Metfjöldi smita.

 

Samt aðeins þrír á gjörgæslu.

Segir allt sem segja þarf um hve gjörólíkt omikron afbrigðið er fyrri afbrigðum kórónuveirunnar.

 

Samt, samt er reynslan af fyrri afbrigðum skýring þess að núna á að fara mjög varlega í að opna samfélagið á ný.

Samfélag full bólusetts fólks, sem omikron afbrigðið ógnar ekki á nokkurn hátt.

Líklegra er að gjörgæslan tæmist en að þar fjölgi sjúklingum á ný.

 

Ekki skal vera gert lítið úr mönnunarvanda heilbrigðiskerfisins, en sá vandi var landlægur fyrir kóvid, aðeins sértækar aðgerðir sem kalla á aukið fjármagn leysa þann vanda.

Ekkert samhengi er þar á milli og þess að halda fólki í gíslingu sýndarmennsku sóttvarnaraðgerða, nema þær kosta gífurlega fjármuni, fjármuni sem myndu leysa mönnunarvandann fljótt og vel.

 

Nei frekar skal eytt peningum í vitleysu en þar sem þeir koma að gagni.

Það er eins og sóttvarnir séu orðnar að trúarbrögðum, ekki það sem þær eru, tæki til að grípa til á neyðarstundu þegar enga lækningu er að fá, eða faraldur það útbreiddur að heilbrigðiskerfið ræður ekki við álagið.

 

Samt má þakka heilbrigðisráðherra fyrir að slaka strax á miðnætti, í stað þess að taka þrjósku Þórólfs á þetta.

Vonandi hafa menn líka kjark til að flýta afléttingu ef síðasti kóvid sjúklingurinn finnst ekki lengur á Landsspítalanum.

Því seinkun á faraldrinum gerir ekkert annað en að skerða varnir almennings, það er vitað að þriðja sprautan endist ekki nema í nokkra mánuði, og sá tími er að renna út hjá mörgum núna í mars.

 

Síðan eigum við að gera skýlausa kröfu á að stjórnvöld hætti að draga lappirnar og einhendi sér að leysa innri vandamál Landsspítalans, vindi ofan af hinum skaðlegu hagræðingu undanfarinna ára, fjölgi fólki, fjölgi rúmum, hætti að reka spítalann á stanslausu yfirálagi.

Það kemur nefnilega annar kóvid faraldur, það er það eina sem er öruggt í þessu lífi, ásamt því að við eigum eftir að leggja bölvaða Danina í komandi handboltaleikjum.

 

Lífið heldur nefnilega áfram.

Og ein af gjöfum þess að við getum lært af mistökum, lært af reynslunni, og verið viðbúin næsta faraldri.

 

Á þessari stundu er því ekkert annað hægt að segja en;

Áfram Ísland.

 

Kveðja að austan.

Aflétt fyrr ef allt gengur að óskum

Almannavarnir á neyðarstigi.

 

Hvað ætlar hann ekki að setja herlög??

 

En Sigmar er með kjarna málsins;

"Verið er að boða aflétt­ingaráætl­un í rík­is­stjórn á morg­un. Við höf­um ekki enn séð efn­is­atriði henn­ar en þó ligg­ur al­veg fyr­ir afstaða for­manns Sjálf­stæðis­flokks­ins um það að laga­skil­yrði og for­send­ur fyr­ir þeim hörðu tak­mörk­un­um sem enn eru í gildi séu brostn­ar. Ef ekki á að létta þeim strax af þjóðinni, af at­vinnu­fyr­ir­tækj­un­um og fólki sem er í fyr­ir­tækja­rekstri, menn­ing­ar­líf­inu og veit­inga­geir­an­um þá er sú spurn­ing áleit­in hvort hæst­virt rík­is­stjórn sé í raun og veru að viðhalda ástandi sem er ekk­ert annað en lög­brot og brot á grund­vall­ar­rétt­ind­um fólks. Staðan í far­aldr­in­um er allt önn­ur en hún hef­ur verið hingað til. Þetta nýja af­brigði ger­breyt­ir stöðunni,“ sagði Sig­mar.".

 

Þetta er ótækt með öllu og fólkið í stjórn almannavarna er hreinlega ekki hlutverki sínu vaxið ef það viðheldur neyðarástandi vegna veiru sem sannarlega hefur haft þær einu afleiðingar að við töpuðum fyrir Dönum og komumst því ekki í undanúrslitin.

