Meira um aumingjarök Jóhönnu Sigurðardóttur.

 

Annað sem Jóhann sagði og stakk mig mög er hræðsluáróður hennar um Frostaveturinn mikla.  Í fyrsta lagi þá er það stefna hennar sem er að valda þessum Frostavetri, hún er eins og skottulæknar 17 aldar sem trúði því að ráðið við invortisblæðingum væri blóðtaka með blóðsugum.

Íslendingar eru í skuldakreppu, og það er samdráttur í þjóðarframleiðslunni.  Það vantar innspýtingu í hagkerfið.  Ráð ríkisstjórnar Jóhönnu Sigurðardóttur er að auka skuldirnar og taka hundruð milljarða úr hagkerfinu í formi vaxta til erlenda lánardrottna. 

Að leysa skuldakreppu með auknum skuldum er jafn fjarstæðukennt og að taka blóð úr blæðandi sjúkling.

 

Við gætum verið að koma í veg fyrir allar þær stórframkvæmdir, sem þá verða á döfinni og menn hafa verið að kalla eftir og leita eftir fjármagni í," sagði Jóhanna, og nefndi m.a. HS Orku, Landsvirkjun og Orkuveitu Reykjavíkur. „Ég held að menn væru að kalla yfir sig algeran frostavetur í atvinnuuppbyggingu ætli þeir að láta þetta mál liggja," sagði Jóhanna.

 

Skoðum þessa röksemd nánar.  Segjum að stjórnin vitkist og taki ekki lánapakka Alþjóðagjaldeyrissjóðsins, um sé aðeins að ræða ICEsave ábyrgðina.  Seðlabankinn áætlar kostnaðinn á bilinu 350-650 milljarða, véfréttin í Delfí, sem Jóhanna vitnar í, áætlar að rúmlega 250 milljarðar falli á þjóðina.  Og segjum að það sé rétt.

Þá þarf hin fyrirhugaða uppbygging stóriðjuvera að dekka þennan kostnað, ef það eru þær sem kalla á þessa nauðungarsamninga við breta og Hollendinga. 

Og hver er hagnaðurinn af stóriðjunni????

Það er ljóst að orkuveiturnar tvær eru í nauðasamningum við sína kröfuhafa, þannig að ekki hafa þær skilað miklum hagnaði á góðæristímanum, hvað þá núna þegar álverð verður í mikilli lægð meðan stöðnun ríkir í heimsbúskapnum.  Og á lítill sem enginn arður að greiða niður vaxtakostnað ICesave sem er um 35 milljarðar fyrstu árin?????

Er sem sagt besta leiðin fyrir fólk að standa í skilum með lán sín að vinna launalaust, hafa engar tekjur????

Orkufyrirtækin eru ekki miðað við núverandi skuldsetningu og orkuverð að skila neinum tekjum inn í þjóðfélagið, þær standa ekki í skilum með sínar eigin skuldir.

Og hvað með álverin, hverjir eru skattar af núverandi álverum?????? 

Forstjóri Fjarðaráls talaði um 4 milljarða á ári með öllum óbeinum sköttum.  Og hin nýju álver eru ekki á síðri afsláttarskattakjörum.  Verum jákvæð og segjum að þessi 2 fyrirhuguðu álver séu jafnokar Fjarðaáls, skili inn 4 milljörðum.

Það hlýtur því að vera öllum ljóst að 4 milljarðar eru ekki sama og 35 milljarðar, engin er það heimskur, þó stuðningsmaður núverandi ríkisstjórnar sé, að hann geti ekki reiknað út mínusinn út úr þessu dæmi.

Og ef ríkisstjórn Jóhönnu Sigurðardóttur hefur ekki náð samningi við upprisinn Jesú, sem hugsanlega gæti breytt 4 milljörðum í 35 milljarða, miðað við frásagnir um hvernig hann mettaði þúsundir með nokkrum brauðum og fiskum, þá er það rök af ætt fáráða að nota stóriðjuuppbyggingu sem rök fyrir ICEsave samningum við breta.

