Það verður enginn friður.

 

Það verður enginn friður í Palestínu með tveggja ríkja lausn þar sem annað ríkið er stjórnað af fólki sem telur sér skylt að útrýma hinu ríkinu.

Slíkt er alltaf ávísun á ítrekaðar blóðugar styrjaldir, í nútíð og framtíð.

 

Síðan geta menn spurt sig hvernig verða lífsskilyrðin á Gasa eftir að Ísraelsmenn eru búnir að sprengja þar allt í loft upp??

Á fólk að búa þar í tjöldum um ókomna framtíð eða ætla Vesturlönd virkilega að eyða milljörðum dollara til að endurbyggja Gasa ströndina til þess eins að sjá allt sprengt aftur í loft upp??

 

Svo eitthvað sé talið til sem sýnir einfeldningshátt svona málflutnings að það verði ekki friður án Palestínuríkis.

Vandinn er töluvert djúpstæðari en það.

 

En vér vitringarnir vitum.

Eða þannig.

Kveðja að austan.

 

 

Norðmenn viðurkenna palestínskt ríki

Vér sem í orðum fordæmum.

 

En í gjörðum göngum erinda voðafólks sem hafa það eina langtímamarkmið að drepa okkur hin.

Við svörum eins og Eurokratinn Þórdís Kolbrún, við virðum þræði öfgamúslima frá Persaflóa sem í krafti olíuauðs síns magna upp árásir, ekki aðeins gegn gyðingum, heldur líka kristnu fólki um allan heim.

 

Lægra hefur risið aldrei verið á Sjálfstæðisflokknum.

Á hann þó mörg met í lágmörkun.

 

Bla bla, bla bla, bla bla.

Dagíska í sinni fegurstu mynd.

 

Og þetta á að heita vonarstjarna Sjálfstæðisflokksins.

Aumingja þeir.

Kveðja að austan.

Ísland virðir ákvörðun Alþjóðlega sakamáladómstólsins

Samsekt með voðaverkum.

 

Voðaverk Hamas þann 7. október síðastliðinn eiga sér enga hliðstæðu í Evraasíu nema hjá systursamtökum þeirra, Ríki Íslams. 

Ríki Íslams eru systursamtök Hamas því bæði samtökin eiga sér rætur í boðskap sömu múslímskra miðaldaklerka um og uppúr miðri síðustu öld, sem hvöttu ekki aðeins til heilags stríðs, heldur og að trúleysingjar, það er við öll hin, værum drepin hvar sem tök væri á.

 

Þessi systursamtök, Hamas og Ríki Íslams hafa ekki bara drepið gyðinga og kristna, þau slátra líka grimmt sjítum og í minna mæli hófsömum súnnítum sem þeir telja svikara við slátrunina, það er hið heilaga stríð gegn okkur hinum.

Stuðningur við voðaverk Hamas þann 7. október er um leið stuðningur við voðaverk Ríkis Íslams, þar er enginn blæbrigðamunur á.

 

Hamas framdi voðaverkin 7. október í einum tilgangi, að egna harðlínuöfl innan Ísraels til tafarlausra gagnárása, og til að tryggja að um landhernað yrði um að ræða, þá tóku samtökin gísla; konur, börn, gamalmenni, karla og lík.

Til að tryggja að landhernaðurinn til að bjarga gíslunum yrði sem grimmilegastur fyrir íbúa Gasa, þá var skotið eldflaugum á Ísrael úr íbúðablokkum, skólar og sjúkrahús voru víggirt og þaðan var skotið á ísraelsku hermennina.

Markmiðið var að sem flestir létust í hinni meintu tilraun Ísraelshers til að frelsa gíslana.

 

Slík grimmd gagnvart sínum eigin þegnum má einna helst finna í samsvörun við þá geðveiki Adolfs Hitlers þegar hann krafðist þess að borgir Þýskalands yrðu varðar til síðasta manns, með tilheyrandi mannfalli óbreyttra borgara.

Ógeðið var síðan slíkt að þegar djúpvinir Hamas í ríkisstjórn Ísraels gátu ekki lengur staðið gegn kröfu Bandaríkjamanna um að ísraelsk stjórnvöld hefðu opna landamærastöð fyrir flutning hjálpargagna til Gasa, þá skaut Hams nokkrum eldflaugum á viðkomandi landamærastöð, felldi landamæraverði og þar með fengu djúpvinirnir það í gegn að lokað var fyrir neyðaraðstoðina.

 

Tilgangur Hamas með þessum voðaverkum og þjáningum sinnar eigin þjóðar var mjög einfaldur.

Að æsa til múgæsingar gagnvart þjóðinni sem nýtti rétt sinn til sjálfsvarnar og þar var treyst annars vegar á rótgróið gyðingahatur sem og leyndarþræðina sem liggja frá olíuauð Persaflóans og hríslast um alþjóðastofnanir sem tengjast Sameinuðu þjóðunum.

 

Birtingarmynd þess að Hamas veðjaði rétt er þessi handtökuskipun ICC, Alþjóðaglæpadómsstólsins.

Og það er táknrænt að saksóknari hans er bresku múslimi, Khan að nafni.

Ákvörðun saksóknarans er fordæmalaus, hingað til hafa ríki mátt verja hendur sínar ef á þau er ráðist, og til að koma í veg fyrir ítrekaðar árásir, þá mega þau ráðast inní árásarríkið þar til að árásaröflin hafa lagt niður vopn sín og gefist upp.