Annars er þetta eins og hver önnur umgangspest, og það í vægari kantinum.

Þökk sé almennum bólusetningum.

 

Það er bara eins og almannavarnir hafi ekki frétt af þeim.

Og stjórnvöld spila með.

 

Vandi spítalans í dag er sá sami og hann var fyrir kóvid.

Algjörlega óviðunandi álag á starfsfólki, álag sem er heimatilbúningur forheimskra stjórnmálamanna sem halda að flatur niðurskurður sé hagræðing.

 

Á þessum vanda þarf að taka.

Og það er ekki gert með samkomutakmörkunum.

 

Ég get svo svarið það.

Kveðja að austan.

Býst við varfærinni afléttingaráætlun

Fyrri afléttingar!!

 

Ef málið væri ekki svona grafalvarlegt, snerti ekki svo marga í samfélagi okkar, sem og allt það sem við köllum daglegt líf, þá gæti maður ekki annað en hlegið.

 

Við erum vitni af Leikhúsi fáránleikans út í Ungverjalandi þar sem fullfrísku leikmönnum Íslands er haldið í stífri einangrun að boði Þórólfs.  Okei, smá ýkjur, en Evrópska handknattleikssambandið fer eftir tillögum stjarfa manna eins og Þórólfs, fólks sem ekki ennþá hefur áttað sig á muninum á fyrri kórónuveirubylgjum og þessari sem við kennum við Omikron.

Öll sem þjóð skiljum við ekki í þessari forheimsku, svo látum við bjóða okkur að fulltrúi hennar hér á Íslandi ætlar að viðhalda henni með minnisblaði sínu.

Líklegast vitna í fyrri bylgjur þar sem veiran var banvæn, og fólk ekki bólusett.

 

Það hefur enginn dáið lengi vegna kórónuveirunnar, fólkið sem skráð er fyrir dauðsföllum vegna hennar, er fólk sem var með veiruna, en dó ekki vegna þess sjúkdóms sem hún veldur.

Vissulega er fólk alvarlega veikt á gjörgæslu vegna hennar, en það er samt talið á fingrum annarrar handar.

Samt geta menn ekki viðurkennt mistök sín, það gönuhlaup að læsa þjóðina inni þegar það átti að aflétta samkomutakmörkunum, jafnvel þó tölfræðin segi það skýrt að það hafi verið mistök, alvarlegum veikindum fækkaði þegar Omikron afbrigðið tók yfir Delta afbrigðið, eitthvað sem var fyrirséð út frá reynslu annarra þjóða sem fengu holskeflu þess fyrr.

 

Þau mistök þarf að leiðrétta.

Fólk undir langvarandi ofurálagi líkt og sóttvarnarlæknir eða landlæknir, má ekki viðhalda helsi þjóðarinnar vegna þess að það getur ekki sagt þá einu setningu sem skiptir máli.

"Heyrðu, ég hafði rangt fyrir mér, leiðréttum það.".

 

Og ef heilbrigðisyfirvöld voga sér að vitna í þessa setning; "reynsla vegna fyrri afléttinga", þá eru þau úti að aka.

Samsek þeirri ákvörðunar sýndarmennskunnar að herða samkomutakmarkanir hjá öllum nema þar sem smitið grasseraði.

Vissulega ákvörðun sem þau tóku sjálf, vegna þess að "eitthvað þurfti að gera", svo ég vitni í fleyg orð forsætisráðherra, en þeim til afsökunar að kannski vissu þau ekki betur.

 

Í dag vita allir betur.

Ekki hvað síst raunveruleikinn og tölfræði hans.

 

Og segjum það bara hreint út, það er klikkun að höggva í knérum þess sem liðið er og á ekki við lengur.

Þó langalangafi minn hafi þurft að taka brimlendingu í hafnleysu hinnar klettóttu fjöru Vikinnar minnar, þá þýðir það ekki sama að allir hendi sér fyrir borð á Berki, 3.000 tonna loðnuskipi þegar vindar og brimar, svona í minningu hinna fornu árabáta.

Menn leggja jú hinu öfluga skipi í höfn.

 

Í guðanna bænum.

Hættið þessari vitleysu.

