Kennarar með lægri laun en aðrir sér­fræðing­ar á markað.

 

Er haft eftir Kristrúnu Frostadóttir, forsætisráðherra þjóðarinnar.

Upphefur þar með hinn eilífa spíral samanburðar sem knýr launahækkanir og verðbólgu upp til skýanna, svo sjálfur Karlinn í Tunglinu þarf að passa sig á að vera ekki skotinn niður.

 

Kristrún kemur samt úr ranni hins frjálsa markaðar, veit að þar heldur enginn sérfræðingur vinnu á sínu háu launum án þess að sína árangur, sem og að sinna sinni vinnu.

Enginn sérfræðingur héldi vinnu á markaðnum að ef hann eftir 10 ára starf, líkt og kennarar með nemendum sínum frá fyrsta til tíunda bekkjar, skilaði 50% árangri í engu, það er að hann væri ekki hæfari en það að helmingur starfa hans skilaði minni en engum árangri, þó hann hefði fengið 10 ár til þess.

 

Kennarar á ríkislaunum geta hins vegar stoltir sagt að það sé slökum launum þeirra að kenna að helmingur nemanda þeirra hafa ekki lært grundvallaratrið námsins, það er að lesa og skrifa, eftir 10 ár, þar sem milljörðum á milljörðum ofan er eitt í sérúrræði fyrir þá nemendur sem læra ekkert fyrstu 3-4 árin eða svo, nema kannski að föndra og leira, og hafa gaman, þó líklegast finnist viðkomandi nemendum ekkert gaman við það að verða strax annars flokks í upphafi námsferils síns.

 

Markaðurinn hefur nákvæmlega ekkert við slíka einstaklinga að gera, enda er markaðurinn ekki með sjálfkrafa áskrift á tekjur líkt og sveitarfélög okkar sem taka þátt í þessum skrípaleik vanhæfni og vankunnáttu.

Markaðurinn mynd einfaldlega aldrei líða svona hegðun og vanhæfni, ef hann gerði það þá blasti fjöldagjaldþrot við.

 

Forstjóri, sem ræður til sín sérfræðinga á góðum launum, myndi heldur síðan aldrei líða það að þegar hann gerði athugasemdir við stöðugar fjarvistir sérfræðinga sinna á góðu laununum, að hann yrði þá lagður í einelti líkt og kennarar gerðu við Einar Borgarstjóra, þegar hann benti á þau einföldu sannindi, að það væri líka launakostnaður að borga fólki laun í veikindum þess, og áður óþekktar fjarvistir kostuð pening, fjármuni sem færu þá ekki í að hækka laun og bæta kjör.

 

Allt þetta á Kristrún að vita, og hafa kjark til að segja.

Það er svo mikið undir, sjálf framtíð barna okkar.

 

Ógöngur skólakerfisins síðustu 15 ár eða svo, eru algjör.

Jafnvel strúturinn fyndi ekki nógu djúpa holu til að grafa haus afneitunarinnar í.

 

Það er allt svo heimskt við kjarabaráttu kennara svo leitun er að öðru eins.

Forsætisráðherra sem hefur ekki kjarkinn til að segja það, því enginn efast um vitsmuni Kristrúnar, er ekki hæfur á tímum þar sem þjóðin þarfnast leiðsagnar, að talað sé mannmál um það sem þarf að tala mannamál um.

 

Kristrún er ekki hæf ef hún getur ekki betur.

Svo einfalt er það.

Kveðja að austan.

„Þetta er auðvitað í höndum kennara núna“

Andlit sakleysisins.

 

Er andlit stríðsátakanna sem aldrei áttu að verða.

En urðu vegna þess að voðmenn frömdu voðaverk í nágrannaríki sínu ásamt því að skjóta þúsundum á þúsundum ofan flugskeytum á byggðir þess.

Í þeim eina tilgangi að skapa heiftarviðbrögð öflugasta herveldisins á svæðinu svo öruggt yrði að saklaus börn, sem áttu lífið framundan, líkt og hin sex ára gamla Hind Rajab myndu deyja í þeim átökum.

Og áróðurinn átti að tryggja að Ísraelsmönnum yrði kennt um dauða þeirra.

Svona svipað og þú neyðir börn þín til að hlaupa út á götu fyrir bíla og kennir svo bílstjórunum um dauða þeirra, og krefst af þeim skaðabætur.

 

Þessi frétt um að ár sé líðið frá hinu ótímabæru andláti þessarar ungu stúlku sem náði að verða andlit stríðsins, fékk mig til að kíkja á nokkra pistla sem ég skrifaði í upphafi átakanna á Gasa, hvort ég hefði ekki örugglega áttað mig á því að miklar hörmungar biðu íbúanna þar.

Fyrsti pistillinn sem ég skrifaði eftir að fréttir bárust af voðaverkum Hamas, var skrifaður eftir að mér ofbauð meðvirknin með voðaverkunum þar sem Rúv og Mogginn töluðu strax um meintar hefndarárásir Ísraela, þegar öllum með einhverja vitglóru í hausnum átti að vera ljóst að Ísraelsher yrði að ráðast inná Gasa til að reyna frelsa gísla Hamas, og hann myndi ekki hætta þeim árásum fyrr en Hamas gæfist upp.  Svona svipað og Rússar hættu ekki að herja á Berlín fyrr en Þjóðverjar gáfust upp. Það er ágætt að rifja upp þennan pistil;Það er munur á árás og árás.

 

Og vitna í þessi orð: "Hver eru skilaboðin (það er að tala um hefndarárásir), máttu íbúar Gasa búast við að þeir fengju að halda áfram að blístra og fagna morðum á óvopnuðum ungmennum, eða þeir fengju annan daginn í röð að svívirða lík af nöktum ungum konum sem voru keyrða á pallbílum um götur og stræti Gasa, eða hæðast að eða misþyrma gömlu fólki, konum, börnum sem vígamenn Hamas fluttu sem gísla í skjólið á Gasa?? Lengra er vart hægt að ganga í óbeinu samþykki á stríðsglæpum og almennum viðbjóði, það er engin afsökun að þetta fólk er kúgað, og hafi verið kúgað lengi. Það eru mörk sem þarf að virða, það er ósýnileg lína sem má ekki stíga yfir.".

Síðan þurfti ekki mikinn spádómsanda fyrir þessa spá; "Miklar hörmungar bíða íbúa Gasa".

