Sett á svið til að blekkja fólk, annars vegar er ríkisstjórn sem leggur fram rangfærslur og lygar í formi frumvarps, fær um þessar rangfærslur og lygar snarpar umræður frá stjórnarandstöðunni, en svo lenda menn málinu með frekari umframskattlagningu á fyrirtæki landsbyggðarinnar.

Það hvarflar að manni þegar maður les viðtölin við þingmenn stjórnarandstöðunnar í viðtengdri frétt.  

Ólafur talar "um að breyt­ing­arn­ar sem hafi verið gerðar á frum­varp­inu hafi ekki verið nægi­leg­ar", Jens Garðar kallar "eft­ir því að þing­heim­ur setj­ist niður og reyni að finna sam­eig­in­lega lausn á þessu máli ", Ingibjörg segir að"nýj­ar upp­lýs­ing­ar og gögn und­ir­strika mik­il­vægi ítarlegri áhrifagrein­inga og auk­ins sam­ráðs".

Allt mjög sérkennilegt því það á að hafna þessu frumvarpi, það er í eðli sínu rangt, það mismunar atvinnugreinum og það er aðför að hinum dreifðum byggðum sem þó lifðu af þær hörmungar sem upptaka kvótakerfisins var á sínum tíma.

Hörmungar því á einni nóttu voru eignir fólks gerðar verðalausar, það svipt atvinnu, án þess að nokkuð væri gert til að mótvægis, hinn meinti arður af kvótakerfinu fór í að bjarga bankakerfinu en ekki fólkinu.

Það er kjarni málsins, það á ekki að skattleggja einstaka atvinnugreinar umfram aðrar, og höfuðborgarvaldið á að gera sér grein fyrir að öll slík skattlagning bitnar á fólki, lifandi fólki, sem vinnur hjá þessu fyrirtækjum sem ráðist er á. 

Það bitnar líka á öðrum fyrirtækjum, þeim fyrirtækjum sem þjónusta sjávarútvegsfyrirtækin, fyrirtækjum sem þjónusta almennt íbúa staðanna, og mega ekkert við frekari fækkun.

Hækkun á umframsköttum, ofursköttum þýðir aðeins eitt, enn eina kvótahringekjuna þar sem bálið af brenndum byggðum mun lýsa upp himinhvolfið á komandi árum.

Svo tala menn um samráð, ná lendingu, úrbætur hvað f-orðið hans Trump vitleysa er þetta!!

Það má alveg færa rök fyrir því að útgerðin, sérstaklega sú stærri, eigi að bera kostnaðinn að eftirlitinu með kvótakerfinu sem og hafrannsóknum, og eitthvað gæti hún borgað til rekstrarins á björgunarþyrlum

Besta leiðin til þess er hagkvæmur, arðbær rekstur sem skilar mikilli framlegð og veltuáhrifum út i hagkerfið, og heilbrigt skattkerfi hafi af því tekjur.

Þannig eru eðlilegar leikreglur í heilbrigðu þjóðfélagi.

En ef það er forsenda einhverrar sáttar við skaðvaldanna í 101 Reykjavík, má ræða hófleg veiðigjöld, líkt og var hugmyndin með fyrstu útfærslu þeirra.

Hækkun veiðigjalda hjá síðustu ríkisstjórn var ekki í anda þeirrar sáttar, heldur opnaði hún flóðgáttina, sem lýðskrum núverandi ríkisstjórnar gerir út á, með sérstakri skattlagningu á eina atvinnugrein umfram aðra.

Þeir sem þekkja til smærri útgerða vita að þar var dreginn úr henni sá máttur sem þurfti til að hægt væri að endurnýja skip, uppfæra þau að nútíma kröfum.

Það segir allt sem segja þarf um þessa ógæfu og þá óheillaþróun sem af henni leiddi, er að útgerðamenn Þórunnar Sveinsdóttir treystu sér ekki til að endurnýja skipið og ákváðu þess í stað að selja skip og kvóta Vinnslustöðinni, vonuðust til að þannig héldist bæði skip og kvóti í Vestmannaeyjum.

Og það er nú þegar búið að segja upp áhöfninni og setja skipið á söluskrá.