Feisið raunveruleikann.

Eða víkið ella.

 

Tími minnisblaðanna er liðinn.

Kveðja að austan.

Mun leggja línurnar í minnisblaði

Hætt að rífast við raunveruleikann.

 

Enda vilja slík rifrildi tapast að lokum.

 

Leikhús fáránleikans kallaði Guðmundur landsliðsþjálfi þá gjörð að loka fullhraust fólk inná hótelherbergi og meina því að spila, bara vega þess að nútíma hátækni mælir veiru í blóði þess.

Orð að sönnu og þó Guðmundur og íslenska handboltalandsliðið búi ennþá við það leikhús, þá tók ríkisstjórn Íslands af skarið og ætlar að hætta taka þátt í leikritinu.

Hætta að lama samfélagið í nafni tilgangslausra sóttvarna.

Við að hemja veiru sem verður ekki hamin, og þjóðin er fullbólusett gegn.

 

Auðvitað mun fólk veikjast.

Það er gangur lífsins.

En varnirnar virka og það er aðalatriði málsins.

 

Í dag hætta menn að rífast við raunveruleikann í skólum landsins.

Á föstudaginn verður vonandi sýndarmennskan sem kennd er við samkomutakmarkanir aflögð.

Eftir standa almennar sóttvarnir, varnirnar, og úti bíður mannlífið með öllu sínum blæbrigðum, þar á meðal áhættunni.

 

Og meðal annarra orða, smitum mun fækka í skólum landsins um leið og menn hætta að leita.

Faraldurinn verður eins og hver önnur umgangspest sem gengur fljótt yfir.

Kveðja að austan.

Þúsundir nemenda úr sóttkví í dag

Þegar lygin er vopn.

 

Það eru ekki nýjar fréttir að fólk á jaðri samfélagsins sé líklegra til að trúa samsæriskenningum, og því miður bulli og vitleysu.

 

Það eru jú skýringar þess að fólk er á jaðrinum, og eigi skal gleyma að byltingar fortíðarinnar urðu vegna þess að það fólk tók markmið þeirra upp á sína arma, eða hver trúir að millistéttarmaðurinn Marx hefði náð hljómgrunn hjá öðru millistéttarfólki, sem hafði svo miklu meir að tapa en óljós grunur um ávinning seinnar meir.

Fólk á jaðrinum hugar öðruvísi, til dæmis vegna þess að það býr yfir meir sköpunarmátt sem og það tekur hið viðtekna ekki gefið, það spyr, það hugsar, það er oft ekki eins og við hin.

 

Því miður þá veit hið svarta vald þetta, og hefur lengi gert út á sköpun og hrekkleysi fólksins, sem á árum áður ógnaði auð þess og völdum.

Með allskonar vitleysu og vel markaðssettu bulli þá breytist fólkið á jaðrinum úr breytingarafli, í einskonar hjörð vitleysinga, sem engu ógnar, sem nær ekki að lyfta hug sínum og anda yfir nafla hinna markaðssettu vitleysu og fjarstæðu sem það er fóðrað með.

Hér á Íslandi er það Fréttin.is, eitthvað er ekki nógu heimskt að það sé birt þar.

Eða þegar poppstjörnur vísa ekki í Lennon, heldur skosk heilbrigðisyfirvöld sem eiga víst að hafa komist að því að bólusettir séu líklegri til að deyja vegna kóvid, en þeir sem eru óbólusettir.

 

Maður getur brosað, og maður veit að veiran fækkar grimmt í þessari vitleysingahjörð.

Eins og að hún sé vopn eða tæki til að fækka fólkinu sem spyr, sem tekur ekki arðrán, auðrán, til dæmis atlögu auðsins að framtíð lífsins hér á jörðu með því að fjármagna loftslagsfífl í valdastól sem flytja minna mengandi framleiðslu frá Vesturlöndum til mengunarverksmiðja glóbalsins, sem gefnu, heldur bregst við, berst gegn hinni augljósu tortímingu siðmenningarinnar.

Og þá spyr maður sig, hverjir þjóna þeir sem nota lygina sem vopn til að fífla hið skapandi fólk á jaðrinum??