 

Í öðrum pistli sem var skrifaður út frá orðum sendiherra Palestínu hjá Sameinuðu þjóðunum, "Lík barna, ekki leikfangabrúður" Börnin eru leikbrúður.. þá benti ég enn og aftur á hverjir bæru ábyrgð á dauða þeirra: "Af holdi og blóði og falla í valinn vegna geðveiki kaldrifjaðra manna, sem í pólitískum hráskinnsleik frömdu voðaverk sem höfðu þann eina tilgang að koma öllu í bál og brand í Miðausturlöndum. Verði þess menn ekki stöðvaðir þá munu miklu fleiri börn deyja, kannski megnið á svæðinu áður en yfir líkur. Það er það sem gerist þegar átök stigmagnast og verða að allsherjarstríði".

Og svo seinna: "Svona er þetta bara, og börnin eru leikbrúður, lík þeirra þjóna kaldrifjuðum tilgangi miðaldra manna sem byggja völd sín á stríði og stríðsæsingum. Þessir miðaldra menn eru að um allan heim í dag, þó heimsbyggðin ráði aðeins við einn harmleik í einu".

Sem ég held að sé kjarni málsins og þessir miðaldra menn komast upp með þetta.

Og það er alltaf einhver sem styður þá líkt og Góða fólkið styður Hamas og sér ekkert athugavert við að hinir miðaldra karlar sem stýra samtökunum fórni börnum samlanda sinna til að afla samtökunum stuðnings hinna Góðu á Vesturlöndum sbr. þessi orð í viðtengdri frétt; "Dauði Hind er sagður hafa orðið eins kon­ar tákn bar­áttu palestínsku þjóðar­inn­ar".

 

Þjóðverjar gátu sýnt margar svona myndir, bæði meðan þeir vörðu land sitt fyrir innrás Bandamann sem og á eftir ef þeir hugðu áfram að herja á og drepa nágranna sína.

Til að spara sér plássið hefðu þeir aðeins þurft að taka eina mynd af kolmola í öskuhrúgu, sem táknmynd fyrir þau tugþúsunda barna sem urðu að ösku einni í vítisbálum loftárásanna á Hamborg og Dresden, enda brunnu hvort sem er allar myndir af börnunum.

Sem þeir reyndar gerðu í stríðinu áður en þeir gáfust upp, víst rosalega ljótir menn sem herjuðu svona á þá alsaklausa.

En þeir gerðu það ekki eftir stríðið, það var komið nóg.

 

Hvenær verður komið nóg í Mið-Austurlöndum veit ég ekki.

Það er allavega ljóst að Ísraelsher hefur ekki þann kraft og styrk sem þarf til að útrýma Hamas, á myndböndum þar sem þeir sleppa gíslum sínum eru Hamasliðar feitir og pattaralegir, veifandi byssum sínum.

Eins og þeir séu að fagna sigri í rústum landsins, ofan á fjalli af líkum.

Hver var þá tilgangurinn leyfist mér að spyrja??

 

Hver er tilgangurinn með þessum stanslausum drápum og átökum??

Hvorugum aðilanum tekst að útrýma hinum, samt virðist það vera eini tilgangur hinna miðaldra karlmanna sem stjórna og bera ábyrgð á þessum átökum.

Það er vopnahlé í dag, en hvað verður svo á morgun??

Ný morðárás yfir landamærin svo vítahringur drápa og átaka hefjist á ný??

 

Við þessi á ég ekki svar.

En ég veit að saklaus börn eins og Hind Rajab dóu vegna þess að leiðtogar Hamas veðjuðu á að til væri heimskt fólk sem myndi styðja þá í áróðurstríði þeirra.

Töldu þess vegna mannfórnir samlanda þeirra tilgangarins virði.

 

Og þeir höfðu rétt fyrir sér.

Það er varðandi hið heimska fólk.

 

Svo spurningin er kannski; Hverjir eru í raun hin seku??

Voðmennin eða þeir sem spila með??

 

Ég held að almættið viti svarið við því.

Kveðja að austan.

Ár frá andláti Hind: Festist í bíl með látinni fjölskyldu

Norskir kratar svíkja allt sem hægt er að svíkja.

 

Þjóð sína, almenning sem er leiksoppur orkubraskara, atvinnulífið.

Allt sem er hægt að svíkja, til að eyða þeirri samkeppnishæfni Norðmanna að búa að ríkulegum orkuauðlindum.

Þeir eru svo aumir, svo undir hæl frjálshyggju auðsins um að Markaðurinn megi braska með allt, sjúga auð og kraft úr samfélagi hinna venjulega, með stuðningi hinnar betur borguðu menntastéttar landsins.

 

Jú, það eru hin menntaða stétt sem í skjóli háskólagráða sinna, hefur knúið fram launayfirburði fram yfir vinnandi fólk, sem styður þessa aðför frjálshyggju hins Frjálsa markaðar að lífi hins almenna borgara, sem og að fyrirtækjum einstaklingsins, gegn atvinnulífinu, því það sjálft telur sig öruggt líkt og yfirstéttir fyrri aldar, hvort sem það var franski aðalinn, sá rússneski, aðlar sem voru líflátnir fyrir þessa trú sína um réttmæti kúgun sína og örbirgð hinna venjulega, eða þrælaeigendur Suðurríkjanna, sem töpuðu borgarastyrjöld en héldu samt lífinu, sem og tækifærinu til að hefja nýja tíma kúgunar og arðráns.

 

Venjulegt fólk um alla Evrópu hefur fyrir löngu sagt Nei við frjálshyggju hins frjálsa flæði Evrópusambandsins, hvernig lífskjör þess eru rústuð, fyrst í nafni hins frjálsa flæði um lægstu laun, síðan útflutning starfa til Fjarskaistan, og núna síðast með því að venjulegu fólki er næstum því gert ókleyft að lifa venjulegu lífi, að kynda húsin sín, að reka bíla sína, eða fá vinnu hjá fyrirtækjum sem hafa lokað vegna tilbúins orkuskorts.

Aðeins innflytjendur, og afkomendur þeirra, tryggja leppum auðsins völd í Evrópu í dag.

 

Norski Miðflokkurinn sagði líka Nei, seint verður hann sakaður um últrahægri öfga svo ég vitni í þekkt stef áróðursdeildar frjálshyggjunnar í Brussel.

Fórnarlömb hins frjálsa flæðis, og þar sem það eru til svo vitlausir hægrimenn sem kenna hugmyndafræði Fridmans og Hayeks við kratisma, frjálsa flæðis sem er frá a til ö hannað út frá kenningum frjálshyggjunnar um hinn Frjálsa Markað, hafa líka sagt Nei.

Og kosið þá flokka sem segja Nei, hvað annað þeir segja, spá fórnarlömbin lítt í.

Líkt og í Bandaríkjunum þar sem hið venjulega fólk kaus Donald Trump, þvert gegn fordæmingu hinnar nýju yfirstéttar, háskólamenntaðs fólks sem telur siga hafa allt á þurru.

