Uppgjöf fyrir sérhagsmunum.

 

Hins frjálsa flæðis sem flytur inn ódýrt vinnuafl, og er nákvæmlega sama hvort viðkomandi sé sýktur eður ei.

Þetta eru götin á landamærunum, sem sóttvarnaryfirvöld gátu ekki þvingað ríkisstjórnina til að stoppa upp í.

Aur í vasa er mikilvægari en almannahagur.

 

14 daga sóttkvíin hefur lekið og valdið hópsýkingum, þó eðli málsins vegna hefur tekist að hemja þann leka því ekki er mikill samgangur milli vinnuþræla hins félagslega undirboða, og almennings.

Eftir stendur fólk með blóð á höndum sem ekkert hefur lært.

Mannsal og hin félagslegu undirboð hins frjálsa flæðis Evrópusambandsins eru æðri þjóðarhag eða lífi og limum landsmanna.

Rökin sjálfsagt að það eru svo  litlar líkur, en þau rök höfum við heyrt áður.

Fyrir utan samfélag í frosti sóttvarna hafa þau kostað 16 líf, og eyðilagt jólahald þjóðarinnar.

 

Afhverju.

Afhverju?

 

Afhverju??

Kveðja að austan.

Óbreytt fyrirkomulag á landamærum til 1. febrúar

Alltaf má finna eitthvað til að gleðjast yfir.

 

Núna fundu menn frétt frá OECD þar sem sagði að við værum að skora hátt á meðaltalinu.

Ég læt mér duga að fara reglulega inná kóvid vefinn worldometers.info og fæ allar upplýsingar upptúdeit.

Þar stendur skýrum stöfum, með stóru letri að hluti af þingmönnum og ráðherrum Sjálfstæðisflokksins séu stórhættulegir bjánar, veiran er frá línulegum vexti yfir í veldisvexti um mestalla Evrópu.

 

Munum bara að meðaltöl bæta ekki líf þeirra 16 sem hafa þegar fallið vegna þriðju bylgjunnar.

Munum að fyrir júlílok var ljóst að landamærin láku inn smit þrátt fyrir skimun við landamærin.

Munum að veiran slapp inní landið 14. ágúst, tregðan í Sjálfstæðisflokknum hindraði nauðsynlega ákvörðunartöku um seinni skimun og sóttkví þar á milli til 18 ágúst.

Og hún hefur ekki verið látin sæta ábyrgð og hún er ennþá að.

 

Hótar þjóðinni ótímabæri opnun landamæranna.

Grefur grimmt undan sóttvörnum með afneitun og falsi.

 

Þannig er Ísland í dag og látum ekki segja okkur annað.

Kveðja að austan.

Meðal Evrópulanda með fæst dauðsföll

Bjarna er vorkunn.

 

Aðaláhyggjur bernskunnar var hvort silfurskeiðin í munninum myndi valda varanlegum skemmdum á tönnum hans, og hann yrði því með spöng á viðkvæmum árum táningsins, þegar hann vildi skora sjálfur hjá hinu kyninu, svona egó dæmi.

 

Síðan í pólitíkinni hefur hann þurft fyrst og síðast að passa uppá fjármagn og fjárfestingar sinna og vina sinna.

Vegna þeirra stöðu þurfti hann líka að passa upp á fjármagn og fjárfestingar vildarvina flokksins, í raun endalaust kvabb því einn formaður getur ekki gert öllum til geðs.

 

En Bjarni er vel gefinn, hefur lært sína rullu vel í stjórnmálaskóla Valhallar, það eru rök á bak við sveltistefnu nýfrjálshyggjunnar.

Og full ástæða að minna á þau rök.

"Bjarni Bene­dikts­son sagði að skerðing­ar­regl­ur al­manna­trygg­inga­kerf­is­ins eigi að tryggja að tak­markað fjár­magn rati helst til þeirra sem eru í mestri þörf. "Við þurf­um bara að ákveða hvað við ætl­um að ráðstafa háum fjár­hæðum í sér­stöku des­em­berupp­bót­ina og fara yfir það hvernig hún skil­ar sér, til þess að geta svarað þess­ari spurn­ingu. En mín skoðun er eft­ir sem áður sú að það er auðvitað best að það skili sér sem mest til þeirra sem hafa minnst,"svaraði hann".

Auðvitað gengur ekki að þetta allt þarna öryrkjafólk þarna úti sem veður í peningum velti sér uppúr viðbótarpening frá ríkinu, í raun ætti að draga af því um jólin í stað þess að hækka hinar ríflegu öryrkjabætur með vísan í eitthvað sem kallað er jólabónus.

 

Bjarni komst nefnilega í gegnum sín æsku og unglingsár án þess að silfurskeiðin skemmdi tennur hans, það eru til góðir tannlæknar í Garðabænum.

Hann passaði líka vel uppá pabba sinn í aðdraganda Hrunsins, það þurfti kjark til að fara gegn skýrum lögum um innherjaupplýsingar til að hlutabréf í Glitni voru seld mínútu fyrir lokun bankanna.

Enda ljóst að 550 fermetra sumarhús í Flórída eru ekki gefins, og illt að hugsa að foreldrar manns þurfi að reiða sig á ellilífeyri almannatrygginga og jólabónus þess.

Dugar varla fyrir skúringarkonunni í mánuð, og er hún ekki vel haldin.

 

Bjarna er vorkunn.

Hann hefur ekki reynt sitt besta, hann hefur gert sitt besta.

Staðið sína plikt, og kann alla sína frasa utan bókar.

 

Fjármagn á vissulega að fara til þeirra sem þurfa þess mest.

Öll vitum við ótal dæmi um öryrkja og gamalmenni lifandi í vellystingum á kostnað skattgreiðanda þessa lands.

Einhver þarf að standa ístaðið á móti.

 

Til þess var Bjarni kosinn.

Að skamma hann fyrir það er eins og að skamma sólina fyrir að koma uppá morgnanna þegar maður nennir ekki á lappir og skammast út í morgunbirtuna.

Í besta falli ósanngjarnt.

 

Sem og að hann var kosinn til að passa uppá sína.

