Stóra lygin.

 

Í pistli gærdagsins fjallaði ég um hungursneyðir, alvöru hungursneyðir og sýndi með nokkrum mynddæmum að engin slík væri á Gasa á dag, hvað síðar verður ef Hamas kemst áfram upp með að skjóta á fólk í biðröðum eftir mat eða að matvæladreifing Sameinuðu þjóðanna haldi áfram að neita dreifa mat á Gasa.

Það eina sem er rétt í þessari frétt er að nægum matvælum er ekki dreift á Gasa, og verði hungursneyð, þér verður hún að mannavöldum.

Í þessum pistli ætla ég að fjalla um lygina að baki þessum áróðri og velta fyrir mér af hverju  virt hjálparsamtök taka þátt í þessum áróðri morðóðra Íslamista sem halda þjóð sinni í heljargreipum og hafa valdið henni ómældum hörmungum??

 

Tökum aftur fyrir fréttina sem sýndi mjög illa farinn dreng, grindhoraðan og hann sagður fórnarlamb hungursneyðar, eða eins og Jóhanna Vigdís sagði í kvöldfréttum gærdagsins, börnin sem Ísraelsmenn hafa svelt til dauðs.  Séu þau orð sett í samhengi við myndefnið af drengnum mætti halda að Ísraelsmenn héldu börnum í sérstökum sveltunarbúðum því ekki sýna fréttamyndir frá Gasa nein slík langsoltin börn, þó engin dragi það í efa að þar eru mörg hungruð börn.

Hérna fyrir neðan klippti ég saman mynd af þessum unga dreng, til hægri, við mynd af einu af fórnarlömbum hungursneyðarinnar miklu í Sómalíu 1992, líkindin eru sláandi.  En ég klippti líka saman mynd af móður hans með farsímann í hendinni tekna á sjúkrabeði sonar síns, við mynd af einum af mæðrum hinna sveltandi barna í hungursneyðinni 1992.  Þar eru líkindin ekki sláandi. Og auðvelt að sjá hvor myndin er tekin á Gasa 2025 og hvor í Sómalíu 1992, það er ekki farsíminn sem skilur á milli.

 

 

 

 

 

 

 

k

Hvað sem hrjáir þennan unga palestínska dreng þá er það ekki langsvelti, ekki nema menn trúi því að móðirin hafi borðað allan matinn frá drengnum.

Það er kannski ekki hægt að gera kröfu til auðtrúa blaðamanna að þeir sjái í gegnum þessa fölsun á meintri hungursneyð, en innan raða þeirra rúmlega hundruð hjálparsamtaka sem vara við útbreiðslu hungursneyðar á Gasa strandarinnar, er fagfólk sem á strax að sjá að spítalarnir á Gasa mata umheiminn á fölsuðum gögnum.

Að langveik börn sem eru illa farin vegna sjúkdóma sinna, eru notuð sem leikmunir í áróðri Hamas um hina meintu hungursneyð, og að læknar sem hjálparsamtökin vitna í, taka þátt í þeim blekkingarleik.

Að sjálfsögðu sjá þau þetta, en kjósa samt að taka þátt í lyginni; Af hverju??

 

Hér fyrir neðan ætla ég að birta link á vídeó sem tekur á nokkrum af þessum lygum og blekkingum og eins og sá sem gerði það vídeó tekur fram, þá er hann Ísraeli og þar með sagður vera Zíonisti og lýgur örugglega öllu, þess vegna bað hann fólk um að kynna sér málið, næg væru gögnin.

Hann fjallaði ekki um fréttafölsunina sem skar svo í augun og ég hef fjallað hér um að ofan, en hann kom með nokkur dæmi sem ég þekkti úr fyrrum fréttum Rúv og þar ljúga myndirnar ekki.

Palestinian Propaganda EXPOSED. The Gaza Victim Videos Are Fake!!!

 

Mér minnistætt fréttaskotið af horaðri ungri stúlku sem stóð innan um rústirnar og sagðist vera svöng, hún hefði engan mat.  Hann sýndi þetta myndskeið, hló að því að það væri það illa gert að það heyrðist í leikstjóranum í bakgrunninum sem minnti ungu stúlkuna hvað hún ætti að segja, en kom svo með prófíl að síðu þessar ungu stúlku þar sem fólk var beðið um að styrkja hana og fjölskyldu hennar því hún væri með krabbamein.

 

 

 

 

k

 

 

Fyrri mynd mín er skjáskot af ákalli stúlkunnar, hún átti að vera svona tekin og horuð því hún væri langsoltin, en sannleikurinn sá að hún var langt gengin með krabbamein.  Ekki nema það sé feik líka.  En það sem styður að þetta myndskeið sé leikstýrt af áróðursdeild Hamas er að á sama tíma birtust fréttamyndir af börnum á Gasa, og þau voru ekki svona horuð, sýndu engin sambærileg merki um að vera langsoltin eins og þessi unga stúlka átti að vera.

Fleiri svona dæmi er tekin fyrir í vídeóinu og spurt; Ef ástandið er svona slæmt eins og sagt er, svo ég vitni aftur í Jóhönnu Vigdísi að Ísraelar séu að svelta börn til dauðs, af hverju þarf þá að feika myndefni??

Það er eins og áróðursdeild Hamas átti sig ekki á því að nútíma myndleitarforrit eru það öflug að það er alltaf hægt að finna frummyndirnar, og þær koma víða, ekki bara frá langveikum börnum á Gasa, heldur líka frá Íran, Sýrlandi og Yemen svo dæmi séu tekin.

 

Já af hverju þarf að falsa myndefni ef dæmin eru svo mörg að sögn??

Við því er aðeins eitt svar, svar sem fréttamyndir frá Gasa hafa ítrekað staðfest; Vegna þess að þau eru engin.

 

Annað dæmi sem mig langar að minnast á er eitt frægasta fréttaskot sem sagt var frá Gasa þegar árásir Ísraela á Gasa stóðu sem hæst snemma árs 2024. 

Höfum það á hreinu að þessar árásir voru skelfilegar fyrir íbúa þar en samt komst í mikla dreifingu myndband af blaðamanni sem var sagður mynda síðustu augnablik lífs síns þar sem hann ákallaði heimsbyggðina um að koma íbúum Gasa til hjálpar.  Svo kom hvellur og sagt að viðkomandi blaðamaður; Mohammad Shehab væri allur og það var sérstaklega tekið fram að 44 af fjölskyldu hans hefðu fallið í loftárásinni sem varð honum að aldurtilla.  

Þetta myndskeið kom í fréttum Rúv og ég man að mér fannst það skrýtið hvað margir úr sömu fjölskyldunni hefðu dvalist í sömu íbúðablokkinni, sem og hvað fjölskylda hans væri fjölmenn, en ég tók ekki eftir að í síðustu orðum hans var ákall um stuðning; Af hverju styrkið þið ekki okkur um mat og pening eins og ég væri að hlusta á eldmessu á Omega.

Meinið var að þetta vídeó var tekið upp í Dubai, og viðkomandi meinti blaðamaður lifir þar góðu lífi, hann hefur ekki einu sinni fyrir því að fela slóð sína í eftirlífinu, svo mikið er traust hans á fávisku og vanhæfni blaðamanna á borgarlegum fjölmiðlum Vesturlanda.

 

Það er staðreynd að sá sem notar lygi sér til framdráttar, hefur ekki sannleik að segja.

Hvað skyldu mörg svona fölsuð fréttaskot hafa ratað inní umræðuna eða í vestræna fjölmiðla??

Eða stóra spurningin; Læknar sem ljúga til um meinta hungursneyð, hvað skyldu þeir ljúga mikið um annað??

