Hvaða sjúkleiki hefur grafið um sig.

 

Þegar sóttvarnarglæpamenn komast upp með það sem lýst er í þessari frétt.

Sem er svo ill að hægri öfginn á Morgunblaðinu hefur ekki náð að þagga niður í blaðamanninum sem skrifaði fréttina, og ólíklegt er að hún verði fóður í Reykjavíkurbréf sem fjallar um meinleysi kóvid veirunnar.

 

Og þá hlustum við á sóttvarnarlækni sem segist ekki  hafa kynnt sér málavexti, og geti ekki tjáð sig um þá illmennsku að veikir sjómenn hafi verið neyddir til að standa vaktir, og sóttvarnaglæpamenn í landi hafi komist upp með að hundsa beiðni sóttvarnaryfirvalda að keyra í land.

Hver eru ítök hægri öfganna innan ríkisstjórnar Íslands, hvert er hið daglega nag sem fær Þórólf Guðnason til að bregðast algjörlega skyldum sínum sem sóttvarnarlæknis þjóðarinnar, sem manneskju sem ærlegt fólk ól upp.

 

Það er ekkert fyndið við þessa frétt.

Mannvonskan drap engan, en öllum er hollt að lesa nýlega frétt á Mbl.is um alvarleik veirunnar;

"Ut­an­rík­is­ráðherra Belg­íu, Sophie Wil­mes, hef­ur verið lögð inn á gjör­gæslu­deild fár­veik af kór­ónu­veirunni. Wil­mes, sem er 45 ára göm­ul, greind­ist með Covid-19 í síðustu viku og hef­ur verið í ein­angr­un síðan. Henni elnaði sótt­in og í gær­kvöldi var hún lögð inn á gjör­gæslu­deild sjúkra­húss í Brus­sel.".

Fjörtíu og fimm ára gömul manneskja elnaði svo sóttin á innan við sólarhring bjargaði það lífi hennar að vera lögð inná gjörgæslu.

 

Hvaða gjörgæsla var í boði fyrir skipverja Júlíusar Geirmundssonar ef þeim hefði elnað sóttin??

Og ef Þórólfur Guðnason getur ekki bent á það, þá er hann ekki starfi sínu vaxinn.

Ef sóttin hefði elnað, þá væri hann að réttlæta morð.

 

Við hin, meirihluti þjóðarinnar sem er ekki siðblindur, ekki hægri öfgi líkt og ritstjórn Morgunblaðsins, Fréttablaðsins eða hluti af þingflokki Sjálfstæðisflokksins, og nær inní ríkisstjórn þjóðarinnar, eigum að spyrja okkur, hvað beygði Þórólf svo að hann hefur ekki kjark og dug að mæta sóttvarnarglæpamönnum, og gera kröfu um tafarlaust varðhald öðrum til viðvörunar.

Það er vitað að stjórnendur Gunnvarar eru hugmyndafræðilega úr ranni hægri öfga, fjármagna slík viðhorf innan Sjálfstæðisflokksins.  Jafnvel ráðherra ef út í það er farið.

En að því gegndu, að þeir hafi ekki leigumorðingja á starfsmannalista sínum, þá eru viðbrögð Þórólfs og sóttvarnaryfirvalda með öllu óskiljanleg.

Munum að glæpahyski kemst aðeins upp með glæpi sína ef það getur mútað réttarkerfinu til að horfa í hina áttina.

 

Það er líka vitað að hægri öfgar innan Sjálfstæðisflokksins undir forystu Sigríðar Andersen hafa leynt og ljóst grafið undan sóttvörnum þjóðarinnar, með þeim beina árangri sem við upplifum sem þriðju bylgju kóvid í dag.

Líkleg skýring er bandalag Guðlaugs Þórs við þessi öfgaöfl.

 

Eftir stendur samskipti Þórólfs Guðnasonar eða Ölmu landlæknis við þessi öfgaöfl.

Hverju hefur þurft að fórna til að gera þó eitthvað að viti.

 

Það rífst enginn um það að það voru mistök hjá Þórólfi að ráðast á lækna Landsspítalans sem vöruðu við opnum landamæranna í vor, og öllum er ljóst að fagmaður sem hefði ekki þurft að taka tillit til hægri öfga innan ríkisstjórnar Íslands, hefði lokað miklu fyrr á lekann á landamærunum, þegar ljóst var að sóttkví og seinni skimun var nauðsynleg.

Hægri öfgarnir og nag þeirra skýra líka af hverju Þórólfur virkaði stjarfur af streitu þegar þriðja bylgjan sprakk út, og gerði allt of seint, með þekktum afleiðingum.

 

En hversu hræddur sem Þórólfur er, og kúgaður af hægri öfgum innan ríkisstjórnar Íslands, þá réttlætir ekkert viðbrögð hans gagnvar sóttvarnarglæpamönnunum sem gera Júlíus Geirmundsson út.

Hann hefði verið margflengdur á Eskifirði í gamla daga þar sem hann ólst upp, mannleysa sem lætur óhæfu viðgangast, hefur aldrei verið norm í sjávarbyggðum landsins.