Sem hann hefur gert skammlaust.

En fær varla hrós fyrir.

 

Svona getur lífið verið ósanngjarnt.

Aumingja Bjarni.

 

Honum er vorkunn.

Kveðja að austan.

Jólabónusinn skertur niður í núll

"Þetta er ekki drepsótt".

 

Segja tveir þingmenn Sjálfstæðisflokksins.

Njóta stuðnings a.m.k. tveggja ráðherra flokksins.

Halda áfram að berjast fyrir ótímabæru andláti samborgara okkar.

Það er eins og blóðfórnin, 16 andlát sem þau bera beina ábyrgð með því að þvælast fyrir lokun landamæranna í sumar hafi ekki svalað blóðþorsta þeirra.

 

Þetta er ekki drepsótt segja þeir, hvurslags endalausa fáviska er þetta??

Er fólk ekki fólk ef það er ekki yngra fólk??

Veit það ekki að það þurfti samfélagslegar lokanir í vor til að hindra að  hundruð þúsunda létust ekki úr farsóttinni í nokkrum af stærstu ríkjum Vestur Evrópu.

 

Þegar það var lokað á Spáni, 14. mars höfðu 202 látist, mánuði seinna þegar veldisvöxturinn fór loksins að verða línulegur, þá höfðu 19.000 látist, mánuði seinna í línulegum vexti, rúm 28.000.

Á Ítalíu var lokað 9. mars, 464 látnir, mánuði seinna 18.334, þá verður kúrfan meira línulega, 9. mai eru 30.473 látnir.

Bretar lokuðu 23. mars, þá höfðu 331 látist, 21.731 mánuði seinna, kúrfan byrjar að verða línuleg sirka 02. mai, þá höfðu 27.910 látist, mánuði seinna rúmlega 38.000.

 

Hefðu stjórnvöld viðkomandi landa ekki skorið á smitleiðir með samfélagslegum lokunum, verið það miklir fávitar að trúa að þetta væri ekki drepsótt í veldisvexti, og lagt til ráð Sigríðar Andersen, að fólk passaði uppá persónulegar sóttvarnir, þá hefði miðað við veldisvöxtinn, hátt í milljón manns dáið í þessum þremur löndum fyrir sumarbyrjun.

Ekki bara úr kóvid því spítalarnir hefðu verið orðnir óstarfhæfir vegna þess að heilbrigðisstarfsfólk hefði hríðfallið.

Bara í þessum þremur löndum.

 

Heilbrigðisstarfsfólk klæðist kóvidgallanum vegna þess einmitt að þetta er drepsótt.

Það er gripið til samfélagslegra lokana einmitt vegna þess að þetta er drepsótt.

Svo er hluti Sjálfstæðisflokksins að telja okkur í trú um að svo sé ekki.

Berst gegn sóttvörnum sem er í raun tilraun til fjöldamorða þegar drepsótt er annars vegar.

 

Ríkisstjórn okkar gat réttlæt opnun landamæranna í sumar með vísan í almenna heimsku og dómgreindarleysi, þetta fólk hafði jú samþykkt Orkupakka 3 án þess að sögn gera sér grein fyrir að þar með væri skrifræðisbákni Evrópusambandsins afhent yfirstjórn orkuauðlinda þjóðarinnar.

Sú heimska og dómgreindarleysi hafi skýrt að ekki var hlustað á þá lækna og hagfræðinga sem vöruðu við því feigðarflani.

 

En af hverju var svona seint gripið til aðgerða þegar ljóst var í um miðjan júlí að landamærin hríðláku??

Er skýringin sú að einn stjórnarflokkurinn er skipaður fólki sem veit ekki hvað drepsótt er, sem veit ekkert til hvers sóttvarnir eru, veit ekkert um veldisvöxt smita, eða annað sem þarf til að hægt sé að taka vitrænar ákvarðanir á hættutímum.

Og það sé svo heimskt að þegar allar vestrænar þjóðir hafa beygt sig fyrir raunveruleikanum og grípa til ströngustu sóttvarna til að hindra að línlegur vöxtur dauðsfalla breytist í óviðráðanlegan veldisvöxt sem mun kosta hundruð þúsunda lífið, milljónir ef allt fer á versta veg með hruni heilbrigðisþjónustunnar, að þá taki það upp baráttu fyrir opnun landamæra þjóðarinnar og setji almennt spurningu við árangursríkar sóttvarnir þjóðarinnar.

Var heimska allan tímann skýring þess að þetta fólk þvældist fyrir sóttvarnaryfirvöldum??

 

Spyr sá sem ekki veit.

Svarið er formanns Sjálfstæðisflokksins.

Hann getur ekki þvegið ábyrgðina af núverandi faraldri, blóðfórninni eða efnahagslegum og samfélagslegum afleiðingum hans, af höndum sínum.

En hann getur tekist á við meinið í sínum flokki.

 

Hver dagur sem líður sem hann þegir, er dagur sem er ekki hægt að túlka á annan hátt en að hann sé sammála þessari heimsku.

Að hann telji vágestinn ekki drepsótt, að hann sé andsnúinn sóttvörnum þjóðarinnar.

Því þú getur ekki á sama tíma sagst vera sammála sóttvarnaryfirvöldum og um leið liðið beina atlögu að þeim.

 

Það er ekkert lýðræði á dauðans alvöru tímum að vega að sóttvörnum þjóðarinnar.

Það er ekkert lýðræði að þingmenn í það minnsta komist upp með að hvetja til fjöldamorða á þeim forsendum að þeir sem líklegastir til að deyja sé ekki ungt fólk.

 

Á öllu eru mörk.

Jafnvel þegar Sjálfstæðisflokkurinn á í hlut.

 

Þau mörk hafa verið rofin.

Kveðja að austan.

„Það liggur fyrir að þetta er ekki drepsótt“

Göngum hægt um gleðinnar dyr.

 

Það eru frábærar fréttir að bóluefni komi fljótlega upp úr áramótum.

Enn eitt dæmið um styrk mannsandans þegar allir leggjast á eitt á hættu og ögurstundum.

 

En hættan er ekki liðin fyrr en öllum stendur bóluefni til boða.

