveldi, ver sig þar til yfir líkur og það eina sem er öruggt í slíkum átökum er að sá sem er verr vopnum búinn lifir þau átök ekki af.

 

Samt hóf Hamas þetta stríð, og samt heyir Hamas þetta stríð.

Gegn þungvopnuðum skriðdrekum Ísraela, flugvélum og öðrum nýtísku hernaðartólum, teflir Hamas fram þjáningum sinna eigin íbúa því þeirra helsta vopn er áróðurinn.

Og meðan hann virkar þá er áfram barist.

 

Hér á Íslandi gengur Morgunblaðið og Ríkisútvarpið í takt með Hamas.

Eru hluti af áróðursvopni þeirra.

 

Palestínumenn eru drepnir í svokölluðum hefndarárásum Ísraela, talað er um stríðsglæpi og þjóðarmorð, allt gert til að draga upp þá mynd að Ísraelsmenn séu að berjast við sjálfa sig á Gasa, og í þeim átökum sé saklaust fólk drepið umvörpum.

Spítalar séu sprengdir í loft upp, af því bara, en ekki vegna þess að í þeim hafa Hamasliðar vígbúist og verji þá. Ísraelskir hermenn skjóti fólk, jafnvel börn, að gamni sínu, en ekki vegna þess að þeir eru í stríði í þéttbýli þar sem skotið er stanslaust á þá, jafnt úr byssum sem sprengjuvörpum. 

 

Eins og menn viti ekki að hermenn vita að þeir lifa ekki af átök ef þeir skjóta til baka eftir að þeir eru dauðir.

Eða í stríðsátökum fellur fólk, jafnt hermenn sem og óbreyttir borgarar, en það er ekki drepið.

Það féllu tugþúsundir Kínverja, jafnt hermenn sem óbreyttir borgarar í vörn Nanjing (höfuðborg Kína eftir fall Peking) 1937, en eftir fall borgarinnar, eftir að bardögum var hætt, þá drápu japanskir hermenn eftirlifandi hermenn sem og fjölda óbreyttra borgara, allt að 100.000 þúsund manns.

Að nota orðið drepa yfir mannfall í stríðsátökum, gjaldfellir orðið að drepa þegar sagt er frá morðum og drápum eftir uppgjöf annars stríðsaðilans.  Slíkt upphefur voðaverkin, samsinnar sig þeim, sá sem það gerir tekur í raun afstöðu með þeim sem þau fremur.

 

Á það treystir Hamas og það vopn hefur virkað vel hjá þeim hingað til.

Þeir geta treyst á fávísi í bland við sjúkleika þeirra sem vita betur.

 

Þess vegna skjóta þeir eldflaugum á opna landamærastöð til að viðhalda hungrinu á Gasa, þess vegna vígvæða þeir spítala sína og verja þá þar til þeir eru rústir einar.

Þess vegna skjóta þeir eldflaugum úr íbúðablokkum, eða skjóta á ísraelska hermenn úr þeim svo það sé öruggt að húsin séu sprengd í tætlur.

Þeir treysta á áróðursvopn sitt, þeir treysta á sigur í stríðinu sem er háð á samfélagsmiðlum.

 

Meinið er að raunveruleikinn er ekki á samfélagsmiðlum og þeir eru að tapa stríðinu í mannheimum.

Þjóð sem hótað er útrýmingu gefst ekki upp fyrir lækum í netheimum.

Eina vopnið sem ver Hamas fyrir lokaárás Ísraelshers er líf gíslanna og það er að deyja í höndum þeirra.

Þetta vita íbúar á Gasa og þeir spyrja sig; af hverju??

 

Frá fyrsta degi í hljóði því ógnarstjórn Hamas kæfir í blóði alla andstöðu.

Svo fóru raddir að heyrast þó engin viti um örlög þeirra því meðvirkir fjölmiðlar Vesturlanda höfðu meiri áhuga að spila síendurtekna áróðursplötu þar sem sannarleg fórnarlömb stríðsátakanna tjáðu harm sinn og spurðu, Hvað höfun við gert??.

Í stað þess að leita upp þessar raddir og afhjúpa áróðursmaskínu Hamas.  Slá þannig bitið úr áróðursvopni þeirra.

 

Hljómur þessara radda hefur hækkað og loksins fengið áheyrn vestrænna fjölmiðla.

