Þessi orð hafa verið sögð áður.

Skuldir ríkissjóðs eru viðráðanlegar.  Líka þegar afborganirnar eru komnar yfir 50%.

Það þarf einfaldlega að skera niður útgjöld á móti.  

Og einkavæða almannaþjónustu.

Og selja almannaeigur, og veðsetja auðlindir landsins.

Það er endalaust hægt að borga skuldir einkaaðila ef öllu öðru er fórnað.

Það er þetta hugafar blóðfórna og mannhaturs sem hafa gert AGS að siðlausustu og grimmustu stofnun  sem heimurinn hefur séð frá því að nefnd um varanlega lausn á gyðingavandamálinu var lögð niður í stríðslok.

Það er nefnilega hægt að drepa fólk á marga aðra vegu en að skjóta það.  Til dæmis að einkavæða heilbrigðisþjónustu og neita fátækum um hana.  Alþekkt niðurstaða þar sem þessi illmenni hafa komist með krumlur sínar í skattfé almennings.

Argentínumenn sögðu hingað og ekki lengra þegar þessi orð voru sögð við þá af brosandi jakkafatamönnum AGS, þeir voru ekki tilbúnir að fórna samfélagi sínu fyrir velferð fjárbraskara.

Hér á Íslandi er grunnþjónusta skorin niður, og á fjárlögum næsta árs þá mun heilbrigðiskerfið springa, það stendur ekki undir þeim kröfum sem til þess eru gerðar miðað við það fjármagn sem í það er sett.  

Og samt er þetta aðeins byrjunin, því forgangsmál félagshyggjustjórnar Íslands er velferð fjárbraskara, vaxtakröfur þeirra njóta forgangs fram yfir velferðina.  Síðan á að skuldsetja þjóðina um hundruð milljarða svo hægt sé að greiða þeim út krónur sínar á yfirgengi.  Síðan á að aðstoða fátæka ríkissjóði breta og Hollendinga um hundruð milljarða í viðbót, en það á ekki að aðstoða heimili landsins.

Og fólk sem getur flýr, og þá hrynur tekjugrunnur ríkissjóðs.  Og ekki er út um heimskreppuna ennþá.   En lát huggast, "Ef við komust að þeirri niðurstöðu að skuldir Íslands séu óviðráðanlegar munum við segja það með skýrum hætti,« sagði Rozwadowski."

Og ég get ekki að því gert að um mig fer hrollur við þessi orð.

Kveðja að austan.

Segir skuldir ríkissjóðs Íslands viðráðanlegar

Athugasemdir

[Elle_, 10.12.2009 kl. 17:01]

Ómar, tókstu eftir að það sagði: Miðað við NÚVERANDI STÖÐU?: "Alþjóðagjaldeyrissjóðurinn, AGS, telur að miðað við núverandi stöðu geti Íslendingar staðið undir skuldum ríkissjóðs."  Og hvaða SKULDIR ætli þeir séu að taka með í reikninginn???  

[Ómar Geirsson, 10.12.2009 kl. 17:38]

Blessuð Elle.

Já  ég tók eftir þessu, og ég vildi líka vekja athygli á að það er lengi hægt að borga skuldir, þú gætir til dæmis notað laun þín öll í afborganir en leyst fæðuvandamál fjölskyldunnar með betli.  Og ríkið getur lengið skorið niður, í Argentínu þá brostu þessir menn framan í þarlenda og sögðu að alltaf væri hægt að skera niður, en braskarar yrðu alltaf að fá sitt.  

En er ekki öllum sama um þetta.  Aðal álitsgjafar þjóðarinnar eru þeir sem dásömuðu útrásina og þá  "veislu" sem fylgdi hinum gífurlegu lántökum.  Sérstaklega í ríkisfjölmiðlunum er alltaf gerð sú stífa krafa, að menn hafi alltaf haft rangt fyrir sér áður, til að teljast hæfir sem álitsgjafar.  Er það ekki þess vegna sem trúðurinn er svona vinsæll á Morgunvaktinni????

Og svo megum við ekki heldur gleyma einu og það er sú staðreynd að allt er gert til að sannfæra okkur um hvað allt er gott og blessað, og þar með leyfður viss fjárlagahalli, alveg þangað til að við höfum skrifað undir öll lánaskjöl.  

Þá koma þumalskrúfurnar.  Þannig að það má segja að þrátt fyrir allt hafi AGS lært af óförum sínum í Argentínu.  

Blekkja fyrst, skjóta svo.

Kveðja að austan.

[Elle_, 10.12.2009 kl. 17:57]

Já, við vitum að þeir verða almennilegir þar til allt er undirskrifað, Ómar, og eftir það erum við orðnir þrælar þeirra.  Og tókstu líka eftir að þeir ætla að láta okkur vita með skýrum hætti þegar við erum orðin gjaldþrota og getum ekki lengur borgað Bretum og Hollendingu skuldina sem við skuldum ekki???   Og þeir munu innheimta auðlindir og land og ríkisfyrirtæki: "Ef við komust að þeirri niðurstöðu að skuldir Íslands séu óviðráðanlegar munum við segja það með skýrum hætti,« sagði Rozwadowski." Já, núna eru þeir vægir og okkar stjórnvöld eru hættulega græn og kærulaus. 

[Ómar Geirsson, 10.12.2009 kl. 20:32]

Blessuð Elle.

Já, þegar þar að kemur, hvað ætla menn að gera, bakka  til baka, skila AGS pakkanum sem menn eru búnir að eyða?

Við þessu hefur verið varað og ég á til dæmis nokkur blogg þar sem ég bendi á fáráð þess að ICEsave samningur sé forsenda gengishækkana, þegar öllum ætti að vera ljóst að það eru engin ráð til að borga ICEsave nema með mjög lágu gengi og jafnvel innflutningshöftum ef eitthvað áfall kemur fyrir útflutninginn, til dæmis heimskreppan hin seinni.  

Svo í dag þá skrifaði Víglundur Þorsteinsson grein í Morgunblaðið þar sem hann benti á að Seðlabankinn væri að kaupa gjaldeyri svo gengið myndi ekki styrkjast, þetta var jú aðalforsenda Seðlabankans þegar hann sagði að nægur gjaldeyrir yrði til að greiða ICEsave ábyrgðina.  Og núna kannast Víglundur ekki við sína sekt, reynir að skella skuldina á Steingrím, sem má svo sem alveg skamma út í eitt, en samt, Steingrímur erfði þessa stefnu frá Harde og félögum, og það var atvinnulífið sem neyddi þá stjórn til að kalla á aðstoð AGS með ICEsave pakkanum og öllum saman.

Þetta er svipuð lógík og að krefjast þess að öllum hömlum á innflutningi á hráu kjöti yrði aflétt og skamma síðan stjórnvöld blóðugum skömmum þegar nýir sjúkdómar leggja innlenda framleiðslu í rúst.

Kannski mjög íslensk aðferðarfræði, en jafn mikill tvískinnungur fyrir það.

Kveðja, Ómar.