Við vitum allavega að sjúkrahús á Gasa hafa öll verið á síðasta snúning frá upphafi stríðsins, samt virðast sum þeirra allavega vera starfandi og greina frá hvað svo og svo mörg börn hafa dáið úr vannæringu þennan sólarhringinn.

 

Annað sem snýr af hinni meintu hungursneyð er sögnin um að yfir þúsund manns hafi verið drepin af Ísraelsmönnum í matarbiðröðum, og til skamms tíma var þó tekið fram að þær tölur væru hafðar eftir Almannavörnum Gasa.  En svo ég vitni aftur í fréttir Rúv frá því í gær; "hermenn og öryggisverðir hafa skotið yfir þúsund manns í röð", þá er enginn fyrirvari gerður lengur á þessari fullyrðingu.

Þann annan júní síðastliðinn leiðrétti Washingon Post frétt sína frá deginum áður um að 31 Palestínumaður hefði verið drepinn í skotárás Ísraela, eða í þessari röð sem Rúv talaði um.  Fyrir fréttinni var borin Almannavarnir Gasa, en leiðréttingin var vegna þess að blaðið engar aðrar heimildir, í raun ekkert sem gat staðfest þessa fullyrðingu. Linkurinn á leiðréttinguna er hér að neðan.

The Washington Post @washingtonpost Correction

 

BBC reif hins vegar kjaft og varði þennan einhliða fréttaflutning, vörnin þar er ekki sterk svo vægt sé til orða tekið, ekkert myndefni eða neitt staðfestir hina einhliða frásögn.

What we know about killings near US-Israeli backed Gaza aid site

Það sem ég hnaut sérstaklega um var þessi tilvitnun í talsmann Almannavarna Gasa, tilvitnun sem ætti að hringja viðvörunarbjöllum hjá þeim sem vilja segja satt og rétt frá.

"Mahmoud Basal, a spokesperson for the Palestinian Civil Defence agency, told the BBC that the incident again occurred a few hundred metres away from the Al-Alam roundabout. He said most of those killed or injured "were hit by gunfire from tanks, helicopters and quadcopter drones"."

Af hverju ósköpunum ættu Ísraelsmenn að ráðast á vopnlaust fólk í matarbiðröð með skriðdrekum, þyrlum og drónum, svona fyrir utan hættuna á að slík stórtæk árás næðist á síma, þá dugar bara ein vélbyssa.

Sá sem sér ekki í gegnum svona tal er þegar búinn að móta sér afstöðu, hann er ekki að segja frétt, hann er þáttakandi í áróðri.

 

Það eru tvær hliðar á öllum málum, eða það hefði maður haldið að þeir sem kölluðu sig blaðamenn vissu, en slíku er ekki fyrir að fara í borgaralegum vestrænum fjölmiðlum í dag.

Þess vegna langar mig að birta link á fréttasíðu Gyðingasamfélagsins í Bandaríkjunum.

Humanitarian Aid in Gaza: What’s Really Happening

Fróðleg lesning fyrir þá sem vilja kynna sér hina hliðina, varðandi fullyrðinguna að fleiri dreifi matvælum á Gasa en hið svokallaða Bandaríska fyrirtæki sem Rúv tönglast á, þá staðfesta Sameinuðu þjóðirnar það.  Þeir eiga bara svo erfitt vegna einhverra tæknilegra örðugleika eða þannig enda erfitt að hanna "Hungursneyð af mannavöldum" ef matvælum er dreift á Gasa.

Einhver getur spurt, það er ef þessi einhver myndi nenna að lesa; Er þetta ekki bara lygaþvættingur gyðinga??  Og því er til að svara að þegar maður hefur lesið fréttir, reynt að sannreyna þær með frekari lestri þá smán saman fær maður heildarmynd sem að mínum dómi segir mér að þetta er góður pistill sem segir margt frá hinni hliðinni.

 

Svo þegar maður hefur það í huga að sá sem ítrekað lýgur, segir bara satt þegar að hentar að hann er ekki trúverðug heimild.

Og lygarinn stjórnar fréttaflutningi borgaralegra fjölmiðla í dag.

Morgunblaðinu væri til dæmis í lófa lagt að afhjúpa allt þetta fals og lygi, það er ef blaðið stundaði blaðamennsku.

 

Hverjir eru fórnarlömbin, mig langar að vitna í einn mann sem bendir á þá staðreynd; "Mikilvægt er að Ham­as sýni sam­kennd gagn­vart íbú­um á Gasa. Mik­il­vægt er að Ham­as láti af völd­um og skilji það að ef þeir halda áfram völd­um á Gasa muni það leiða til enda­loka til­veru Palestínu".

Ekki haft eftir hægri öfgamanni út í bæ heldur eru þetta orð Mahmúd Abbas, for­seta palestínsku heima­stjórn­ar­inn­ar og leiðtogi Fateh-sam­tak­anna eftir að Ísraelsmenn rufu vopnahléið frá því í mars og hófu aftur árásir sínar.

Hamas sýnir ekki þessa samkennd og það gera ekki þeir heldur sem endurróma gagnrýnislaust áróðri og blekkingum samtakanna.

 

Samtaka sem hafa logið frá fyrsta degi og viðurkenndu ekki ódæðisverk sín þann 7. október  fyrr en beinharðar sannanir ráku lygarnar ofani kokið á þeim.  Þeirra eigin myndskeið, þeirra eigin orð.

Sameinuðu þjóðirnar afneituðu líka þeim voðaverkum, viðurkenndu aðeins drápin, ákváðu að hundsa þau þar til sömu sannanir neyddu þau til að gefur út yfirlýsingu þar sem voðaverkin voru fordæmd.

Segir allt sem segja þarf um viðkomandi samtök, afstöðu þeirra og meint hlutleysi.

 

Það er nefnilega enginn sem tekur undir þetta ákall Abbas, það er enginn sem sýnir íbúum Gasa samkennd.

Annars tæku menn ekki afstöðu með áróðri samtakanna og hjálpuð til við hina manngerðu hungursneyð sem samtökin bera beina ábyrgð á.

Það er nægur matur til að dreifa og það eru Sameinuðu þjóðirnar sem neita að dreifa honum, staðreynd sem er ekki hægt að neita.

Þeirra eigin orð, bera fyrir sig formgalla.

 

Þetta er langur pistill, hugsaður fyrir mig til að hreinsa mína samvisku, að ég sýni samkennd með þessari veiku tilraun til að vekja athygli á staðreyndum sem ekki er hægt að hundsa.

Varðandi átökin á Gasa þá er það bara þannig að sá sem ráðist er á af her sem ætlar að útrýma viðkomandi landi og þjóð, að hann hefur rétt á að verja hendur sínar og knýja árásaraðilann til uppgjafar.

Á því byggist alþjóðakerfi okkar, Sameinuðu þjóðirnar voru reistar úr rústum Seinni heimsstyrjaldarinnar eftir að árásarþjóðir þeirrar styrjaldar voru neyddar til uppgjafar í stríði sem kostaði viðkomandi þjóðir ómældar þjáningar, dauða milljóna saklausra, fólks sem hafði ekki annað sér til saka unnið en að búa í viðkomandi löndum.

Árásarríkin voru sigruð og þau voru látin borga skaðabætur en ekki ríkin sem lögðu borgir þeirra í rúst, ollu margföldum skaða en árásarríkin öllu nokkurn tímann í þeim löndum sem þau réðust á.

Að segja núna að þú megir hvað sem er, þess vegna að ætla að útrýma nágrannaríkjum þínum, bara ef þú horfar inn fyrir landamæri þín, er um leið endurskrifun á þeim alþjóðareglum sem komið var á í stríðslok, að segja að það hafi allt verið fals, hin raunverulegu fórnarlömb hafi verið þjóðir Japans og Þýskalands.

Verði mönnum að góðu með að.