Hringekja sem þegar er farin af stað og þetta frumvarp eykur aðeins hraða hennar.

Líka þó einhverjar leiðréttingar fáist á því.

Og það er fólk, lifandi fólk sem geldur þess.

Það er engin umfram arðsemi í sjávarútveginum, þar sem best lætur nær arðsemin ekki að slefa í arðsemi atvinnugreina höfuðborgarinnar, verslunar og þjónustu.

Þess vegna berjast menn ekki fyrir úrbótum á þessu frumvarpi byggðadauðans, menn berjast gegn því.

Og það gera allir sem ekki eru hluti af einhverju leikriti.

Höfum það í huga næst þegar við hlustum á menn slá sig til riddara.

Að það sé innistæða fyrir því stærilæti.

Við á landsbyggðinni þurfum ekki plástra.

Við þurfum ekki leiðréttingu.

Það þarf aðeins að stöðva þessa ómennsku.

Sem vegur að mannlífi okkar, atvinnu og framtíð.

Annað er ekki í boði.

Kveðja að austan.

	Fjárfestingum þegar frestað víða um land
Ábyrgðarmaður færslu Tilkynna um óviðeigandi tengingu við frétt

Setur í fyrirsögn að "Langtímalausn felst í tveggja ríkja lausn", þá annars vegar sér maður í rauntíma hve illa tekjuhrap hefur leikið borgaralega fjölmiðla, þannig að fagleg þekking sem er forsenda góðar blaðamennsku, hefur smán saman dagað uppi, í stað reyndrablaðamanna  með þekking og reynslu, þá er þeim skipt út fyrir örugglega ágætis fólk, en býr ekki að því sem þeir eldri höfðu, og eru núna flognir í veg, svo vitnað sé í snilldarlag KK.

Hins vegar fær maður um sig allan kjánahroll sem er þannig séð út úr kú í hitanum í dag hér fyrir austan.  

Það er hrollurinn.

Það má deila um, og ég ætla ekki að blanda mér í þær deilur, hvort vonin um tveggja ríkja lausn hafi dáið með morði öfgagyðinga, örugglega stýrt af því fjármagni sem græðir á óöld og upplausn, á Isak Rabin, eða þegar Hamas náði völdum á Gasa.

Rabin var drepin því hann trúði innilega að lausnin á sífeldum átökum með gagnkvæmum drápum, væri leiðin sem Sameinuðu þjóðirnar mörkuðu 1948 og kvað um tveggja ríkja lausn, annars vegar ríki Palestínuaraba og hins vegar ríki gyðinga.

Lausn, sem arabaríkin drápu í fæðingu með innrás sinni í hið nýstofnaða ríki gyðinga, árás sem hafði þann eina tilgang að útrýma hinu nýja ríki, þó deilt sé um hvort ásetningurinn hafi líka verið útrýming íbúa þess.

Lausn sem dó eftir ósigur arabaríkjanna, annars vegar yfirtók Egyptaland Gasa og hins vegar hertók Jórdanía Vesturbakka Jórdanárinnar.

Þó heimskir fræðimenn, þar af innlendum er núverandi rektor Háskóla Íslands líklegast sá heimskasti því ekki er hægt að kenna vanþekkingu um fáfræðina, þá var það þetta hernám Egypta og Jórdana á landsvæðum hins nýja Palestínuríkis, það er samkvæmt ályktun Sameinuðu þjóðanna, endir á hugmyndinni um Tveggja ríkja lausn.

Staðreynd sem fáfrótt, heimskt fólk, sem telur sig hafa menntun og þekkingu því það lærði eins og páfagaukurinn, hefur horft framhjá þegar það þjónar auðnum við Persaflóann með tali sínu um að það væri Ísraelsmönnum að kenna að af því varð ekki.

Rabin vildi frið, Nethanyahu tók við, örugglega tengdur þeim öflum sem létu myrða Rabin, og þegar örlaganornirnar byrja að kyrja sinn illsku seið, þá leiðir ein ógæfan að annarri, það segir allavega Macbeth.