 

Augljóst er að benda á hægri veitur frjálshyggjunnar sem hafa virkjað trúfífl í Bandaríkjunum og víðar, sem núna berjast fyrir ótímabæru andláti fólks vegna kórónuveirunnar, en slík ábending er grunnhyggin, eins og þessi könnun vísar í, þá er margt fólk til vinstri tortryggið og sú tortryggni fær það til að trúa bulli og vitleysu, það er í raun í vanheilögu bandalagi með öflum sem lengst er til hægri í stjórnmálum, öflum sem geta ekki opnað munninn um samfélag eða samfélagsmál, án þess að orðið frelsi sé annað hvert orð sem það notar í rökstuðningi sínum.

Eins og vinstri fólk viti ekki að hið meinta frelsi er orðskrípi yfir þá leitni hinna Ofurríku að setja restina, almenning, fólkið í þrælabönd arðráns og örbirgðar.

Eins og þetta vinstri fólk hafi gleymt hinni hatrömmu baráttu áa sinna fyrir frelsi almennings úr fjötrum fátæktar og arðráns hinna Örfáu sem áttu allt, og gáfu ekkert eftir nema vegna blóðugrar baráttu verkalýðsstéttarinnar.

 

Hvernig hægri öfgar náðu að mynda bandalag með vinstra fólki, stjórnleysingjum, fólki sem fyrirfram ætti að vera þess helsti andstæðingur, má guð vita.

En það má samt sjá trend þar að baki hinu augljósa bulli eru staðreyndir afskræmdar, í besta falli, oftast eru þær búnar til að kaldrifjuðu hægra öfgafólki sem matar svo stjórnleysið, vinstra fólkið með einhverju sem gæti alveg verið satt, nema hængurinn er sá að uppspuni frá rótum býr að baki.

 

Hér á Moggablogginu er fátt um vinstra fólk, endrum og eins slæðast inn athugasemdir einhverja tapsárra meintra jafnaðarmanna sem ennþá gráta ósigur sinn í ICEsave stríði breta gegn íslenskri alþýðu, annars erum við hér inni fólk sem er oftar til hægri, fyrir utan þá örfáu sem eru ekki neitt í pólitískum skilningi.

Og leitt er að segja það, hér fækkar óðum vitibornu fólki, hjól tímans er þar líklegasta skýringin, engin rífst við meintan aldur eða dauða, en ekki að vitleysingum hafi fjölgað, þeir verða aðeins meir áberandi eftir því sem hinum fækkar.

Það trend afhjúpar kóvid umræðan, líklegast þarf að fara víða um hinn víða heim til að finna aðra eins hjörð fólks sem vanvirðir hægra heilahvel homo sapiens, en nýtir órökhyggju hins vinstra til að réttlæta skrif sín og viðhorf.

 

Svo er það fólkið sem lýgur vísvitandi, kinnroðalaust fóðrar það vitleysingahjörðina með blekkingum, rangfærslum og beinum lygum.

Til dæmis þegar Ingileif Jónsdóttir, okkar fremsti vísindamaður í ónæmis og veirufræðum, vitnaði í rannsóknir breskra og ísraelskra vísindamanna, um tíðni aukaverkana vegna bólusetninga, þá voru góð ráð dýr, múgæsingin gegn bólusetningum var afhjúpuð, ruglið og bullið átti sér enga stoð í raunveruleikanum.

Alvarlegar aukaverkanir vegna hjartaóreglu eða hjartasjúkdóma, voru svo sjaldgæfar að þær mældust vart marktækar hjá börnum og unglingum, en voru örfá tilvik per milljón hjá karlmönnum á aldursbilinu 20-40 ára.

 

Gegn þeirri staðreynd var logið hér  beint á Moggablogginu, ekki hjá vitleysingahjörðinni, heldur hjá manni sem þekktur er að fara rétt með staðreyndir í ýmsum málum.

Svona eitthvað sem minnti á underkóver útsendara Stasi (leyniþjónusta Austur Þýskalands) í Vestur Þýskalandi á dögum Kalda stríðsins, þeir afhjúpuðu sig úr öruggu gervi hins venjulega þegar húsbóndinn í Kreml taldi afhjúpunina þjóna tilgangi í hinum köldu stríðsaðgerðum sínum.

Logið var ekki beint, heldur vísað í einhvern huldulækni, sænskan, sem las það út úr þeirri tilraun sem Ingileif vitnaði rétt í, að niðurstöðurnar réttlættu að hætt væri við bólusetningu yngra fólks.