 

Núna segir saksóknari ICC að ríki sem verja hendur sínar séu jafn sek og þau sem ábyrgðina bera á stríðsátökunum með upphaflegu árás sinni.

Samkvæmt þessu er forseti og varnarmálaráðherra Úkraínu jafn sek og Pútín, því Úkraínumenn hafa ráðist á rússnesk landsvæði og drepið þar bæði hermenn sem og óbreytta borgara.

Síðan má benda á Bandaríkjamenn og Breta og innrásir þessara ríkja inní Afganistan og Írak, sem og leiðtoga allra þeirra ríkja sem sendu hermenn til að stríða við þarlenda, til dæmis Dani og Norðmenn.

Síðan má benda á loftárásir Nató á Serbíu og Líbýu, að ekki sé minnst á allsherjarstríðið gegn hryðjuverkum sem hefur kostað mörg mannslíf, núna síðast þegar Ríki Íslams var brotið á bak aftur.

 

Hundruð þúsunda hafa fallið í þessum stríðsátökum svo ekki sé minnst á hið óbeina mannfall vegna hungurs, vegna eyðingu innviða eins og vatns og orkuvera eða sjúkrahúsa, lyfjaskorts og svo framvegis. 

Bara í Írak er öruggt að yfir milljón manns hafi dáið ótímabærum dauða vegna þessa.

 

Alþjóðaglæpadómstóllinn er ekki sjálfur sér samkvæmur ef hann ákærir ekki þá vestræna leiðtoga sem ábyrgðina bera á þessum stríðsátökum fyrir stríðsglæpi og glæpi gegn mannkyni.

Það er ef hann kýs að ákæra leiðtoga Ísraels fyrir að verja þjóð sína gegn voðaverkum Hamas og að reyna frelsa gíslana sem samtökin tóku þann 7. október, það er konurnar, börnin, gamalmennin, líkin og karlanna.

Það er ekki lögfræði að það megi allir verja hendur sínar nema gyðingar, slíkt er rasismi, slíkt er stækt gyðingahatur.

 

Það er því mikið undir hjá Alþjóðaglæpadómstólnum, annars vegar atlaga að hinum vestræna heimi, hins vegar sjálfur trúverðugleiki dómssólsins, að hann sé ekki verkfæri í stríð miðaldaöfgamanna gegn siðmenningunni.

Því það hljóta allir að sjá að það þýðir ekki, þó tékkinn sé feitur frá Persaflóanum, að láta öfl leika lausum hala sem vilja drepa alla nema þá sem játa sömu trúaröfga og þeir.

Það er okkur hin.

 

Þetta er nefnilega stríðið um líf okkar hinna.

 

Hafni dómarar ICC hins vegar kröfu hins breska múslima, þá ber þeim að gefa út ákæru á hendur honum.

Fyrir samsekt með voðaverkum, öllum þeim voðaverkum sem Hamas og sambærileg samtök bera á ábyrgð á.

Fyrir samsekt með ábyrðinni á þjáningum og dauða fólks á Gasa.

 

Því voðaverkin voru framin, lífi og limum íbúa Gasa lagt undir, til að ná svona propagandasigri eins og ákæra Khan er.

Og það eina sem hægt er að deila um í því samhengi, hvor er meiri viðbjóður, þeir sem fórnuðu sinni eigin þjóð, eða þeir sem ganga erinda þeirra.

 

Í mínu huga er svarið skýrt.

En voðamenni eins og voðamennin sem stjórna Hamas og Ríki Íslams munu alltaf vera meðal vor á meðan það er ekki skýrt í huga allra.

Og í því liggur harmur íbúa Gasa.

 

Það er kominn tími til að tengja.

Áður en við sjálf gistum valinn.

Kveðja að austan.

 

Alþjóðlegi sakamáladómstóllinn vill handtaka Netanjahú

Rekur Rúv falsfréttastofu??

 

Svona að hætti Pútíns og nettrölla hans.

 

Það er kannski skrýtið að spyrja svona og tengja við frétt á Mbl.is sem segir frá því að 5 ísraelskir hermenn hafi fallið í skothríð sinna eigin manna. Í fréttinni segir reyndar að þeir hafi verið drepnir eins og þeir hafi verið staddir í herbúðum sínum og skotnir af sínum eigin mönnum, en vitið er bara ekki meira hjá Femínista Morgunblaðsins.

Það var þessi setning; "Þar hafa hörð átök geisað á milli Ísra­els og liðsmanna Ham­as-sam­tak­anna síðustu daga" sem fékk mig til að hugsa um falsfréttina sem fréttastofa Rúv bauð fólki uppá í kvöldfréttum sínum í gær.

Það eru harðir bardagar á Gasa þar sem innrásarlið Ísraels glímir við velvopnaða hermenn Hamas, það er einmitt þess vegna sem ísraelski herinn er ekki fyrir löngu búinn að leggja Gasa ströndina undir sig; andspyrna Hamas er öflug.

 

Í falsfrétt Ruv sem sagði frá Degi Hörmunganna, eða Nakba deginum, þá var eins og það væru engir bardagar á Gasa, heldur hefði Ísraelsmenn ráðist þar inn í þeim eina tilgangi að drepa fólk og rústa byggingum. Var það framhald af þeim hörmungum palestínsku þjóðarinnar sem hófust þann 15 mai 1948, þegar gyðingar lýstu yfir sjálfstæði ríkis síns.  Í kjölfar þess hefðu þeir drepið 15 þúsund Palestínuaraba og hrakið 750.000 á flótta og meinað þeim sem flúðu til annarra arabaríkja að snúa til baka.