 

Fyrirsögn þessa pistils vísar í það að jafnaðarmenn, þeir lýðræðissinnar sem klufu sig frá sósíalistum á þriðja áratug síðustu aldar, sögðu þá Nei við alræði sósíalistanna, en Já við félagslegt réttlæti, jöfnuð og bræðralag.

Já, sem er arfleið norskra krata og þeir sviku, sviku hið venjulega fólk, sviku bræðralagið, sviku réttlætið, sviku jöfnuðinn.

Aumkunarverð skrípi þess sem áður var.

 

Hér á Íslandi gengur Skúffan í skrifborði, þessi í miðju, önnur frá hægri, hjá Samtökum Atvinnurekanda erinda frjálshyggjunnar, erinda þess glóbals auðs sem hefur rústað efnahag og framleiðslu vestrænna ríkja síðustu 30 árin eða svo, það að Viðreisn vill í ESB er ekki frétt, málaliðar hagsmuna auðsins hafa alltaf verið til, og munu alltaf vera til.

Þeir eru jú á góðu kaupi.

 

Íslenskir jafnaðarmenn hafa lengi gengið þessa svikaslóð, samviskusamlega fjármagnaðir af auðrónunum sem vilja evru til að krónan sé ekki milliliður þegar þeir flytja auð sinn úr landi.

Það er smán okkar í Norð-Austur kjördæmi að Logi Einarsson var eini kjördæmakjörni þingmaður Samfylkingarinnar í kosningunum 2016, annars hefðu svikin við þjóðina, við almenning þurrkað út þessa þjóna auðsins við frjálshyggju hins frjálsa flæðis Evrópusambandsins.

Lærdómur sem Kristrún Frostadóttir hefur meðtekið, og gert Samfylkinguna aftur að stjórnmálaafli jafnaðarmanna og félagshyggjufólks.

Hennar leiðsögn er að þjóðin sé mikilvægari en regluverk hins Frjálsa flæðis í Brussel.

 

Þá sveik Inga með eign sinni; Flokki fólksins.

Bættist í röð þeirra Áslaugu Örnu og Þórdísar Kolbrúnu.

 

Viðreisn og Þorgerður Katrín virðast stjórna öllu í dag.

Ef Inga fer út, þá kemur bara Áslaug í staðinn.

 

Í Noregi er til ærlegt fólk sem segir Nei.

Slíkt fólk finnst ekki hinsvegar á Ísland í dag.

 

Ekki ef ráðherrastóll er í húfi.

 

Almenningur heldur samt áfram að segja Nei.

Spyrjið bara Trump.

 

Hann fattaði þetta.

Og Bandaríkin eru ekkert eyland.

 

Því í dag er Nei svarið.

Að vera þræll er ekki valkostur.

 

Ekki fyrir okkur venjulegu.

Og við erum fleiri.

 

Það get ég svo svarið.

Kveðja að austan.

Norska stjórnin sprungin: Ósátt um orkumál og valdframsal til ESB

Mogginn og stórviðrin

 

Það er oft talað um storm í vatnsglasi þegar mikið veður er gert úr litlu, en ef svona einelti heldur áfram verða komin ný viðmið í lok kjörtímabilsins, eða kannski í vikulokin, og talað verður um Moggastórviðri, stytt í Moggaviðri.

 

Hvert er málið með félagasamtökin sem buðu sig fram til Alþingis undir nafni Flokk fólksins??

Þau buðu sig fram, framboð þeirra var samþykkt, þau fengu ákveðið fylgi í undangengnum kosningum, og út frá því fylgi fengu þau styrki frá hinu opinbera.

Það sama gildir um aðra stjórnmálaflokka, félagasamtök, eða skúffuna á skrifborði Samtaka Atvinnulífsins og kennir sig við Viðreisn, það var boðið fram, framboð samþykkt, ákveðið fylgi, út frá því fylgi var borgað.

 

Menn geta rifist um hvort það sé eðlilegt að hið opinbera fjármagni stjórnmál á Íslandi, og þá sérstaklega Gunnar Smára, en að rífast um það á forsendum lagapésa er út í hött.

Við ættum frekar að nota þetta skráningarmál, sem og nýlegan dóm héraðsdóms gegn virkjunum þjóðarinnar, sem lærdóm um þær ógöngur sem lagapésar hafa komið samfélaginu í.

Það er ekkert hægt að gera fyrir þeim, og öllum reglunum og reglugerðunum sem þeir bera ábyrgð.

Það er ekkert eðlilegt við það að smáletrið í skilmálum tryggingafélaga sé orðið eins og opin auðskilin bók miðað við lög og reglugerðir.

 

Baráttan við þann torskilda frumskóg, sem ekki einu sinni fuglinn gæti flogið yfir ef hann væri eiginlegur frumskógur, er eitt mesta framfaramál þjóðarinnar.

Ef ekki það mesta.

Það er samtvinnað baráttunni um að þjóðin segi sig frá EES samningum, og í kjölfarið hreinsi út allar reglugerðirnar sem þaðan hafa komið og setji lög og reglur upp á nýtt á mannamáli.

Lögin eru fyrir okkur, hinn venjulega, sem á góðviðris dögum kennir sig við þjóð, en ekki lögfræðinga, til að þeir hafi lifibrauð að því að flækja hlutina út í hið óendanlega svo enginn skilur neitt í neinu.

 

Stjórnmálamenn eiga heldur ekki að falla í þá gryfju að nota þetta Moggastórviðri til að ná höggi á Flokki fólksins.

Ekki frekar en storminn í vatnsglasinu þegar Bjarni Ben fór í kvöldgöngu á Þorláksmessu í miðju kóvid, eða þegar pabbi hans keypti bréf í Íslandsbanka, eða skrifaði uppá meðmæli um náðun dæmds kynferðisbrotamanns.

Því fyrst og síðast eru þeir að gera lítið úr eigin hæfni til að takast á um málefni, landsstjórnina eða annað sem þeirra hlutverk er.

Að stytta sér þar leið til að ná höggi er aldrei styrkur.

Spyrjið bara Pírata, VinstriGræna og kjaftavaðal arm Samfylkingarinnar sem Kristrún pakkaði snyrtilega inní gjafaumbúðir og bauð atvinnuleikhúsum okkar sem ókeypis aukaleikara, þingfarakaupið ætti að nægja þeim til framfærslu.

 

Inga og félagasamtök hennar, því hún á þessi félagasamtök, sveik sín helgustu vé þegar hún gerði Skúffunni þarna í skrifborðinu kleyft að fara til Brussel og falbjóða sjálfstæði þjóðarinnar.

Slíkt gerir fólk ekki, aðeins leiguþý.

Og þar eiga spjótin að standa, og hvergi annars staðar.

 

Hún sveik líka fæði, klæði, húsnæði þegar hún leyfði Skúffunni þarna að skipa frjálshyggjumann í embætti fjármálaráðherra.