Þegar ég pistla inn þessi orð, þá hlusta ég á óhugnanlegar lýsingar skipverja á Júlíusi, sem jafnvel hið aumkunarverða fólk sem starfar á fréttastofu Rúv, gat ekki þagað yfir, þó tengslin við almannatengil hinna þröngu sérhagsmuna sem fóðra og fjármagna hægri öfganna sem naga niður sóttvarnir þjóðarinnar, seú sterkari en nokkur þráður.

 

Hvað er að??

Af hverju er ekki búið að handtaka þá sem ábyrgðina bera??

ER mannvonskan stikkfrí vegna þess að hún á sér ekki hliðstæðu í áður þekktum glæpum?

 

Til hvers eru sóttvarnir, til hvers eru sóttvarnalög, ef illmenni geta brotið svona gróflega gegn þeim.

Hundsað þau, látið eins og þeir séu ríki í ríkinu.

 

Svarið við þessari spurningu vita allir.

Þetta er ekki líðandi.

Ekki nema hjá sóttvarnaryfirvöldum sem eru undir hæl hægri öfga í Sjálfstæðisflokknum og formaður flokksins er slík mannleysa að mæta ekki þessu liði.

 

Guð og gæfan forðaði þessu ógæfufólki frá því að drepa ekki skipverja á Júlíus Geirmundssyni.

Guð og gæfan eru ekki hluti af flokkseigandafélaginu fyrir vestan.

Guð og gæfan er ekki hluti af þeim sjúkleika sem bregst ekki við.

 

Það má vera að sóttvarnarglæpamennirnir telji sig komast upp með glæpsamlega hegðun sína því þeir eiga Sjálfstæðisflokkinn í Norðurlandi Vestra.

Þeir séu hluti af því fjármagni sem Bjarni þorir ekki gegn þó skylda hans sem leiðtoga sé að þagga niður í þessum hagsmunum sem fjármagna aðförina að sóttvörnum þjóðarinnar.

Og að ægivald þeirra sé svo mikið að þeir séu ósnertanlegir, ríki í ríkinu sem engu þarf að lúta nema þeirri eigin græðgi.

 

Það afsakar samt ekki Þórólf, Ölmu eða Víði.

Þeim var treyst.

Þau brugðust því trausti.

 

"Ég get ekki lengur lesið þessa lygi" sagði ungur fréttaþulur Rúmenska sjónvarpsins eftir að þjóðin reis upp, sú sannfæring kostaði hana tafarlausa aftöku.

En orð hennar afhjúpuðu ekki lygi einræðisafla, heldur líka hvað fólst í því að vera manneskja á Ögurstundu.

 

Eitthvað sem þremenningarnir þyrftu virkilega að íhuga.

Lögreglustjórar landsins eiga flestir hægri öfgum frama sinn að þakka.

Þeir takast ekki á við æxlið sem hefur grafið um sig.

Þeir eru innst inni hluti af naginu sem hefur grafið undan sóttvörnum þjóðarinnar.

 

En að aðrir skulu þegja, eða afsaka sig með vanþekkingu að algjörum skorti á siðferðislegri afstöðu.

Það verður ekki skýrt með ítökum hægri öfga.

 

Þau fengu próf.

Og þau féllu á því.

 

Fall þeirra þarf samt ekki að þurfa að vera okkar fall.

Kveðja að austan.

„Haldið nauðugum og veikum við vinnu“

Seinni bylgjan ekki jafn banvæn.

 

Herma fréttir frá Bretlandi og yrði örugglega staðfest af íslenskum læknum og víðar.

Stórkostlegar fréttir sem sanna hve mikilvægt er að halda haus og verjast banvænum veirum á fyrstu stigum útbreiðslu þeirra.

Ef það er ekki gert líkt og reyndin var í Svíþjóð, þá deyja margir sem annars hefðu lifað vegna aukinnar þekkingar og tækni til takast á við hinn óþekkta sjúkdóm.

 

Þess vegna er siðleysið þeirra sem þenja lúðra og berja trommur hér í netheimum, og hvetja til sænsku leiðarinnar, ótrúlegt, í raun er verið að hvetja til morða.

Og það á að varða við hegningarlög þegar fjölmiðlar eða einstaka stjórnmálamenn hvetja til að sóttvörnum sé aflétt og veiran fái að ganga laus þar til eitthvað meint harðónæmi hefur náðst.

Ef það hefði gengið eftir, þá væri það í raun ósköp svipað og að eitra vatnsból, drepur ekki alla en drepur vissulega suma.

Ef við værum alvöru þjóð, stjórnað af alvöru fólki, þá væri hluti af ritstjórn Morgunblaðsins og Fréttablaðsins núna teljandi doppur á flísum í ákveðinni byggingu á Hólmsheiðinni, og það væri hafin lögreglurannsókn á áhrifum hægri öfganna í Sjálfstæðisflokknum á sóttvarnir þjóðarinnar, hvort fjárhagsleg tengsl skýrðu andófið, jafnvel hvort það væri tengsl við öfgaöfl í öðrum löndum.