Hamas, með miklum fjárstuðningi miðaldafólksins við Persaflóann (Hamas-samtökin vörðu miklum hluta fjár síns til uppbyggingar samfélagsþjónustu í Palestínu samhliða því sem samtökin stóðu fyrir áframhaldandi árásum gegn Ísraelsríki. Áætlað er að frá 1993 til 2009 hafi rúmlega 500 manns látist í um 350 árásum sem Hamas-samtökin stóðu fyrir.), vann kosningarnar á Gasa 2007, þá var ljóst að draumurinn um tveggja ríkja lausn var endanlega draumur sögunnar, horfinn inní rykfallnar geymslur hennar.

Samtök sem stefna að útrýmingu "hins ríkisins", semja ekki um tveggja ríkja lausn.

Að segja eitthvað annað er dæmi um heimsku, fávisku eða þaðan af eitthvað vitsmunalega verra.

Þorgerður Katrín er alls ekki ein um þetta bjánatal, að bulla svona út í eitt.

Hún eltir aðeins langa lest vanhæfra vestrænna stjórnmálaleiðtoga, sem eru afsprengi geldingar hin Pólitíska rétttrúnaðar sem kenndur er við ofsalega Góða fólkið.

Gelding því þegar allt mannlegt atferli og mannlegir brestir eru teknir út, þá má líkja vitsmuni og persónuleika viðkomandi stjórnmálamanna við heilalínurit hjá sjúklingi í Koma, aðeins flöt lína.

Samt er á allri heimsku og fávisku takmörk, nema kannski hjá Dúdú fuglinum í stórvirkinu Ísöld en hann var jú teiknimyndapersóna.

Samt eftir voðaárásir Hamas, sem snérust minnst um dráp, heldur nauðganir, limlestingar, þannig að jafnvel börn voru brennd lifandi, það er þau sem voru ekki svo heppin að vera skotin í bílstólum bifreiða foreldra sinna.

Þá hélt hin óendanlega forheimska og fávitaháttur áfram að tala um að lausnin á átökunum á Gasa, átök sem Hamas beint stofnað til með voðaverkum sínum og gíslatöku, væri hin svokallað Tveggja ríkja lausn.

Hvað er verið að sanna með þessu tali??

Er verið að sanna í gegnum mannlegt atferli, sem eðlisfræðin hefur ekki ennþá getað sannað með tilraunum sínum, að það sé eitthvað til sem heitir óendanlegt.

Það er hin óendanlega heimska.

Og eru hinir lítthæfu blaðamenn Morgunblaðsins að hjálpa til með þessa tilraun um að staðfesta óendanleikann.

Með að vitna í Þorgerði Katrínu í fyrirsögn þessarar fréttar; Langtímalausn felst í tveggja ríkja lausn.

Jæja, það þarf ekkert að ræða það frekar.

Samt þegar maður horfir á myndirnar af rústunum á Gasa, þá spyr maður sig, er þessi rannsókn á tilvist óendanleikans, með vísan í hina óendanlega heimsku, ekki dæmd til að mistakast.

Halda menn virkilega að það sé til einhver í alheiminum, sem er tilbúinn að leggja til fjármagn á uppbyggingu á Gasa, uppbyggingu sem verður að engu næst þegar Hamas, með stuðningi Tyrkja og miðaldalýðsins við Persaflóa, reynir að útrýma nágrönnum sínum í Ísrael??

Viðurkenni samt reyndar að ef sá aðili finnst, þá er vissulega komin viss sönnun á óendanleikanum.

En hann mun aldrei finnast.

Sama hve Mogginn vitnar oft í þær stöllur Þorgerði og Kristrúnu, eða dvergana á meginlandi Evrópu, sem hafa ekkert gáfulegra til málanna að leggja.

Það er nefnilega þannig að bjánar eru út um allt.

En það er samt ekki þannig að borgaralegir fjölmiðlar leggi sig í líma við að elta uppi bjánaskap þeirra og bjánatal.

Allavega í mínu ungdæmi þá var sérstakt tímarit, virkilega merkilegt tímarit sem hét Úrval, og sagði manni ýmsar spennandi sögur í bland við furðulegar sögur.

Til dæmis eins og manninn sem nýtti sér rafkrafta vatnsameinda til að fleyta timbri uppá við, átti þar með að sanna að vatn gæti alveg runnið uppá móti, ekki eðlisfræðilega heldur í huga bjána sem trúðu öllu.

