Nafngreyndi Sigmar spunakokkur vitlausan mann?????

Hvaða heilvita, ófullur maður, skrifar upp á lánasamning upp á 650 milljarða auk vaxta, að lágmarki 250 milljarða, og fullyrðir síðan fyrir framan alþjóð að skuldin sé aðeins 230 milljarðar????

Ef lágmarks manndómur væri í íslensku lögreglunni, þá mætti hún í sali Alþingis og léti þá sem svona bulla, blása í blöðru.  

Standist háttvirtur fjármálaráðherra það próf, þá á tafarlaust að fá lánaðan lygamælir hjá FBI, þennan sem stofnunin notar til að hafa upp á grunuðum hryðjuverkamönnum.  Standist fjármálaráðherra líka það próf, þá á tafarlaust að hringja í Neyðarlínuna, maðurinn hefur þá misst allt raunveruleikaskyn.

Það gæti verið smitandi.  Næst gæti skipstjórinn komið í brúnna og sagt að alltaf væri logn og rjómablíða í Ólafsvík.  Eða menntamálaráðherra komið og fullyrt upp í opið geð á kjósendum sínum að forsendur norræns velferðarríkis sé áherslur og sjónarmið ameríska vogunarsjóða.  Eða þá umhverfisráðherra kæmi í pontu og segðist hafa einhver völd, hún væri ekki skóþurrka Samfylkingarinnar.

Eitthvað er í gangi niður á Alþingi sem lýtur ekki lögmálum mannlegrar rökhugsunar.

Þar sem framtíð þjóðarinnar er í húfi, þá þarf, og ég endurtek þá þarf lögreglan að grípa tafarlaust inn í.  Sé um bráðaölvun að ræða, þá ræður lögreglan yfir viðunandi húsnæði, sé um bráðasýkingu að ræða, sem sviptir menn allri rökhugsun, þá er annað húsnæði í Reykjavík hannað fyrir vitleysinga.

Hvaða heilvita maður vill borga bretum og Hollendingum 100 milljónir í dag í vexti úr sameiginlegum sjóðum landsmanna, á sama tíma og þúsundir manna hrökklast úr landi vegna skulda og atvinnuleysis?????

Allt vitiborið fólk notar þá peninga sem til ráðstöfunar eru til að hjálpa unga fólkinu, sem ræður ekki við skuldbindingar sínar, þannig að því sé gert kleyft að lifa mannsæmandi lífi í landi feðra sinna.  Því þetta er fólkið sem elur uppi næstu kynslóð Íslendinga.

Hina þarf að stöðva, hvað sem annars hrjáir þá.

Jafnvel einvaldar fortíðarinnar komust ekki upp með hvað sem er.

Á öllu eru takmörk.

Kveðja að austan.

 

 

 

 

Vægi Icesave úr öllu samhengi

Athugasemdir

[Ingibjörg Guðrún Magnúsdóttir, 28.12.2009 kl. 22:30]

Jæja segðu maður...

[Örn Johnson ´43 (IP-tala skráð) 28.12.2009 kl. 23:20]

Rétt hjá þér, Ómar. Ég prentaði út greinina um lygar Steingríms og ætla að rýna í hana eftir eitt ár. Þá verður Steingrímur fjárbóndi á Langanesi og kemur málið ekkert við. Sama með Jóhönnu, hún verður loksins hætt í stjórnmálum og talar ekkert um fyrri mál. Flott framtíð.

[Banjó (IP-tala skráð) 28.12.2009 kl. 23:46]

Þetta hljómar eins og þú trúir þessu sjálfur. Frábær grein, full af réttsýni og rökhugsun skrifuð af einlagni og sannfæringu. Þarft innlegg í umræðuna. Kv frá helvítí

[Ómar Geirsson, 29.12.2009 kl. 00:04]

Takk fyrir innlitið kæra fólk.

Heldur þú Örn að bróðir hans víki til hliðar????  En ég vona að maðurinn nái aftur sinni rænu, þetta er ekki sá Steingrímur sem þjóðin þekkti.

Og takk fyrir Banjó, alltaf gaman að fá kveðju frá neðra.  Mitt fyrsta blogg í dag var einmitt um þá sem selja sálir sínar á spottprís þangað.  En það er þetta með trúna, hún er eins og hún er, varla á vetur setjandi, en tilgangurinn er skýr.

Og vonandi áttar þú þig á honum áður en þú færð fastan samanstað þar sem þú dvelur núna.  Það er ljótt að svíkja meðbræður sína og þjóð.

Kveðja að austan.

[Ómar Bjarki Smárason, 29.12.2009 kl. 09:30]

Manni dettur helst í hug að það herji eitthvað "Samfylkingarheilkenni" á þingmenn stjórnarliðsins. Það er engu líkara en að Samfylkingarliðið séu vélmenni sem einhver hefur forritað. Og auðvitað liggur breska leyniþjónustan helst undir grun ásamt og með leyniþjónustum annarra Evrópuríkja, a.m.k. þegar kemur að ógagnrýnni umræðu þeirra um ESB... Þetta gæti verið verðugt rannsóknarefni..... Spurning hvort prófessoarar í stjórnmálafræði við HÍ ráða við þetta verkefni vegna tengsla við krata í Hafnarfirði.....?

[Ómar Geirsson, 29.12.2009 kl. 11:05]

Blessaður nafni.

Veistu það, ég var einmitt að hugsa svipað í gær.  Var ekki KGB með eitthvað svona tvífaradæmi??  Gætu ekki fleiri leikið þann leik???

Hvernig vitum við að þetta séu Guðbjartur og Steingrímur sem bulla svona?????  Hingað til þekktir fyrir að vera skynsamir menn.  Á ekki að biðja um DNA af  þeim til að taka af allan vafa??  Og hvernig er það með dáleiðslu????  Er hægt að mæla hana???

Kannski ekki gáfulegar spurningar, en þegar maður hlustar á þá vitleysu sem þeir segja, þá sér maður að eitthvað görótt hefur átt sér stað.  

En hins vegar  skýrir eðlislæg heimska ræður margra Samfylkingarmanna, tækju þeir upp á því að mæla af skynsemi, tvo daga í röð,  þá væri það líka eitthvað skrítið.  En ætli nokkur ráði yfir tækni, hvorki þessa heims eða annars, að láta slíkt gerast???? 

Það er of ótrúlegt til að vera satt.

Kveðja að austan.