Og það kallast ekki atvinnuuppbygging ef allur fyrirhugaður arður af henni fer í að greiða niður þær skuldir, sem hún kallar á.  Allt annað með lágmarks arðsemi er betra en slík uppbygging.  Því lífskjör fólks byggjast á arðbæru atvinnulífi, ekki atvinnulífi með 0 arðsemi eða neikvæða.  Slíkt er ávísun á ömurleg lífskjör í framtíðinni.

Og það er líf án ICEsave.  Dæmi um það má lesa í pistlum mínum sem ég kenni við Öskuhaugahagfræði Alþjóðagjaldeyrissjóðsins.

En það er ekkert líf með ICEsave.

Kveðja að austan.

 

 

 

Athugasemdir

[Þorsteinn Hilmarsson, 27.11.2009 kl. 13:51]

Það er  ljóst að ekkert eitt bjargar málunum, það þarf margt að koma til.

Orkufyrirtækin geta bara lagt sitt lóð á vogarskálarnar með öðrum.

Bendi hér á samanburð á arðsemi Landsvirkjunar  og ýmissa annarra og ágætan hagnað Landsvirkjunar í  uppgjöri fyrir  fyrri hluta þessa árs.

[Ómar Geirsson, 27.11.2009 kl. 16:26]

Blessaður Þorsteinn.

Ekki ætla ég hér og nú að taka debat um arðsemi álvinnslu, hef svo sem fáar skoðanir á því, aðrar en þær, að kostnaður eigi að fást til baka með ásættanlegri aðrsemi, og álver eigi að vera á Reykjanesinu, þar er hvort sem er það mikið rok sí og æ, að mengunarvarnir eru óþarfar.

Já, og eitt enn, yfirmaður þinn á að heita Ómar Ragnarsson, og honum til aðstoðar má vera Friðrik nokkur, skynsemisvera sem margt málefnalegt hefur lagt til málanna.

En ef nafni minn væri þinn yfirmaður þá væri sátt um orkuöflun, að vísu meiri stofnkostnaður, en til lengri tíma litið þá væri ávinningurinn af sáttinni meiri en kostnaðurinn við að öðlast hana.

Og trúðu mér Þorsteinn, ég hef rétt fyrir mér, kannski ekki um staðsetningu álvera, en um sáttina.  Og ég skal alveg eyða stund með þér að drekka kaffibolla svo þú skiljir betur þau rök, sem réttlæta starf þitt.  og ég skal drekka með þér whiskíflösku ef þú vilt læra um mannúð og mennsku, en það er dýpri tilgangur þessa bloggs.

En þetta var útidúr, ég var ekki að fjalla um arðsemi álvera sem slíka.  Ég var að benda á staðreyndir, um vandkvæði þess að mjög skuldsett fyrirtæki gæti borið uppi komandi hagvöxt.  Og ég færði rök fyrir, þó hann hefði mátt vera ítarlegri en plássið leyfði slíkt ekki, að orkuveiturnar ættu nóg með sínar skuldir eins staða heimsbúskaparins er í dag.

Og fyrirtæki sem eiga nóg með sitt, þau borga ekki ICEsave.

Og að byggja væntanlegan hagvöxt á hálfgjaldþrota fyrirtækjum er óraunhæft.  Í þessu skiptir það engu máli hver arðsemin er í fortíð, það er rekstrarskilyrði dagsins í dag sem skipta máli, og rekstrarskilyrði morgundagsins.

Ég vona Þorsteinn að þú skiljir það að Friðrik fór ekki með fleipur þegar hann sagði að Landsvirkjun færi ekki út í nýfjárfestingar, nema að tryggð væri fjármögnun sem væri í takt við tekjustreymi fyrirtækisins.  Ef um bullandi gróða væri að ræða, þá tækju menn hvað lán sem væri til að fjármagna nýframkvæmdir.