Ef menn þola ekki nýnasistana þá eiga menn ekki að þola þetta og það er ósköp lítill munur á fólki sem hvetur ungt fólk til að afhausa kennara út á götu í nafni trúar, eða berjast fyrir frelsi drepsóttar sem er vitað er mjög banvæn fyrir ákveðna þjóðfélagshópa.

 

Dánartíðni lækkar með aukinn þekkingu.

En það segir ekkert til um hvernig veiran muni haga sér í þessari seinni bylgju, það var seinni bylgjan sem drap flesta í spænsku veikinni, og það virðist vera að ef það er nóg framboð af veirunni þegar fólk sýkist, þá aukast líkurnar á að hún komist framhjá ónæmiskerfinu og valdi þá þessum lífshættulegu sjúkdómum.

Og til þess að það sé hægt að lækna fólk, þá þarf heilbrigðiskerfið að vara starfshæft.

Það mega ekki of margir smitast á sama tíma og veiran má ekki verða það útbreidd að heilbrigðisfólkið veikist og geti ekki sinnt störfum sínum.

 

Því dánartíðin er ekki að lækna vegna þess að veiran er friðsamari, heldur vegna þess að læknavísindin vita meira um hana og hvernig hún bregst við einstökum lyfjum við ákveðnar aðstæður.

Það þarf að ítreka þetta því raddir dauðans munu örugglega snúa þessar frétt á hvolf líkt og þær hafa gert frá upphafi faraldursins.

Munum, sóttvarnir virka, þess vegna eru þær óþarfar.  Eða smit eru ennþá svo fá, þess vegna þarf ekki að grípa inní smitleiðir veirunnar.  En slíkt er aðeins gert fyrirfram en ekki eftir á.

 

Lækning mun finnast.

Bólusetningar munu virka.

Einn daginn er þetta búið.

 

Ef við höldum haus, og hlustum ekki á Raddir dauðans.

Þá munu margir deyja sem annars hefðu lifað.

 

Og það vill enginn.

Kveðja að austan.

Seinni bylgjan ekki jafn banvæn í Bretlandi

Skynsamleg svör ráðherra.

 

Skynsamleg nálgun því það er til lítils að þróa sóttvarnir um hvað gengur og hvað gengur ekki, ef svo öllu er bara lokað vegna einhvers sem gekk ekki.

Gamla góða hóprefsingin er ekki líkleg til að virka ef sátt á að nást um sóttvarnir.

Það er svo margt sem getur gengið, ef menn leggja sig fram um að láta það ganga.

Kallast lærdómur, það að læra af reynslunni.

 

Það er svo mikilvægt að sem flest svið þjóðfélagsins gangi innan ramma þeirra sóttvarna sem hafa sýnt sig að virki.

Af hverju smitast svo fáir í búðum??

Jú það er vegna þess að menn gæta að fjarlægðarmörkum, starfsfólk er duglegt að sótthreinsa, og grímur geta gert gæfumuninn þar sem erfitt er að koma í veg fyrir mikla nálægð.

 

Lok, lok og læs voru eðlileg viðbrögð í vor en síðan höfum við lært, aflað þekkingar, rekið okkur á hvað gengur, og hvað gengur ekki.

Mikilvægt er að hlusta á þá sem þekkja til viðkomandi starfsemi eða afþreyingar, íþrótta eða annað, ekki hafna hugmyndum að óreyndu.

Fólk á að upplifa vilja til lausna, ekki tregðu kerfishugsunar.

Jafnt í sóttvörnum sem og í beitingu þeirra úrræða sem er í boði til að hjálpa einstaklingum og fyrirtækjum til að lifa kóvid af, fjárhagslega, rekstrarlega.

 

Ef eitthvað má gagnrýna, þá er það að fjölmiðill hafi þurft að kalla eftir þessum svörum og útskýringum.

Rökin áttu að liggja strax fyrir, sem og ákall um samráð útí samfélagið um bæta og þróa sóttvarnir.

Skiptir samt ekki öllu, aðalatriðið er að menn læri og bæti sig.

 

Listamenn segja til dæmis að aðgerðir stjórnvalda séu ekki nógu markvissar, að kerfishugsun flækist fyrir.

Hví í fjandanum var það ekki lagað strax í fyrradag??

Hvað á það að fyrirstilla að svona mál séu ekki rædd í öllum fréttatímum ríkisfjölmiðils okkar, á Alþingi, innan ríkisstjórnarinnar og svo framvegis??

 

Það er þetta sem við eigum að hugsa um, það er þetta sem við eigum að ræða.

Stríðið við veiruna og hvernig við ætlum að sigra hana.

Þannig að við séum öll lifandi, hress og kát, svona eins og hægt er á dauðans alvöru tímum.

 

Ef það er rétt að sjálfsmorðsbylgja hafi gengi yfir, af hverju er ekki brugðist við??

Fyrir langa löngu síðan, það er svo margt hægt að gera annað en að gera ekki neitt.