Aðeins þá næst hið svokallaða hjarðónæmi mennskunnar sem er andstæða þess hjarðónæmis sem átti að fást með að fólki væri slátrað eins og gripum þar til veiran hætti að breiða úr sér svo ég vitni í nýlega boðun hluta þingmanna Sjálfstæðisflokksins.

 

Sporin hræða.

Þrátt fyrir ítrekaðar aðvaranir allra helstu sérfræðinga þjóðarinnar gegn ótímabæri opnun landamæranna þá taldi ríkisstjórn Íslands sig vita betur, og allir vita hvernig það fór.

Hún vissi ekki rassgat eins og sagt var á mannmáli þegar ég var ungur einhvern tímann uppúr miðri síðustu öld, og ástandið í dag er nákvæmlega eins og varað var við.

Fólk hefur látist, frosið samfélag i fjötrum sóttvarna, viðvarandi ótti um hvern skaðar veiran næst.

 

Sporin hræða.

Í kvöldfréttir sjónvarpsins mætti Svanhvít Svavarsdóttir galvösk, nýbúin að kasta enn einu sinni sök sinni á starfsfólk Landakots, og tilkynnti alþjóð að eftir að framlínufólk og viðkvæmir hópar hefðu fengið bólusetningu, að þá yrði landið opnað á ný.

Hvað hún átti nákvæmlega við útskýrði hún ekki.

 

En sporin hræða.

Er það virkilega meining ríkisstjórnarinnar að veita veirunni frelsi korteri fyrir sigurinn yfir henni??

Eins og enginn sé lærdómurinn af ábyrgð sinni á ótímabærum andlátum 14 einstaklinga eða öllu því tjóni sem önnur og þriðja bylgjan hefur valdið samfélaginu, jafnt mannlífi eða afkomu heilu starfsstéttanna.

 

Eins og þetta fólk gerir sér ekki grein fyrir að alvarleiki veirunnar er ekki eingöngu mældur í fjölda fallinna heldur líka hvernig hún leikur fullfrískt heilbrigt fólk.

Sviptir það kannski starfsorku fyrir lífstíð.

"Ung­ir og heil­brigðir ein­stak­ling­ar hafa sýnt ein­kenni líf­færa­bil­un­ar og skertr­ar lík­ams­starf­semi allt að fjór­um mánuðum eft­ir sýk­ingu. Ein­stak­ling­ar með langa Covid hafa lýst viðvar­andi ein­kenn­um á borð við þreytu, and­leysi, verki og heilaþoku"." (Úr frétt Mbl.is um eftirköst veirunnar í Bretlandi).

 

Það er full ástæða til að fara varlega.

Sýna þolinmæði þar til þjóðin er örugg.

Nú þegar hefur það miklu verið fórnað, að það er vanvirðing við þær fórnir að vanvit sleppi veirunni lausri á síðustu metrunum.

 

Við þurfum að útrýma henni úr samfélaginu.

Og ekki hleypa henni inn aftur.

 

Vonandi er það stefna ríkisstjórnarinnar.

En henni er því miður trúandi til alls.

 

Sporin hræða.

Kveðja að austan.

 

 

Lausn handan við hornið

Sök ber af sér sakir.

 

Það þarf ekki að rífast um að mistök áttu sér stað á Landakoti, mistök sem er ekki hægt að hengja á húsnæði, starfsmannaeklu eða annað.

Þau mistök þarf starfsfólk Landsspítalans að takast á við og vinna úr, réttilega benti yfirsmitlæknirinn á í Kastljósviðtali þar sem snatar frjálshyggju og valds vildu fá einhvern til að hengja, að það mætir enginn í vinnu á Landspítalann  með því markmiði að gera mistök.

 

Hýenur valdsins, taglhnýtingar stjórnmálaflokkanna, allra þeirra sem ábyrgðina bera, skulu skammast sín til að halda kjafti, þau vörðu niðurskurð á niðurskurð ofan, hagræðingarkröfur sem fyrir mörgum árum tálguðu alla starfsemi inn að beini, síðan þá vó niðurskurðurinn að kjarna þess sem hélt þjóðarspítala okkar gangandi.

Aumkunarverðasta að öllu því auma í samfélagi okkar, fjölmiðlafólkið sem hefur selt sálu sína fyrir að halda vinnu á auðfjölmiðlum, eða samkrulli valdsins í Brussel við alþjóðlega hrægamma, dagsdaglega kallað Ríkisútvarpið, ætti að ganga hægt um fordæmingardyr, því seld sál býður alltaf síns lokadóms.

 

Svanhvít á samt að hafa vit á að þegja.

 

Þegar hún var aðeins yngri og hafði ennþá sál til að selja að boði Steingríms sem vildi verða ráðherra, þá tók hún að sér böðulshlutverk AGS, Alþjóðagjaldeyrissjóðsins, að undirlægi hrægammanna, að loka allri spítalaþjónustu á landsbyggðinni.

Var svo aum og ómerkileg að hún kallaði það hagræðingu.

 

Landsbyggðarfólk mótmælti, en ögurstundin var samhent mótmæli lækna í Reykjavík sem bentu a að dýrast af öllu var að hafa alla sjúklinga landsins á einu hátæknisjúkrahúsi, þar væru miklu dýrari rúm undir en á spítölum landsbyggðarinnar.

Rifjað upp svo við gleymum ekki fortíð Svanhvítar Svavarsdóttur.

Hvernig væri ástandið í dag ef við hefðum bara einn spítala???

 

Meginskömm Svanhvítar er samt að hafa látið undan hægra öfgafólki í þing, ráðherraliði Sjálfstæðisflokksins, og ekki lokað landamærunum í tíma fyrir kórónuveirusmiti.

Landamærin láku, það var ljóst í byrjun júlí, miðað við tregðu kerfisins þá er eðlileg töf að reglur á landamærum hefðu ekki verið hertar fyrr en í júlílok.

Svanhvít dagsetti breytingar sínar á 19. ágúst, og þurfti hún til slag Kára klára gagnvart hægri öfgum, sjálf þagði hún, eins og hún hefur alltaf þagað.