 

Það breytir því samt ekki að þetta stríð er gjörsamlega tilgangslaust, er háð eingöngu drápanna vegna eftir að Ísraelsmenn rufu vopnahléið í mars síðastliðnum, eftir það hafa þeir fáar réttlætingar á árásum sínum.

Þeir geta ekki sigrað Hamas, þeir geta ekki frelsað þá gísla sem ennþá eru í haldi.

Þeir geta aðeins skemmt skrattanum.

 

Nema að við þurfum ekki að taka þann dans.

Við þurfum ekki að vera verkfæri Hamas.

Við eigum að geta sýnt íbúum Gasa samkennd án þess að vera samdauna illskunni sem kom þeim í þessar hörmungar allar saman.

 

Við eigum en gerum ekki.

Flest okkar.

Kveðja að austan.

 

 

 

 

Hungursneyðin „af mannavöldum“

Ásýnd hungursins.

Það var átakanlegt að sjá fréttamyndskeiðið af vannærða dregnum sem var ekkert annað en skinn og bein og virtist greinilega bíða dauðans þó hann væri kominn í skjól lækna og lægi í sjúkrarúmi.

Það þarf langvarandi hungursneyð til svona sé illa komið fyrir börnun, þau eru langsoltin, allt samfélagið er langsoltið, annars hefði einhver gefið drengnum að borða.

Hungursneyð þar sem engan mat er að fá.

 

Þegar ég sá þetta myndskeið þá kom uppí huga mér löngu grafin mynd af ungri sómalskri móður, kinnfiskasoginni í andliti, eftir langa göngu að búðum þar sem mat var að fá, í fangi hennar var illa vannært barn, dauðvona.

Þessi mynd er í huga mínum ásýnd hungursins, því þessi hungursneyð var af mannavöldum vegna langvarandi borgarastríðs í Sómalíu 1992.

 

Ég get ekki dregið þessa mynd út huga mér og fest í myndaalbúm, en ég get leitað að sambærilegum myndum frá hungursneyðinni miklu í Sómalíu 1992.

Hver myndin hroðalegri kom upp og hér fyrir neðan birti ég eina, fleiri koma í fyrstu athugasemd, bara svo við vitum hvernig ásýnd hungursins lítur út.  Þarna er langsoltin móðir að gefa barninu sínu mjólk sem hún hefur fengið hjá matvæladreifingarmiðstöðinni, drengurinn hennar er ekkert annað en skinnið og beinið líkt og unglingurinn sem barðist fyrir lífi sínu í sjúkrarúminu á Gasa.  Það sést á móðurinni að hún hefur sannarlega gefið barninu sínu allan þann mat sem hún átti, merki vannæringarinnar blasa við.

En það sem sló mig þegar ég horfði á þessa frétt Rúv, þá sá ég engin önnur merki um þá hungursneyð sem hafði leikið þennan dreng grátt. 

Ef hún hefur verið, þá hefur hún veri fjarri móðurinni sem og starfsfólki spítalans.  Og ekki voru merki hennar heldur að sjá á sjúkraflutningamönnunum sem ásamt liðsmönnum Hamas sem kalla sig fréttamenn, flautuðu fyrir utan sjúkrahúsið til að vekja athygli á yfirvofandi hungursneyð, en ekki þeirri langvarandi sem hafði leikið þennan ungling svo grátt.

 

Ísraelsmenn fullyrða að Hamas sé í grimmu áróðurstríði eftir að aðgangur þeirra að ókeypis mat frá Sameinuðu þjóðunum, til að taka og selja, var stöðvaður. 

Þeir skjóti á fólk við matarbiðraðir, egni ísraelska hermenn til átaka með árásum á þá, og svo er öllu logið sem hægt er að ljúga um yfirvofandi hungursneyð.

Ísraelsmenn staðhæfa að Sameinuðu þjóðirnar taki þátt í þessar lygaherferð, matvæladreifing samtakanna hafi aðgang að mat sem ekki er dreift, sem og að hún neitar að vinna með þeim hjálparsamtökum sem núna sjá um dreifingu matvæla á Gasa.

Gegn þessum staðhæfingum Ísraelsmanna er þessi frétt, að um 100 hjálparsamtök vara við því að hungur sé að dreifast út á Gasa, nú þegar er sagt að um 15% íbúa þar búið við slíka neyð.

 

Orð gegn orði, þá er gott að skoða myndir, þessi mynd hér að ofan er tekin 1992, þá var ekki tækni til að djúpfalsa myndir ekki til, myndin er því raunveruleg, hún sýnir fórnarlömb hungursneyðar.

Myndin hér að neðan er skjáskot af frétt Rúv, þannig maður skyldi ætla að hún væri ekki fölsuð af Ísraelsmönnum og hún sýnir andlit hins langsoltna drengs sem og móður hans við sjúkrabeðið.  

Það þarf ekki glögg augu til að sjá að það er sláandi munur á þessum tveimur myndum.  Það gæti hvarflað að manni að drengurinn hafi verið vísvitandi sveltur til að hægt væri að nýta útlit hans sem vopn í áróðursstríði, eða hann sé haldinn einhverjum hörgulsjúkdómi og þá vísvitandi logið að hann væri fórnarlamb hungursneyðar af mannavöldum.

Myndir ljúga nefnilega ekki, nema náttúrulega þær fölsuðu, og í fréttamyndskeiðinu mátti sjá ágætlega vel haldið fólk, allavega voru sjúkraflutningamennirnir sem þeyttu flautur sínar ekki verr í holdum en Hamas líðinn sem skvett málningu á blaðaljósmyndara Morgunblaðsins í gær.  Og þó það dragi það engin í efa að börn á Gasa fái ekki nóg að borða, þá er ekki hægt að sjá augljós merki um hungursneyð á börnunum sem biðu í matarbiðröð, ekki eins og hjá börnum sem búa við alvöru hungursneyð, en ekki hungursneyð áróðurs morðóðra siðblindingja.

 

 k

 

 

 

 

 

Myndin til vinstri er af matarbiðröðinni en myndin til hægri af sjúkraflutningamönnum fyrir utan sjúkrahúsið þar sem drengurinn lá og virtist bíða dauðans.  Vísa svo í myndir af alvöru hungursneyð í athugasemd hér að neðan þar sem langsoltið fólk beið dauðans ef það fékk ekki hjálp.

Það er matarskortur á Gasa en það á að sjást á fullorðnum fólki ef börn eru farin að deyja úr næringarskorti líkt og haldið er fram í þessari frétt.  Það er samt ekki meiri matarskortur en það á Gasa að það eru opinn veitingahús þar (listinn yfir þau vinsælustu var uppfærður á Tripadvisor núna í vikunni), og þegar barnaafmæli var sprengt í loft upp fyrir nokkrum vikum síðan, þá var það haldið eins og segir á fréttatextanum, á vinsælu sjávarveitingastað við ströndina.  Ekki eina heldur vinsælum sem segir það að víða er ennþá vottur af daglegu líf á Gasa.

Þar sem er matur til að halda veitingahúsum opnum er matur til að gefa deyjandi vannærðum börnum að borða.

 

Staðreyndir sanna ásakanir Ísraelsmanna um áróðursherferðina um meinta hungursneyð sem Hamas hóf í sumarbyrjun.

Staðreyndir sanna líka þátttöku stofnana Sameinuðu þjóðanna í þeim áróðri.

Með hverri hungurfrétt sem hefur birst á Rúv kemur fram að Sameinuðu þjóðirnar neiti að vinna með þeim hjálparsamtökum sem sjá í dag um dreifingu matvæla inná Gasa.

Ef það er hungursneyð þá er slíkt algjör siðblinda, þar sem fólk er látið svelta vegna ágreinings um dreifingu.

 

Er það ekki það eina sem skiptir máli að það sé til matur til dreifingar og honum sé dreift??