Frjálshyggjumann sem telur Markaðinn hafa tekið við af Seif að ríkja á Ólympsfjalli og musteri hans hér á jörðu sé í hvelfingum Svörtulofts.

Þar sem vextirnir eru ákveðnir, vextirnir sem ríkja yfir mannheimi svo öll stjórnvöld eru þar með óþörf.

Í ríki Mammons fá fátækir ekki fæði, klæði eða húsnæði, það er ekki flóknara en það.

Og þú þjónar ekki tveimur herrum í einu.

 

Á þessum forsendum á fólk að herja á Ingu.

Ekki á forsendum Morgunblaðsins.

Eða annarra sem hafa komist upp með eftir Hrunið að gera aukaatriði að aðalatriðum, og aðalatriðin eru ekki í umræðunni.

 

Sjálfstæði þjóðarinnar.

Þjóðarskiptin.

Aðförin að landsbyggðinni undir lýðskrumi auðlindagjalda

Svikin kosningaloforð.

Óstarfhæft stjórnkerfi ríkis og sveitarfélaga sem kemur fáu í verk nema klúðri.

Eignarhald útlendinga á því sem næst öllu sem við áður áttum og svo framvegis, og svo framvegis, og svo framvegis.

 

Gyrðum okkur í brók.

Látum ekki stjórnast svona.

 

Við erum sterkari en það.

Kveðja að austan.

 

Óljóst um niðurstöðu styrkjamálsins

Inga, Inga, Inga mín.

 

Þú sveikst öll loforð þín, heilagast var að hindra auðvaldið í Viðreisn að selja þjóð okkar í Evrópusambandið, svo aum svik að fyrrum baráttumaður þjóðarinnar fyrir sjálfstæði hennar, afsakaði sig með einhverju dögum í krókakerfinu.

Svona eitthvað sem gerði hina 30 silfurpeninga Júdasar að heilli gullnámu sem tæki aldir að tæma, svo lítilsfjörlegt var gjaldið fyrir svik þín og Flokk fólksins.

 

Slæm voru samt svikin að gangast undir hugmyndafræði frjálshyggjunnar, að agavald hagfræðings þessarar hagtrúar hins í neðra, núverandi fjármálaráðherra, væri æðra en öll þín loforð um að bæta hag og kjör hinna óhreinu barna Evru, aldraða, öryrkja, láglaunafólks, vinnandi fólks, allra þeirra sem tilheyra samfélagi hins venjulega, og hafa sætt sig við arðrán hinna ofurríku undir möntru frjálshyggjunnar, "sjálfstæði seðlabanka og hækkun vaxta".

Kannski einfeldni Inga, samt ertu rúin öllu trausti, og það sem verra er, þú gerðir Ragnar í VERSLÓ líka ærulausan fyrir vikið.

Ekki svo sem að Ragnar hafi haft mikla æru eftir að hann lýsti yfir stuðning við eiturbyrlara sem reyndist líka vera kynníðingur á netinu.

En samt Inga, þú gast alveg íhugað afleiðingu gjörða þinna, Ragnar var jú líka ágætur sem verkalýðsforingi, og svo gafst þú fátæku fólki von.

 

En jú jú Inga, þú fékkst ráðherrastól í staðinn.

Þá sem formaður félagasamtaka sem buðu sig fram til þings, en ekki sem amma.

 

Ég skal alveg játa að ég kaus þín félagasamtök þar-síðast, aðeins út af Ásthildi Lóu, baraátta hennar fyrir rétti heimilanna vó þar þyngst.

Og ég skal líka játa að ég kaus þig ekki núna, mér fannst svikin við ESB liggja einhvern veginn í loftinu, sem og að einarður varðmaður þjóðarinnar bauð fram, og ég kaus hann, maður kýs jú alltaf Varðmenn.

 

En ég get svo svarið það Inga, að ég hefði ekki kosið þig þar-síðast, ef ég vissi að þú værir amma í framboði en ekki stjórnmálamaður.

Hvað þá að það hefði hvarflað að mér núna síðast að kjósa þig sem ömmu en ekki baráttukonu fyrir betri heimi.

Sem ég reyndar tel þig vera Inga, og hef alltaf talið og tel ennþá.

 

Gegn þeirri skoðun minni hef ég aðeins þín orð;

""Þarna verð ég hvat­vís amma. Ég tek upp tólið og hringi, eng­ar hót­an­ir eða slíkt – tveggja manna tal". Þá sagðist hún ætla að vanda sig og sagðist gera sér grein fyr­ir stöðu sinni í dag. "Þetta voru mis­tök, ég átti að telja upp á 86 áður en amm­an tók upp sím­ann."".

Eiginlega er játning án viðurkenningar sjaldnast betur orðuð.

 

En ég þekki svo sem ekki vel til þann hluta sögunnar, eða hvernig bókmenntir liðinna ára orða játningu án viðurkenningar.

Tel þig samt hafa gert vel í því.

 

Hvort það dugi til að Þorgerður, hin sterka kona ríkisstjórnar þinnar, og Kristrún telji þig ennþá nothæfa sem svikahjól núverandi ríkisstjórnar.

Á eftir að koma í ljós.

 

Ef þú spyrð mig Inga um mína skoðun, þá er hún mjög einföld.

Ég kýs frekar ömmu sem rífst við skólastjórnendur sem bera enga ábyrgð, takast ekki á við neitt, og á meðan grasserar einelti, ofbeldi og þjófnaðir í skjóli þeirra.

En þeir greyin fá víst ekki næg laun til að gegna skyldum sínum.

Svo velur Rétttrúnaðurinn gufur en ekki fólk til ábyrgðarstarfa.

 

Ömmu, sem rífst, en ekki stjórnmálamann sem svíkur.

En það er aðeins mitt mat Inga, líklegast ekki annarra.

Og ég hygg að Kristrún sé ekki sammála mér.

 

Hún muni velja stjórnmálamanninn sem svíkur.

Á kostnað ömmunnar.

 

En völin og kvölin er þín.

Kveðja að austan.

 

 

Segist ekki hafa ýjað að neinu um lögregluna

Er ný forysta Sjálfstæðisflokksin uppsiglingu??

 

Svo ég setji spurningarmerki við fyrirsögn þeirrar fréttar sem ég tengi við.

 

Hvað er svona nýtt við þær Þórdísi Kolbrúnu og Áslaugu Örnu??

Ungar konur sem ná vart hálfum styrk þroskaðra forystukvenna Viðreisnar en tala um margt sama tungumál og þær.

Hefur til dæmis einhver heyrt blæbrigðamun á málflutningi og afstöðu núverandi utanríkisráðherra og þess fyrrverandi??

