Hver sekt þeirra sem ekkert gera??

 

Horfa í hina áttina þegar allt þetta saklausa fólk er drepið??

Hvernig getur blaðamaður sagt frá og notað réttlætingu morðingjans, að tala um stríð gegn fíkniefnum??  Er ekki í raun verið að samsinna sig morðingjanum??

Hvernig getum við endalaust látið snargalið fólk komast upp með að réttlæta illvirki sín með því að teygja og toga tungumálið?? Heitir mútufé í vasa ekki til dæmis meintur vafi um hlýnun jarðar.  Sem fullt af fólki étur svo upp í þjónkun sinni við auðinn.

 

Eða svo við tölum um þann sem er snargalnastur, er hann ekki í heilögu stríði við ISIS og önnur öfgasamtök miðaldamúslima?

Éta fjölmiðlamenn það ekki upp eftir honum?

Maðurinn nýbúinn að gera 100 milljarða dollara vopnasölusamning við rótina sem fjármagnar óværuna.

 

Á einhverjum tímapunkti verðum við að átta okkur á því að það er til önnur sekt en sú að toga í gikkinn, eða sprengja sprengjuna.

Og líklegast er ein sú stærsta  árátta okkar að líta alltaf í hina áttina.

Eða éta upp allt bullið sem auðurinn matreiðir ofaní okkur og fær okkur til að benda í allar áttir, hrópandi; "þetta eru hinir, þetta eru hinir".

 

Meðal annars þess vegna geta illmenni komist upp með illvirki sín ef þeir nota réttu orðin.

Það er ekki búið að útskúfa morðingjanum á Filippseyjum úr alþjóðlegu samfélagi, hann er sko í stríði við fíkniefnadjöfulinn.

Einræðisherrann í Tyrklandi mætir ennþá á leiðtogafundi Nató, enda kallar hann atlögu sína að Kúrdísku þjóðinni stríð við hryðjuverkamenn, og honum dugar að láta útsendara sína skipuleggja nokkur tilræði gegn sinni eigin þjóð, til að fólk kaupi að þessi helsti bandamaður ISIS í árdaga samtakanna, sé kominn í stríð við þetta sköpunarverk múslímskra miðaldamanna.

Og hið Svarta fjármagn ætlar að slá af stríðið við loftslagsvána.  Keypti vafinn er nefnilega svo mikill. 

 

Allt vegna þess að við viljum ekki feisa raunveruleikann.

Þó er sjálft lífið í húfi.

Okkar líf.

Lífið sem við ólum.

 

Getur sektin orðið meir?

Ég bara spyr.

Kveðja að austan.

 

 

Lá blæðandi í götunni og þóttist dáinn

Grundvallarmunurinn á rannsókn eftirá.

 

Og rannsókn fyrirfram;

Er lík hinna saklausu.

 

Það er mikill misskilningur hjá þjónum hjáguðsins Mammons að völd þeirra yfir vestrænum samfélögum séu til þess eins að gera fámennri stétt auðmanna kleyft að blóðmjólka samfélög sín.

Það er vissulega markmið þeirra sem þeir fara ekki leynt með þegar þeir nýta auð húsbænda sinna til að tryggja sér sigur í lýðræðislegum kosningum, en hlutverk og tilgangur almannavaldsins er engu að síður skýrt i stjórnarskrám viðkomandi landa, og á meðan þeir láta ekki breyta þeim í eina málsgrein; "Mammon er okkar eini guð, og þjónar hans mega allt, og eiga allt", þá verða þeir að virða þá frumskyldu almannavaldsins að vernda borgara sína.

Og útrýma óværunni sem eru afskiptalaust fengið að breiða úr sér um vestræn samfélög.

 

Það er ekki flókið.

Hver hefur ekki séð grínmynd frá Hollywood þar sem jafnvel eini brandarinn var hvernig sögupersónan frá nútímanum sem lenti óvart í tímalykkju og endaði í einhverju miðaldasamfélagi, var út úr kú í klæðaburði sínum og hegðun.