Fréttakonan sem flutti þessa frétt hefur það ekki sér til afsökunar að vera ekki vel gefin, hún veit fullvel hvað hún var að segja, nettröll Pútíns eru ekki heimsk þegar þau búa til falsfréttir, til að það sé trúverðugt þarf jú vit og þekkingu.

Hún var einfaldlega að falsa raunveruleikann.

 

Vegna þeirrar múgæsingar sem núnar ríkir í þjóðfélaginu og stuðnings Góða fólksins við voðamennin í Hamas og voðaverk þeirra, þá kemst hún upp með falsið, og fullt af fólki sem veit ekki betur, trúir fréttinni.

Við getum hins vegar ímyndað okkur hver hefðu verið viðbrögð rétttrúnaðarins og reyndar eiginlega allra, ef einhver meðlimur íslensku þjóðernishreyfingarinnar væri fréttamaður á Rúv, og í tilefni uppgjafar Berlína þann 2. mai 1945, þá hefði hann á 79. ártíð þeirrar uppgjafar flutt eftirfarandi frétt.

 

"Núna eru liðin 79 ár frá því að Berlín gafst upp fyrir sovéska hernum. Í árásunum sínum á Berlín drápu þeir vel yfir 200.000 íbúa hennar, aðallega konur og börn, borgin var rústir einar eftir árásir Sovétmanna, fólk vafraði um rústir hennar sveltandi.  Drápin í Berlín voru ekki einu dráp sovéska hersins, áætlað er að í innrás sinni í Austur Prússland og flótta íbúa þaðan til Þýskaland hafi Rauði herinn drepið eða myrt hátt í 500.000 Þjóðverja, mest konur og börn.  Mörg hundruð þúsund voru svo drepnir í sókn sovéska hersins að Berlín.  Í þessum stríðsaðgerðum Sovétmanna flúðu milljónir Þjóðverja og eftir uppgjöf Þýskalands þá voru milljónir þýskumælandi íbúa Austur og Mið-Evrópu hraktir frá heimkynnum sínum þar sem þeir höfðu búið um aldir.  Alls hátt í 17 milljónir."

 

Þó allt þetta sem ég lagði hinum unga tilbúna nýnasista í munn, séu skjalfestar staðreyndir, það er mannfallið og flóttinn, þá er eitthvað mikið rangt við þessa frásögn.

Jú, það er skautað yfir þá staðreynd að Þjóðverjar hófu þetta stríð við Sovétmenn með innrás sinni í júlí 1940, og háðu þar grimmilegt stríð.

Og þegar Sovétmenn náðu yfirhöndinni í stríðinu og réðust inní þýsk landsvæði, þá hélt hið grimmilega stríð áfram en núna þýskri grund, og það voru þýskir hermenn og þýskir borgarar sem féllu í því innrásarstríði, þar með ekki aðallega konur og börn.

 

Hermenn féllu í bardögum, óbreyttir borgarar féllu þegar setið var um bæi þeirra og borgir, Berlín var sprengd í loft upp því Þjóðverjar vörðu hana.  En til dæmis París slapp vel frá stríðinu því Frakkar vörðu ekki höfuðborg sína, og síðan gafst þýska setuliðið upp án bardaga þegar Bandamenn sóttu að borginni.  Hefðu þeir varið hana, þá hefði fólk dáið í umsátrinu, vissulega að hálfu Bandamanna en þeir sóttu ekki að borginni til að drepa íbúa hennar, heldur til að leggja borgina undir sig eins og gert er í stríði þegar tveir herir takast á.

Síðan flýr fólk stríðsátök, það hrekst af heimilum sínum, það er hrakið af heimilum sínum  eins og var hlutskipti þýskumælandi íbúa Evrópu í stríðslok, hefðu þeirra menn unnið, þá hefðu aðrir lent í sömu sporum.

 

Þessar staðreyndir sem ég rakti hér að ofan um falsið í svona matreiddum fréttum, þar sem tilgangurinn er áróður en ekki að segja satt og rétt frá, skilur allt heilbrigt þokkalega vel gefið fólk.

Það ætti því líka að sjá hvað vantar í falsfrétt Rúv af Degi hörmunganna og það er að mannfallið og fólksflóttinn var afleiðing stríðsátaka, og þau stríðsátök hófu nágrannaríki hins nýstofnaða ríki gyðinga.  Sameiginlegur her Egypta, Jórdana, Sýrlendinga, Líbana, Íraka, Sauda og Yemen, ásamt Arabíska frelsishernum réðst inní Ísrael með því markmiði að útrýma ríkinu og hrekja íbúa þess í sjóinn.

Ísraelsmenn unnu það stríð, þess vegna flúðu Palestínumenn en það vita allir hvernig það hefði verið á hinn veginn, ef arabíski herinn hefði sigrað.

 

Það féllu líka gyðingar, jafnt hermenn sem og óbreyttir borgarar, alveg eins og þetta meinta 15 þúsund mannfall Palestínuaraba (Palestinian Arabs: 3,000–13,000 killed (both fighters and civilians), og á meðan stríðsátökin stóðu yfir þá flýðu gyðingar heimili sín, margir voru drepnir á þeim flótta.

Og þessi stríðsátök hafa verið viðvarandi, og yfir Ísraelsríki hefur alltaf legið sú ógn að nágrannar þeirra vilja útrýma ríkinu, þar með talið flóttafólkið frá Palestínu.  Og hver hleypur flóttafólki til sinna fyrri heimkynna ef það hefur það yfirlýsta markmið að útrýma þeim sem fyrir eru??