Á frekar að svelta fólk, jafnvel til dauðs, heldur en að taka upp samstarf við meintan rangan aðila núverandi matvæladreifingar??

Svona hagar sér aðeins aðili sem hefur tekið afstöðu í stríði og er nákvæmlega sama um þjáningar fórnarlamba þess.

Bara að það sé hægt að koma höggi á ljóta kallinn.

 

Hamas á sér þá afsökun að vera í stríði þegar samtökin skjóta á fólk í matarbiðröðum og kenna hinum aðilanum um, en þá afsökun hafa Sameinuðu þjóðirnar ekki.

Hvað þá þessar á annað hundruð hjálparsamtök sem vara við hinni meintu hungursneyð sem á vera breiðast út á Gasa.

Og eru ekki að vara við í fyrsta sinn, ekki annað, ekki þriðja, en núna á ekki bara að kalla Úlfur, úlfur, heldur á að búa til úlfinn með því að neita taka þátt í matvæladreifingu.

 

Eins og ég segi.

Hamas á sér þó afsökun.

Kveðja að austan.

Yfir 100 hjálparstofnanir segja að hungursneyð breiðist út um alla Gasa

Sjúkleiki Morgunblaðsins á sér fá mörk.

 

Núna er BBC borið fyrir lygunum, eins og að lygi sé trúverðugri ef hún kemur að utan.

 

Börn deyja ekki úr hungri á Gasa nema þau séu svelt, það sanna fréttamyndir frá Gasa, börn þar eru þjáð vegna átakanna sem Hamas ber beina ábyrgð á, en allar fréttamyndir af þjáningum þeirra, jafnt lífs sem liðin, sýna ekki merki um hungursneyð.

Einu fréttamyndirnar af lifandi beinagrindum er frá dýrasýningu Hamasliða þegar gíslum í þeirra haldi var sleppt, á öllum myndum og myndskeiðum af þeim dýrasýningum sáust pattaralegir Hamasliðar, vel nærðir, sumir augljóslega í ofþyngd.

Eins og myndir teknar úr fangabúðum Þjóðverja eða Serba í Balkanstríðunum, feitir verðir, vannærðir fangar.

 

Allt heilbrigt fólk, sem er ekki meðvirkt með voðaverkum Hamas og þjóðarmorðum Íslamista um öll Mið-Austurlönd, veit að þegar hermenn eru feitir, þá deyr ekkert barn úr hungri, nema það sé vísvitandi svelt í þágu áróðurs voðamenna.

Og sá sem endurbirtir þann áróður er samsekur voðaverkum þeirra, morðum, nauðgunum, limlestingum, og núna að börn eru vísvitandi svelt til að fá fréttamyndir.

Getur sjúkleiki eins blaðs orðið meiri??

 

Læknirinn, sem er borinn fyrir þessum fréttum, er aðeins að vinna vinnu sína, ef hann segir annað, þá er hann liðinn, hann hefur séð nógu marga samborgara sína drepna af ógnarstjórn Hamas þegar þeir sögðu sannleikann í beinni útsendingu.

Dæmi þar um eru mörg, ekkert af þeim dæmum, fólki sem ákallaði alþjóðasamfélagið um hjálp til að losna við ógnarstjórn Hamas og þeim þjáningum sem trúarofstæki þeirra kallaði yfir íbúa Gasa, er lifandi í dag.

 

Hann sagði samt það sem segja þurfti, þó meðvirkir fjölmiðlamenn með viðbjóði Íslamista hafi ekki tekið eftir því, hann sagði að hann gæti ekki meðhöndlað sjúka, tekur sérstaklega fram sykursjúka og þá sem þjást af nýrnasjúkdómum.

Hann treysti á að einhver vitglóra væri í vestrænum fréttamönnum, að þær fréttir sem þeir hingað til hafa flutt um óstarfhæf sjúkrahús sem geta ekkert nema sinnt bráðatilfellum vígvallararins, hafi hingað til verið rangar.

Að þeir hefðu þá vitglóru að vita að margir mun alvarlegri sjúkdómar ógni lífi og limum íbúa Gasa, margítrekaðir í áróðri Hamas og þeirra stofnana Sameinuðu þjóðanna sem endurróma þeim áróðri.

 

Ekki að það sé ekki rétt, en þegar hann bendir á hið smærra, þá vonast hann til að hið stærra fái umfjöllun, að hann fái skjól gegn voðaverkum Hamas og þess miskunnarleysis að samtökin noti sjúkrahús sem skjól og skjöld í árásum sínum á ísraelska innrásarliðið.

Því hugsanlega gætu vestrænir fjölmiðlar afhjúpað þessa grimmd Hamasliða, og samtökin sæju sig nauðbeygð að gefa út yfirlýsingu að þau myndu líta á sjúkrahús Gasa sem griðastað sjúkra og veikra.

 

Reyndar aðeins mín útlegging en það er skrýtið eftir allar fréttirnar um að lífshættulegir sjúkdómar séu ekki meðhöndlaðir, að þá sé talað um aukningu dauðsfalla vegna þess að sykursjúkir og nýrnasjúklingar fái ekki rétta meðhöndlun.

Svo skrýtið að það minnir á dulkóðuð skilaboð fanga úr fangabúðum nasista sem reyndu að koma hjálparbeiðnum sínum á framfæri í gegnum grandskoðaðan póst Rauða krossins.

 

Skiptir ekki öllu en fyrir okkur Íslendinga skiptir það miklu máli að hið borgaralega blað okkar sem útgerðarauðvaldið í Vestmannaeyjum keypti, og hefur ítrekað fjármagnað í gegnum mikla rekstrarörðugleika, að það fjármagni um leið sjúka siðblindu meðvirkni með voðaverkum Íslamista sem hafa þann einbeitta vilja að drepa okkur hin.

Það er engin svona heimskur að skrifa svona texta; ".. heil­brigðisráðuneytið, sem Ham­as stýr­ir, að 15 manns til viðbót­ar á Gasa hafi lát­ist úr hungri og vannær­ingu á síðasta sólarhring og þar með séu dauðsföll­in orðin 101 tals­ins.".

Það er eins og maður sé að upplifa þegar mjög meðvirkir skrifuðu fréttatexta um hve gyðingasamfélag Þýskalands væri ánægt að vera flutt til Auswitch þar sem "Vinnan gerði það frjálst".

Reyndar voru þessir meðvirkir aðeins í Þýskalandi og Göbbels stjórnaði þeim, en hann, það er Göbbels, reyndi aldrei að telja foreldrum fatlaðra barna sem rétttrúnaðurinn myrti á sérstökum heimilum fyrir fötluð börn, jafnt líkamlega sem og þroskalega, að hin myrtu börn hefðu dáið frjáls.

 

Því þó hann sæi langt fram í tímann þá sá hann ekki til dæmis sjúkleikann sem hefur grafið um sig á fréttaritstjórn Morgunblaðsins, sá ekki Wókið og forheimsku þess, eða er forheimskan aðeins afsökun fyrir siðblindu og ómennsku??

Ef hann hefði séð það, þá hefði hann aðeins, í stað þess að þagga niður morðin á fötluðum börnum, þurft að tilkynna, að á sögn "heilbrigðisráðuneytisins" hefðu svo og svo mörg börn dáið vegna þess að þau dóu.

Málið afgreitt, en það var þá, þegar sjúkt fólk stýrði ekki fjölmiðlum, eða meðvirkir voðaverka áttu sín takmörk.

 

Það er oft talað um Gömlu góðu dagana.

En Göbbels, ef hann hefði lifað voðaverk sín, hefði talað um hina góðu nýju framtíð, þegar áróður, hversu sjúkur hann er, hefði fengið fréttir og fyrirsagnir hjá borgaralegum fjölmiðlum eins og Morgunblaðinu.