Það tekst ekki allt en viljinn skilar miklu, til dæmis lærdómi um það sem betur má gera, þróar nýjar hugmyndir og svo framvegis.

 

Að gera hins vegar ekki neitt er glæpur.

Í alvöru.

 

Aðgerðaleysi, í þessu jafnt sem öðru, er eini glæpurinn.

Að gera ekki nóg, að gera mistök og svo framvegis er aðeins hluti af því ferli sem kallast að takast á við hlutina.

Ferli sem skilar alltaf árangri, stundum fullum ef vel tekst til.

 

Að framkvæma, að upplýsa, að gagnrýna.

Þessi þrenna knýr lærdóms ferli okkar áfram.

Knýr áfram stríðið við veiruna.

 

Þetta hefst allt.

Það er öruggt.

 

Lækning finnst.

Það er öruggt.

 

Erfitt á meðan því stendur.

En okkur var aldrei lofað auðveldu lífi.

Slíkt er aðeins sjálfsblekking þess að hafa verið svo lánsöm að búa í landi þar sem stríð og sjúkdómar hafa haldið sig fjarri í áratugi.

En þeim mun sætari verður ávöxtur sigursins þegar hans verður loksins neytt þegar þetta allt er afstaðið.

 

Þó það verði aðeins augnablik áður en nýjar áskoranir taka við.

Þá er það þess virði.

Kveðja að austan.

Starfsemi sem leiddi til hundraða smita óheimil

Stjórnmálamenn hagræddu.

 

Eftir hugmyndafræði frjálshyggjunnar sem gekk þvert á flokka, þar er enginn undanskilinn þegar á reyndi þó annað væri sagt á meðan gistiskýli stjórnarandstöðunnar voru nýtt.

 

Hagræddu þvert á aðvaranir sérfræðinga, lækna og annarra sem höfðu þekkingu á málaflokknum og sögðu, að á meðan það er ekki samþykkt að aflífa eldra fólk, þá þarf það einhvers staðar að vera.

Óhjákvæmileg afleiðing þess að loka spítölum eins og Landakoti eða Sankti Jósefs yrði að Landspítalinn myndi yfirfyllast af eldra fólki sem ætti hvergi skjól eftir læknisaðgerðir.

 

Nei sögðu stjórnmálamenn, Exelinn hefur sagt okkur annað.

 

Núna á kovid tímum er ekki lengur hægt að lifa með lyginni, mistök voru gerð, og þau mistök þarf að leiðrétta.

Til þess er einkaframtakið tilbúið að því gefnu að samfélagið borgi reikninginn.

Þá með peningum sem fundust ekki þegar opinbera kerfið var skorið við trog.

 

Kaldhæðnin er að þeir sem aðhyllast hugmyndafræði andskotans og stóðu fyrir hinum heimskulega niðurskurði á sínum tíma, og höfðu þá ekki kjark til að segja; hagkvæmast er að aflífa fólk við ákveðinn aldur.

Hafa núna fundið þann kjark.

 

Nema þeir tala um hjarðónæmi.

Strax.

Annað er svo dýrt.

 

Já, helv. mennskan hún kostar.

Þá er nú villimennskan ódýrari.

 

Eða þannig.

Kveðja að austan.

Framtíðarsýn þarf á stækkandi vanda

Vel mælt hjá ASÍ.

 

Af sem áður var þegar sambandið studdi hrægamma í aðför að heimilum landsins.

Að ekki sé minnst á beinan stuðning við fjárkúgun breta kennda við ICEsave.

 

Á Ítalíu hefði ASÍ þá verið skilgreint sem glæpasamtök og lagt niður ásamt Samfylkingunni, líkt og flokkarnir sem höfðu stjórnað Ítalíu frá stríðslokum, kristilegir demókratar og sósíaldemókratar.

Sbr. að sá sem vinnur fyrir glæpasamtök á ekki tilverurétt í lýðræðisþjóðfélagi.

 

Þess vegna ber að fagna þessum orðum ASÍ.

"... að stjórn­völd beiti rík­is­fjár­mál­um í þágu al­manna­hags­muna og tryggi með aðgerðum sín­um að krepp­an af völd­um Covid-19 skerði ekki af­komu- og hús­næðis­ör­yggi al­menn­ings. Dregið verði úr at­vinnu­leysi og komið í veg fyr­ir lang­tíma­at­vinnu­leysi.

Þing ASÍ krefst þess jafn­framt að grunn­atvinnu­leys­is­bæt­ur verði hækkaðar þegar í stað til sam­ræm­is við þróun lægstu launa og að þak vegna tekju­teng­ing­ar lág- og milli­tekju­fólks verði hækkað. Þá verði bóta­tíma­bilið lengt úr 30 í 36 mánuði.

Sam­hliða verði tryggt að þau heim­ili sem lenda í tekju­sam­drætti vegna lækk­un­ar tekna eða at­vinnu­leys­is kom­ist í greiðslu­skjól og þannig komið í veg fyr­ir skulda­vanda til fram­búðar.