Rangt farið með staðreyndir, trúverðugleikinn notaður til að ljúga að fólki.

 

Ekki að fólki að jaðrinum, heldur að góðlátlegu eldra hægri sinnuðu fólki.

Vörn þess, bólusetningarnar, sem gerir það nokkuð öruggt á tímum heimsfaraldurs kórónuveirunnar, gert tortryggilegt, undirliggjandi að ýta undir ótímabærum dauða þess fólks sem fellur í hunangsgildru þess svarta sem fóðrar dauðann gegn þessu sama fólki.

Og þessi atlaga að lífinu er gerð undir merkjum málfrelsis og lýðræðislegrar umræðu.

Eitthvað sem gömlu Stalínskommarnir hefðu þegið þegar þeim var sagt að lygar og blekkingar þeirra væru ekki innan þess ramma sem lýðræðið setur lýðræðislegri umræðu.

 

Þetta snýst nefnilega ekki um fólkið á jaðrinum sem er líklegast til að trúa samsæriskenningum.

Þetta snýst um trúverðuga borgarlega miðla sem umbera beinar lygar og blekkingar, gleymd er sú Snorrabúð sem setti slíku skorður þegar illvígar manndrápskenningar, hvort sem þær sóttu næringu til Berlínar eða Moskvu, herjuðu að siðmenningunni og borgarlegum gildum.

Þá voru borgarlegir fjölmiðlar ekki akur lyga og blekkinga helstefna, eða fólks sem markvisst vinnur að ótímabærum dauða samborgar sinna.

Þeir voru klettur sem helstefnur kommúnismans eða nasismans steytti á, afhjúpuðu lygar og blekkingar þess fólks sem þjónuðu Helinu, gegn lífinu.

 

Í dag er Snorrabúð stekkur.

Borgarleg öfl verjast ekki.

Illgresi kæfir fjölmiðla þeirra.

 

Svo eftir stendur spurningin.

Hver verst þá??

 

Hver ver hin borgarlegu gildi, hið borgaralega samfélag??

Sem er forsenda þeirrar velferðar og þeirrar velmegunar sem við búum við í dag.

 

Svarið er einfalt.

Ef borgarleg öfl gera það ekki, þá gerir enginn það.

Í því samhengi verðum við skilja gildi borgarlegra fjölmiðla.

 

Þar er Mogginn á villugötum.

En ekki ennþá; "Blessuð sé minning hans".

 

En hve lengi??

Kveðja að austan.

 

 

 

Fólk á jaðrinum líklegast til að trúa samsæriskenningum

Heimatilbúið neyðarástand.

 

Það er gott að vita að Landspítalinn skuli viðurkenna, þó undir rós sé, að það voru engar forsendur fyrir atlögu stjórnvalda, undir merkjum sóttvarna, að eðlilegu mannlífi í síðustu viku.

Smitum hefur ekkert fækkað, því það var ekki lokað á smitleiðir veirunnar, en meint aukning bráðveikra vegna omikron afbrigðisins reyndist vera fækkun þegar á reyndi.

Sem átti ekki að koma á óvart, omikron afbrigðið er ekki að veikja fólk nema í algjörum undantekningatilviku, slær í raun ekki meðal flensu við.

 

Eftir stendur mönnunarvandinn, sem er uppsafnað vandamál, á sér forsögu löngu fyrir kóvid, og það er sama hvað margar eða fáar heilafrumur skoppa milli eyrna á fólki, engum getur dottið í hug að sá vandi sé leystur með víðtækum samfélagslegum lokunum.

Þá í örvæntingum sinni reyna menn að réttlæta afglöpin með því benda á þann fjölda starfsmanna sem er í einangrun eða sóttkví, en enn og aftur, aðgerðir sem hafa engin áhrif á núverandi samfélagssmit, geta ekki haft nokkuð með þann fjöld að gera.

Ekki nema menn trúi því að það þurfi að banna samkomur eða brennivínsstaði til að tryggt sé að starfsfólk Landspítalans sé ekki alltaf úti á lífinu á tímum heimsfaraldurs.