Eins og hann væri aðeins á undan sinni samtíð.

Að lygi í þágu voðaverka væri frétt.

 

Veit ekki.

Aðeins pælingar út í loftið.

 

Mogginn er þrátt fyrir allt brjóstvörn gegn innlimun ESB á þjóð okkar og sjálfstæði.

Að við verðum "samlöguð" líkt og núverandi ríkisstjórn hefur sitt eina stefnumál.

 

Sjúkur eður ei, þá er hann það eina sem við höfum.

Það ber að virða.

 

Hins vegar veit ég að ekkert gott kemur úr mannlegum viðbjóði og sjúkleika.

Þó menn þykist annað þá grefur kýlið og rotnunin alltaf svo um sig, þannig að lokum er ekkert heilbrigt eftir.

 

Aðeins mismunandi viðbjóður baráttu valda og áhrifa sem kæfir allt það góða sem þó var lagt upp með.

Þar er ekki bæði sleppt og haldið.

Kveðja að austan.

 

21 barn hefur látist úr vannæringu og hungri á síðustu þremur dögum

Björgum Hamas.

 

Er nýjasta niðurlæging Þorgerðar Katrínar, stríðsmálaráðherra Íslands.

Í félagsskap með þekktum gyðingahöturum Suður Evrópu, vinstri wókistum sem vita ekki hvernig börnin verða til, lýðskrumurum sem láta sig dreyma um fyrirsögn fjölmiðla sem þiggja fjárstuðning frá miðaldaríkjum Persaflóans, þá sendir Þorgerður Katrín út ákall í nafni íslensku þjóðarinnar, að Hamas fái aftur einokun á dreifingu og sölu matvæla á Gasa.

Eins og þjáningar íbúa Gasa af völdum Hamas séu ekki nægar.

 

Þegar Ísraelsmenn skáru loksins á þessa lífæð Hamas samtakanna, kúgunartæki þeirra á íbúum Gasa, í góðu samstarfi við meint mannúðarsamtök á vegum Sameinuðu þjóðanna, meint því augljós eru mútutengslin við miðaldaríki Persaflóans, þá er núverandi dreifing matvæla nægjanleg ef ekki væri árásir Hamas sem og annarra vígahópa Íslamista á þá matvæladreifingu.

Árásir sem eiga að hindra núverandi dreifingu matvæla og koma á gamla góða kúgunartæki Hamas á íbúum Gasa.

Í kjarna; Borgið eða þið fáið ekki neitt.

 

Á Gasa hefur Hamas misst völd sín yfir stærstum hluta Gasastrandarinnar, en fjármagnið frá Persaflóanum stjórnar ennþá aumkunarverða fólkinu sem stjórnar Sameinuðu þjóðunum í dag, sem og augljóslega meðvirkni vestrænna fjölmiðla með voðaverkum Íslamista, þjóðernishreinsunum þeirra, fjöldamorðum og annars viðbjóðs.

Og greinilega hefur þetta skítuga fjármagn Persaflóans bein ítök meðal vestrænna stjórnmálamanna.

Svo ég vitna í nýjustu morð og viðbjóð þessa fjármagns; "Fólk er drepið fyrir það eitt að vera Drúsar, það er þurrkað út af trúarlegum ástæðum. Þeir brenndu hús, námu konur á brott. Þeir myrtu börn, frömdu hræðileg fjöldamorð".

 

Staðreynd sem jafnvel heimskustu meðal Wokista geta ekki afneitað, í trausti þess að hægt sé að fá einhverja syndaaflausn með meðvirkni sinni með voðaverkum, þjóðernishreinsunum, morðum, drápum, nauðgunum, limlestingum, þá bætir þetta vesæla fólk við hvatningu til Hamas að "Ham­as er jafn­framt for­dæmd fyr­ir að halda fólki í gísl­ingu. Kalla ráðherr­arn­ir eft­ir því að öll­um gísl­um verði sleppt und­ir eins og án skil­yrða.".

Hve aumt og vesælt getur eitt heimskt fólk orðið??

 

Ef þessi hvatning hefði komið fram strax eftir voðaverk Hamas 7. október 2023, sem sannarlega eru í anda voðaverka Ríki Íslams í Sýrlandi og Írak, seinna hjá herteknum svæðum Tyrkja á landsvæði Kúrda í Sýrlandi, núna síðast gagnvart Drúsum í Sýrlandi, þá væri ekkert stríð á Gasa í dag.

Hamas án fjárstuðnings, bíðandi ósigur í áróðursstríði sínu, hefði fyrir löngu lagt niður vopn, og ekki aðeins liðsmenn samtakanna, sem létust í þessu vonlausa stríði við hernaðarvél Ísraela, lifðu auk þúsunda óbreyttra borgara, sem dóu vegna þess að heimskt illt fólk tók afstöðu með Íslamistum, þáði fjármuni frá miðaldaríkjum Persaflóans.

 

Í þeim hópi í dag er utanríkisráðherra Íslands.

Sem taldi sig þurfa að bera ábyrgð hinna forheimsku á þjáningum íbúa Gasa, í aumkunarverði tilraun til að framlengja þær þjáningar.

Eins og kaþólikkar væru allir gyðingahatarar upp til hópa.

Eins og það væri eftirsjá yfir að orrustunni um Berlín skyldi enda eins og hún endaði.

 

Hvað sem veldur.

Þá ættu kaþólikkarnir að vita að morðóði Íslamistar hata ekki bara gyðinga, Drúsa, kristna Assýringa, Yasnída svo nokkur dæmi sé tekin um morðæði þeirra og voðverk.

Þeir hata líka tjáningarfrelsið sem þeir læstu inní hræðslu og ótta með afhausun franskra blaðamanna eða líflátshótunum gagnvart dönskum teiknara, eða rithöfundi sem þorði að tjá sig.

 

Þeir hata allt kristið fólk.

Líka kaþólikka, þekkt gyðingahatur þeirra mun ekki hlífa þeim þegar röðin kemur að þeim.

Sveðjan, afhöfðunin, er ekki bara gyðinga, Drúsa, eða annarra trúarhópa fyrir botni Miðjarðarhafsins, hún er allra, nema ofstækið og trúarhatrið er stöðvað.

 

Þar standa Ísraelsmenn ístaðið.

Aðrir ekki.

 

Svo segja menn að Pútín sé óvinurinn.

Kveðja að austan.

Fordæma dráp á óbreyttum borgurum og Hamas

Af hverju lýgur Morgunblaðið svona??

 

Það er ekki til neitt sem heitir Almannavarnir á Gasasvæðinu, allt stjórnkerfið þar eru bara mismunandi deildir í Hamas, sem hóf þetta stríð með voðaverkum sínum í Ísrael og með því að flytja óbreytta borgara yfir landamærin til Gasa.

Það er Hamas sem viðheldur þessu stríði með því að halda fast í gísla sína, samtökin geta hvenær sem er endað þetta stríð með því að leggja niður vopn og sleppa gíslum sínum.

 

Þegar Morgunblaðið vitnar í Almannavarnir á Gasasvæðinu þá er blaðið að vitna í hryðjuverkasamtökin Hamas.

Gengur þannig erinda samtakanna, er meðvirkt í voðaverkum þeirra.

 

Ef Morgunblaðið segði fréttir en væri ekki gjallarhorn áróðursdeildar Hamas, þá myndi blaðið greina lesendum sínum frá því að eftir að Ísraelsmenn stöðvuðu einokun Hamas samtakanna á dreifingu matvæla, einokun sem samtökin höfðu í gegnum matvæladreifingu Sameinuðu þjóðanna, þá hefur fjarað hratt undan völdum samtakanna á Gasaströndinni.

