Ein helsta röksemd bretavina fallin.

 

Neyðarlögin halda 

EES skerðir ekki fullveldi þjóða.

Og grunnur alls fullveldis er að bregðast við ef tilveru þjóða eða fullveldi er ógnað.

Það er ekki hægt að fella heilu þjóðirnar í dómssölum.  Hvorki að taka sjálfstæði þeirra upp í pant, eða leggja þegna þeirra í óafturkræfan skuldaþrældóm.  

Og þetta vita allir, nema íslenski bretavinir.  Þeir hafa ítrekað reynt að löghelga þjófnað breta í eigum íslensks almennings.  

Í landráðakafla hegningarlaganna segir þetta:

 

86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.

88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta...

 

Skýrar gátu landsfeður okkar ekki orðað þann glæp sem núna er verið að gera íslensku þjóðinni. 

Núna er er bara spurningin hvort lögreglan sýni ekki smá sjálfstæði og taki upp á því að berja á hurðir bretavina og stinga þeim í grjótið.   Hún gæti til dæmis byrjað á Jóni Baldvin, sem ítrekað hefur komið fram í fjölmiðlum og sagst vera landráðamaður.  Hann hefur bæði haldið því fram að EES samningurinn sem hann barði í gegnum Alþingi, að hann löghelgi þjófnað breta, og ef svo ólíklega vildi til, að þeir gætu ekki staðið á honum samkvæmt EES, þá gerðu neyðarlögin það. 

Með öðrum orðum þá liggur játning hins meinta landráðamanns fyrir því það er gjörsamlega bannað að gera alþjóðlega samninga, sem geta gert erlendum ofbeldismönnum kleyft að koma í dómssali og gera kröfur í eigur almennings og skattfé hans, á grundvelli þess samnings.  Eins er bannað að löghelga þjófnaðinn með tilvísun í vafasama lagatúlkun, og reyna á grundvelli hennar að skapa þá múgæsingu að hinum erlendum þjófum sé afhentur ránsfengur, án þess að réttbærir dómsstólar fjalli um hina vafasömu kröfu þeirra. 

Og ef einhverjum finnst þessi orð harkaleg, þá má hinn sami hafa í huga að það er mjög alvarlegt mál að aðstoða við þjófnað upp á 100 milljónir á dag.  Allir dæmdir þjófar Íslandssögunnar hafa ekki stolið nema brot af þeirri upphæð.

Samt hlutu þeir sinn dóm.

Hvar er jafnræðisregla stjórnarskráarinnar????

Kveðja að austan.

 

 

Fallist á sjónarmið Íslands

Athugasemdir

[Elle_, 8.12.2009 kl. 23:09]

"Núna er er bara spurningin hvort lögreglan sýni ekki smá sjálfstæði og taki upp á því að berja á hurðir bretavina og stinga þeim í grjótið.   Hún gæti til dæmis byrjað á Jóni Baldvin, sem ítrekað hefur komið fram í fjölmiðlum og sagst vera landráðamaður.  Hann hefur bæði haldið því fram að EES samningurinn sem hann barði í gegnum Alþingi, að hann löghelgi þjófnað breta, og ef svo ólíklega vildi til, að þeir gætu ekki staðið á honum samkvæmt EES, þá gerðu neyðarlögin það."

Já Ómar, þeir kunna víst ekki að skammast sín.  Það er óþolandi að hlusta á Jón þann Hannibalsson og alla Ómarana nánast nema þig lofa handrukkurunum að VIÐ munum borga rukkunina.  VIÐ.  Hví í veröldinni hafa þeir ekki enn skrifað undir veð í lífi þeirra sjálfra og öllu þeirra hafurtaski ef þeir endilega vilja borga upplognu skuldina???   Æskilegast væri að þeir flyttu úr landi.    

[Ómar Geirsson, 9.12.2009 kl. 07:10]

Blessuð Elle.

Já, þetta er fyndið, "Við flýjum ekki frá ábyrgðinni"  og þá hélt ég að næsta setning yrði "ég afsala mér launum mínum nema lágmarkstaxta, og ég mun selja hús mitt til að sýna að ég tek ábyrgð mína alvarlega", nei það kom "þess vegna legg ég til að 100 milljónir af peningum almennings, auðvita ekki mínum, því mér er ekki svo mikil alvara, fari til að bæta fyrir syndir útrásarvíkinganna".

Aumingjaskapur eins og best hann gerist, að axla ábyrgð á kostnað annarra.

Og það sem þetta aumkunarverða fólk sér ekki, er að nú er þjóðin klofin, og ekki verður um sátt að ræða.  Það verður borgarstríð.

Þetta eru hrakmenni,

Kveðja, Ómar.