Þing ASÍ árétt­ar að ákv­arðanir sem tekn­ar eru á kreppu­tím­um geta haft úr­slita­áhrif til framtíðar. Þær geta sagt til um af­komu- og skulda­vanda til ára og jafn­vel ára­tuga; þær geta auka ójöfnuð en þær geta einnig, ef rétt er á haldið, dregið úr ójöfnuði. ".

 

En um leið ítreka að ASÍ þegir um það sem öllu máli skiptir gagnvart heimilum landsins sem og smáfyrirtækjum sem eru á ábyrgð okkar hinna almennu, venjulegu borgara þessa lands.

Sem er óeðlið að verðtryggingin mælir verðbreytingar vegna heimsfaraldurs vírusar sem hefur ekkert með verðbólgu að gera.

 

Af hverju þegir ASÍ um þetta lykilatriði sem snertir öll þau markmið sem talin eru upp í ályktun sambandsins.

Hvaða goð eru stærri en heimili landsins??

 

Sú spurning krefst svars.

Kveðja að austan.

Kreppan skerði ekki afkomu- og húsnæðisöryggi

Stormurinn í vatnsglasinu hreyfði við Pírötum.

 

Þeir voru jú búnir að þurrhreinsa allt þetta með iðnaðarsaltið, og fjármagnaða herferðin, úr vasa auðmannanna sem halda úti Fréttablaðinu, um stjórnarskrána, var jú ætluð til að skapa tilbúna vígstöðu fyrir Evrópuflokkana, Viðreisn og Samfylkinguna.

 

Látum vera hægri öfgana í Sjálfstæðisflokknum sem bera beina ábyrgð á núverandi faraldri og hafa valdið þúsundir samlanda okkar óbætanlegu tjóni.

Að ekki sé minnst á þann einbeitta illvilja sem hvetur til fjöldamorða að hætti sænsku fjöldamorðingjanna.

 

Látum það vera að Píratar hafa aldrei sagt eitt eða neitt um eitthvað sem skiptir almenning þess lands máli, á tímum þar sem hann hefur mátt sæta ítrekuðum árásum illviljaðra fjármálaafla sem nýttu sér fjármálahrunið 2008 til að valda áður fáheyrðum hörmungum meðal almennings í nútíma samfélagi.

Reyndar þarf ekki að fara aftur til 30 ára stríðsins  á 17. öld til að finna sambærilegar hörmungar, þökk sé illmennum nasista sem léku samfélög Póllands, Úkraínu og Hvíta Rússlands grátt.

En andófsafl sem þegir allan tíma getur aldrei verið neitt annað en fjármagnað viðrini þess eina hlutverks að hlutlausa andspyrnu almennings, að gera hana máttvana svo voðaverkin leiði ekki til mótspyrnu, jafnvel uppreisnar.

 

Enginn rífst um að Píratar hafa staðið sig vel í þessu hlutverki.

En núna er kóvid.

Sem sækir að almenningi, bæði grafa hægri öfgar undan sóttvörnum, sem og að mótspyrna ríkisstjórnarinnar til að hjálpa og aðstoða samborgara okkar sem farsóttin sem og sóttvarnir léku grátt, hafa engan veginn dugað, þó vissulega sé margt miklu betra en verra, og í raun vilji til að gera betur.

 

Gera betur!!.

Þá tóku viðrinin við sér.

Fundu sinn vígvöll.

Mynd af lögreglukonu frá 2018.

 

Smán allra sem koma að þessum viðrinishætti er algjör.

Þarf ekki dauðans alvöru tíma kóvid til.

 

Þetta er svo lágt.

Þetta er svo aumt.

 

En aumast er að til er fólk sem tengir viðrinin við Andóf.

Smán þess er algjör.

Kveðja að austan.

„Finnst þetta mjög leiðinlegt“

Hvenær verðum við næsta Írland??

 

Þurfum að loka öllu vegna þess að okkur skorti kjark til að grípa til nauðsynlegra aðgerða í tíma.

Loka á smitleiðir á meðan veiran hafði ekki náð að grafa djúpt um sig í samfélaginu.

Vegna þess að það var hlustað á vanvita sem töldu sig geta rifist um staðreyndir.

 

"Á þeim tíma sagði vara­for­sæt­is­ráðherra lands­ins, Leo Vara­dk­ar, að til­mæli sótt­varna­lækn­is um að loka land­inu í fjór­ar vik­ur væru ekki nægj­an­lega út­hugsuð. Nú er það mat rík­is­stjórn­ar­inn­ar að nauðsyn­legt sé að loka öllu í sex vik­ur til að verja lands­menn.".

 

Fjórar vikur hefðu dugað en stjórnmálamenn töldu sig vita betur.

Núna þarf sex og enginn veit um árangurinn því svo mörgum smitleiðum er haldið opnum.

Það á að verja jólin en þá hefðu menn átt að hlusta fyrr.

 

Hér var landið opnað fyrir innflutning á smiti því stjórnmálamenn töldu sig vita betur.