Samtökin geta ekki lengur fjárkúgað íbúa Gasa, svipt tekjum geta þau ekki borgað liðsmönnum sínum laun, sem aftur leiðir til þess að aðrir vígahópar sem og ættbálkaherir hafa náð völdum á stórum hluta Gasa strandarinnar.

Baráttan um brauðið í sinni tærustu mynd.

 

Ein birtingarmynd þeirrar baráttu er að Hamas samtökin skjóta á sitt eigið fólk sem stendur í hinum löngu matarbiðröðum.

En fyrst og síðast þá skjóta liðsmenn samtakanna á ísraelska hermenn sem skjóta til baka, þeirra eina ráð sem dropinn í mannhafinu, annars eru þeir auðdrepnir í mannhafinu.

Niðurstaðan sú sama, fólk deyr umvörpum við matvæladreifingarstöðvarnar.

Lygin er að sá sem ber ábyrgð á þeim dauðsföllum kemst upp með að skella skuldina á aðra.

 

Ef það væri vottur af vitglóru eða þekkingu hjá þeim blaðamanni sem skrifaði þessa frétt, frétt sem fréttaritstjórn blaðsins ber fulla ábyrgð á, þá vissi hann að hann getur ekki fundið eitt einasta dæmi um frá upphafi átakanna Ísraela við nágranna sína í Palestínu, að ísraelskir hermenn hafi hafið tilhæfulausa skothríð á vopnlausa borgara.

Þeir hafa skotið þegar þeim hafa verið ógnað eða á þá ráðist.

Það eru engin dæmi um árásir á óbreytta borgara, nauðganir, limlestingar, svívirðingu líka, þau dæmi eru öll Hamas meginn.

Dæmi sem Hamas á sameiginlegt með öðrun Íslamistum eins og Ríki Íslams og núna síðast þeim sem stunda þjóðernishreinsanir á Drúsum í Sýrlandi.

 

Hvað sagði fólkið sem mótmælti við Bandaríska sendiráðið um framferði þessara trúbræðra Hamas í Sýrlandi.

"Fólk er drepið fyrir það eitt að vera Drúsar, það er þurrkað út af trúarlegum ástæðum.  Þeir brendu hús, námu konur á brott. Þeir myrtu börn, frömdu hræðileg fjöldamorð".

Stef sem við heyrum aftur og aftur, núna í Sýrlandi, í Ísrael 7.október 2023, þar áður í Norður Írak og Suður Sýrlandi þar sem vopnabræður Hamas fóru með báli og brandi í nafni ofstækis síns og trúar.

 

Drúsar, Yasnídar, kristnir Assýrumenn, allt minnihlutahópar sem Íslamistar hafa ráðist á í Sýrlandi og Írak, framið viðbjóðsleg fjöldamorð, hrakið fólk af heimaslóðum sínum sem það hefur búið á í aldir.

Aðeins Ísraelsmenn hafa haft kraft og getu til að snúast til varnar gegn þessum þjóðarmorðum og voðaverkum, og fyrir það vilja ekki láta útrýma sér ljúga vestræn borgarleg blöð eins og Morgunblaðið í þágu voðamennina, ganga erinda þeirra.

Eru í raun meðsek Íslamistum og voðaverkum þeirra.

 

Svo þykist þetta fólk vera gott.

Ærlegt og stunda heiðarlega blaðamennsku.

 

Svei attan.

Kveðja að austan.

Nærri hundrað drepnir og tugir særðir

Smánin sem smækkar.

 

Smækkar bæði þingmenn, þingflokka, ríkisstjórn Íslands og allt fólkið sem styður þessa aðför að sjávarbyggðum þjóðarinnar, kristallast í orðum Hönnu Katrínar Friðriksson atvinnuvegaráðherra þegar hún fagnaði samþykkt frumvarps síns um hækkun veiðigjalda.

"Þetta er góður dagur hér í dag, vegna þess að við erum loksins að festa það hér í lög að þjóðin fái loksins beint eðlilegt gjald fyrir nýtingarréttinn að þjóðarauðlindinni."

 

Dagurinn er góður vegna þess að ríkisstjórn Íslands tókst að knýja fram lýðskrum sitt um ofurskatt á sjávarútveginn, ofurskatt sem þekkist hvergi í dag í vestrænum löndum, en var vissulega til staðar á kratísku árum Norðurlanda um og uppúr 1970, og endaði með stöðnun og afturför grunnatvinnuvega viðkomandi landa.

Niðurlagður með skömm, aðeins vitfirrtir tala um að leggja aftur á slíka ofurskatta.

 

Þetta orðskrípi, eðlilegt gjald fyrir nýtingarrétt, hefði kannski ekki hljómað svona Orwelskt þegar kvótakerfið var tekið upp, þá vissulega var fyrirséð að nýtingarrétturinn yrði smán saman verðmætur, en Alþingi ákvað þá að kvótinn gæti gengið kaupum og sölum, þeir sem keyptu borguðu fyrir þennan nýtingarrétt, þeir sem seldu, gátu gert upp skuldir sínar við bankakerfið, eitthvað sem bjargaði bankakerfinu á sínum tíma.

Eftir að sú hrina var yfirstaðin þá seldu menn kvóta með hagnaði, margir urðu ríkir og tóku arðinn út úr sjávarútveginn.

Hvort eitthvað af þeim arði hefði mátt lenda í vasa almennings á annan hátt en þáverandi skattkerfi ákvað, er eitthvað sem snýr að fortíðinni, en þeir sem eiga kvótann í dag hafa sannarlega borgað fyrir þann nýtingarrétt, aðeins brotabrot af núverandi útgerð gerir út á upprunalegan kvóta.

 

Með batnandi afkomu fór útgerðin að borga veiðigjöld, og þau hafa hækkað mikið á síðustu árum, svo mikið að fáar smærri og meðalstórar útgerðir treysta sér til að endurnýja skip sín, flotinn er smán saman að úreldast, og ákveðnum tímapunkti neyðast smærri og meðalstórar útgerðir að selja frá sér skip og kvóta, skipin orðin verðlítil en keypt vegna þess að kvóti fylgir með.

Og þeir sem kaupa eru stærri útgerðir, sem hafa bæði meira fjármagn sem og greiðari aðgang að fjármögnun, hvort sem það er í gegnum hlutafé eða betri aðgang að bankakerfinu.

 

Á þessa staðreynd hafa allir hagsmunaaðilar bent á, bæði fulltrúar útgerðar, sveitarfélaga sem og hins vinnandi fólks.

Og þessi staðreynd er hundsuð af meirihluta Alþingis, þar eru ekki undanskilin þingmenn landsbyggðarinnar.

Með offorsi, rangfærslum og lygum skal hið Nýja Ísland byggjast.

 

Sú Smán smækkar fólk niður í að vera Ekkert.

Þingmenn stjórnarflokkanna sem koma í heimabyggðir sínar, eru Ekkert.

Aðeins smánin sem fylgir hverju þeirra fótspori.

 

Stuðningsfólk þeirra í sveitarstjórnum sjávarbyggðanna er Ekkert.

Því það reis ekki upp og mótmælti, kaus að þegja, þegar það átti að segja; 

Við mótmælum.

 

Svona fer það sem ekki er hægt að verja með hið besta fólk.

Gott fólk.

En þegar á reyndi án manndóms og æru.

 

Lýðskrumið sigraði í dag.

Smánin fitnaði hraðar en púkinn á fjósabitanum gat nokkurn tímann gert þó aðeins hefði verið bölvað og ragnað í baðstofunni.

 

Eftir stendur smátt fólk.

Fólk sem varð að engu.

 

Því það sveik bæði mennskuna og hugsjónina um betri heim.

Gengur erinda hins svarta af öllu því svarta sem mannleg græðgi og valdaþorsti hefur alið af sér.

 

Smánin sem smækkar.