 

Ekkert af þessu var tekið fram í frétt Rúv, enda gera falsfréttamenn það ekki, spyrjið bara rússnesku nettröllin sem framleiða svona fréttir í akkorði.

Ekki frekar að þegar sagt var frá mannfallinu og eyðileggingunni á Gasa, það var ekki minnst einu orði á að Hamas hóf þau átök með innrás sinni inní Ísrael, og Hamas viðheldur þeim með því að sleppa ekki fólkinu sem samtökin rændu og Ísraelsher er að reyna að frelsa.

Hvað þá að mannfall óbreyttra borgara er vegna þess að Hamas verst innan um búsvæði þeirra, í skólum, í heilbrigðisstofnunum, og sú vörn er öflug enda Hamas vel vopnum búið og hefur undirbúið þetta stríð í mörg ár.

Alveg eins og Þjóðverjar hófu stríðið við Sovétríkin með innrás sinni inní landið, og vörðu síðan borgir sínar þar til þær voru allar í tætlum, þá hóf Hamas þetta stríð, og Gasa er í tætlum vegna varnar þeirra gagnvart innrásarliði Ísraels.

 

Þetta eru staðreyndir málsins þó öðru sé haldið fram á ríkisfjölmiðli þjóðarinnar og í minna mæli af Femínista Morgunblaðsins.

Og það virðist sem þjóðin geri sér grein fyrir þessu því ákaflega voru mótmælin við bandaríska sendiráðið fámenn, og myndir Rúv sýndu auk innflutts stuðningsfólks Hamas, aðallega einhvers konar frík, venjulegt fólk virtist ekki vera á svæðinu.

 

En yfirstjórn ríkisútvarpsins virðist ekki vera í þeim hópi sem sér í gegnum þessar blekkingar falsfréttamennskunnar.

Því annars gripi hún inní.

Og það fyrr en í gær.

 

Svo tala menn um Pútín.

Kveðja að austan.

Ísraelsher drap fimm hermenn úr eigin röðum

Baldur hommi.

 

Hefði einu sinni verið hrópað og híað í mínu ungdæmi og örugglega fyrr.

En síðan eru liðin fjöldamörg ár eins og segir í textanum og samfélagið er ekki eins einsleitt og það var og á ekki að vera eins fordómafullt.

 

Kynhneigð fólks á ekki að vera í umræðunni árið 2024 þegar fólk bíður sig fram til opinbera embætta.

Svo einfalt er það.

 

Allir sem sáu sjónvarpskappræðurnar sáu mjög frambærilegan frambjóðanda, mann sem kom vel fyrir, réði bæði við húmor og alvöru.

Og fólkið sem kýs hann, kýs hann út af verðleikum hans, engu öðru.

 

Þeir sem kjósa hann ekki, og nota til dæmis kynhneigð hans sem rök, gera það þá, en rök þeirra eru ekki tæk í opinberri umræðu.

Þess vegna spyr ég mig oft á hvaða vegferð spyrlar Spursmála eru, en kannski er hugmyndafræði þeirra að opinbera þessa homma umræðu til að stinga á kýli hennar.

Ef svo er þá eiga þeir heiðurinn, ef ekki þá eiga þeir að skammast sín.

 

Ég er of heiðarlegur til að ljúga sagði Baldur, og ósjálfrátt sá ég fyrir mér annan mann á öðrum tíma, sem mætti illa rakaður fyrir framan sjónvarpsvélarnar og sagði; "I´m not a crook".

En ég er eins og ég er, með fjörugt ímyndunarafl og hef gaman af Star Trek.

Fólk ræður hvort það tekur skýringar Baldurs trúanlegar, það sem mælir með því er að þær eru alltof klaufalegar fyrir kaldrifjaðan pólitíkus eða mann lærðan í fræðunum.

 

Mitt er ekki matið, ég kýs út frá því sem menn eru í dag, og hvernig ég sé þá fyrir mér í þessum embætti.

Og ég hygg að flestir geri svo.

 

Hins vegar er viss eftirsjá eftir því hrekkleysi æskunnar að mega kalla menn homma þegar maður var að bölsóttast út af einhverju, þeir héldu til dæmis með City en ekki United.

Hommi og kommi, þetta voru uppáhalds skammaryrðin þegar maður reyndi að sleppa því að blóta, í dag má ekki segja hommi og krakkarnir skilja mann hreinlega ekki þegar maður segir kommi.

Því komminn er dauður, blessuð sé minning hans.

 

Þess vegna naut ég þess að nota homma orðið í fyrirsögninni, það er rökrétt út frá efni fréttarinnar.

En ég nota það í jákvæðri merkingu.

 

Baldur á allan heiðurinn að fara fram þó hann vissi að kynhneigð hans yrði dregin inní umræðuna, og það á neikvæðan hátt.

Það þarf alltaf múrbrjóta til að brjóta niður múrveggi forneskjunnar.

 

Baldur er hommi en ekki kommi og megi honum ganga sem best á sínum forsendum.

Svo er náttúrulega Felix flottur en það væri mikil synd að missa hann úr útvarpinu.

Það er samt ekki þess vegna sem ég kýs hann ekki, og það hefur heldur ekkert með meint minnisleysi að gera.

 

Arnar Jónsson reis upp til varnar fjöreggi þjóðarinnar, sjálfstæði hennar og framtíð þó það kostaði hann kárínur Brussel blokkarinnar.

Tók sannfæringu fram yfir frama.