Rökleysan í þessu er algjör og ótrúlegt sjá fullorðið fólk reyna réttlæta þessi mistök, eða gönuhlaup, í stað þess að viðurkenna að menn fóru framúr sjálfum sér og tóku ranga ákvörðun, sem þarf að leiðrétta hið snarasta á meðan einhver trúverðugleiki er til staðar hjá almenningi út í sóttvarnir heilbrigðisyfirvalda.

 

Síðan megum við ekki gleyma því að vandinn er heimatilbúinn, forsenda hins mikla fjölda sem er í einangrun eða sóttkví er hátækni sem var ekki til staðar fyrir nokkrum árum síðan.

Fyrir PCR prófin þurfti veikindi til að greina veikt fólk, ef starfsfólk fékk hita eða fann fyrir slappleika, þá var það heima hjá sér þegar illvíg flensa gekk.

Við þurfum kannski að endurupplifa þann tíma aftur svo við gleymum því ekki að það var líf fyrir hátækni, og þá gekk alveg ágætlega að manna spítalann.

Við eigum nefnilega að vara herrar tækninnar, ekki fangar hennar eða þrælar.

 

Við eigum því að hætta þessari vitleysu og viðurkenna að bólusetningarnar virka, og að omkron afbrigðið kórónuveirunnar er eins og hver önnur pest og ekki nokkur ástæða til að setja þjóðfélagið á hliðina út af henni.

Það munu koma afbrigði sem við virkilega þurfum að verjast, þá veitir okkur ekki af öllum okkar styrk og kröftum.

Það er því hreint út sagt fáránlegt að búa til krísu, þegar hún er ekki, sjúga þannig þrótt bæði úr heilbrigðiskerfinu sem og atvinnulífinu, í stað þess að safna kröftum og undirbúa okkur fyrir næsta faraldur sem bólusetningar virka lítt á.

Að ekki sé minnst á að trúverðugleiki sóttvarna líður fyrir þessa vitleysu, hann er auðlind sem er auðveldara að glata en að endurvinna.

 

Það skal ekki dregið í efa að of mikið álag hefur verið á undirmönnuðu starfsfólki Landsspítalans í alltof langan tíma, og þar er spítalinn að komast á þolmörk, eða jafnvel kominn fram úr þeim.

Til að bæta úr þarf bæði aukið fjármagn sem og þá fersk hugsun að hlusta á starfsfólkið í stað Exelsins, en fjármagnið kemur úr þróttmiklu samfélagi, þróttmiklu atvinnulífi.

 

Þess vegna getur lausnin ekki verið fólgin í sýndarmennsku samfélagslokana sem eru til þess eins hugsaðar að dreifa athyglinni frá hinum raunverulega vanda, mönnun og aðbúnaði starfsfólks á spítalanum.

Vandinn verður aðeins leystur innan spítalans, að menn skilji eðli hans og leysi hann á þeim forsendum sem í raun breyta hlutum til betri vegar. 

Í dag er bara eins og menn treysti sér ekki til þess, og leiti því flóttaleiða.

 

Flóttaleiðir virka samt aldrei til lengdar.

Í stað þess að væla eða heimta aðgerðir sem slökkva á mannlífi, eiga menn að segja hvað þarf að gera, ná samstöðu um aðgerðir, og krefja svo stjórnvöld um þær aðgerðir.

 

Það er farsælast.

Krefst aðeins að menn séu starfi sínu vaxnir.

 

Ekkert annað.

Kveðja að austan.

Að sumu leyti betri en að öðru þyngri

Þórólfur segir fleiri bera ábyrgðina.

 

Og er þá líklegast vísa í þá sýndarmennsku sem núverandi sóttvarnir eru.

Eins og það komi málinu eitthvað við, hve margir beri ábyrgð á rangri ákvörðun.

 

Þórólfur segir líka að hann ætli sér að ulla framan í þjóðina allavega til 2. febrúar, miðað við þróunina á Landsspítalanum þá þarf hann líklegast að ráða leikara til að leika alvarlega veikt fólk svo hægt sé að segja að einhver sé veikur.

Bót í máli að margir leikarar eru atvinnulausir þessa dagana, þökk sé rangri nálgun Þórólfs, og samábyrgðarfólks hans á sóttvörnum.

 

Spurningin stendur samt eftir.

Hvenær ætlar gott fólk að grípa inní??

Kveðja að austan.

Vísar gagnrýni til föðurhúsanna

Upplýsingafundur almannavarna.