 

Franska veiran kom inní landið 14. ágúst.

Hún hefur lamað samfélag okkar, og valdið ótímabærum andlátu 14 samlanda okkar.

Allt vegna aumingjaskapar Svanhvítar Svavarsdóttur.

Manneskjunnar sem sveik heimili landsins í hendur hrægamma, sem sveik í ICEsave, og hefur síðan svikið flest sem kenna má við hugsjónir mannúðar og mennsku.

Hún samþykkti Orkupakka 3.

 

Hefði Svanhvít Svavarsdóttir staðið í lappirnar gagnvart Sigríði Andersen og dúkkulísum hennar í ráðherraliði Sjálfstæðisflokksins, þá hefði aldrei reynt á smitvarnir Landakots.

Þá væri starfsfólkið þar aðeins önnum kafið, en ekki yfirhlaðið af verkefnum sem engan endi tók og tekur.

Gerði sitt besta við vonlausar aðstæður.

Í aðstæðum sem forystufólk smitvarna Landsspítalans varaði alvarlega við.

En Svanhvít kaus að hundsa.

 

Er hægt að leggjast lægra??

Ég bara spyr.

 

Kveðja að austan.

„Augljóst“ að gera má betur á Landakoti

Við vissum þetta ekki.

 

Er ávalt viðkvæðið þegar siðblindan og siðleysið á bak við alþjóðavæðinguna er afhjúpað.

 

Sem er örugglega rétt, það er valkvæð afstaða að vita ekki neitt innan gæsalappa, kallast trúverðug neitun.

Þá fara menn í vettvangsferð með bundið fyrir augun, tappa í eyrun og anda í gegnum hátæknilofsíu, svo menn finni ekki lyktina af mannlegu eymdinni sem knýr gróðavél þeirra áfram, heyri ekki grát og stunur hins örmagna verkafólks, eða sjái aðstæðurnar sem minna meir á þrælabú hins gamla Rómarveldis en eitthvað sem má kenna við nútímann.

 

Nei þetta er saklaust fólk, skinheilagt fólk.

Það leitar bara alltaf eftir lægstu tilboðunum, löngu búið að útvista öllum störfum úr framleiðslugeira Vesturlanda, og þegar lægsta tilboð er tekið, þá er strax byrjað að knýja fram lækkun á því, með fram að stöðugt er leitað nýjum löndum eða héruðum þar sem fátæktin er meiri, og þar með vinnuafl sem lætur bjóða sér ennþá svívirðilegri kjör.

Því þannig vinna þeir sem blóta þann í neðra.

 

Og þeirra er kerfið, alþjóðavæðingin, hið frjálsa flæði hins innra markaðar Evrópusambandsins, reglur sem skylda hið opinbera til að taka ávalt hinu lægsta tilboði og svo framvegis.

Við sjáum fríverslunarsamninga þar sem innlend framleiðsla á ekki breik gagnvart þrælahöldurunum, við sjáum sífellt flóknara regluverk sem virðist hafa þann eina tilgang að framleiða kostnað, til dæmis í landbúnaðinum og svarið er síðan, við þurfum að flytja inn því þið eruð ekki samkeppnisfær.

 

Og núna síðast sjáum við hvernig þessir djöflar (fornt orð yfir þá sem dýrka og þjóna þeim í neðra) hafa yfirtekið baráttu mannsandans gegn lofslagsvánni, henni er breytt í tæki sem skattleggur fátækt fólk út úr samfélaginu (hefur ekki efni á orkunni sem knýr heimilin eða nýtísku skattlausu rafmagnsbílunum svo dæmi sé tekið), grænir skattar og dýr orka hrekur framleiðslu til landa sem þurfa ekki að standa skil á neinum loftslagsskuldbindingum.

Eykur þar með sogið í þrælabúðir alþjóðavæðingarinnar.

 

Við sjáum hvernig frjálsa flæðið virkar á Íslandi, störf sem fólk vill ekki vinna sökum lélegra kjara miðað við erfiði þeirra eða aðbúnað, eru mönnuð með fátæku farandverkafólki í stað þess að lögmál markaðarins hækki laun og bæti aðbúnað svo innlendir vilji sinna  þeim.

Í raun hefur hið frjálsa flæði þurrkað út áratuga baráttu samtaka verkafólks fyrir bættu kjörum og aðbúnað.

Þeir sem lifa af í kerfi hinna lægstu tilboða, eru þeir sem vilja fara verst með fólk.

 

Og við vitum þetta öll.

En við gerum ekkert í því.

Ekki á meðan þetta snertir aðra.

 

En þetta snertir okkur öll að lokum.

Feisum það.

Og gerum eitthvað í því.

 

Til dæmis með því að þurrka út Samfylkinguna og aðra stuðningsflokka hins frjálsa flæðis.

Það væri góð byrjun.

Kveðja að austan.

Þrælað út fyrir þekkt vörumerki

"Mín leið er lík­ari margtugg­inni sænskri leið".

 

Sagði þingmaður Sjálfstæðisflokksins, Sigríður Andersen í forkastanlegu viðtali við Mbl.is þar sem hún útskýrði árásir sínar á stefnu íslensku sóttvarnaryfirvalda.

 

Tilefnið var yfirlýsing sem hægriöfgaveita, svona veita sem berst fyrir skattleysi auðmanna, réttlætir fjármagnsflutninga í skattaskjól, vil afnema samneyslu eins og ókeypis menntun eða heilsugæslu, afnema verkalýðsfélög auk annarra samtaka launþega, réttlætir útvistun starfa í þrælabúðir Kína og svo framvegis, fékk nokkra vísindamenn til að skrifa undir yfirlýsingu þar sem hvatt var til að veiran fengi svipað frelsi og alþjóðavæðingin hefur gefið auðmönnum til að ræna og rupla vestræn samfélög.

Frelsi sem óhjákvæmilega mun kosta milljónir Evrópubúa lífið, en hvað geri hægri öfginn ekki fyrir sínar minnstu lífverur eins og drápsveirur??

 

Enginn borgarlegur vestrænn fjölmiðill hefði birt þetta viðtal við Sigríði Andersen án þess að leiðrétta rangfærslur hennar með nýjum spurningum.