Úrval er liðið, blessuð sé minning þess og skemmtun við að lesa það ágæta tímarit.

En að svo sé svo illa komið fyrir ritstjórn Morgunblaðsins, að hún telji sér satt og skylt að taka upp þessa gleymdu ritstjórnarstefnu, það er eitthvað sem maður átti ekki beint von á um mitt árið 2025.

Einhver réttlætir þetta með kannski að segja að hinir miður hæfir blaðamenn Morgunblaðsins gerðu fátt annað en að vitna í Þorgerði Katrínu utanríkisráðherra.

En svarið er einfalt, þú vitnar ekki í hvað sem er.

Og ef þú vilt það, þá er meiri húmor í að vitna í mjög svo skemmtilega pistla sem voru skrifaðir reglulega í Morgunblaðið, fyrir um 50 árum síðan, samt aðeins seinna, þar sem einmitt pistlahöfundur trúði því einlæglega að það væri hægt að fleyta trjábolum uppámóti, auk margs annars sem gat alveg gerst, forsendan væri aðeins að trúa því.

En þegar fáráð eru notuð sem rök til að styðja samverkafólk Hamas á Gasa, samtök sem skilvirknislega útveguðu samtökunum matvæli sem þau gátu svo selt með góðum hagnaði til að fjármagna áframhaldandi þjóðarmorð sitt á íbúum Gasa, þá eru slík fáráð dæmi um siðleysi.

Afsökun Þorgerðar er forheimskan, þátttaka hennar í tilraun til að mæla endamörk þess sem hægt er að mæla, en hver er afsökun Morgunblaðsins???

Svona fyrir utan að það er gott að þiggja fé frá Íslamistum Persaflóans við rétta af hallarekstur blaðsins, þó fórnarkostnaðurinn  er hroði frá áróðursdeild Hamas sem hefur grafið um sig á ritstjórn blaðsins.

Samt ekki.

Arfleið blaðsins er ekki forheimska og fávitaháttur.

Að gefa henni vægi, er árás á öll þau gildi sem blaðið hefur staðið fyrir í rúm 100 ár.

Sem vekur upp spurninguna; 

Hverjum þjónar blaðið í raun?

Trójuhesturinn þjónaði allavega ekki íbúum Tróju.

En þjónar Morgunblaðið í raun borgarlegum gildum og borgarlegu fólki?

Stundum finnst manni það, stundum ekki.

En á það að vera svo.

Það er að efinn.

Moggin er samt betri en ekkert.

Kveðja að austan.

	Langtímalausnin felst í tveggja ríkja lausn
Ábyrgðarmaður færslu Tilkynna um óviðeigandi tengingu við frétt

Má fólk tjá skoðanir sínar og taka þátt í daglegri umræðu á mannamáli en ekki Dagísku??

Núna hlýtur gjörsamlega allt vera brjálað hjá Góða fólkinu, allavega í póstnúmeri 101 Reykjavík.

Allavega hjá embætti Ríkissaksóknara, sem samviskusamlega hefur fylgt eftir Katrínar-Norðurkóresku lögunum um að öll þjóðmálaumræða eigi að fara fram á Dagísku.

Að mannamál sé bannað, og þá sérstaklega að tjá sig um staðreyndir, eins og til dæmis að kynin séu tvö, það er kyn spendýra, hvorki fleiri eða færri.

Eða svo ég vísi í þennan dóm Landsréttar, að blaðamenn sem skipuleggja eiturbyrlun til að ræna síma og afrita, séu bæði þjófar og eiturbyrlarar, þar með sekir um þjófnað og morðtilræði.

Sem og að benda á svona augljósa staðreynd, á mannamáli, varði ekki við lög Katrínar-Norðurkóresku atlögunni að málfrelsi lýðræðisþjóðar.

Enda margt annað og meir í húfi, sjálf tjáningin, og ef Katrínar-Norðurkóresku lögin, þá til dæmis er liðin sú tíð að fjölmiðlar geti greint frá því að sannarlegur morðingi, til dæmis ógæfumaðurinn sem banaði dóttur sinni, sé morðingi, hafi verið dæmdur í fangelsi fyrir morð.