Og það þarf meira en bullandi gróðat til að fjármagna ICEsave skuldina, jafnvel gullæðið í Klondyke gaf ekki af sér slíkan gróða.

Á þetta var ég að benda á í pistlum mínum.  Ég vona það þín vegna að þú viljir ekki að áliðnaður og virkjanir séu ekki fjármagnaður með niðurskurði elli og örorkubóta, en einmitt það mun gerast ef þjóðin tekur á sig ICEsave skuldbindingarnar.

Þú ert skynsamur maður Þorsteinn, og átt örugglega ömmu á lífi.  Mundu þá að sumt gerir maður ekki.  Láttu aldrei nota þig í þeim hráskynsleik að ICEsave sé skilyrði virkjunarframkvæmda, þó þú komist upp með það í núinu, þá þurfum við öll að ræða við dómarann þegar þar að kemur.  Þeir sem hafa selt ömmu sína, eru ekki í miklum metum hjá honum.

Og ekki hjá mér líka.

En það er engum illa við arðbæra virkjun sem er gerð í sátt við sitt umhverfi.  Og ef þú vilt fræðast um umhverfisskynsemi þá skal ég upplýsa þig um vinnubrögð Statoil á kóralrifjum Lófóten, sáttin kosta pening, en betri fjárfestingu fyrir framtíðina færðu ekki.

En takk fyrir innlitið

Kveðja að austan.

[ElleE (IP-tala skráð) 27.11.2009 kl. 23:52]

Mikið ofsalega getur þessi Jóhanna Sig. gengið fram af manni, Ómar.  Við munum sko ekki fá neitt, það mun verða frostavetur.  Einu sinni enn kominn heimsendir ef við borgum ekki Icesave helvítið þeirra.  Og það mun ekkert gerast ef við borgum ekki Icesave sagði annar Samfylkingar-skörungur í gærkvöld, Oddný Harðardóttir í Alþingi og gat ekki komið með nein rök.  Engin rök, bara eintómar óþolandi lygar í þessum flokki.  Ekki getur þetta fólk verið svona heimskt???   Eða hvað?

[Ómar Geirsson, 28.11.2009 kl. 03:50]

Blessuð Elle,

Datt úf af með drengjunum, annar var að fá hita eftir flensusprautuna.

Ja, er þetta heimska, nú er stórt spurt.  Þetta er svo sem ein af mínum kenningum, því þegar öll rök voru hrakin, þá er annað hvort logið eða bullað.

Til þess þarf sterka sannfæringu, að trúa að þú sért að gera rétta hluti, og eitthvað slíkt býr að baki þessari ákvörðunartöku.  Og við megum ekki gleyma því sem næst algjörum stuðningi hagfræðiakademíunnar og aðila vinnumarkaðsins, þannig að ekki er stjórnin ein í þessu máli.

En rökfátæktin sker mann.  Eins og þú veist þá hef ég oft reynt að egna til slagsmála á bloggi þessu í von um að einhver mæti og jarði mig, fá það beint í æð af hverju fólk vill virkilega borga hundrað milljónir á dag í eitthvað sem það á ekki að borga, og til að geta greitt þetta, þá er það tilbúið að fórna heilbrigðiskerfinu og skólum.  

En lítið hefur komið út úr því, bæði hjá mér og öðrum herskáum andstæðingum ICEsave.  Þess vegna held ég að þetta sé einhver angi af trú, og um trú er ekki rökrætt, ekki nema þegar fólk efast um grundvöll sinnar trúar.

Þannig að ætli maður þurfi bara ekki að láta athuga sig, af hverju maður getur ekki trúað, athuga af hverju manni er ekki sama.  

En kannski er þetta eitt af því sem manni er ekki ætlað að skilja.

Kveðja, Ómar.