Er þeirra smán.

Kveðja að austan.

 

 

Veiðigjaldafrumvarpið samþykkt

Smánin.

 

Lýðræði er gjaldþrota þegar lýðskrumarar geta æst meirihluta fólks gegn einhverjum hópi sem er í minnihluta.

 

Mýmörg dæmi um þetta þekkir sagan, en þau tengjast yfirleitt endalok lýðræðis eða alræði eins og þegar herforingjastjórnin í Búrma æsir til óaldar gegn minnihlutahópi múslima í landinu eða þegar félagi Stalín æsti íbúa borganna til að fara ránshendi um sveitir Úkraínu og ræna þær af öllum matvælum, þeir sem ekki létu þau af hendi, voru skotnir.

Allir þekkja afleiðingarnar, hungursneyðina miklu þar sem milljónir sultu til dauðs.

Rökin sem lýðskrumið notaði voru þau að smábændurnir sem voru rændir, væru kúlakkar eða svokallaðir stórbændur, þegar sannleikurinn var sá að kommúnistastjórnin hafði fyrir löngu upprætt þá, eftir voru harðduglegir smábændur sem höfðu keypt jarðir sínar af gamla landeigandaaðlinum áratugum áður.

 

Mjög svipuð rök eru notuð til að réttlæta þessa aðför íslensku  borgarbúanna að sjávarbyggðum landsins.

Það eru 4-5 fjölskyldur sem eiga megnið af kvótanum og þær arðræna samfélagið, þegar sannleikurinn er sá að eignarhald stórfyrirtækjanna er dreift, þær meðal annars í eigu lífeyrissjóða, og leitun er að kvóta sem ekki hefur verið keyptur af öðrum útgerðum, sem sáu hag sinn í að hætta í stað þess að halda áfram útgerð.

Og það vinnur fólk, lifandi fólk hjá þessum útgerðum, og það eru byggðir, lifandi byggðir sem eiga allt sitt undir arðsemi þeirra, vexti og viðgangi.

 

Engin útgerð bað um kvótakerfið, það er ákvörðun stjórnmálanna, og stjórnmálin settu lögin g reglurnar.

Að þeim lögum og reglum þurfti útgerðin að aðlaga sig, sem gekk misvel, en í dag er þjóðin með vel rekin, öflugan sjávarútveg, sem stendur sig í alþjóðlegri samkeppni, og skilar mikilli framlegð og veltu til annarra greina atvinnulífsins.

Að ekki sé minnst á miklar skatttekjur ríkis og sveitarfélaga.

 

Á þessa atvinnugrein er ráðist af þvílíku offorsi að flestir hefðu skammast sín nema kannski Stalín, hann var jú ekki alveg í lagi.

Afleiðingarnar eru augljósar og ég ætla að gefa Heiðrúnu Lind Marteins­dótt­ir, framkvæmdastjóra Sam­taka fyr­ir­tækja í sjáv­ar­út­vegi orðið. " Þegar ríkið er farið að taka yfir 70% hagnaðar fisk­veiða í formi veiðigjalds þá er ljóst að við því þurfa fyr­ir­tæki að bregðast með hagræðingu. Fjárfest­ing dregst sam­an, kaup á þjón­ustu minnka og starfs­fólki fækk­ar, svo hin aug­ljósu áhrif séu sett fram"

Hún seg­ir líka "að breyt­ing­ar í meðför­um þings­ins um inn­leiðingu hækk­un­ar í skref­um hafa lít­il áhrif. Ef aðferðafræði er gölluð og for­send­ur byggj­ast á röng­um töl­um þá verður böl ekki bætt með lít­ils hátt­ar tíma­bundn­um af­slátt­um árið 2026 og 2027."

 

Hið sorglega við þessi sannindi er að lýðskrumið hundsar þau algjörlega, lýgur til um samráð eða kallar staðreyndir fals.

Fals sem er runnið undan hagsmuna þessara 4-5 fjölskyldna sem frumvarpinu er ætlað að bregða fæti fyrir.

Þegar forystufólk samtaka sjávarbyggða benda á að skaðann, og þá sérstaklega það sem þeir óttast mest, að þessi ofurskattur á sjávarútveginn muni verða banabiti lítilla og meðalstórra fyrirtækja í sjávarútveginum, að fiskvinnslu verði lokað og svo framvegis, þá er það líka fals sem runnið eru undan þeim stóru.

Allt er fals segir lýðskrumið nema þeirra eigin lygar og rangfærslur.

 

Lýðskrum er alltaf lýðskrum og lýðskrumarar haga sér alls staðar eins, en Smánin er þeirra sem taka undir málflutning þeirra, og finnst það í góðu lagi að ræna náungann, á meðan ránið og ruplið beinist ekki að þeim sjálfum.

Og þar erum við því miður að tala um góðan meirihluta þjóðarinnar, sem hefur orðið viðskila við sið og rétta hegðun.

 

Siðrof í sinni tærustu mynd.

Kveðja að austan.

 

 

 

 

Umræðum um veiðigjöldin er lokið

Flokkur fólksins; In memorium

 

Það var góð fréttamennska hjá Rúv að tala aðeins við þingmenn stjórnarmeirihlutans um þá staðreynd að ríkisstjórnin fórnaði öllum sínum stóru málum fyrir það eitt að geta valdið dreifðum sjávarbyggðum landsbyggðarinnar skaða sem verður aldrei bættur ef af verður.

Þessi napra staðreynd snýr að meirihlutanum og hjárænulegir voru þeir þingmenn sem kepptust við að berja sér á brjóst yfir þeim mikla árangri að vera skaðvaldar.

 

Strákurinn þarna náði vissulega að útskýra vel af hverju það á ekki að kjósa krakka á þing, en fyrrum verkalýðsforinginn úr VR var vígreifur þegar hann lýsti ánægju sinni með því að hafa náð að leggja ofurskatt á sjávarútveginn á kostnað þess að engin að stóru málum Flokks fólksins náði í gegnum stálþilið sem var reist um þennan ofurskatt.

Svo er forystufólk flokksins hissa á að fylgi þess mælist við frostmark; öll góðu málin maður, öll góðu málin, eða þannig.

 

Þingmenn og ráðherrar Flokk fólksins bera á vissan hátt ábyrgð á hvernig komið er fyrir flokknum, að hann sé áhrifalaust afl innan ríkisstjórnarinnar, er líkt og Snati sem dillar skotti ef að honum er réttur brauðmoli, bein gæti verið hans næsti biti.

Stöðugar uppákomur og skandalar sem hinir flokkarnir í ríkisstjórninni hafa ekki bara þurft að þola, heldur líka að takast á við með því að beygja lög og reglur, gefa þeim vald til að láta Flokk fólksins sitja eða standa eins og þeim Kristrúnu og Þorgerði þóknast.

Flokkur í slíkri stöðu getur ekki gert kröfur, hann gerir aðeins sem honum er sagt.

 

Vandséð er hvernig Flokkur fólksins kemst úr þessu ómagahlutverki.

Valkosturinn að sprengja ríkisstjórnina er horfinn, því þá er útum bitlingana, góðu launin og athyglina í fjölmiðlum, þó flest sé hún neikvæð, þá er sú athygli betri en engin fyrir fólk sem hefur alltaf þráð sviðsljósið.

Að ná einhverju tímamótamáli í gegn??, er það líklegt??, hefur Þorgerður Katrín ekki þegar eytt öllu svigrúmi í hernaðarbrölt sitt??

 

Þetta er sorgleg staða, því vilji til góðra verka var sannarlega vegnesti Flokks fólksins inní þessa ríkisstjórn.

Og hvort sem fólki líkar það betur eða verr, og þá á ég við fólki valda og eigna, þá þarf stundum að þvo óhreinu börnin hennar Evu, land velmegunar er hollt að innan í sínum innsta kjarna ef sultarmörkin eru þau viðmið sem aldrei má fara yfir þegar okkar minni bræður og systur eiga í hlut.

