Skelfileg frétt fyrir Alþjóðagjaldeyrissjóðinn.

Nú er æra sjóðsins í húfi.

Nú þarf ríkisstjórnin að drifa sig í að samþykkja allar fjárbeiðnir alþjóðlegs auðvalds svo landsmenn sú öruggir um að skatttekjur þeirra fari í nafni félagshyggjunnar í að greiða vexti og afborganir af erlendum lánum vegna skulda auðmanna.  Eins og Þorvaldur Gylfason sagði nýlega í Silfri Egils;  "Hvernig á sjóðurinn að geta horft framan í fórnarlömb sín í Asíu og Suður Ameríku, ef hann lætur íslensku þjóðina halda sinni velferð?".

Sér það hver Samfylkingarmaður að slíkt gengur ekki.

Kveðja að austan.

Ungbarnadauði fátíðastur hér

Athugasemdir

[Jakob Falur Kristinsson, 9.11.2009 kl. 10:34]

Alþjóðagjaldeyrissjóðurinn mun reyna allt sem hann getur til að Ísland verði land fátæktar.

[Ómar Geirsson, 9.11.2009 kl. 12:11]

Sammála Jakob, sammála.

Kveðja að austan.

[Arinbjörn Kúld, 9.11.2009 kl. 22:13]

Við munum aldrei láta það gerast. Þegar þjóðin fattar loksins hvað hann stendur fyrir, þegar fólk fer að svelta, deyja vegna fjárskorts í heilbrigðiskerfinu þá rís þjóðin upp og tekur til sinna ráða. Fyrr mun ekkert breytast. Við verðum vonandi tilbúnir þá.

Kveðja að norðan.

[Ómar Geirsson, 10.11.2009 kl. 09:20]

Blessaður Arinbjörn.

Já, við gömlu mennirnir þurfum að vera tilbúnir.  Það tók Finna tvö ár að átta sig á mannfallinu sem fylgdi kreppustjórn þeirra.  Reynsla þeirra er víti til að varast.  

En hvað gerist hér i vetur????

Fyrirhugaðar skattahækkanir mun ekki skila því sem Steingrími dreymir um.  Fólk til dæmis gerir ekki hvorutveggja að greiða af lánum sínum eða greiða skatta.  Ráðstöfunartekjur fólks er föst stærð og ef meira er tekið í einn þátt, þá minnkar það sem fer í annað.  Hærri beinir skattar þýða einfaldlega lægri óbeinir skattar, auk grósku í svarta hagkerfinu.  Heimskan er svo yfirgengileg að menn halda að það sé nóg að auka tekjur á blaði, þá renni þetta ljúft í ríkiskassann.

Og ef ekki auknar tekjur, þá verður að skera meira niður.  Þetta er vítahringur sem endar mjög illa, til dæmis með aukinni dánartíðni barna.  Foreldar í dag geta ekki gert ráð fyrir sömu lífslíkum barna sinna og hefur verið síðustu 30 árin eða svo.  Lífslíkur kost nefnilega peninga.

En verður Hrun????

Nei, það verður bylting.

Kveðja að austan.