 

Þroski og aldur skiptir samt kannski ekki öllu hafi hið unga fólk eitthvað til málanna að leggja, sé hugmyndaríkt, tali jafnvel fyrir umvendingu á fyrri stefnu, líkt og Kristrún  Frostadóttir gerði hjá Samfylkingunni og hlaut kosningu út á.

Slíkt verður hins vegar seint og líklegast aldrei sagt um þær Þórdísi og Áslaugu, þær hafa verið hluti af forystunni langalengi, og eru í raun birtingarmynd þeirra innanmeina sem hrjá Sjálfstæðisflokkinn og það má fullyrða að það var ekki þeirra styrk og forystu að þakka að flokkurinn þó hélt sjó í síðustu kosningum.

Hefði Bjarna Ben ekki notið við hefði afhroðið orðið algjört, og það íhaldsfólk sem þó hefði kosið sinn gamla flokk af tryggð og vana, hefði gert það með miklu óbragði í munn.

 

Sjálfstæðisflokkurinn stendur á tímamótum.

Annars vegar er það feigðin horfist hann ekki í augun á innanmeinum sínum, hins vegar tilraun til upprisu með nýrri forystu sem leitar aftur í rætur hans og uppruna.

 

Súrt vín á gömlum belgjum er ekki það sem flokksmenn vilja.

En það þarf einhver að hafa kjarkinn til að benda á það.

 

Sá sem það gerir mun landið erfa.

Kveðja að austan.

Ný forysta í uppsiglingu: Hver tekur við taumunum?

Gulli tekinn í bólinu

 

Og ef ég á að vera meinfýsinn, þá tók Inga Sæland hann á teppið þegar hún spurði hann um kynlaus salerni, eitthvað sem Inga benti Gulla á að hún væri kona, ekki kynleysingur, hann sem karlmaður ætti kannski að skilja muninn.

Svona líkt og 99,95 prósent kvenna er, dætur okkar, eiginkonur, mæður, ömmur, langömmur og sá kvenleggur sem lifir lengst, langalangömmur.

 

Að Gulli greyið, sem þekkti ekki þessi einföldu sannindi, þó líklegast af móður fæddur, og þurfti yfirhalningu Ingu Sæland um hvernig börnin verða til, segir allt um þær ógöngur Sjálfstæðisflokksins að Gulli greyið, táknmynd alls þess sem miður fór og jafnvel Súpermann í stól formanns hefði ekki átt svar við, sé talinn vonarpeningur í embætti formanns flokksins!!

Sú falsmynd, þó keypt sé af fyrrum stuðningsaðilum Gulla, hlýtur að kosta upphæðir sem eru ekki innlendar, þó innlendir auðmenn og hagsmunir séu auðugir, einhver aur hlýtur að liggja í kosningu Gulla, sem ekki nokkur hvítur, eða svartur, gulur eða ha ha, kynsegin fær ekki séð eða skilið í fjárfestingunni.

 

Veit ekki nema ég veit að þessi færsla átti ekki að fjalla um Gulla og smán þeirra sem telja hann valkost til að leiða Sjálfstæðisflokkinn eftir Bjarna Ben.

Er svo sem árátta að eyða mörgum orðum i inngang, og þegar skelfing þess að pistillinn er orðinn alltof langur, að þá loksins sé fjallað um meginmálið, í færri orðum en ella.

 

Og meginmálið er ein spurning, spurning sem ríkisstjórn þeirra Katrínu, Bjarna og Sigga gat aldrei svarað.

Af hverju var ekki virkjað, burtséð frá að Gulli er eins og hann er?

 

Það er viss niðurlæging að viðurkenna að frá flokki forheimsku, sem og almennrar heimsku, flokki sem frá dögum Ingibjörgu Sólrúnar er eyðimörk vitsmuna og þess sem kenna má við Homo Sapiens, það er hinn vitiborna mann, sé umhverfisráðherra sem segir hlutina beint út.

Svo að allir þeir sem eru ekki forheimskir, eða heimskir og þaðan af verra, sú andlega eyðimörk sem Samfylkingin hefur verið frá dögum Ingibjargar Sólrúna, skilji og fatti að viðkomandi ráðherra er ráðherra Samfylkingarinnar.

Ekki Sjálfstæðisflokksins, ekki Framsóknarflokksins.

Ráðherra Samfylkingarinnar.

 

Og svo ég vitni í orð þess ráðherra; "Að nú sé kom­in til valda rík­is­stjórn sem sé sam­stiga um aukna orku­öfl­un og muni ganga hreint til verks.".

Og svo ég held því áfram; "Og það er al­mennt mik­il­vægt að þegar lög­gjaf­inn hef­ur ákveðið að virkj­ana­kost­ir séu í nýt­ing­ar­flokki, að þeir fái ásætt­an­leg­an fram­gang í stjórn­sýslu orku­mála, og breyt­ing­arn­ar sem eru núna í far­vatn­inu á leyf­is­veit­inga­ferl­inu miða að þessu".

Banabit allra kverúlanta þjóðarinnar, sem oftast ná ekki að vera fleiri en tveir-þrír, stundum aðeins einn, og ef kverúlantinn tekur sjálfan sig mjög alvarlega, rífst við brotabrot síns eigin sjálfs.

Kverúlant sem vissulega kaus Samfylkinguna, hugsanlega Vinstri-Græna en samt ekki líklegt vegna kommúnískra áhersla þess meinta Græna flokks, og sá brautargengi sitt hjá Gulla og kó, Svanhvíti og Guðbrandi, en er hluti af eyðimörk í dag, það er eyðimörk forheimsku sem kverúlantar byggja.

 

Gulli greyið má þó eiga að hann fattar smán sína og tækifærimennsku og því ræðst hann á núverandi umhverfisráðherra vegna Lilju Sjálfstæðisflokksins sem hann hefði viljað kveða í svona 10 ár eða svo, en kvað ekki.

Stendur á berangri eins og bjáni á eftir.

Allavega þeir flokksmenn sem mæla honum bót hafa nákvæmlega ekkert með að gera sjálfstæði, íhald, eða viðhorf og skilning hægri manna á menn og málefni, á samfélag okkar, á stjórnmál, eða það sem gerir Sjálfstæðisflokkinn að því sem hann er.

 

En það er jú alltí lagi að vera fífl, og spurningin aðeins hvort þú sért forheimskt fífl, eða aðeins fífl.

Kjósir Gulla, af því bara því hann sagði eitthvað, að það sé aukaatriði það sem hann gerði, hvort smánin sé meir að hann sé "Klósett Gulli", að sá sem gekk í takt með kverúlöntum Samfylkingarinnar, kverúlöntum sem núverandi Umhverfisráðherra hefur hafnað.