 

Þórólfur og Víðir mæta á fund klukkan 11 og munu segja margt og mikið.

En mjög ólíklegt er að þeir segi það eina sem þeir eiga að segja, að þeim hafi orðið á mistök og þeir biðjist afsökunar á þeim.

Núverandi sóttvarnir þjóni engum tilgangi og hið meinta neyðarástand almannavarna er mannanna verk.

Þeirra verk.

 

Í stað þess munu þeir halda áfram að dýpka gjána milli sín og raunveruleikans.

Gæti þeir ekki að sér þá enda þeir líkt og steinrunnin nátttröll.

Kveðja að austan.

Þórólfur, Víðir og Selma á upplýsingafundi

Eiga ögurmæli sín engin takmörk??

 

Eigi skal nokkur maður rífast við nálgun Samfylkingarinnar á afleiðingum heimsfaraldursins, eða hvernig mætti bregðast betur við.

Sú viska að selja þjóðina í hendur erlendra hrægamma vegna þjófakröfu breta kennt við ICEsave, gekk vissulega ekki eftir, en þjónkun þessa aumkunarverða fólks skilaði auð og arði í vasa hrægamma, en skildi heilbrigðiskerfið þjóðarinnar eftir á vonarvol.

 

Svo rífur þetta fólk kjaft.

Þetta glæpahyski sem ber beina ábyrgð á niðurlægingu heilbrigðiskerfisins í dag.

Eins og til væri svo vitgrannur að hann héldi að Sjálfstæðisflokkurinn gerði eitthvað betur.

 

Það sem seinna gerðist breytir samt í engu frumglæp Samfylkingarinnar.

Fyrir hrægammana kostaði það gífurlega fjármuni að þetta ærulausa fólk sem seldi samborgara sína í þrælahlekki ICEsave, skyldi ennþá vera á þjóðþingi þjóðarinnar.

Sem fær venjulegt fólk til að spyrja, hvað kostar fjölmiðlaherferð sem vitnar í þetta aumkunarverða fólk.

 

Svarið er einfalt.

Hingað til aðeins brot af arðinum og ávinningum.

 

Augljóst, en af hverju Mogginn??

Er hann samsekur í að vekja athygli á Viðrinum auðsins??

 

Eða kóaði hann með??

Kveðja að austan.

Stefni í uppsagnir á bráðamóttöku

Að pissa í skóinn sinn.

 

Án rökstuðnings er vegið að heilli atvinnugrein.

Munum að samfélagssmitið tengist skólum landsins og brennivínsþorsti ungra karla mun finna sér opnar leiðir, atlagan að krám og öldurhúsum þjónar því engum tilgangi út frá sóttvörnum, þjónar hins vegar sýndarmennsku stjórnvalda, að þykjast vera gera eitthvað þegar ekkert er í raun gert.

 

Þá hefði maður haldið að eitthvað raunhæft yrði gert til að aðstoða þessa atvinnugrein, henni yrði á einhvern hátt hjálpað til lifa af þetta síðasta rothögg stjórnvalda.

En sýndarmennska elur af sér sýndarmennsku og hin meinta aðstoð er fólgin í því að fresta gjalddögum á álögðum sköttum og skyldum vegna launa starfsfólks.

 

Margt var toppað í gær, til dæmis er erfitt að sjá hvernig er hægt að leggjast lægra í lágkúru sýndarmennskunnar, sem og þingmönnum stjórnarandstöðunnar tókst að staðfesta að þeir reiða ekki vitið í þverpokum svo vægt sé tekið til orða.

Upphlaup þeirra snérust um fjarveru fjármálaráðherra, ekki um sýndarmennsku sóttvarna sem eru að koma heilli atvinnugrein á kné.

Hvað þá að menn fordæmdu þá sýndarmennsku sem þessi frestun gjalddaga er.

 

Það er ekki einleikið með þetta lið þarna á þingi.

Er þetta samtíminn eða eru við svona óheppin??

 

Mistök voru gerð þegar sóttvarnir voru hertar.

Þau mistök þarf að leiðrétta áður en skaðinn verður óbætanlegur.

Því undir er traustið á sóttvörnum og sóttvarnaryfirvöldum.

 

Núna þarf gott fólk að grípa inn í.

Kveðja að austan.

Samþykktu frestun gjalddaga á einum degi