Nema Morgunblaðið því þar stjórnar fólk sem hefur barist gegn sóttvörnum þjóðarinnar, og allar slíkar árásir átt þar öruggt pláss, og yfirleitt hampað líkt og þetta símaviðtal Sigríðar Andersen við þessa vísindamenn hægri öfgaveitunnar sem berst fyrir þeirri leið að veiran fái frelsi til að drepa þar til hið svokallaða hjarðónæmi sé náð.

Líkt og lifandi fólk sé einhverjir gripir sem megi slátra.

 

Ég hef fjallað um helstu rangfærslu Sigríðar í síðustu 2 pistlum, vitandi vel að það les enginn svona skrif, útbreiðsla rangfærslnanna er ekki stöðvuð nema Mogginn sé dreginn til ábyrgðar, eða að Sjálfstæðisflokkurinn sé látinn svara til saka fyrir allt það tjón sem andóf hans gegn sóttvörnum þjóðarinnar hefur valdið.

Í því samhengi má ekki gleyma ábyrgð hans á því að landamærunum var lokað of seint í sumar, vegna tregðu flokksins að samþykkja tvær skimanir með sóttkví á milli, glæpsamlegt athæfi sem ber beina ábyrgð á andláti 14 samlanda okkar, auk allra þeirra hafta sem við höfum upplifað frá því að þriðja bylgju frönsku veirunnar hófst.

 

Franska veiran komst inní landið 14. ágúst, sóttvarnaryfirvöld náðu loksins að brjóta andstöðu Sjálfstæðisflokksins á bak aftur með lokun landamæranna 19. ágúst.

Ef Þjóðaröryggisráð hefði staðið undir hlutverki sínu og skipað ríkislögreglustjóra að handtaka þá þingmenn og ráðherra Sjálfstæðisflokksins sem börðust gegn sóttvörnum á landamærunum, þá hefði landamærunum verið lokað mun fyrr, og við værum ekki að berjast við núverandi bylgju.

Um þetta þarf ekki að rífast, núna síðast í dag staðfesti Þórólfur Guðnason að þriðja bylgjan væri öll vegna frönsku veirunnar, undantekningin væri 2 hópsmit sem hefðu verið staðbundin, og hefðist strax náð að einangrast.

 

Við sem þjóð erum lítilmenni ef við látum hægri öfga fólkið komast upp með þetta.

Við snérumst til varnar í Icesave, en látum þetta yfir okkur ganga.

Eins og ekkert okkar eigi feður, mæður, afa eða ömmur líkt og fólkið var sem féll fyrir kórónuveirunni

Þetta var ekkert shit happens, þetta var viljaverk, frá fyrsta degi hefur verið grafið undan sóttvörnum þjóðarinnar, þær sagðar ganga of langt, úr takti við alvarleik veirunnar eða það sem aðrar þjóðir gera.

 

Allt hefur sannast rangt, það eru allar þjóðir að loka.

Og núna í dag Svíar.

Síðasta haldreipið um það að það virki að gera lítið sem ekki neitt, sem er reyndar ekki rétt, sænsk stjórnvöld gerðu margt, en bara of seint, með þeim afleiðingum að þúsundir Svía féllu að óþörfu.

 

Féllu að óþörfu.

Samt er því mannfalli hampað af ákveðnum þingmönnum Sjálfstæðisflokksins, og sjálfur formaður flokksins sagðist vera stoltur af þeim röddum.

Og þetta er fólkið sem stjórnar okkur.

Það hampaði fjöldamorðum því þegar sænsk stjórnvöld gripu ekki til aðgerða þá var vitað hvað veiran var banvæn, þau brugðust þeirri grunnskyldu að vernda alla þegna landsins.

 

Í dag var sænska leiðin kvödd, síðasti naglinn í líkkistu hægri öfganna í Sjálfstæðisflokksins.

Í gær barst frétt frá Bretlandi um alvarleik veirunnar fyrir þá sem sýktust en lifðu;

"Talið er að um 60 þúsund Bret­ar glími enn við ein­kenni Covid-19 mörg­um mánuðum eft­ir að hafa greinst með kór­ónu­veiruna. Ung­ir og heil­brigðir ein­stak­ling­ar hafa sýnt ein­kenni líf­færa­bil­un­ar og skertr­ar lík­ams­starf­semi allt að fjór­um mánuðum eft­ir sýk­ingu. Ein­stak­ling­ar með langa Covid hafa lýst viðvar­andi ein­kenn­um á borð við þreytu, and­leysi, verki og heilaþoku".

Annar naglinn í stuðningi hægri öfganna í Sjálfstæðisflokknum við þær raddir sem gera lítið úr alvarleik kóvid farsóttarinnar.

"Hvað með þá sem fá veiruna og virðast lengi glíma við eftir­köst henn­ar? (spurning blaðamanns) „Það eru ein­hver dæmi um slíkt. Sér­fræðing­ar segja mér að það komi eng­um á óvart en það er ein­kenni á svona veir­um. In­flú­ens­ur hafi líka þess­ar af­leiðing­ar en sér­fræðing­ur benti á að þetta væri ekki í meira mæli vegna Covid en annarra veiru­sýk­inga".

Einhver dæmi já, en þó blaðamaðurinn hefði ekki þessa frétt frá Bretlandi við höndina, þá átti hann að vita um þessar hliðaverkanir kóvid sýkingarinnar, svo mikið hefur hún verið í fréttu og umræðunni, bæði hér á landi sem og erlendis.

En kannski var hann eins og blaðakonan sem tók viðtalið við Khomein æðstaklerk, hún leyfði honum bara að tala, og það viðtal jarðaði ímynd hans hjá öllu vitibornu fólki, aðeins trúaröfgarnar kinkuðu kolli.

 

Samt var óþarfi hjá blaðamanninum að láta þessa setningu fara óátalda í gegn, allavega hefði Twitter ekki gert slíkt.