Og því var ekki lokað í tíma því stjórnmálamenn töldu sig vita betur.

Samt virtist þetta allt vera á réttri leið, en þá blossað upp ný bylgja þar sem veiran virtist vera öflugri en áður.

 

Þá var ekki gripið inn í á fullum styrk í tíma því stjórnmálamen okkar töldu sig vita betur.

Þess vegna erum við einu level frá því að hér verði öllu lokað, sem er óhjákvæmilegt ef núverandi aðgerðir mistakast.

Og þá eru jólin farin í gin kóvid.

 

Samt voga þessir vanvitar sér að grafa leynt og ljóst undan öllu sem gert er.

Dag og nótt og týna allt til.

Núna síðast gekk Miðflokkurinn á lýðskrumsvagn hægri öfganna sem sækja styrk sinn í hyldýpi myrkursins.

 

Borgarleg réttindi var það heillin.

Þar áður sóttvarnir ekki nógu fyrirsjáanlegar.

Undirliggjandi er síbyljan um að leyfa veirunni að dreifa sér og drepa að vild.

 

Það er nefnilega aur í rjúkandi rústinni.

Þá er hægt að sækja silfrið í kistuna sem geymd er í skattaskjóli og kaupa upp ódýrt.

Heimili, fyrirtæki, eignir.

 

Flestir sem dansa þennan taktfasta Hrunadans geta rifist sína á milli hvort þeir séu frekar fífl en vanvitar, en undirliggjandi er djúpstæður illvilji sem veit hvað hann gerir þegar hann fjármagnar nagið gegn sóttvörnum.

Frelsi veirunnar til að drepa er enn eitt vopnið í vopnabúri hins altæka frelsis auðmanna til að ræna og rupla okkur hin.

Sem og skjaldborgin um frelsið til að siga innheimtulögfræðinga á almenning, frelsi verðtryggingarinnar til að mæla hamfarir sem verðbólgu, samofið frelsinu til að leggja niður störf og flytja þau í þrælabúðir globalsins, eða frelsinu til að flytja fjármagn úr landi án þess að greiða að því sanngjarnt gjald til samfélagsins.

 

Þetta fólk veit hvað það er að gera.

Það er vissulega siðlaust, sálarlaust, en það er ekki vitlaust.

Allt á sér tilgang, líka nagið gegn sóttvörnum.

 

En það er okkar að hindra að leppar þess og skreppar í stjórnmálum taki af okkur jólin.

Hindra að nag þess skilji það margar leiðir opnar fyrir veiruna að dreifa úr sér, að lok lok og læs er óhjákvæmilega næst skref.

 

Heilbrigðisyfirvöld eru á réttri leið.

Það má vissulega deila um útfærslu, en ef vel er fylgst með glufum, til dæmis með markvissum sýnatökum, þá er hægt að fylla uppí þær jafn óðum og ljóst er að þær leka smiti.

Það er líka mikilvægt að útfæra sóttvarnir á þann hátt að sem flest gangi að teknu tilliti til að ýtrustu sóttvarna sé gætt.

Í stríði læra menn að takast á við óvininn og þó fátt hafi verið í boði en að grafa sig niður í holur þegar hann fór fyrst að sprengja og drepa, þá þarf ekki svo að vera um aldur og ævi.

 

Sóttvarnaryfirvöld eiga að hafa kjark til að aðlaga sig að breyttum aðstæðum.

Hafa kjark til að nýta sér þekkingu og reynslu sem baráttan fram að þessu hefur skilað.

Lykilatriðið er sveigjanleiki, að bregðast snöggt við ef eitthvað gengur ekki sem var talið ganga.

Þannig næst meiri sátt og samstaða út í samfélaginu og í því liggur lykillinn að árangri.

 

Við þurfum ekki að verða næsta Írland.

Almenningur vill ekki verða næsta Írland.

Almenningur er því tilbúinn að gera það sem þarf.

 

Spilli stjórnmálastéttin fyrir vegna þess að hluti hennar þjónar öðrum en almenningi, þá eru til lög um slíka spillingu.

Skemmdarvargar og hryðjuverkafólk njóta ekki friðhelgi laga.

Sóttvarnaspillar ekki heldur.

 

Það er tími til kominn að stjórnmálastéttin átti sig á því.

Og að það sé hennar að stinga á kýlinu og hreinsa út gröftinn.

 

Annars!!??

Er hún allavega ekki í okkar liði.

 

Það er bara svo.

Kveðja að austan.

Írlandi nánast skellt í lás

"Borgaralegum réttindum er ýtt til hliðar"

 

Sjaldan hef ég verið eins kjaftstopp á ævi minni og lesa þessa frétt þar sem vitnað er í orð þingmanns Miðflokksins.

 

Látum það kjurt liggja að Bergþór Ólason var staðinn að fáheyrðri kvenfyrirlitningu, klámkjaft og sem og er algengara, og fáir geta lýst sig saklausa af, almennu fyllerísröfli, og í raun er staða hans sem þingmanns háð þingsköpum en ekki samþykkt kjósenda Miðflokksins á slíkum viðhorfum, eða annað sem hann var uppvís af á frægum fyllerí sem kennt er við Klausturbar.