Eitthvað svo augljóst en vanvitið sem hefur grafið um sig á forsendum Góða fólksins hjá Héraðsdómi Reykjavíkur fattaði ekki.

Eða er þetta kannski ekki vanvit æskunnar sem  hefur aldrei migið í saltan sjó, slapp ekki handrukkarinn, sem bar ábyrgð á manndrápinu í Mosfellsbæ á sínum tíma, við dóm en verkfæri hans var dæmt??

Eða þegar einn aðaldópsali landsins, það er innlendur sem getur örugglega rakið ættir sínar til Haralds Hárfagra, eða til vara til Ólafs digra Noregskonungs, slapp við dóm og refsingu fyrir ræktun bannaðra gæðajurta, þó öll sönnunargögn bentu til þess. Héraðsdómur  Reykjavíkur sýknaði hann vegna þess að viðkomandi sannarlegi stórtæki dópsali hafði alltaf staðið í skilum við að fóðra vasanna, á þeirri forsendu að hann hefði ekki tímanlega sent lögreglunni vídeó þar sem hann fyrirfram fór yfir alla ræktun sína á gæðajurtum, og það hefði verið vottað af tveimur lögfræðingum starfandi fyrir viðkomandi eiturlyfjasala.

Kannski þjónar héraðsdómur ekki lengur íslensku samfélagi, lögum þess og reglum, um það eru ansi margar vísbendingar.

En þetta er útidúr, hliðardúr, alls konar dúr.

Það er augljóst að Katrínar-Norðurkóresku lögin um notkun Dagísku í almennri umræðu, kalla á aðgerðir okkar ágæta vanhæfa ríkissaksóknara.

Hún hefur jú samviskusamlega framfylgt þessum lögum ritskoðunar og þöggunar í opinberu umræðu, kommon - hver getur talað Dagísku í meir en 15 sekúndur???

Og samviskusamlega hótað þeim, sem tala íslensku, "refsingu fyrir, sekt eða fangelsisvist." svo ég vitni í nýlega aðförina að málfrelsinu með vísan í Katrínar-Norðurkóresku lögin um skyldu landsmanna um að nota Dagísku í opinberi umræðu.

Það er augljóst mál að dómarar Landsréttar virða ekki þau lög, það er Katrínar-Norðurkóresku lögin um rétta tjáningu og orðnotkun í opinberu umræðu, hvort sem það er í fjölmiðlum eða síðum samfélagsmiðla.

Eða svo ég vitni aftur orðrétt í hinn unga saksóknara, óþarfi að taka það fram að hún er kona, menntuð af Góða fólkinu í Háskóla Íslands, þar sem hún segir afdráttarlaust um svona hegðun, eins og til dæmis það  atferli dómara Landsréttar að tala mannamál, en ekki Dagísku.

"Hún sagði orðrétt að ,"miðaldra karlar sem brjálast við lyklaborðið" verði að hljóta makleg málagjöld, fjárútgjöld og fangelsisvist"".  Já, þar höfum við það.

Tekið orðrétt úr öðru dómsmáli þar sem hið opinbera kærði þennan sama Pál, sem var sýknaður af Landsrétti um að það væri saknæmt að tjá skoðanir sínar á mannamáli, þar með mætti þess vegna segja að kynin væru 2 og það væri ekki rétt að þeir sem héldu öðru fram fengju fjármuni frá ríkissjóði að innræta ungum börnum þá vitleysu að þau væru færri eða fleiri.

Þar með er þessi dómur Landsréttar augljóst dæmi um slíkt lyklaborðabrjálæði, skrifaður á mannamáli, heldur sig við staðreyndir laga og réttar.

Ef eitthvað samræmi er hjá ríkissaksóknara og embættis hennar, þá hljóta Katrínar-Norðurkóresku lögin vera virkjuð og ákært fyrir þetta brjálæði miðaldra karla sem dómarar Landsréttar gerðu sig seka um.

Og ekki þeim bara hótað maklegum málagjöldum, fjárútgjöldum og fangelsisvist, heldur líka að Héraðsdómur Reykjavíkur dæmi þá eftir Katrínar-Norðurkóresku lögunum til fjársekta og fangelsisvistar, og svo málagjöldin séu virkilega makleg, til klukkustundar námskeiðs í Dagísku.