DV birti frétt þar um og ég ætla að vitna að lokum í þá frétt;

"Jótlandspósturinn segir að margir Gazabúar segi að Hamas hefði átt að vita að árásin á Ísrael þann 7. október myndi hafa miklar afleiðingar og að samtökin hefðu átt að gera meira til að vernda almenna borgara. Þess í stað hafi liðsmenn samtakanna látið sig hverfa ofan í göngin undir Gaza og hafi skilið óbreytta borgara eftir varnarlausa.

"Þeir hefðu átt að sjá viðbrögð Ísraels fyrir og hugleiða hvað myndi verða um þær 2,3 milljónir sem búa á Gaza og hafa engan öruggan stað til að fara á. Þeir hefðu átt að takmarka þetta við hernaðarleg skotmörk" sagði Nassim, embættismaður á eftirlaunum, í samtali við Financial Times og vísaði þar til þess að meirihluti þeirra 1.200 Ísraelsmanna, sem féllu í árás Hamas, voru óbreyttir borgarar. Walid, sem starfar við neyðarhjálp á miðhluta Gaza, sagði í samtali við dagblaðið Science Monitor að honum finnist að "Hamas hafi lagt líf okkar að veði í leik og tapað".".

 

Það segir allt sem segja þarf um Ísland í dag að hvorki Morgunblaðið eða Ríkisútvarpið hafa ekki ljáð þessu röddum fórnarlamba Hamas eyru.

Því það hentar þeim ekki, þau eru líka í  stríði, með Hamas, gegn gyðingum, sem á að útrýma.

Þeir eru gerendur, eru hluti af þeim stóra hópi sem ber ábyrgðina á stríðinu á Gasa.

 

Á meðan deyja börnin á Gasa.

Og engin lát á hörmungum íbúa þar.

 

Sorglegra en tárum tekur.

Kveðja að austan.

 

 

 

 

Þrír létust í árásinni og tólf særðust

Línur skýrast eftir kappræður.

 

Komandi forsetakosningar munu standa milli tveggja frambjóðenda.

 

Það er alveg ljóst að Katrín Jakobsdóttir hefur allt það sem þarf til að verða góður forseti, hún býr að mikilli reynslu stjórnmálamannsins, en um leið hefur henni tekist vel að koma persónunni Katrínu Jakobsdóttur til skila.

Reynsla, karma, eiginleikar sem vega þungt þegar fólk tekur lokaákvörðun sína.

 

Baldur Þórhallsson afhommaði sig í þessum kappræðum, smækkun hans vegna þess að hann er hommi, hefur mistekist.

Persóna hans kom vel út í þessum þætti, og enginn dregur í efa vit hans og þekkingu.

Hann er svo fulltrúi andstæðra sjónarmiða í stjórnmálum, það er að segja við ríkisstjórnina, og þess vegna mun hann verða póllinn á móti Katrínu.

 

Eftir þessar kappræður ætti fólki að vera ljóst að Halla Hrund er ekki tilbúin í þetta embætti, henni vantar ennþá reynslu fyrir stóra sviðið.

Hvort hún hafi verið svona skekin vegna atlögu Morgunblaðsins að framboði hennar veit ég ekki en það var eitthvað sem hún hefði átt að vita að myndi koma upp í umræðunni, og hún þyrfti að mæta hnarreist.

Þetta snýst ekki um skítinn heldur hvernig þú þværð hann af þér.

 

Aðrir frambjóðendur eiga ekki möguleika í þessa þrjá frambjóðendur, ég held til dæmis að Gnarrinn sé runnin út á tíma.

Þetta var samt skemmtilegur hópur og margar þarfar áherslur komu fram sem mættu alveg lifa í umræðunni.

 

Til dæmis varslan um sjálfstæði þjóðarinnar.

En það fjöregg er bara ekki í tísku í dag, og þjóðin hægt og örugglega soðin lifandi í regluverki Brussel sem í raun stjórnar öllu sem stjórna þarf.

Við sitjum svo uppi með gasprið og leiðindin í innlendum þjónum Brusselvaldsins þó sumir sjái sér ennþá hag í að afneita þeirri þjónkun.

 

Hvað um það, þá ætla ég að spá því að Katrín verði næsti forseti þjóðarinnar.