Það er bara svoleiðis og þess vegna fær hann mitt atkvæði.

 

Ég spái því hins vegar að Katrín Jakobsdóttir verði forseti og tel hana mjög hæfa til að starfa á Bessastöðum.

Sama gildir um Baldur og fleiri, en ekki alla.

 

Í því liggur fegurð þessara kosninga.

Njótum hennar.

Kveðja að austan.

„Ég er einfaldlega of heiðarlegur“

Mannsalsiðnaðurinn á sína fulltrúa í ríkisstjórninni.

 

Í London einni eru þúsundir vændiskvenna frá Nígeríu, megnið af þeim flutt af alþjóðaglæpasamtökum sem eru kennd við mannsal, sölu á fólki.

Eins sorgleg og örlög þessara kvenna eru, og guð hjálpi mér, ég vildi að þær fengju allar grið frá melludólgum mannsalsiðnaðarins, þá þarf ekki mjög vitra manneskju til að sjá, að okkar litla land getur ekki veitt öllum þeim hæli sem mannsalsiðnaðurinn beinir til okkar.

Tugþúsundir vændiskvenna, sannarlega allar fórnarlömb, tugþúsundir flóttamanna frá Palestínu, sannarlega eru stríðsátök þar.

Og svo framvegis, og svo framvegis.

 

Umræðan er öll eins, við eigum að gefa þeim hæli og grið, varla erum við svona vont fólk??

Svo eru þessar 5 milljónir, eða eru það 10 milljónir, sem eru að deyja úr hungri í Súdan, sæta ofsóknum miðaldamanna Íslams.

Reyndar fór ég fram úr mér því mannsalsiðnaðurinn sér ekki aur í því fátæka fólki, og þess vegna dúkka ekki upp sjálfskipuð góðmenni á Íslandi sem tala máli þess fólks.

Það eru bara þau sem borga fyrir farið með þrældómi eða þau sem eru send, og vinna með því sem þeim er tiltækt.

 

Monní, monní, monní, gróði, gróði, gróði.

Kyrja atvinnugóðmenni landsins.

En loksins þegar ríkisstjórnin mætir mannsalsiðnaðinum, þó sú mæting sé í flugulíki, þá þarf aðeins að kippa í spotta.

 

Upp spretta atvinnugóðmennin

Upp spretta fréttir, og þingmenn.

Og stjórnarþingmenn.

 

Enginn sér samhengið á milli gróða og þeirra sem spretta upp.

Til upplýsingar þá er mannsalsiðnaðurinn og flóttamannaiðnaðurinn sú skipulagða glæpastarfsemi sem veltur mest fyrir utan innflutning, sölu og dreifingu eiturlyfja.

Og líkt og eiturlyfjainnflutningurinn til Íslands, á þessi glæpaiðnaður næstum því frítt spil.

 

Hann getur alltaf treyst á fávísi og forheimsku fólks.

Aurinn á milli handa hjálpar svo alltaf til.

 

En þegar ríkisstjórnin er undir þá á Embætti Ríkislögreglustjóra að grípa inní.

Nægar eru fjárveitingarnar til að takast á við skipulagða glæpastarfsemi þó framkvæmdarvald okkar, eða í það minnsta fulltrúar á löggjafarþingi okkar, séu beint að ganga erinda þessa glæpaiðnaðar.

 

Það er engin svona heimskur, þó hann þykist vera það, að hann sjái ekki að okkar litla og fámenna þjóð getur ekki tekið á móti öllum flóttamönnum heimsins

Jafnvel þó hún takmarki sig við þá flóttamenn sem glæpaiðnaðurinn stefnir til landsins.

 

Þegar annað er sagt, þá býr aur undir.

Með reyndar þeirri undantekningu að Logi Einarsson hefur ekki þá vitsmuni að þurfa að fá borgað fyrir þetta enn eina skipulagða áhlaup alþjóðlegra glæpamanna að þjóð okkar og framtíð hennar.

 

Hinum á að mæta.

Nýta löggjöfina.

Og ákæra.

 

Framtíð þjóðarinnar er undir.

Að glæpahyskinu sé mætt, og það brotið á bak aftur.

 

Ef ekki, þá er Embætti ríkislögreglustjóra fallið.

Fyrir Voldemort svo ég vitni í eina af uppáhaldsmyndum okkar feðga.

 

Í raunveruleikanum spillingarbæli sem þarf að úthreinsa með kústum og skrúbbum hinnar hagsýnu húsmóður, sem skilur ekki hvernig íslensku þjóðinni, íslenskri tungu og íslenskri menningu hefur verið útvistað á nokkrum árum.

Hún segir að lögum á að framfylgja og glæpalýð eigi að fangelsa.

 

Að þjóðin stjórni landinu, ekki alþjóðleg glæpasamtök.

Að spillingin verði ekki mikið lengur liðin.

 

Það er Ögurstund, eina spurningin er hvort stjórnmálin og stjórnmálamenn okkar fatti hana.

Þar liggur efinn og eiginlega er hann augljós.

 

Samt kannski ekki.

Kveðja að austan.

 

Jódís gagnrýnir ákvörðun Útlendingastofnunar

Ákall eft­ir for­seta sem hef­ur ekki tengsl við val­döfl eða fjár­mála­kerfi

 

Segir Halla Hrund og telur sig vera lýsa sínu eigin forsetaframboði.

Svo ég vitni aftur í hana; "sann­ar­lega að bjóða mig fram sem full­trúa al­menn­ings í land­inu".