Í raun var það röfl gæfa Miðflokksins, tveir af allra hæfustu þingmönnum Alþingis höfðu vistaskipti frá flokki grenja án afleiðinga, yfir í flokk sem hafði vitsmuni til að meta hæfileika þeirra.

 

Látum það kjurt liggja.

En þegar viðkomandi þingmaður, sem greinilega hóflega kann að skammast sín, tekur upp málflutning hægri öfga Sjálfstæðisflokksins, sem bera beina ábyrgð á annari og þriðju bylgju kórónuveirunnar og hafa alla tíð grafið undan sóttvörnum þjóðarinnar, og reynir að toppa Frú Sigríði Andersen, þá er ekki hægt að láta kjurt liggja.

Eða beðist afsökunar á því að á einhverjum tímapunkti sem hægfara miðjumaður hafa talið Miðflokkinn og Sigmund Davíð valkost í íslenskum stjórnmálum.

 

Bergþór hefur ekki vit til neins annars en að vera málpípa.

Að baki liggur Sigmundur sem augljóslega er ekki heill eftir gildruna sem samstarfsmenn hans innan þáverandi ríkisstjórnar lögðu þegjandi samþykki yfir, þó refshætti Helga Seljan væri kennt um.

 

Af öllu því sem afleiðingar heimsfaraldursins bjóða upp á, þá var kosið að reyna að toppa heimsku, mannfyrirlitningu og í raun myrkrið sem hægri öfgar Sjálfstæðisflokksins sækja í.

Hagsmunir kjósenda Miðflokksins, sem sannarlega eru eldri en yngri og margir glíma við undirliggjandi sjúkdóma, eru einskis metnir, svona ef ske kynni að til væru þau fífl og aumkunarverðir siðleysingjar innan Sjálfstæðisflokksins, sem telja hryðjuverk hægri öfganna, sem í raun eru landráð miðað við alvarleik málsins, ekki nægjanleg.

Að ef einhver gengur lengra, þá séu það atkvæði sem hægt er að gera út á.

 

Ef Bergþór Ólason verður þingmaður Miðflokksins á morgun, burtséð frá klámkjafti hans og kvenfyrirlitningu, þá er það skýr og stór áfellisdómur yfir Sigmundi Davíð Gunnlaugssyni, í það minnsta þeim sem fá kaup fyrir að gera hann heilan.

En það mun aldrei afsaka þá mætu þingmenn Ólaf Ísleif og Karl Gauta, samkeppni við hægri öfga, dauða og djöful, að líða það er sama og samþykki.

 

Vissulega er hægt að hlæja og flissa, slá úr og í, spila sig fífl, eða vísa í að ekki séu miklar gáfurnar hjá Pírötum.

Jafnvel sú djúpstæða lágkúra að reyna gera gott úr hægri öfgum, reyna jafnvel að réttlæta þá sem tilbiðja skurðgoð sem ganga gegn kristnum sið.

Svona í trausti þess að Móses hafi verið sá síðasti sem náði virkja eldingar af himnum ofan til að stöðva slíka dauðadýrkun og óáran.

 

Eins og það sé ekki dómur í þessu lífi eða næsta.

Að maður þurfi aldrei að standa ömmu sinni reiknisskil.

 

Það er ekki bara svo.

Og þó þeir sem eiga að vita betur, forherðist og segist að þeir viti ekki betur.

Þá fær það engu breytt um smán þeirra og niðurlægingu.

 

Sem er líka smán og niðurlægingu þeirra sem nýttu atkvæði sitt til að styðja.

Fólk og flokk sem hafði aldrei neitt með hægri öfga að gera.

 

Kannski ekki borgarleg réttindi í húfi, en öll þau réttindi sem felast í að hafa trúað og treyst.

Fólk sem vildi vel og hafði margt gott til málanna að leggja.

 

Ekki fólk sem fyrirleit okkur hin og sagði fullum fetum að ótímabær dauði foreldra okkar, afa og ömmur, vini okkar og ættingja sem voru eldri en yngri, höfðu jafnvel fengið bót sinna mein með lyfjum og lækningum og gat aldrei grunað að illska hægri öfganna teldi það þar með vera réttdrægt, það er ef dauðaveiran kysi að slá skoltum sínum um lífsönd þess.

Slíkt fólk var ekki í framboði fyrir Miðflokkinn.

 

Allavega vissi enginn betur.

Kveðja að austan.

Segir ríkisstjórnina skýla sér bak við þríeykið

Hægt og hljótt náum við tökum á kóvid.

 

Við náum að verja okkur útí samfélaginu, með persónulegum sóttvörnum og með því að virða sóttvarnarreglur.

Við eigum frábæra lækna og hjúkrunarfólk sem eru fljót að læra hvernig best er að glíma við veirusýkinguna með þeim árangri að í dag er fólk lifandi af gjörgæslu, í stað hins óhjákvæmilega mannfalls sem áður var.