Það val gæti alveg verið verra út frá mínum stjórnmálaskoðunum en ég vil líka taka það fram að Baldur er líka mjög frambærilegur og enginn toppar Felix sem forsetafrú.

 

Sjáum hvað verður.

Það er langt til kosninga.

Kveðja að austan.

Landsvirkjun, ESB og dauðarefsing

Mogginn afhjúpar vinahygli.

 

Úr sjóðum almennings enda vasar hans digrir.

 

Ekki gott fyrir frambjóðanda sem fær mikið fylgi út á hreina ímynd sína.

Hún sé ný, laus við spillingu stjórnmálanna.

 

Hvort Halla Hrund standist þessa atlögu Morgunblaðsins á eftir að koma í ljós.

Kannski finnst fólki þetta eitthvað svo íslenskt og sætt, svona þjóðlegt eins og lopapeysan.

Sé ekki spilling, ekki frekar en þegar Þórdís Kolbrún skipaði hana Orkumálastjóra.

 

Sannleikurinn er samt sá að það er mikil leitun af ótengdu fólki sem hefur náð frama á Íslandi.

Sérstaklega ekki ef stjórnmálamenn eru með puttana í skipan eða meta meinta hæfni.

Og fólk á bara að feisa það.

 

Halla Hrund getur verið fínn frambjóðandi fyrir það og örugglega sómi af henni sem forseta.

Það er líka örugglega gott fyrir vini hennar, alltaf gott að eiga góðan vin sem hyglar.

 

Kemur allt í ljós.

Það er langt til kosninga.

Kveðja að austan.

 

 

 

 

Fólk í kosningateymi Höllu fékk milljónir frá OS

Verða beðmál og kynlífshegðun rædd??

 

Eða er það bara gert við hommana, eða homma og lesbíur.

Eða kannski homma, lesbíur og transfólk.

 

Allavega ef marka má viðtal Spursmála við Baldur Þórhallsson forsetaframbjóðanda þá virtist áhugi spyrils ekki vera síður á því sem gerðist fyrir neðan mitt en ofan mittis.

Tónn sem var sleginn og er smækkun á hinsegin fólki ef við hin sem teljum okkur ekki hinsegin, heldur einhvern veginn, lendum ekki í sama spurningaflóðinu.

 

Þetta er stór dagur í sögu Spursmála, annað hvort er blettur þveginn.

Eða smán staðfest.

 

Það viðrar vel til þvotta í dag.

Kveðja að austan.

Hvernig mun Halla Hrund haga málum embættisins?

Rétturinn til þess að vera frjáls frá um­hverf­is­leg­um skaða

 

Er forsenda dóms MDE að sögn mannréttindalögfræðings, "um sjálftstæð réttindi sé að ræða".

Það er ekki annað.

 

Tökum þessa úrkynjun, því þetta er ekkert annað en úrkynjun veruleikafirrts ungs fólks, og pælum aðeins í henni.

Öll starfsemi mannsins, honum til líf og lífsviðurværis, veldur umhverfisskaða. Öll, ekki bara framleiðsla með jarðeldsneyti.

Fæðuframleiðsla okkar, búseta eins og borgir og bæir, orkunotkun, framleiðsla gagna og gæða.

 

Því blasir við að ætli menn að útrýma hinum meinta umhverfislega skaða, því það felst í fullyrðingunni um Réttinn til þess að vera frjáls frá umhverfislegum skaða, þá er eina ráðið að útrýma siðmenningunni að stærstum hluta.

Vissulega er það draumur gólandi barna á götuhornum því í firringu sinni halda þau að maturinn sem foreldrarnir setja á disk þeirra verði til úr engu, því sjálf hafa þau aldrei haft neitt fyrir því að afla hans.

En að fullorðið fólk skuli taka undir þennan draum með jafn afgerandi hætti og MDE og krefjast þess að hann sé raungerður, það er eitthvað nýtt og magnar stríð glóbals auðsins við tilveru og líf hins venjulega vinnandi manns.

Eins og það sé ekki nóg að hafa afmennskað hann með því að breyta honum í kostnað í bókhaldi fyrirtækja, sem má hagræða, reka, já útrýma að geðþótta þeirra sem eiga.

 

Einstök réttindi geta aldrei verið á kostnað annarra réttinda, hvað þá grunnréttinda eins og réttinn til fæðu, til klæða og húsnæðis auk almennra grunnþjónustu eins og menntun og heilsugæslu.