Og án þess að ég sé að vísa í Marbendil þá skellihló ég þegar ég las þetta, því ef Halla Hrund meinti orð af því sem hún segði, þá er hún bókstaflega að biðja fólk um að kjósa sig ekki.

 

Vissulega er Halla Hrund að beina spjótum æsku sinnar að Höllu Tómasdóttir, sem er með bein tengsl við fjármálakerfið, og Katrínu Jakobsdóttir sem er sannarlega geirnegld valdaöflum landsins, allt í anda systrasamfélagsins sem kennir valdabrölt og valdabaráttu við karllægt samfélag.

En hvaða heilvita manneskju dettur í hug að Halla Hrund væri orkumálastjóri ef hún væri ekki beintengd??

 

Skipan hennar afhjúpar meir að segja fals Sjálfstæðisflokksins, eða allavega varaformanns flokksins um að eitt séu orð um orkuöflun, annað að skipa einstakling sem orkumálastjóra sem telur sitt helsta hlutverk að tefja, flækjast fyrir, sem hlekkur gegn frekari orkuöflun þjóðarinnar.

Skipan hennar var allavega ekki bræðralag ljóskunnar, og þá vísa ég í orðræðu Höllu Hrundar, því Þórdís Kolbrún er dökkhærð, hún er ekki Áslaug eitthvað.

 

Svo maður þýði orð Höllu  Hrundar yfir á mál almennings sem hún segist fulltrúi fyrir, þá er hún í hreinskilni sinni að biðja þann sama almenning að kjósa hana ekki.

Almenningur eigi ekki að kjósa beintengt fólk.

 

Og ef þá ekki hana, nöfnu hennar Tómasdóttur, eða Katrínu, þá eru fáir þungavigtar frambjóðendur eftir.

Án þess að Halla Hrund nafngreinir þá, þá dettur mér einna helst í hug að hún sé að biðja fólk um að kjósa Gnarrinn, því hann er eins og hann er, vonlaust að tengja hann þó vissulega hafi stjórnmálamenn í vasa bresku fjárkúgarana og/eða innlendu og erlendu hrægammana notað Jón Gnarr á sínum tíma, en Gnarinn var saklaus hvað það varðar, hann vissi einfaldlega ekki að hann væri misnotaður.

Í dag er framboð hans alveg laust við slíka misnotkun eða tengingar.

 

Hugsanlega er Halla líka að vísa í Baldur, sem ég hélt að væri fulltrúi þessara afla, alveg þar til ég áttaði mig á tilurð framboðs Höllu Hrundar, en fortíð Baldurs er ekki flekklaus, þó Baldur sé flekklaus í dag.

Og á flottasta makann.

Að öðrum ólöstuðum.

 

Skiptir svo engu máli hvern eða hverja Halla Hrund er að biðja fólk að kjósa.

Aðalatriðið er að hún segir; ekki mig, ekki mig.

Sjaldgæf einlægni sem ber að virða.

 

Við hin látum ekki segja okkur hvern við ætlum að kjósa.

Við kjósum þann sem við teljum réttast að kjósa.

Og örugglega munu margir ekki láta Höllu Hrund segja sér fyrir verkum og kjósa hana engu að síður.

 

Því þannig eru kosningar.

Við kjósum á okkar forsendum en ekki annarra.

 

Í því liggur fegurð þeirra.

Kveðja að austan.

Ákall eftir forseta án tengsla við valdöfl og fjármálakerfi

Almenningur gaf Góða fólkinu fingurinn.

 

Upp í óæðri endann á sér.

Enda við hæfi, megnið af því styður hommahatarana í Hamas og propagandastríð þeirra við Ísrael sem hefur kostað yfir 30 þúsund samlanda þeirra lífið og skilið Gasa ströndina nánast eftir í rústum.

Og hinn þögli meirihluti skilur ekki þetta áróðursstríð, skilur ekki hvernig öfgalýður getur gert sinni eigin þjóð þetta.

 

Íslendingar eru á pari við Evrópu sem kaus ísraelska lagið eftir verðleikum og kannski umfram það því óneitanlega var franska lagið betra, flutt af besta söngvara keppninnar.

En þetta extra sem ísraelska lagið fékk má skrifast á andúð á mötun rétttrúnaðarins sem gat ekki aðskilið söngvakeppnina frá sinum eigin áróðri fyrir morðingja Hamas, áróðri sem fólk keypti einfaldlega ekki.

 

Dómnefndir flestra landa gerðu hins vegar í brækurnar, þeirra hlutverk var að meta gæði, bæði laga og flytjanda.

Hánið frá Sviss var ekki með besta lagið og alls ekki með besta flutninginn, hvað þá að hann væri besti söngvarinn.

En hann var hán og það skýrði 12-urnar sem það hann fékk, fagfólkið hæddi sem sagt listgrein sína, hæfileika og fagmennsku; Fyrir rétttrúnaðinn.

 

Stóra skitan var hins vegar hundsun ísraelska lagsins, ef fagmennskan réði mati þá gat ekki eitt af 5 bestu lögun keppninnar fengið 0,0 frá hverri dómnefndinni á fætur annarri.

Það var eins og dómnefndirnar héldu að þær væru að greiða atkvæði um frið á Gasa á vettvangi Allsherjarþing Sameinuðu þjóðanna.

Þó ber að hrósa þeim sem þorðu og þar ber hæst faglegt atkvæði þýsku dómnefndarinnar með sín 10 stig á Ísrael, þau stig ásamt stigum nokkurra annarra þjóða forðaði hinni faglegu stjórnun söngvakeppninnar frá algjöri niðurlægingu.