Og við eigum sóttvarnaryfirvöld sem halda haus gagnvart nagi fjársterkra hagsmuna og sem njóta stuðnings hægri öfga innan ríkisstjórnar Íslands.

 

Þegar allt leggst á eitt þá fáum við góðar fréttir eins og þessa að innlagnir hafi verið færri en óttast var þegar ljóst var að veiran hafði sloppið laus og það tæki aftur nokkrar vikur að ná stjórn á ástandinu.

Þessar góðu fréttir mun nagið hins vegar örugglega nota til að gera lítið úr alvarleik veirunnar og herða þannig áróður sinn um að nauðsynlegar sóttvarnir séu óþarfar, árangurinn þeirra sanni það.

Eins munu raddir myrkursins um að hvetja til fjöldamorða undir yfirskininu, myndum hjarðónæmi, styrkjast.

 

Í því samhengi eigum við að skilja að hinn góði árangur heilbrigðisstarfsfólks okkar á sér ekki bara þá skýringu að fólk lærir hvaða meðferð hjálpar, heldur líka að álagið hefur aldrei yfirkeyrt afkastagetu þess.

Bæði varðandi þann fjölda sem hægt er að sinna með góðu móti, eða verið það stanslaust að fólk hafi brunnið út og hrunið niður.

Því án lækna og hjúkrunarfólks, er engin umönnun, er engin lækning, aðeins veira sem drepur.

 

Þess vegna er gott að lesa sér til gagns og skilnings þennan feisbókarstatus hjúkrunarfræðings sem stendur í miðri varnarbaráttu okkar.

"Hausverkur, sviti, hálsbólga, nefrennsli, blóðnasir, astmi, þrýstingssár, hálsrígur, síþreyta, svimi ofl ofl eru afleiðingar af því að bera þennan búning. Við höfum þurft að vera svona klædd síðan í ágúst í seinni bylgju faraldrar. Í dag sá ég t.d. varla út um gleraugun fyrir móðu vegna svita. Það gerir blóðtökur sérstaklega erfitt viðureignar og stöndum við í því daglega með alla okkar skjólstæðinga.

Ósk okkar af legudeildum covid er að standa í þessu sem allra styst og því biðla ég til allra um að sinna sóttvörnum, vera heima ef með einkenni og fara í sýnatöku til greiningar. Verið í sóttkví ef þið eigið að vera í sóttkví og verið í einangrun ef þið þurfið þess. Mikið erum við ekki að nenna þessu sem samfélag en mikið meira erum við ekki að nenna að vinna við þessar aðstæður upp á spítala. Hjálpumst að ".

Og meðfylgjandi var mynd af henni í fullum sóttvarnargalla.

 

Það er ekki bara sjúklingar sem hafa náð bata að baki góðu tölunum, heldur líka starfsfólk sem vinnur hörðum höndum við mjög erfið skilyrði.

Sóttvarnir sjá til þess að þau nái að sinna sjúklingum sínum, og þær sjá til þess að þau bugist ekki undan ómennsku álagi.

 

Síðan eigum við að vita og skilja að þekking eykst með hverjum deginum.

Hefðu þeir sem hvetja til fjöldamorða náð sínu fram í vor, þá hefðu miklu fleiri fallið en munu falla í dag.

Nái þeir fram kröfum sínum um að sleppa veirunni lausri í dag, þá munu fleiri falla en hefðu fallið eftir til dæmis 3 mánuði.

Og takist okkur að standa þrýsting þessara ógnarafla fram að lækningu, sem verður, þá verður mannfall af völdum þessarar hættulegustu farsóttar sem mannkyn hefur glímt við frá því að spænska veikin felldi milljónir, í algjör lágmarki miðað við alvarleik hennar.

 

Þetta snýst nefnilega allt um að halda haus.

Og stefna fram á við.

 

Vernda sig og sína.

Komast þannig heill frá svo sómi sé að.

 

Eitthvað sem allt siðað fólk skilur.

Allt siðað fólk styður.

 

Það er bara svo.

Kveðja að austan.

Bjóst við fleiri innlögnum

Er ekki kominn tími á þennan sjálfsbirgingshátt??

 

Svona núna þegar jólin eru undir.

Fótboltasumarið eyðilagt, innanhúsíþróttir í uppnámi, álag á gjörgæslu nálgast hættustig, og þeir sem þurfa á hjálp samfélagsins vegna kóvid hamfaranna, segja að á þá sé ekki hlustað, aðstoð gagnist alltof fáum.

 

Ef Katrín væri þessi leiðtogi sem hún gumar sér af, þá væru ekki ráðherrar í ríkisstjórn hennar sem leynt og ljóst hafa unnið gegn sóttvörnum frá fyrsta degi.

Og þá hefði seinni skimun verið tekin upp strax og ljóst var að landamærin láku.

 

Þá væri ekki kóvid.

Þá yrðu jól.

 

Ekki aðeins mont og sjálfshól.

Kveðja að austan.

Hvað geta önnur lönd lært af Íslandi?