Og hver man ekki eftir hinni dásamlegu frönsku mynd; "Les Visiteurs"  þar sem stórleikarinn Jean Reno lék miðaldariddara sem lenti með þjóni sínum inní nútímann.

Auðþekktur, öllum sjáanlegur, að hann var miðaldamaður, ekki nútímamaður.

 

Islamistar eru jafn mikið út úr kú í nútímasamfélagi.

Það er vitað hverjir þeir eru, hvar þeir eru, hverjir fóðra þá og fæða, og hvaða öfl hafa hag af upplausn og ólgu samfélagsins.

Hnífurinn í kúnni snýst um hina stóru spurningu; Af hverju njóta þeir friðhelgi??

Af hverju eru lík forsenda einhverra málamyndagjörninga eins og greint er frá í þessari frétt að ofan.  Eina sem vantar til að toppa vitleysuna er að fram kæmi að til stæði að einkavinavæða rannsókn málsins til að tryggja að fé fari ekki til spillis.

 

Afhverju njóta þeir friðhelgi??

Af hverju fær óværan að breiðast út??

 

Auðvita vitum við svarið, það er svo góður bissness í ótta, og hann er líka tækifæri til að þrengja að lýðréttindum fólks og frelsi einstaklingsins.

Fyrir sálarlaust fólk sem telur kærleik vera kerfisvillu eru saklaus fórnarlömb algjört aukaatriði, nema þá einna helst tækifæri fyrri falska mærð í fréttaskoti fjölmiðlanna.

Annað ekki, annars væri óværan ekki í blóma, skjótandi frjóöngum í allar áttir í frjóan jarðveg hinnar evrópsku gettóa.

 

Og við eigum að hafa tötsið til að horfast í augun á staðreyndum.

Um eðli óværunnar, um aflið sem fóðrar það, og um eðli hins vanheilaga bandalags Mammonsdýrkenda og múslímskra öfga.

Og lygina sem knýr þöggunina áfram.

 

Það er tímaspursmál hvenær við Íslendingar munum þurfum að jarða okkar eigin börn eftir svona voðaverk.

Frjókornin eru þegar til staðar, og það er í eðli þeirra að spíra.

Ef okkur mislíkar sú sýn, þá er þögnin og lygin ekki leiðin til að að fyrirbyggja hana.

 

Við erum umburðarlynd þjóð, og eigum að vera umburðarlynd þjóð þar sem hraktir eiga geta reiknað með athvarfi og skjóli.

En að líða að óværa skjóti rótum er ekki dæmi um slíkt umburðarlyndi, heldur heimsku í þágu annarlegra hagsmuna.

Það vita allir sem hafa glímt við illgresi, að sú barátta er dæmd til að tapast ef fyrstu brúskarnir eru ekki upprættir, heldur beðið þar til að það hefur dreift sér út um allt.

 

Það eiga allir hafa rétt til að iðka sína trú, en við eigum ekki að líða trúarmiðstöðvar þar sem prelátar neita handabandi við konur, eða konum sé haldið afsíðis í einhverju sem líkist griparéttum.

Vissulega höfum við ekki efni á að kaupa "one way ticket to the moon" en það er styttra til Saudi Arabíu og miðaldamenn eiga að búa í miðaldaríki þar sem þeir mega grýta konur fyrir hórdóm eða hengja homma eða hvað annað sem þessi óværa hefur fyrir tómstundargaman, en ekki hér.

Við erum nútímaríki, við lifum í nútímanum, ekki á miðöldum.

Og grundvallarforsenda nútímaríkis er nútímafólk.

 

Þetta er ekki flókið.

Það er ekkert flókið að lifa saman í frið og sátt.

 

Það á bara ekki að umbera þá sem vilja eitthvað annað.

Kveðja að austan.

Kom við í íbúð og sprengdi sig svo