Landsdóm strax.

Þegar formaður þingflokks Samfylkingarinnar lýgur því kynroðalaust að tilraun breta og Hollendinga til að ræna almannafé Íslensku þjóðarinnar sé "milliríkjadeila sem snýr að þjóðréttarlegum skuldbindingum" þá er mælirinn fullur.

Við erum að tala um rán á skattfé rúmlega helmings tekjuskattsgreiðanda þjóðarinnar, bara í vexti.  Það gengur ekki lengur að þingmenn þjóðarinnar komist upp með að ljúga þessu ráni upp á þjóðina með þeim orðum að um þjóðréttarlega skuldbindingu sé að ræða.  Allir þingmenn, jafnvel þeir sem kosnir eru á þing úr röðum Samfylkingarinnar, eru læsir, og þeir eiga að lesa sér til um þá alþjóðasamninga sem þeir kósa að vitna í.  Allavega ef hundrað milljónir á dag í vexti eru í húfi.

Þingmaðurinn er vafalaust að vitna í EES samninginn þar sem landið skuldbindur sig til að framfylgja tilskipun ESB, þar á meðal þeirri um innlánstryggingar.  Vissulega geta keyptir lögfræðingar dregið allt í efa, þar á meðal skýr ákvæði umferðarlaga um að bannað sé að aka yfir á rauðu ljósi, það sé til dæmis leyfilegt ef sá sem gerir það sé svo ríkur að hann hafi efni á að hafa þá í vinnu við að skrumskæla sannleikann.  Og vissulega er hægt að rangtúlka skýra tilskipun ESB um að tryggingakerfi innlána sé fjármagnað af fjármálastofnunum, ekki einstökum aðildarríkjum. 

En slík keypt rangtúlkun er ekki lög og reglur og myndar ekki neina þjóðréttarlegar skuldbindingar.  Vegna þess að í EES samningnum eins og í öllum öðrum samningum eru skýr ákvæði um hvernig á að takast á við réttarfarslegan ágreining.  Í EES samningnum segir

22. gr.

Til að tryggja góða framkvæmd EES-samningsins skal eftirlitsstofnun EFTA hafa eftirlit með framkvæmd EFTA-ríkjanna á ákvæðum EES-samningsins og samnings þessa.

31. gr.

Telji eftirlitsstofnun EFTA að EFTA-ríki hafi ekki staðið við skuldbindingar sínar samkvæmt EES-samningnum eða samningi þessum skal hún, nema kveðið sé á um annað í samningi þessum, leggja fram rökstutt álit sitt um málið eftir að hafa gefið viðkomandi ríki tækifæri til að gera grein fyrir máli sínu.

Ef viðkomandi ríki breytir ekki í samræmi við álitið innan þess frests sem eftirlitsstofnun EFTA setur getur hún vísað málinu til EFTA-dómstólsins.

 

Og það þarf að falla dómur hjá EFTA dómsstólnum áður en hægt er að tala um þjóðréttarlega skuldbindingu íslenska ríkisins.  Og ef þingflokksformaður Samfylkingarinnar hefur ekki slíkan dóm í hendinni, þá á hann tafarlaust að sækja ákæru.  Því það eru landráð að ljúga daglegri hundrað milljóna greiðslu upp á þjóð sína.

Tími umburðarlyndisins á að vera liðinn.

Það má ekki láta þetta fólk komast upp með að valda velferðarkerfinu óbætanlegum skaða.  Það má ekki láta þetta fólk komast upp með að féfletta ríkissjóð þannig að hann geti ekki greitt skjólstæðingum sínum lágmarks framfærslu. 

Samborgarar okkar eiga ekki að þurfa upplifa helvíti hins lifanda dauða þess að hafa ekki í sig á.

Og stór hluti þjóðarinnar sér i gegnum blekkingarnar og lygarnar. Þrátt fyrir stanslausan áróður ríkisfjölmiðlanna og tveggja af þremur dagblöðum landsins.  Og þessi stóri hluti á ekki lengur að láta bjóða sér það að minnihlutinn kúgi hann til að verða við þjófskröfum breta og Hollendinga.

Það gilda nefnilega lög í landinu.

Þar segir meðal annars:

86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.

88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta...

Það er tími til kominn að framfylgja þessum lögum.

Kveðja að austan.

 

 

 

„Icesave erfitt og hörmulegt“

Athugasemdir

[Ingibjörg Guðrún Magnúsdóttir, 11.12.2009 kl. 11:52]

Mikið er ég sammála þér.

[Viðar Friðgeirsson, 11.12.2009 kl. 12:29]

Þetta eru góð skrif hjá þér Ómar, sérstaklega þetta; Allir þingmenn, jafnvel þeir sem kosnir eru á þing úr röðum Samfylkingarinnar, eru læsir. Maður getur nefnilega stundum efast um að svo sé.

Hinsvegar rökstyður þú vel mál þitt með þessum tilvitnunum í Íslensk og EES lög og verður ekki betur séð en að stjórnvöld séu að þverbrjóta þessi lög og misþyrma þar með lýðræðinu í þessu landi.

Þrátt fyrir stór orð um miklu minna mál hér áður fyrr þegar SJF var í stjórnarandstöðu virðist honum nú hafa snúist hugur og álíta þjóð sína of heimska til að kjósa um þetta Icesave mál og þann skuldaklafa allan.

Og merkilegt finnst mér að stjórnarliðar fara alltaf í þann gírinn að við verðum að greiða þennan reikning vegna þess hver olli honum, en ekki af því að okkur beri einhver lagaleg skylda til þess. Furðulegur rökstuðningur.

Hafðu þökk fyrir þessi skrif þín og öll önnur um þetta mál. 

[Viðar Friðgeirsson, 11.12.2009 kl. 12:32]

SJS (Steingrímur J. Sigf) átti þetta að vera En ekki SJF.

[Ómar Geirsson, 11.12.2009 kl. 21:49]

Blessuð Ingibjörg, gott að vita að einhver sé það.  Og ég vona að það séu fleiri því það þarf að stöðva þennan lygavaðal að þjóðin sé þjóðréttarlega skuldbundin að greiða ICEsave.

Og takk fyrir Viðar.  Þegar ég byrjaði að skrifa í morgun þessa pistla, þá las ég bloggpistil eftir Hlyn Hallsson, eða er það öfugt, en mikinn VG mann.  Hann telur það aðalatriði málsins hver framdi glæpinn, og vil því hengja þjóðina vegna þess.

Svona er félagshyggjan í hnotskurn hjá íslenskum vinstrimönnum.   Þeir sleppa fyrri hlutanum, en taka þann seinni bókstaflega; "(einn fyrir alla) og allir fyrir einn".

Og fólk kaus þessi fífl, það er alveg yfirgengileg.

Kveðja að austan.