Bíddu við, var þetta ekki röng fyrirsögn???

Átti þetta ekki að vera Steingrímur Joð Sigfússon, og hann kvarti yfir ítrekuðu skemmdarverki stjórnarandstöðunnar á íslensku endurreisninni. 

Hún bókstaflega vilji ekki neitt af því sem ríkisstjórnin berst fyrir.

Stjórnarandstaðan er á móti ICEsave, skilur ekki lógíkina að taka þúsund milljarða af láni til að gera landinu kleyft að standa við skuldbindingar sínar.  Og er jafnvel svo ósvífin að spyrja um lagaheimild slíkra fjárkrafna.

Stjórnarandstaðan er á móti einkavæðingunni hinni síðari, telur að aðrir en bandarískir vogunarsjóðir séu hæfir til að reka nýju ríkisbankanna.

Stjórnarandstaðan vill að fólk hafi þak yfir höfuðið og sé gert það kleyft.  Eins fólk geti ekki unnið fyrir Hrunskuldum auðmanna sátt og auðmjúkt eins og seku sukkfólki er sæmast eftir sukkfyllirí sitt.

Og stjórnarandstaðan vill endurskoða samstarfið við Alþjóðagjaldeyrissjóðinn, segir að hann eigi að vinna að íslenskum hagsmunum, eins og það sé hans hlutverk.

Já, ég hélt það eitt lítið augnablik að Steingrímur væri komin til Írans.

Kveðja að austan.

Sakar stjórnarandstöðuna um skemmdarverk

Athugasemdir

[Sigurður Sigurðsson, 13.12.2009 kl. 18:43]

EInmitt það sem ég hugsaði - gæti vel átt við Steingrím J.

[Ómar Geirsson, 14.12.2009 kl. 01:06]

Takk fyrir innlitið Sigurður.

Gat ekki stillt mig, og gaman að vita að aðrir sáu þessa tengingu.  Ætli það sé kennt í skóla fyrir ráðamenn í vanda að skjóta sendiboðann??

Kveðja að austan.