 

Í okkar verndaða samfélagi sem Moggabloggið er, þá vona ég að það sé leitun að fólki sem mælir Gulla bót.

Hygg að Palli bloggkóngur muni aldrei það gera.

 

Hvað með hin??

Hvað með hin??

 

Ekki mitt að svara, enda ekki íhaldsmaður, þó við Hriflungar erum gegnheilt íhald á skilning á mikilvægi sögur og arfleiðar, kannski mun ég segja eitthvað seinna, en stelpurnar eru ekki Gulli.

Ein eða tvær kannski hægri kratar, sú þriðja kannski ennþá í Barbí-leik, hvaða veit ég sem eldri er.

 

En þær eru ekki Gulli.

Höfum það á hreinu.

Og Jóhann Páll er ekki sjálfstæðismaður.

Reyndar má rífast um stelpurnar sem ég ætla ekki.

 

Þætti það samt skrýtið ef Sjálfstæðismaður byði sig ekki fram til embættis formanns flokksins.

En þeir eru svo sem í felum.

Greyin.

 

Þeirra er arfleiðin.

En til þess þarf kjark.

Kveðja að austan.

Munu stíga stærri skref en Guðlaugur hafði kynnt

Hin algjöra vanhæfni.

 

Myndirnar sem berast frá Los Angeles myndu sóma sér vel í hvaða sagfræðibók þar sem fjallað er um borgarbruna á miðöldum og uppúr því á meðan borgir voru þéttbyggðar timburhúsum og slökkvitólin fata og kústar.

Myndir af eldunum miklu í London á 17. öld eða þegar Kaupmannahöfn og handritin okkar næstum líka, um 1720, eru allar teiknaðar lýsingar sjónarvotta.

 

Núna er hægt að setja inn litmyndir og fólk getur ímyndað sér skelfingu og ógn eldsins.

Slökkvitækin reyndar ekki fata og kústur, núna má sjá myndir af einmanalegum slökkviliðsmönnum sprauta bunu úr mjórri slöngu sem hefði sómt sér vel á forngripnum sem var einu sinni Slökkvibíll okkar Norðfirðinga, og svo sést jú ein og ein einmanaleg þyrla tæma úr skjólu sinni, svona nútímaútgáfan af fötunni.

Það eina sem vantar til að ramma inn fáránleik vanhæfninnar er að hin svarta kona sem er borgastjóri Los Angeles bæði almenning að mæta og pissa á eldana, það myndi örugglega hjálpa eitthvað

 

Nú er það ekki svo að það sé eitthvað ríkisleyndarmál að jörðin sé að hlýna og aukin hlýnun jarðar þýðir meiri bruni á heitum svæðum þar sem eitthvað er til að brenna.

Aðvaranirnar hafa verið fjölmargar og vitað að aðeins um tímaspursmál væri að ræða þar til svona brunar myndu herja á þéttbýl svæði.

Það tók bæinn Paradís aðeins hálftíma að fuðra upp, og þeir sem voru ekki búnir að forða sér, áttu enga möguleika að sleppa undan eldinum.

Einhvern lærdóm hefðu menn mátt draga af því, og jafnvel útbúa neyðaráætlanir svo menn yrðu tilbúnir fyrir svona bruna eins og herja á Los Angeles í dag.

 

Nei menn skera niður til slökkviliða, það þarf jú að hagræða, hafið þið ekki heyrt það áður??

Og þau tæki sem menn þó hafa eru úrelt og ráða engan veginn við svona stórelda.

Álíka gagnleg eins og að pissa á eldinn, vonin liggur í að það lægi vindar, sem þeir ætla ekki að gera.

Það mætti halda að Bandaríkin væru eitthvað vanþróað þriðja heims land en ekki ríkasta land í heimi.

 

Land sem getur teppalagt heilu borgirnar með sprengjuregni, á ekki flugvélar til sömu verka við að slökkva elda í þéttbýli.

Þó eru menn búnir að vita þetta í fjölda fjölda ára en hafa ekkert gert til að undirbúa sig fyrir hamfarirnar.

Íslendingar geta pantað öflugar dælur til að kæla hraun, en þeir sem ráða þarna vestra hafa ekki frétt af neinum slíkum tækjum og tólum, þó bíður Kyrrahafið eftir því að verða dælt yfir eldana næst því.

 

Hlálegast er svo, að tæknin frá þriðja áratug síðustu aldar, gömlu góðu brunahanarnir, eru vatnslausir af stórum hluta.

Það er sko niðurskurður.

 

Vanhæfnin er slík að það liggur við að í samanburði sé Reykjavík stjórnað af hæfu fólki.

Sem er náttúrulega ekki, þessi vanhæfni er orðin landlæg um allan hinn vestræna heim.

Pólitíski rétttrúnaðurinn hefur alið af sér heila kynslóð vanhæfra stjórnenda.

Enda hvernig er hægt að búast við öðru af fólki sem veit ekki lengur hvernig börnin verða til og kallar konur legbera.

 

Tjónið vegna þessara vanhæfni slagar núna hátt í 100 milljarða dollara vegna sparnaðar upp á einhverja milljóna dollara.

Eða menn ráðast ekki í fjárfestingar uppá einhverja milljarða dollara til að útvega slökkviliðum nógu öflug tæki og tól til að kæfa svona elda í fæðingu.

Slökkviflugvélar kosta örugglega eitthvað, en þó er öruggt að það er hægt kaupa nokkrar fyrir andvirði einnar herþotu.

Fyrir andvirði hundrað herþotna er hægt að útbúa nógu stóran flugflota til að kæfa jafnvel hina stærstu elda, og tækni til að teppaleggja er þegar til staðar hjá flughernum.

 

Af hverju var þetta ekki gert??

Af hverju er blaðrað og blaðrað, og svo aftur blaðrað.

 

Af hverju snúast varnir mannsins gegn hlýnun jarða um eitthvað kvótabrask og losunarheimildir, um græna skatta sem sjúga þrótt úr atvinnulífinu og skaða þar með tekjur samfélaga til lengri tíma??

Í stað þess að tækla vandann með þeim tækum og tólum sem við þó höfum hannað og þróað??

Af hverju er ekkert gert annað en að láta loftslagsbraskara gera almenning að féþúfu???

Af hverju föttum við svo ekki að fólk sem veit ekki einu sinni hvernig börnin verða til, veit heldur ekki neitt annað því það er heimskt, og ekki hæft til nokkurrar forystu??

 

Hvað þurfum við að reka okkur oft á??

Hve margar borgir brenna eða hve mörg græn gámaskrímsli rísa inní miðri íbúðabyggð til að við finnum aftur bak við hægra eyrað þá skynsemi að segja Nei við þetta lið.

Nei við pólitíska Rétttrúnaðinum og vitleysingana sem hann hefur alið af sér.