Því það er algjör niðurlæging að skipa fólk í faglegar dómnefndir sem fyrirfram er búið að ákveða hvernig það dæmir, og þá út frá þjóðerni eða kynupplifun flytjenda, en ekki það sem keppnin snýst um, söngva og söng.

 

Öll umgerð keppninnar hefur verið ríkisútvarpinu til skammar, áróðurinn gegn henni, stuðningurinn við morðingjalýð Hamas, lágpunkturinn var líklegast eina stigið sem stjórnandi og álitsgjafar Alla leið gáfu ísraelska laginu.

Vissulega þeirra ákvörðun en þar með átti að hætta sýningu þessara þátta, ríkisútvarpið er í nauðungaráskrift og getur því ekki hagað sér eins og einhver einkastöð sem boðar rasisma og kynþáttahatur.

Eins og einhver Ku Klux Klan stöð.

 

Mál er að linni.

Þjóðin vill ríkisútvarpið sitt aftur.

Hlutlaust en ekki áróðursstöð rétttrúnaðarins.

 

Hvað er svo flókið við það.

Kveðja að austan.

 

PS. Mikið var nú hressandi að vera laus við aulahúmor Gísla Marteins, hrós til Gunnu og Gunnars.

Ísland gaf Ísrael 8 stig

Og þá hló Marbendill

 

Ofsalega þurfa menn að eftir að hafa lært lögfræði, að hafa unnið lengi í kerfinu til að geta látið annað eins þvaður út úr sér; líklega samt ekki, hugsanlega en þó ekki vitað, mega nota vopnin en þurfa að gæta betur að mannréttindum þeirra sem þeir sprengja í tætlur með þeim.

Þetta með mannréttindin slær reyndar út vitleysuna þegar MDE komst að þeirri niðurstöðu að það væri mannréttindi eldri borgara að þurfa ekki að upplifa afleiðingar hlýnunar jarðar, og þau mannréttindi yrðu svissnesk stjórnvöld að tryggja, líklegast með því að fara í opið stríð við Kína og Indland, og þá kannski með því að senda flotann.

 

En það olli ekki hláturkasti Marbendils heldur að Bandaríska utanríkisráðuneytið af öllum ráðuneytum heimsins skuli spá og spuklera í hvort mannréttindi séu brotin á sakalausum fórnarlömbum stríðsátaka.

Það féllu nákvæmlega 2.973 óbreyttir borgarar í hryðjuverkárás Sáda á Bandaríkin kennda við Tvíburaturna, og í stað þess að taka í lurginn á Sádum og sprengja þar allt í loft upp, þá var í nafni stríðs við hryðjuverk, ráðist inní Afganistan og Írak, auk þess að meintir grunaðir hryðjuverkamenn hafa verið sprengdir í tætlur ásamt fylgifé um öll Mið-Austurlönd.

Bara stríðsárásirnar á Írak og Afganistan, lönd sem höfðu ekkert með hryðjuverkaárásirnar að gera, hvorki að skipuleggja þær, fjármagna eða framkvæma, kostaði beint hundruð þúsunda óbreyttra borgara lífið, óbeint vegna afleiðinga á eyðileggingu innviða og eftirkasta stríðsátakanna, má tala um milljónir.

Og ég get svo lifandi svarið að í þessum stríðsátökum voru bandarísk vopn notuð.

 

Ennþá hlálegra finnst Marbendli þegar stjórnvöld sem tóku sér það vald til að sprengja upp óbreytta borgara í öðrum löndum, vegna gruns um að meðal þeirra væru meintir hryðjuverkamenn, tali um mannréttindi meintra fórnarlamba.

Gættu bandarísk stjórnvöld af mannréttindum allra þeirra brúðkaupsgesta sem þeir sprengdu í loft upp??, og svo Úppps, sorry, rangar upplýsingar, enginn hryðjuverkamaður.  Eins og annars hefðu brúðkaupsgestirnir verið réttdræpir.

Án allra mannréttinda.

 

Spyr sá sem ekki veit en svona væl eins og þessi frétt fjallar um, er hlálegur kattarþvottur ríkis sem gæti stöðvað þessi átök og þvingað deiluaðila að samningaborðinu.

Það er tímabært að Bandaríkjamenn segi við Ísraelsmenn að núna sé þetta orðið gott, nú hætti þeir að stríða gegn því að fá alla gísla til síns heimahaga.

Íbúar Gasa munu síðan sjá um að refsa hinum seku í Hamas, þeir fái til þess stuðnings alþjóðasamfélagsins sem sendi friðargæslulið inná Gasa og í skjóli þeirra verði bundið endi á ógnarstjórn Hamas.

Svo ein nálgun sé rædd.

 

En að skemmta Marbendil þó kallinn í brúnni sé elliær.

Það gerir ekki þetta öflugasta ríki hins vestræna heims.

 

Það er mál að linni.

Og það fyrir löngu.

Kveðja að austan.

Ísraelar hafi líklega brotið alþjóðalög

Steinhissa femínisti.

 

Femínistinn á Morgunblaðinu, þessi þarna með menntun í fjölmiðlafræðum frá Háskóla Íslands, sérhæfing að kópa og peista glósur, verkefni, próf, hefur líklegast ekki lítið í bók, fyrir utan íslenskar nútíma bókmenntir, söguþekking á pari við vel upplýstan bandarískan almenning, sérfræðingur í ófræðum ýmiskonar eins og um fjölda kynja, veit ekki ennþá hvernig börnin hans urðu til, er steinhissa að Ísraels hafi komist áfram í Eurovision.