Öll grunnréttindi þurfa að skoðast sem heild, þar sem grunnréttindi lífsins hafa forgang, og með aukinni velmegun, tækni, nýjum og breyttum vinnubrögðum þá aukast gildi réttinda á jaðrinum, þau styrkjast, eitthvað sem framþróun tímans stýrir.

Kallast þróun sem hefur eflt bæði grunnréttindi sem og önnur réttindi í einstaklingsins í samfélagi fólks.

 

Baráttan við loftslagsvána hefur vanvirt þessa grundvallarhugsun þróunarinnar í átt að betri heimi.

Í nafni hennar hefur betur stætt fólk talið sig hafa rétt til að skaða annað fólk, svipt það atvinnu, gert því illkleyft að fæða fjölskyldur sínar, gert grundvallarréttindi eins og hita í íbúðahúsnæði að lúxusvöru.

 

Dómur MDE er hugsaður sem nýtt tæki í því stríði.

Hugsaður til að réttlæta aukna skattlagningu, gera fyrirtækjum auðveldara að útvista störfum til hins mengandi iðnað Austur og Suðaustur Asíu, sem og að auka innflutning afæta frá hinum sömu risamengandi ríkjum.

Fyrir utan hvað þetta er heimskt, á Sviss að fara í opna styrjöld við Indland og Kína??, þau lönd sem menga heiminn í dag og bera alstærstu ábyrgð á umframmagni koltvísýrings í andrúmsloftinu.

 

Heimskur dómur fyrir heimskt fólk.

Hvað lýsir nútímanum betur en það??

 

Það er ekki nema von að mannkynið standi á Ögurstundu tilveru sinnar.

Þess gæfu kemur fátt til hjálpar.

 

Það er eins og við höfum eitthvað móðgað guðina.

Kveðja að austan.

Telur loftslagsdóm MDE rangan

Var Mogginn að smætta Baldur??

 

Það hvarflar svona að manni þegar maður les þessa yfirlýsingu Samtakanna ´78 og reikna þá með það sé vísað í fréttaskot úr Spursmálum Mbl.is þar sem þessi fyrirsögn blasir ennþá við á forsíðu Mbl; "Með sakleysislegri myndum af mér".

Ég í sakleysi mínu tók þessu þannig að spyrlar Spursmála hefðu í samráði við Baldur ákveðið að ræða svefnvenjur hans svo Baldur fengi tækifæri til að svara öllu því sem flæðir um netheima, og margt ekkert sérstaklega fallegt eða þannig.

Því af hverju hefði Baldur annars átt að taka þátt í þessum leik, svefnvenjur hans koma jú forsetaframboði hans ekkert við.

 

Miðað við yfirlýsingu Samtakanna ´78 þá er þetta allavega málum blandið og því brýnt að ritstjórn Spursmála gerir hreint fyrir sínum dyrum, hvort þeir virkilega hafi verið að smætta hann, og þá af hverju???

Ég persónulega trúi því ekki, hinsegin fólk hefur lengi unnið á Morgunblaðinu við góðan orðstír, og í greinilegri sátt við bæði ritstjórn og samstarfsfólk.

Svo af hverju ætti mannfyrirlitning að brjótast fram akkúrat núna??

 

En eins og svo oft áður, hvað veit ég.

En Samtökin ´78 telja sig vita betur.

Og þeim ásökunum ber að svara.

 

Ég hef mínar efasemdir um Baldur, en ekki vegna þess að hann er hommi.

Það kemur framboði hans nákvæmlega ekkert við, hvað þá beðmál hans, hins vegar er ekki hægt að líta framhjá því að hann á flottasta eiginmanninn, sómi af Felix, hvar sem hann er staddur.

 

Margir setja það hins vegar fyrir sig en fjölmiðlar eiga ekki að taka þátt í þeim skollaleik.

Fólk er eins og það er en við kjósum það út frá mannkostum þess og hæfileikum, ekki fordómum og þröngsýni.

Eða þannig ætti það að vera.

 

Svo hreingerningar óskast.

Að hreint verði gert fyrir dyrum.

Og misskilningi eytt.

 

Koma svo.

Kveðja að austan.

Harma umfjöllun um fyrsta hinsegin frambjóðandann