Segjum Nei eins og Kristrún Frostadóttir gerði við Dag B. Eggertsson.

 

Spyr sá sem ekki veit.

En það mætti samt fleiri spyrja.

Kveðja að austan.

Tala látinna hækkar

Er Evrópa loksins farin að snúast gegn hinu frjálsa flæði glæpa og mannssals??

 

Það er athyglisvert að á meðan Nýfrjálshyggjan í ríkisstjórn Íslands hefur komið aðild að Evrópusambandinu á dagsskrá, að þá berast fréttir frá Evrópu, að loksins sé tekist á við hið frjálsa flæði vændis, mannsals, eiturlyfjasölu og glæpa sem er beinn fylgifiskur hins frjálsa flæðis fjórfrelsisins.

 

Í viðtengdri frétt þurfti reyndar frelsi frá hinu frjálsa flæði glæpa og mannsals, þökk sé Brexit, en ef fólk sleppur að lesa málgagn Íslamista á Íslandi í samkrulli við flótta og mannsalsiðnaðinn, þá fylla svona fréttir síður frjálsra fjölmiðla í norðanverði Evrópu.

Glæpafólk hins frjálsa framsals er handsamað, rannsakað og dæmt fyrir svívirðu sína, áratugum eftir að það hóf alþjóðlega eða réttara sagt samevrópska glæpastarfsemi sína.

 

Í þessari frétt Mbl.is, frétt sem hefur örugglega sloppið framhjá meðvirkum fréttastjóra blaðsins með voðaverkum Hamas og Íslamista, meðvirkninni með samevrópskum glæpum mannsals og flóttamannaiðnaðarins hins frjálsa flæðis, kom fram að skoska lögreglan hefði loksins gripið inní glæpasamtök 5 einstaklinga, sem hefðu verið sek um mansal, kynferðis- og fíkniefnabrot, og þó það þurfi ekki mikla vitsmuni til að fatta að raunmynd slíkra samevrópska glæpa megi fargfalda með tölu á milli 1000 og 10.000, þá má samt þakka fyrir hið fyrsta skref.

 

Hér á Íslandi gefa algjörlega vanhæf löggæsluyfirvöld, tek það samt að ljóshærðar konur stjórna viðkomandi löggæsluyfirvöldum, svo rétthugsunin er í lagi hjá Sjálfstæðisflokknum, út skýrslu um 15-20 glæpasamtök, sem flest eiga sér erlendar rætur.

Selja dóp, brjótast inn, níðast á fólki af erlendum uppruna og fyrirtækjum þess; meiða, misþyrma, farin að skjóta og sprengja, og drepa.

Og skýrslan þótti vel unnin.

 

Aðgerðir gegn glæpahyskinu, glæpasamtökunum, þær voru ekki til umræðu, enda slíkt árás á hið evrópska flæði glæpa og mannsals sem er ávöxtur hins frjálsa flæðis.

Samstarf Góða fólksins og atvinnugóðmenna í raða þess, við mannsals og flóttamannaiðnaðinn, voru ekki heldur til umræðu, enda miklir peningar í húfi, fyrir Góða fólkið

Svo er gróði í mansalinu.

 

Á milli vina fóru hátt í 30 milljarðar á síðasta ári þegar allt er talið til.

Þar sem þeir peningar eru ekki til skiptanna, þá laut innlent heilbrigði í gras, aldrei hafa fleiri líf fallið vegna geð og fíkni sjúkdóma.

Til haga skal samt haldið að Góða fólkið, og fulltrúar þess sem þjóna mannsals og flóttamannaiðnaðinum, að það lapti ekki dauðann úr skel, öryggir reikningar uppá milljarða á milljarða ofan, komu sér vel fyrir fjárhag þess.

 

Evrópa er samt farin að snúast gegn Góða fólkinu, sem og atvinnugóðmennum þess.

Samstarfsaðilarnir jafnvel teknir og dæmdir.

Sex í dag, hugsanlega 600 á morgun, kannski 6.000 daginn þar á eftir.

Það er ef kjarkur ræðst á hið frjálsa flæði glæpa og mannsals innan Evrópska efnahagssvæðisins.

 

Á Íslandi mun það ekki gerast.

Hagsmunir gróðans af glæpum og mannsali eru innvinklaðir í ríkisstjórn Íslands í dag.

 

En í Evrópu blása aðrir vindar.

Jafnvel svo sterkir að þeir munu fella mannaumingjann sem í dag er forsætisráðherra Bretlands, en brást í embætti sínu sem ríkissaksóknari að vernda sakleysi þarlendra, ungra stúlkna gegn kynofbeldi og nauðgunum Íslamista í Bretlandi.

Reyndar var svívirða hans svo mikil að hann hylmdi yfir þessa glæpi, og sigaði löggæsluna á aðstandendur fórnalamba þessara kynglæpa og nauðgana.

 

Þess vegna hygg ég að þó Góða fólkið telji sig öruggt í dag, að gróði þess að samstarfinu við mannsals og flóttamannaiðnaðinn, sé ekki eins öruggt og það heldur.

Að ekki bara landamærunum verði lokað fyrir glæpasamtökum heldur verði þáttur þess í hagnaðinum af "opnum" landamærum rannsakaður, það dregið til ábyrgðar og dæmt.

Kannski ekki en það er full ástæða fyrir það að óttast.

 

"The Times, They Are a-Changing", söng Bob Dylan, hans orð eiga sjaldnast betur við en í dag þegar eitt tíst um sekt mannaumingjans sem er forsætisráðherra Bretlands í dag, fær flug og athygli þannig að öllu hugsandi fólki er ljóst sekt hans.

Mannsins sem gerði Íslamistum í Bretlandi kleyft að svívirða og nauðga þúsundir ungra stúlkna á Bretlandi.

Svívirðingarnir, helteknir af sínum miðaldartrú, gerðu það sem þeim var innrætt af prestum sínum og trúararfleið, sekir, en ekki eins sekir og mannauminginn sem nýtti sér embætti sitt sem ríkissaksóknari til að hylma yfir glæpi þeirra og viðbjóð því hann óttaðist um fylgi Íslamista við Verkamannaflokkinn.

Fylgi sem tryggði honum seinna meir sigur í þingkosningunum, breski verkamannaflokkurinn á sem sagt völd sín að þakka stuðningi svívirðinga og barnanauðgara.

 

Eitthvað sem Musk hefur afhjúpað og verður ekki þaggað.

Ekki frekar en samsekt Góða fólksins við hið frjálsa flæði glæpa og mannsals, sem og þóknunina sem það stakk í sína feitu vasa.

 

Því Evrópa líður þetta ekki lengur.

Sama hve Góða fólkið sækir oft um aðild að Evrópusambandinu.