"Þess vegna er svo skrítið að menn hafi gefið í í þess­um sótt­varnaaðgerðum þegar líður á far­ald­ur­inn og þegar það er al­veg ljóst að menn eru að veikj­ast minna og höndla far­ald­ur­inn bet­ur. Þá er gripið til harðari aðgerða. Það þarf að út­skýra það".

Svona í ljósi þess að bara þennan mánuðinn hefur Mbl.is sagt á annan tug frétta um hertar sóttvarnir í löndum Evrópu, þar sem tilkynnt er um samfélagslegar lokanir af einhverju tagi.

Skoðanakannanir sýna að það eru einhverjir einfeldningar þarna úti sem trúa svona vitleysu, hundsa fréttaflutning en móta sér skoðanir út frá rugli og rangfærslum.

En það má víst ekki gleyma hinum nýráðna yfirmanni sem vill að svona rugl fari ómengað í gegn, tilgangurinn, að stuðla að ótímabæru andláti samlanda okkar, helgar víst meðalið.

 

Eftir stendur Alþingi sem líður svona lygaþvætting án þess að viðkomandi þingmaður sé knúinn til afsagnar.

Ásamt því að tafarlaust sé rannsakað hve margir þingmenn eru að baki þessu bulli og rangfærslum.

Tilgangurinn er augljós, það er verið að þrýsta á ótímabæru opnun landamæranna sem og að slakað verði of snemma á sóttvörnum.

Síðast kostaði svona atlaga 14 mannslíf, og ekki útséð um hvort þau verði fleiri sem tengja má við frönsku veiruna.  Enn og aftur, hún slapp inní landið 14. ágúst, tregðan við að loka á lekann við landamærin seinkaði augljósum aðgerðum til 19. ágúst.

Staðreyndir sem er ekki hægt að rífast við, eða rífast um.

 

Það er ekki að ástæðulausu að þeir sem afneita Helförinni eru sóttir til saka í Þýskalandi og Austurríki.

Þar brenna vítin sem þarf að varast beint á fólki.

 

En í alvöru, það er enginn minni glæpur að afneita alvarleik kóvid veirunnar.

Hún drepur ef það er ekki skorið á smitleiðir hennar, við eru aðeins í upphafi faraldursins, og enginn veit endinn fyrr en lækning finnst.

Að líða afneitunina er eins og að líða réttlætingu fjöldamorða.

 

Og ef afneitunin vinnur beint gegn sóttvörnum þjóða, þá er hún tilraun til slíkra morða.

Í upphafi vissu menn ekki, en síðan í vor hefur hafa menn vitað.

Aðeins annarlegur tilgangur grefur undan þeirri vitneskju.

 

Í dag var sænska leiðin kvödd.

En það er tími til kominn að fleiri séu kvaddir.

Til dæmis þeir sem ógna lífi og limum samborgara sinna.

 

Það hefur verið sagt bless af minna tilefni.

Kveðja að austan.

 

 

 

 

 

 

Átta manna samkomubann í Svíþjóð

Þau munu hittast í himnaríki.

 

Svo ég vísi í fyrirsögn á átakanlegri frétt sem birtist hér á Mbl.is og sagði frá harmleik fjölskyldu vestur í Utha í Bandaríkjunum, rætt var við móður sem missti bæði móðir sína og afa völdum kóvid veirunnar.

Og þar tel ég öruggt að þau munu ekki rekast á fólkið sem barðist hatrammlega fyrir ótímabærum dauða þess, eða annarra fórnarlamba kóvid veirunnar, jafnt í Bandaríkjunum eða í öðrum vestrænum löndum.

Því fólki er ætlað vist á öðrum stað.

 

Af hverju??

Þessi orð Lindsay Wotton, sem missti bæði móður sína og afa af völdum kórónuveirunnar í október segja allt sem segja þarf um það myrkur sem hefur fengið að skjóta rótum í hinum vestræna heimi og kemst óátalið upp með myrkrarverk sín.

""Það er erfitt þegar fólk ger­ir lítið úr kór­ónu­veirunni og seg­ir hana ekki vera neitt meira en flensu, því fyr­ir suma er það ekki þannig. Fyr­ir suma kost­ar þetta lífið. Börn­in mín fá ekki ömmu sína, mamma mín mun aldrei sjá barna­börn­in sín gifta sig."".

Það eru líka íslensk börn í þessari stöðu, það hafa 14 samlandar okkar látist vegna hins stöðuga nags gegn sóttvörnum þjóðarinnar, það munaði þremur dögum að þetta fólk hefði lifað, baráttan við myrkrið innan Sjálfstæðisflokksins stóð hins vegar yfir í nokkrar vikur áður en flokkurinn gaf eftir og samþykkti lokun landamæranna nema skimað væri 2 og 5 daga sóttkví þar á milli.

 

Og þetta fólk hefur ekkert lært, við sáum það á fréttum gærdagsins, þar sem hægri öfginn á ritstjórn Morgunblaðsins gerði það að aðalfrétt að fólkið sem berst fyrir ótímabærum dauða samlanda okkar, hélt símafund með þekktum vísindamönnum sem hafa lagt til uppgjöf gagnvart veirunni, að henni sé leyft að grassera og drepa þar til hjarðónæmi er náð. 

Milljónir munu óhjákvæmilega falla, tugmilljónir veiklast illa um langa framtíð sbr."Lingering symptoms like weakness, shortness of breath, trouble focusing and, in some cases, kidney and heart problems are much more common after COVID-19 than after influenza.".

En svo svört er sálin ekki hjá þessum vísindamönnum að þeir líki kovid við flensu, þeir viðurkenna alvarleik veirunnar; "Við vitum að dánarlíkur af COVID-19 eru meira en þúsundfalt hærri hjá öldruðum og veikum en ungu fólki"( þýðing Þorsteinn Siglaugsson).

 

Það eru rök að baki tillögum Barrington hópsins sem ekki verða rakin hér, en það sem knýr andófið gegn innlendum sóttvörnum er sú einfalda viðleitni að opna landamærin, og afnema strangar fjöldatakmarkanir sem og að leyfa alla starfsemi í samfélaginu.

Með þekktum afleiðingum hér, dauða líkt og reyndin um alla Evrópu og Bandaríkin.