Lengra námskeið þar er víst bannað samkvæmt pyntingarsáttmála Sameinuð Þjóðanna.

Jæja, ókei, ég er kannski aðeins að hæðast að lögum Katrínar Jakobsdóttur um hatursorðræðu, sem og tilhneigingu Góða fólksins til að þagga niður alla umræðu sem því er andstæð.

Hvað þá að kalla það upplýsingaróreiðu að fara rétt með.

En í alvöru, hvaða víðáttuvitleysingar hafa grafið um sig í dómskerfinu, af hverju er það frétt á Íslandi á því herrans ári 2025 að maður sé sýknaður á æðra dómsstigi fyrir að tjá skoðanir sínar.

Það hefði vissulega verið ákært fyrir þennan hroðalega glæp 1625, líka örugglega 1725, jafnvel hugsanlega 1825, en þá hefði hin menntað stétt sett við það stórar spurningar og talað um forneskju aðals og konungsveldis, sem hefðu ekki aðlagað refsilöggjöf sína að upplýstum tímum.

1925 hefðu dómarar héraðsdóms, sem og þeir saksóknarar sem ákæra meinta brjálaða miðaldra karla fyrir skrif sín á samfélagsmiðlum, verið settir á Klepp, það væri einhver augljós geðsýki í gangi, og það væri rannsakað hvort hún væri smitandi.  

Hvort samfélagið væri í hættu út af henni??

Núna er þessi skoðanakúgun Góða fólksins raunveruleiki, þess fólks sem líklegast er það heimskasta sem 5.000 ára saga siðmenningarinnar þekkir, og hafa jú margir gert tilkall til þess.

Það er að vera heimskastur í sögu siðmenningarinnar.

Og það þurfti Landsrétt til að stöðva þennan ófögnuð.

Samt er ennþá ákært.

Það er ekkert eðlilegt við þetta.

Það er eitthvað mikið að.

Mikið að réttarkerfi okkar.

En fyrst og fremst að stór hluti ungra menntaðra kvenna á öllum aldri telur þetta sjálfsagt.

Það er eins og við séum stödd í miðri Menningarbyltingunni í Kína, kringum 1970, á háskólalóðum, þar sem á myndum sést öskrandi, æpandi, móðursjúki múgurinn, sem krefst þyngstu refsingar yfir prófessorum sínum, meintum endurskoðunarsinnum, sem höfðu vogað sér að kenna þyngdarlögmál Newtons eða aðra staðreyndir eðlisfræðinnar, og uppistaða þessa múgs voru ungar konur á öllum aldri.

Svona múgæsingar og móðursýki gagnvart staðreyndum tilverunnar hafði aldrei sést áður.

Og allir héldu að myndu aldrei sjást aftur.

Svo núna, á því herrans ári 2025 erum við að endurupplifa slíka múgæsingu og fáráð, að konur séu ekki konur heldur legberar, að þú getir breytt um kyn þitt með orðum, það er staðhæfingu, eða kynin geti verið ótalmörg, aðeins takmörk ímyndunaraflsins hamli skilgreiningu á fjölda þeirra.

Og að þeir sem benda á hið augljósa, eru ákærðir.

Vegna laga sem er sett af konum, ákært af konum, og dæmt af konum.

Hvernig er hægt að mennta sig svona heimskan??

Hvernig getur eitt samfélag liðið svona atlögu að grunnforsendum lýðræðisins??

Réttinn til að tjá skoðanir sínar.

Landsréttur hélt.

Núna verður grafið undan honum.

Það liggur í eðli fáráða og ofstækis.

Kveðja að austan.

	Landsréttur sýknar Pál af kröfum Aðalsteins
Ábyrgðarmaður færslu Tilkynna um óviðeigandi tengingu við frétt

Ekki til að skammast í honum, þær yfirlýsingar eru aðeins til heimabrúks, heldur var hún sæt og falleg og náði athygli leiðtogans í nokkrar mínútur.

Það er ekkert niðrandi að vísa í lúkk Kristrúnar, leiðtogar Nató-ríkja eru það margir að þó aðeins 5 mínútna spjall, hefði kostað Trump bæði kvöld, nótt sem og árla morguns.