Fögur voru fyrirheitin eru að enda eins og í sögunni þar sem fögur var hlíðin.

 

Sjáum hvað verður.

Hvað verður um þetta fólk sem vildi svo vel en er núna orðið að taglhnýtingum auðs, verkfæri vondra verka??

Ingu hefur áður verið spáð falli, en hún hefur náð vopnum sínum á ný.

 

Sjáum til.

Því það þarf einhvern til góðra verka.

 

Það er ekki beint offramboð á slíku fólki í dag.

Kveðja að austan.

 

 

 

 

Rýr uppskera ríkisstjórnarinnar

Tapararnir.

 

Það eru mörg þörf mál sem ríkisstjórnin lagði fram í aðdraganda þingloka, seinagangurinn kannski eðlilegar miðað við að haustið fór í að kjósa og síðan að mynda ríkisstjórn.

En þó máli hafi verið þörf, þá er það kannski ekki það sama og að þau hafi verið vel unnin, að um þau ríki sátt og svo framvegis.

 

Öll þessi mál komust ekki í gegnum stálþilið sem ríkisstjórnin myndað á Alþingi til að koma í gegnum skaðafrumvarpinu sem leggur á ofurskatta á eina ákveðin atvinnugrein og ógnar atvinnu og búsetu í mörgum sjávarbyggðum.

Loksins þegar Alþingi þraut örendið og greip til þess ráðs að þvinga fram atkvæðagreiðslu um skaðræðið, þá voru öll þessi þarfamál órædd, og bíða næsta þings.

Að skaða og skemma, að valda byggðum og fólki ómældu tjóni, það var mikilvægara en að vinna að einhverjum þjóðþrifamálum, allavega eru þau það að sögn meirihlutaflokkanna.

 

Þess vegna er það svo broslegt þegar strákurinn þarna segir í fyrirsögn; að hann hefði viljað ná enn fleiri málum í gegn.

Svona í ljósi þess að hann náði engum málum í gegn fyrir utan skaðræðið.

Var í raun algjör tapari þessara átaka um ofurskattinn.

 

Svo er öruggt, að hann ungur að árum, lítt menntaður, hafi ekki heyrt getið um eðli slíkra sigra sem meirihlutinn vann yfir minnihlutanum með því að stöðva umræður um skaðann.

Sigra sem kennt er við Pyrrhus konung í gríska fornríkinu Epírus.

Þegar ekkert er eftir nema sigurinn, stríðið sjálft tapað.

 

Það er ólíklegt að dómstólar munu samþykkja þessa lögleysu og siðleysi að ofurskattleggja eina atvinnugrein, umfram aðra.

En öruggt er að þeir munu drukkna í málsóknum fólks sem skaðinn á að skaða, og mun nýta sér lög og reglur réttarríkisins til að verja atvinnu sína og byggðir.

 

Það hefði kannski verið betra að hlusta og ná sátt um afgreiðslu fleiri mála.

Kveðja að austan.

Hefði viljað ná enn fleiri málum í gegn

Eru þingmenn ríkisstjórnarinnar raðlygarar??

 

Spyr vegna þess að það er leitun af sannleik eða staðreyndum í bæði skaðafrumvarpinu um ofurskatt á sjávarbyggðir sem og tali þeirra þegar þeir bregðast við réttmætri gagnrýni.

 

Vitna núna í Eirík Björn Björgvinsson, sem er alveg steinhissa á að sjárvarbyggðir fagni ekki breytingartillögum sem hann lagði fram í morgun; "Breyt­ing­arn­ar koma til vegna þess að við höf­um hlustað á þær ábend­ing­ar sem við höf­um fengið frá sjáv­ar­út­vegs­sveit­ar­fé­lög­um, Byggðastofn­un og fleiri."  Hann kallar það hlustun að hundsa algjörlega réttmætar áhyggjur sjávarbyggða um samþjöppun kvóta eða svo ég vitni í ályktun sjávarbyggða sem var samþykkt í dag; "því að skatta­hækk­un­in muni koma hvað harðast niður á smá­um og meðal­stór­um út­gerðum og muni leiða til fækk­un­ar starf­andi fyr­ir­tækja í grein­inni".

Eitthvað sem er svo augljóst og blasir við öllu meðalgreindu fólki og yfir, menn munu ekki reka sig í þrot á meðan einhver mun vilja kaupa kvótann og þessi einhver er stórútgerðin.

 

Og gagnvart þessari samhljóða ályktun 26 af 26 sjávarbyggða segir Eiríkur; "Þessi viðbrögð þeirra koma mér að vissu leyti á óvart. Í sam­töl­um okk­ar við þess aðila hafa þau sýnt skilning á mál­inu".

Greinilega nær því ekki að vera meðalgreindur fyrst að þessi andmæli koma honum á óvart svo hans nærtækasta lausn er að ljúga lengra en nefið nær, þau hafa sko sýnt skaðanum og tilvonandi byggðaeyðingu skilning í persónulegum samtölum.

Af hverju eru þau þá að álykta svona??, af hverju eru þau öll á einu máli í andstöðu sinni við skaðvaldinn sem þetta ofurskattafrumvarp ríkisstjórnarinnar er??

 

Það sem staðfestir síðan tilgátuna um skortinn á meðalgreindinni er svo að það sé svo allt í lagi að skaða og skemma byggðir, því sko "að Byggðastofn­un fylg­ist með þróun mála, við get­um þá farið í end­ur­skoðun ef þörf kref­ur".

Hvað á að endurskoða þegar skaðinn er skeður.

Heimskt, svo heimskt og ekki eru raðlygarnar skárri.

 

Munum samt lágkúru lágkúrunnar að þegar Jóhanna Vigdís, hún má eiga að hún reyndi að flytja frétt en ekki áróður, tók viðtal við Þorgerðu Katrínu eftir að meirihlutinn ákvað að virkja hið svokallaða kjarnorkuákvæði þingskapa, að þá gaf Þorgerður það í skyn að það væri ekki hægt að semja við minnihlutann því hann léti af stjórn hagsmunaaðila út í bæ, og þá vísar hún í Samtök fyrirtækja í sjávarútvegi.

Þessi frétt er um ályktun, eina af mörgum, 26 af 26 sjávarbyggðum sem fordæma þetta skaðafrumvarp og innihald þess.

Forystufólk verkafólks og sjómanna á landsbyggðinni hafa fordæmt þetta skaðafrumvarp.

Að ekki sé minnst á öll þau fyrirtæki sem hafa hagsmuna að gæta að sjávarútvegurinn sé vel rekinn, því arðurinn af honum dreifist svo víða um efnahaglífið.

 

Er Þorgerður Katrín virkilega að fullyrða að allt þetta fólk sé brúður í brúðuleikhúsi sem er stjórnað af Samtökum fyrirtækja í sjávarútvegi??

Hvurslags lítilsvirðing er þetta gagnvart öllu þessu fólki.

Fólki sem hefur mismunandi hagsmuna að gæta, kemur úr mismunandi umhverfi, hefur ólíkan pólitískan bakgrunn og svo framvegis.

En er sammála um eitt, að fordæma þetta frumvarp.

 

Ef Þorgerður Katrín kemst upp með þessi ummæli sín, þá er eitthvað mikið að hjá íslenskum fjölmiðlum, að láta hana ekki útskýra frekar þessa lítilsvirðingu og mannfyrirlitningu.

Eins og þeir séu bara sammála orðum hennar.

 

Kemur allt í ljós.

Skaðvaldarnir munu lúta í gras að lokum.

Kveðja að austan.

 

Segir viðbrögð sveitarfélaga koma á óvart