Hann, sem var búinn að flytja frétt eftir frétt af fámennum mótmælum í Málmey, útverði Íslams í norðri (þar sem fréttin er hve mótmælin eru fámenn miðað við fjölda araba í borginni) og að Möggu Stínur Svía hefðu orðið sér til skammar, enn einu sinni, með skrílslátum, skilur ekki í að Evrópa hafi kosið lag út af eigin verðleikum, en ekki eftir áróðri stríðsæsingamanna sem styðja morðingjana í Hamas með ráðum og dáðum.

Eins og hann er búinn að ítreka svo oft í fréttum sínum þegar hann fjallar um söngvakeppnina kennda við Evrópu að "Þykir það m.a. skjóta skökku við að Ísra­el sé heim­iluð þátt­taka en Rússlandi hafi verið meinuð þátt­taka í kjöl­far inn­rás­ar þeirra í Úkraínu".  Að söngvakeppnin snúist um það og ekkert annað.

 

Femínistinn er ekki vel gefinn, við skulum hafa það á hreinu.

Þess vegna má alveg fyrirgefa honum steinhissa sitt, hann fattar bara ekki greyið að Evrópa gerir greinarmun á stríðsátökum þar sem tveir deila, og þó það sé leitun að fólki, fyrir utan háværan stuðningshóp morðingjanna í Hamas, í Evrópu sem vill ekki að átökunum linni strax, helst áður en þau hófust, að þá skilur það gildi svona sameiginlegra atburða til að hrista hjörtu fólk saman og gera heiminn örlítið betri á eftir.

Næg er sundrungin í heiminum samt þó sundrungaröflin komist ekki upp með að sundra því litla sem við ennþá eigum sem sameinar.

 

Hvað þá með að Rússlandi var vikið úr Eurovision, frá íþróttakeppnum og svo framvegis?

Svarið við því er mjög einfalt eða svo ég vitni í Pet Shop Boys; It´s a sin.

Það mætti halda að Pútín sjálfur hefði tekið þessa ákvörðun til að þjappa saman Rússum um stríðsbrölt sitt og geðveiki.

Samtalið, þátttakan, það hefði verið erfitt fyrir ritskoðara Kreml að hafa fulla stjórn á því öllu saman, rússneska þjóðin hefði séð hina hliðina, það væri til frelsi og það væri til heimur án stríðsátaka.

 

En það þýðir lítið að útskýra þetta fyrir femínistanum, hann heldur að skammsýni vestrænna stjórnmálamanna sé meitlað í skýin líkt og regla Pýþagórasar.

Og krefst að það sama gangi yfir alla.

Í fáfræði sinni heldur hann að Palestína taki þátt í Eurovision og vegna glæpa morðingja Hamas, eigi að vísa þjóðinni úr söngvakeppninni.

Vitið er bara ekki meira en það.

 

Rússar hófu stríðsátökin með árás sinni á Úkraínu, Hamas hóf átökin með árás sinni á landamærabæi Ísrael og ólíkt Rússum sem reyndu að skjóta hermenn Úkraínu, þá sannar myndefni sem Hamasliðar sjálfir tóku, að markmið þeirra var að skjóta óbreytta borgara, sérstök áhersla var að leita uppi friðelskandi fólk sem fordæmi öfga og árásarstefnu ríkisstjórnar Netanyahu, enda hefur hann og Hamas lengi gengið í takt til að koma í veg fyrir frið í Miðausturlöndum.

Þetta skilur femínistinn ekki því hann hefur ekki vitsmuni til þess, hann hamrar á að það eigi að reka Ísrael úr keppninni fyrir að svara árás Hamas og reyna frelsa gíslana sem samtökin rændu.

 

Það eins og Rússarnir segir femínistinn, en Ísraelsmenn eru gera eins og Úkraína, verjast og svara árásum.

Vissulega með miklu öflugri her, en halda menn að Úkraínumenn hefðu ekki notað her sinn til að verjast og sækja að Rússum ef her þeirra væri öflugri??

Fáviskan er því algjör því krafa femínistans á Morgunblaðinu er í raun að það eigi að reka Úkraínu úr Eurovision fyrir að verjast árásum Rússa og myrða rússneska hermenn umvörpum svo ég vitni í þekkt orðalag úr fréttum sem femínistinn skrifar hér á Mbl.is.

 

Auðvitað eru fleiri svona fávísir og ekki betur gefnir en þetta, femínistinn á Morgunblaðinu á margar bræður og systur um alla Evrópu, en þó hávær sé, þá er þetta mjög fámennur minnihluti, fyrir utan að margir arabar í Evrópu styðja sitt fólk, sem gefur að skilja.

Þessi fámenni minnihluti tekst ekki að eyðileggja Eurovision.

Þess vegna komst ísraelska lagið áfram, það var einfaldlega það gott og vel flutt.

 

Átökin á Gasa halda áfram óháð því.

Og gera það þar til Bandaríkjamenn segja hingað og ekki lengra.

Það er óskiljanlegt að ef frelsun gísla er í boði, að Ísraelsmenn skuli ekki láta af hervirkjum sínum og semja frið.

Þar liggur meinið.

 

Við hin getum hins vegar bætt heiminn örlítið með því að tralla með Europabba.

Eða rokka með Króötum eða Norðmönnum.

Um það snýst þetta.

 

Um það snýst þetta.

Og ekkert annað.

Kveðja að austan.

 

 

Ísrael komst áfram í Eurovision