Enda samkvæmt þessari frétt þá er aðalatriðið að Trump talaði við Kristrúnu, og að Trump vissi, að sögn, að Ísland væri til.

Rosaleg frétt.

Rosaleg frétt.

Trump veit að Ísland er til.

Stærri er samt fréttin, í alvöru - ég er ekki að hæðast að Kristrúnu - að Kristrún náð það mörgum mínútu með Trump, að hún gat hvatt hann til að beita sér fyrir vopnahléi á Gasa.

Sem í alvöru er eina vonin um frið fyrir íbúa Gasa, að þjáningar þeirra nái ekki út í óendanleikann.

Fyrir þessi orð, fyrir þessa áskorun á Kristrún allan heiður skilið.

Út úr kú, og þaðan af vitlausari hefur hún verið síðustu daga, en þarna náði hún augnabliki lífsins.

Athygli Trumps, og í stað þess að væla og smjaðra, um óendalegt smátt mikilvægi okkar í hringiðju alþjóðamála, þá benti Kristrún Trump á, að einn friður kallaði á annan.

Gleymum öllu háði og skætingnum, Kristrún ræddi það sem máli skipti.

Ég veit ekkert um þann fávitahátt og forheimsku sem drífur áfram Góða fólkið í dag, þar sem Trump sjálfur er beinn fulltrúi þess í neðra í mannheimum, það er ef Góða fólkið á annað borð viðurkennir þann í efra sem og í neðra, en að kosinn fulltrúi þess ræði við "hinn útvalda", það er þann sem má segja allt slæmt um, níða niður og afskræma, það segir ýmislegt um kjark og manndóm Kristrúnar.

Og þann kjark og manndóm á að virða.

Ekki að hún líklegast muni ekki breyta heimssögunni, heldur að hún þorði gegn fávitahætti Góða fólksins, þorði að tala við Trump um það sem máli skiptir.

Og heima bíður Dagur og allt fávitagengið sem trúir að hann sé hinn mikli Messías, maðurinn sem getur talað um ekki neitt út í hið óendalega.

Vissulega glotti ég þegar ég las þessa frétt í fyrsta skiptuð.

Ákvað að henda á hana pistli, en svo jókst virðing mín gagnvart Kristrúnu, við hvert orð sem skrifað er hér að ofan.

Hún vanþroska vissulega, langt í að verða fullorðin.

En það býr eitthvað í henni til gagns fyrir þjóð og framtíð.

Ekki nema von að hún sé mest hataðasta manneskja bestasta Góða Fólksins innan Samfylkingarinnar.

Hatursumræða sem Kristrún hefur reynt að hlutleysa með að svipta sjálfa sig viti og skynsemi, á mörgum stundum hefur hún hugsað að þessi ræða (það er ræða sem þurfti að flytjast) gengur ekki, því það örlar fyrir viti og skynsemi í henni, á köflum má sleppa skilyrðinu; "örlar".

The Lonly Rider meðal Góða fólksins, ekki nógu heimsk til að geta samsinnað sig því gegn stuðningi fólksins sem telur Dagísku mannamál og Dag sjálfan leiðtoga sem Kristrún stal leiðtogasæti frá.

Þessar pælingar skipta samt ekki máli.

Burt séð frá öllu þá hvatti Kristrún Trump til að koma á vopnahléi á Gasa.

Aðeins þeir sem þjóna hinum í neðra viðhalda þeim vítahring ofbeldis og drápa, og því miður eru margir þjónar hans þjónandi í ríkisstjórn Ísraels.

Þar getur Trump gripið inní líkt og hann sannarlega gerði í gær.

Með orðunum; Þið eruð ekkert án mín.

Svo segja menn að auðmýktin borgi sig ekki, það er auðmýkt Kristrúnar.

Skyldi Rúv vita að því???

Að í stað fordæmingar sé hægt að tala um frið.

Kemur í ljós, vissulega efast ég, en samt.

Við eigum öll líf sem þarf að vernda.

Líka Góða fólkið.

Kveðja að austan.

	Kristrún ræddi við Trump: Hvatti til vopnahlés
Ábyrgðarmaður færslu Tilkynna um óviðeigandi tengingu við frétt