Sé einhver efi þá var honum eytt í viðtali Morgunblaðsins við opinberan talsmenn þeirra þingmanna Sjálfstæðisflokksins sem standa í andófinu gegn sóttvörnum,  Sigríði Andersen.  Hún er ekki að eyða kröftum sínum að tala máli Barrington leiðarinnar, heldur að halda á lofti gömlum og nýjum rökum hennar gegn sóttvörnum þjóðarinnar.

Síðasti pistill er tengdur því viðtali, en gott að taka nokkur brot til upprifjunar.

 "Hvert ein­asta ár skap­ast neyðarástand á Land­spít­al­an­um út af in­flú­ensu og ýms­um kvill­um. Við höf­um séð, ef marka má orð sér­fræðinga, að fólk veikist minna þótt fleiri smit grein­ist.".

Inflúensa og ýmsir kvillar, vissulega hafa þeir reynt á Landspítalann en það deyja ekki 14 sjúklingar þó fólk með inflúensu mæti í vinnuna, alvarleiki veirunnar er sá að hún er bráðsmitandi, og það þarf ekki nema eitt smit, og margir geta fallið vegna þess.

 

"Þess vegna er svo skrítið að menn hafi gefið í í þess­um sótt­varnaaðgerðum þegar líður á far­ald­ur­inn og þegar það er al­veg ljóst að menn eru að veikj­ast minna og höndla far­ald­ur­inn bet­ur. Þá er gripið til harðari aðgerða. Það þarf að út­skýra það.".

Það berast stanslausar fréttir af hertum sóttvarnaraðgerðum um alla Evrópu sem og Bandaríkjunum. Nú þegar er dánartölur í veldisvexti í mörgum löndum. Sem þýðir á mannamáli að ef aðgerðir eru ekki hertar á þann hátt að gripið er til samfélagslegra lokana, þá hrynja heilbrigðiskerfin, og sinna hvorki veikum kóvid sjúklingum eða öðru illa veiku fólki. Ástand sem kallaðist mannfall hér á árum áður.

 

"Ég hef ekk­ert legið á mín­um skoðunum og þetta er ákveðin leið sem ég tala fyr­ir og óska eft­ir skýr­ing­um frá yf­ir­völd­um. Af hverju fara menn þessa leið? spyr Sig­ríður og bæt­ir við að sín leið sé lík­ari margtugg­inni sænskri leið, sem sótt­varna­lækn­ir hafi upp­haf­lega viljað feta."

Svíar eru með margföld dauðsföll miðað við íbúafjölda en önnur Norðurlönd, hér hefðu 200 manns látist ef árangur okkar væri sá sami.

Hver berst fyrir þessu??

Í alvöru talað.

 

Það er hins vegar rétt að læknavísindin ráða betur við að meðhöndla lungnapestina sem dregur flesta kóvid sjúklinga til dauða.

Og hver dagur sem líður mun bæta við þá þekkingu.

Eins eru nothæf bóluefni á lokastigi þróunar, þar hafa lyfjafyrirtæki með samhentu átaki gert kraftaverk.

 

Ekki innan svo langs tíma eigum við til meðöl, tæki og tól ráða við þessa farsótt, og þá er hægt að opna landamæri, slaka á sóttvörnum, og taka slaginn við þau tilvik sem óhjákvæmileg blossa alltaf upp.

Það væri mjög sorglegt að myrkrið hefði áður náð að naga það mikið undan sóttvörnum þjóðarinnar að veiran fengi frelsi til að stuðla að ótímabæru andláti samlanda okkar.

Hefði því tekist ætlunarverk sitt í vor, þá hefðu fleiri fallið en þeir 14 sem féllu á Landakoti ef svipuð hópsýking hefði komið þá upp.  Vegna þess að þá vissu menn ekki eins mikið, gátu ekki bjargað lífi eins margra.

Hefðu landamærin haldið í sumar, og þessir 14 samlandar okkar væru á lífi, en nagið hefði til dæmis brotið niður sóttvarnir í byrjun næsta árs, þá er líklegt að færri hefðu fallið þá svipuð sýking kæmi upp, enn og aftur þökk sé framförum.

 

Við eigum læknavísindunum, jafnt þekkingu þeirra á sóttvörnum sem og þekkingu þeirra að glíma við banvæna vírussjúkdóma, því að þakka að þúsundir landa okkar, líklegast talið í einhverjum tug, dóu ekki á fyrstu mánuðum kóvid faraldursins.

Í Evrópu má tala um milljónir, um allan heim ennþá fleiri milljónir.

Þekking vísindanna er ekki fullkomin, en samt sú besta sem við höfum.

Þetta er fólkið sem varaði við ótímabæri opnun landamæranna í byrjun sumar, öll þeirra varnaðarorð hafa gengið eftir.

Þetta er fólkið sem leiðbeinir okkur í dag, út frá sínu besta viti og þekkingu.

 

Og það væri ákaflega heimskulegt að hætta að hlusta á það.

Það var gert í sumar og haust um alla Evrópu, þar hafði nagið gegn sóttvörnum betur.

Afleiðingarnar eru líka þekktar, heilbrigðiskerfi á þolmörkum, dánartölur víða í veldisvexti, annars staðar í stöðugum vexti því smitið er ekki ennþá óviðráðanlegt, og ekki hvað síst, alls staðar er verið að loka.

 

Maður hlýtur að spyrja sig, af hverju dúkkar þessi umræða upp aftur og aftur??

Hvað gengur fólki til??

 

Og ekki hvað síst, af hverju kemst það upp með það??

Kveðja að austan.

 

Hverjir áttu að deyja??

 

Það er athyglisvert að þingmaður Sjálfstæðisflokksins og fyrrum ráðherra flokksins skuli gráta að íslensk stjórnvöld skuli ekki hafa fylgt hinni svokölluðu sænsku leið í sóttvörnum sínum.

Ef við hefðum fylgt fordæmi þeirra þá væru núna um 200 manns látnir úr veirunni, en ekki þeir 25 sem þegar hafa fallið.

Og þá miðað við þá forsendu að veiran hefði verið jafn lítið smitandi hérna líkt og hún var í Svíþjóð.