Þar á það ekki lengur skjól.

 

Tímarnir eru að breytast sagði Dylan.

Það eru orð að sönnu.

Kveðja að austan.

Dæmd fyrir svívirðilegt brot

Vonarpeningurinn.

 

Margir hafa lengi talið tímabært að Bjarni Benediktsson segði af sér formennsku Sjálfstæðisflokksins.

 

Það breytir því samt ekki að Bjarni hefur verið klettur í íslenskum stjórnmálum; skynsamur, málefnalegur, rökfastur.

Eiginleikar sem voru að verða ákaflega sjaldgæfir í íslenskum stjórnmálum, fremst meðal jafninga vitleysunnar var forystufólk Samfylkingarinnar, milli Kristrúnar og Ingibjargar Sólrúnar var vitsmunaleg eyðimörk, stundum skaðleg.

 

Þegar þessi tími verður seinna gerður upp í sögunni, mun Bjarni Ben fá góða dóma, fólk mun átta sig á því að það var hann sem bjargaði þjóðinni frá algjörri óreiðu og upplausn.

Samstarf hans við Katrínu Jakobsdóttur var límið í ríkisstjórn hinna þriggja flokka frá hægri til vinstri, þar sem valkosturinn var óreiða og hávaði Samfylkingarinnar, Pírata og nýfrjálshyggju Viðreisnar.

Gjaldþrot þeirra óreiðu sjáum við í dag í græna ferlíkinu í Álfabakkanum, gjaldþrot sem hefur blasað við í fjölda ára í Reykjavík; gegn skynsemi, málefnum og rökhyggju, er teflt vanhæfni, óskilvirkni, vitleysu.

Við getum spurt okkur sem þjóð, óháð öllum pólitískum skoðunum okkar og stuðningi við einstaka flokka eða stefnur; Hvernig værum við í dag eftir einn heimsfaraldur og 8 eldgos ef vitleysingahjörðin hefði stjórnað þjóðinni???

 

Það var vissulega kominn tími á þriggja flokka stjórnina, sá tími kom þegar Katrín gat ekki stöðvað tilraun Svandísar til að sprengja ríkisstjórnina þegar hún réðst á byggðalag og verkafólk með því að stöðva hvalveiðar á síðustu mínútu. 

Eftir það var stjórnin dauð og eftirleikinn þekkja allir, en það breytir því ekki, þó menn geti verið ósammála um einstök atriði, að stjórnin stóð sig í heimsfaraldrinum og í að skipuleggja vörn þjóðarinnar eftir að eldgosin hófust við Grindavík.

Það er í eðli þjóðarinnar að setja út á, en sagan er sanngjarnari, Bjarni var betri en enginn á ögurstundum.

 

Allt tekur samt enda og hans tími er kominn.

Og vonarpeningur valda og áhrifa sprettur fram.

 

Við einn er rætt í þessari frétt, og hann óttast um stöðu sína ef flokkurinn sem hann taldi sig eiga erfa, fengi tíma til að hugsa ráð sitt og stöðu, leita skýringar á vanda, finna hæfa forystu til að breyta ásýnd flokksins og gera hann samkeppnishæfan á ný meðal íhaldsfólks.

Sem þessi vonarpeningur og hinn vonarpeningurinn, eða tækifærisinninn eða fyrrverandi ráðherrann sem örugglega réði við að stýra bæjarfélagi austan heiðar, eru ekki hæfir til.

Svo það sé sagt hreint út að það sem er í boði í dag innsiglar feigð Sjálfstæðisflokksins.

 

Þórdís Kolbrún svo dæmi sé tekið myndi sóma sér vel sem varaformaður Viðreisnar því þar er Þorgerður henni fremri að styrk og þroska og hún gæti tekið slaginn við Kristrúnu því ekki er mannvalið mikið í Samfylkingunni.

En sem hægri krati mun hún aldrei ná til íhaldsmanna, kjarnafylgis Sjálfstæðisflokksins.

 

Að Áslaug Arna sé nefnd sem vonarpeningur segir aðeins til um hnignun dómgreindar og almennar skynsemi þjóðarinnar, hnignun sem hefur hugsanlega með áhrif flúors í tannkremi að gera.

Fullorðið fólk kýs ekki krakka þegar aðrir flokkar bjóða uppá fullorðið fólk, einn skýringarþátta á fylgi Viðreisnar, og unga fólkið er búið að fá nóg af ruglandanum sem það upplifir í Reykjavík og láir því enginn.

Það mun ekki hlusta á afskræmingu stjórnmálaskóla Sjálfstæðisflokksins á pólitískri rétthugsun því það hefur fengið nóg af þessari sömu rétthugsun.

 

Guðlaugur Þór er síðan ekkert í pólitík, nema kannski það að gera Guðlaug Þór og fjölskyldu ríka í gegnum stjórnmálaþátttöku sína.

Engin skoðun, engin stefna, engin leiðsögn; Ekkert.

Pólitísk útgeislun hans er síðan á plani við Kristján í Hval.

 

Guðrún Hafsteinsdóttir er síðan góður fagráðherra, góður embættismaður, og gæti örugglega orðið góður bæjarstjóri í heimabæ sínum.

En kosning hennar yrði meira slys fyrir Sjálfstæðisflokksins en kosning Theresu May var á sínum tíma fyrir breska Íhaldsflokkinn.

Það er liðin karlremba að halda að það dugi að kjósa konu og þá munu hlutirnir reddast af sjálfu sér.

 

Breski Íhaldsflokkurinn gerði hins vegar loks það sem þurfti að gera.

Hann kaus svarta stelpu frá Nígeríu formann flokksins, ekki vegna þess að hún var svört stelpa frá Nígeríu, heldur vegna þess að hún er hæf.

Hún er hæf, og hefur eitthvað að segja.

 

Siðmenningin á undir högg að sækja.

Margar ógnir steðja að henni, jafnt utan sem innan.

 

Eitt helsta innanmeinið er forheimska og tómhyggja hins pólitíska Rétttrúnaðar, þessi sem kennd er við Góða fólkið.

Og meðan ekki er hægt að banna flúor í tannkremi, þá þarf fólk sem talar gegn þessari foráttuheimsku og víðáttuvitleysu sem hinn pólitíski Rétttrúnaður Góða fólksins er.

 

Líkt og breski Íhaldsflokkurinn gerði, að kjósa hæfa manneskju sem talar mannamál, ekki eitthvert furðumál eins og Dagísku, þarf Sjálfstæðisflokkurinn að gera það líka.

Fyrst að Samfylkingin gat það, þá ætti hann að geta það.

 

Aðeins þannig nær hann vopnum sínum á ný.

Eða deyr ella.

Kveðja að austan.

Vill ekki fresta landsfundi