 

Það vill svo til að fólkið sem barðist gegn lokun landamæranna í sumar tókst að fresta lokun þeirra um hátt í hálfan mánuð eftir ljóst var að landamærin héldu ekki með einni skimun.

Hefðu heilbrigðisyfirvöldum borið gæfu til að loka landinu viku fyrr, þá værum við frjáls þjóð, laus að mestu við veiruna, mannlíf gengi hér nokkurn veginn eðlilega líkt og á Nýja Sjálandi eða Taivan, sem eru dæmi um lönd sem taka slaginn á landamærum sínum, en sleppi veiran í gegn, þá er barist gegn henni af fullum þunga þar til að öll smit eru uppræt.

 

Og 14 samlandar okkar, eldri borgarar sem áttu það inni hjá þjóð sinni að njóta öryggi á ævikvöldi sínu, væru á lífi.

Við þekkjum nöfn þeirra, fólkið sem dó vegna þess að illkynja æxli fékk að grafa undan sóttvörnum þjóðarinnar.

Illkynja æxli sem grætur það að fleiri hafi ekki dáið, eins slæmt og maður hefði haldið að dánartalan væri 73 af milljón, þá telur það eftirsóknarverðara að hún hefði verið 609 per milljón, og fer hækkandi hjá hinni norrænu bræðraþjóð okkar.

 

Sjónarmið vissulega.

Hlýtur að vera, annars væri formaður Sjálfstæðisflokksins ekki að mæra þessar raddir, þessi sjónarmið, þó því sé alltaf bætt við að hann og flokkurinn styðji núverandi sóttvarnir.

Samt, það þarf að gæta meðalhófs, og var það ekki það sem Svíarnir gerðu??

 

Sem Svíarnir gerðu reyndar ekki, þeir gripu bara seint og illa inní faraldurinn, ekki fyrr en hann hafði fellt fleiri en höfðu fallið í landinu í rúma öld eða frá hungursneyðinni miklu sem hrakti hundruð þúsunda Svía úr landi til Ameríku að leit að betra lífi.

Það voru sóttvarnir í Svíþjóð, og það harðar.

Blessaður hann bróðir minn sem á heima þar, mátti aðeins fara 2 kílómetra að heiman í sumarfríi sínu.  Það var lokað á allar heimsóknir á hjúkrunarheimili langt fram á sumar, og svo framvegis.

Og það dóu þrefalt fleiri í Svíþjóð en á hinum Norðurlöndum til samans.

 

"Sig­ríður Á. And­er­sen, þingmaður Sjálf­stæðis­flokks­ins, vill að hér á landi séu sótt­varnaaðgerðir frek­ar í ætt við þær í Svíþjóð og seg­ir það hafa verið svo hér þegar kór­ónu­veir­an steig fyrst á land. „Þess vegna er svo skrítið að menn hafi gefið í í þess­um sótt­varnaaðgerðum þegar líður á far­ald­ur­inn,“ seg­ir Sig­ríður í sam­tali við mbl.is."

Já, það er ekki öll vitleysan eins.

Eina landið þar sem stjórnvöld með slóðaskap sínum drápu þúsundir samlanda sinna, er fyrirmynd einhverra þingmanna í Sjálfstæðisflokknum þó aðeins einn sé það kjarkmikill að koma þeirri hugsun í orð á opinberum vettvangi.

Hinir bara naga bak við tjöldin.

 

Kjark ber að virða, en aumur er hann samt ef ekki er farið alla leið og sagt hverjir lifa í dag sem áttu að deyja í vor.

Og hverjir eiga síðan að deyja í haust og vetur fyrst barist er fyrir opnum tjöldum gegn sóttvörnum þjóðarinnar og hvatt til sænsku drápsleiðarinnar??

Það er ekki endalaust hægt að fela sig á bak við tölfræðina, þegar sú tölfræði fjallar um dauðann, og kvartað er yfir að "gefið er í" svo þeir sem hefðu dáið, fengju að lifa.

 

Svo ég spyr þessa þingmenn Sjálfstæðisflokksins.

Hverjir áttu að deyja.

 

Og ég hvet aðra til að spyrja þess sama.

Kveðja að austan.

 

Viðbót.

Eftir að ég henti inn þessum pistli þá varð mér hugsað til þessarar fullyrðingar Sigríðar; "Hvað með þá sem fá veiruna og virðast lengi glíma við eftir­köst henn­ar? „Það eru ein­hver dæmi um slíkt. Sér­fræðing­ar segja mér að það komi eng­um á óvart en það er ein­kenni á svona veir­um. In­flú­ens­ur hafi líka þess­ar af­leiðing­ar en sér­fræðing­ur benti á að þetta væri ekki í meira mæli vegna Covid en annarra veiru­sýk­inga,“ seg­ir Sig­ríður." og ákvað að spyrja Gúgla frænda um þessa fullyrðingu hennar.

Gúgli vísaði mér á grein Johns Hopkins skólans, þessi þarna sem heldur svo vel utan um Kóvid tölfræðina og þar er þessari spurningu blaðamanns Mbl.is svarað á annan hátt;

"Are there long-term health effects of the flu? How do they compare to increasing evidence about long-term health effects of COVID-19?

This is another area where the two viruses differ. COVID-19 survivors report many more long-term effects of the infection than influenza survivors. Lingering symptoms like weakness, shortness of breath, trouble focusing and, in some cases, kidney and heart problems are much more common after COVID-19 than after influenza. “Mild” COVID-19 illness has been described as “flu-like.” It’s important to remember that the flu is a pretty debilitating disease so “mild” COVID-19 is still a pretty significant disease. ".

Ekki beint sama svarið og það er lélegt hjá blaðamanni Morgunblaðsins að láta þingmann komast upp með annað eins þvaður þegar dauðans alvara er undir.

Eiginlega bara svona fúsk vinnubrögð.

Ég ákvað því að birta greinina í heild sinni í athugasemdarkerfinu, vona að hún peistist þolanlega.

Þarna er staðreyndum haldið til haga eftir þeirri bestu þekkingu sem við höfum í dag.

„Af hverju fara menn þessa leið?“