Æ, hættiði þessu.

Þetta er ekki tímabær umræða.

Það vita það allir sem á annað borð fylgjast með, að tillaga Steingríms um Álskattinn, er popúlismi, til þess eins gerð að róa liðið, svo kallinn hafi einhverja stjórn á flokknum sínum.

Sama var það með tillögu Svandísar um nánari skoðun á skoðun um að skoða eitthvað sem þarf að skoða til að skoða, hún er aðeins hugsuð til heimabrúks.

Það er skiljanlegt að núverandi flokkar geti ekki jarðsett náinn, svona á meðan þeir eru að grafa skotgrafirnar og skipa liði, en það er alveg óþarfi á erfiðleikatímum að gera frétt úr því sem ekkert er.

Þetta er kosningatrix, en verður farið í kosningar í vetur???

Það er hin stóra frétt og blaðamenn eiga að elta uppi bakmakkarana, í stað þess að eltast við álkalla sem koma ofan af fjöllum.

Það eru bakmakkararnir sem veita vitneskju um næstu skref í íslenskri flokkarefskák. 

Fylgist með þeim, og þá vitum við hvernig næsta ríkisstjórn verður skipuð.

Hið augljósa er alltaf augljóst.

Kveðja að austan.

Telur útilokað að leggja nýja skatta á álverin

Athugasemdir

[Benedikt Gunnar Ófeigsson, 4.10.2009 kl. 00:26]

Þetta leikrit sem sett er á svið af Flokknum hvað eftir annað er grátlega gegnsætt. Það er öllum ljóst að það stendur ekki til að skattleggja álverinn.

Það hljómar annsi sennilega að samfylkingar-deildin og VG-deildin séu að undirbúa stjórnarslit. En ertu viss um að það séu kosningar í spilunum?

[Ómar Geirsson, 4.10.2009 kl. 01:06]

Blessaður Benedikt.

Veit ekki en vona það.  Landráðastefna Samfylkingarinnar er meinsemd í dag.  Þetta vesalingsfólk er ennþá að tala um ICEsave innan við 300 milljarða, og það lætur eins og óráð Alþjóðagjaldeyrissjóðsins sé guðsblessun.  Það verður ekki endurreisn fyrr en miðjustaða Samfylkingarinnar þurrkast út.

En þá eru það framsóknarmenn segir fólk.  Og gott og vel.  Sigmundur er ekki heimskur, og það er það eina sem skiptir máli í dag, að fólk hafi vit til að takast á við vandann.

En hinsvegar næst ekki árangur fyrr en flokkarnir slíðra sverðin.  Ástæða; það er svo auðvelt að keyra upp andstöðu gegn öllu, hvort sem það er vitrænt eður ei.  En hvort neyðin sé orðin nógu mikil til að fólk skilji sinn vitjunartíma, það er önnur saga.

En hvað mig varðar, þá nægir mig að vita að Samfylkingin getur ekki lengur selt landið með blekkingarvef sínum.  Þeir klúðruðu því með því að stilla VG upp við vegg.

VinstriGrænir eru á förum úr stjórninni, og ég tel að Steingrímur stýri þeirri för.  Það eru svo mörg púsl sem falla inn í þá mynd.  Mig fór að gruna veðrabrigðin, þegar Steingrímur taldi ástæðu til að taka fram að það giltu lög í landinu.  Síðan er það Ögmundur, á sama tíma stóriðjuútspilin, skipun Álfheiðar í ráðherrastól, engin vonarstjarna þar á ferðinni en það dygg að hún fórni sér, þetta ber allt að sama brunni. 

Stjórnin er dauð, en þora VG og D og B saman í stjórn???

Ég tel að árás Vilhjálms á Alþjóðagjaldeyrissjóðinn sé of vel tímasett, til að geta verið tilviljun, hún er meira af ætt brúar milli flokka.  En það er ekki taktískt að slíta stjórninni strax, það þarf að láta Samfylkinguna mála sig betur út í horn með svikum sínum í ICEsave deilunni.

Síðan þarf bara raunhæfa tillögu í skuldamálum heimilanna, og það er komin ný stjórn. 

En kannski ekki, en ICEsave er history, og það skiptir kannski mestu máli.  Við getum farið að slaka á.

Kveðja að austan.

[Júlíus Björnsson, 4.10.2009 kl. 03:45]

Ég tel að IMF þar EU mun stór hlutdeildaraðili, mun ekki láta sér nægja að sjá yfirlýsingar um 30% skerðingar á eyðslu þjóðartekna kostnaði við að endurreis dýrast fjármálageira í heimi.  Hann vill sannanir.  Hans sagði á heimsíðu sinni í byrjun árs að þetta myndi verða okkur dýrt til langframa og stæði til að afhenda gullrótina í pörtum með þriggja mánaða millibili að því gefnu að Ríkistjórnin stæði við sitt.  3 viðskiptavakar Íslensku Bankarnir gera tilboð í krónur í Selabankanum á hverjum degi  til þess verða þeir að eiga gjaldeyri.  Evran kostar 180 kr. Verðbólga út 2010 veður 10% IMF og  CIA. Þannig hún verður kominn í 200 kr. minnst þá. EU vill ekki sjá krónur lengur ætli henni nægi ekki fiskhráefni?

[Ómar Geirsson, 4.10.2009 kl. 11:50]

Blessaður Júlíus,

Þeim mun meiri ástæða til að styðja hann Ögmund.  Nú ef þeir félagar, Sigmundur og Bjarni sýna manndóm  og segi satt, þá má kjósa þá líka.

Aðalatriðið er, hvort sem menn eru til hægri eða vinstri, á miðjunni eða úti á köntum, það eru landráð að styðja stefnu IFM, það er ekki flóknara.

Kveðja að austan.

[Benedikt Gunnar Ófeigsson, 4.10.2009 kl. 12:19]

Ég hef ekki mikla trú á að Sjálfstæðis-deildin og Framsóknar-deildin hafni Icesave og AGS ef á reynir. En mikið vona ég að þú hafir rétt fyrir þér.

[Ómar Geirsson, 4.10.2009 kl. 12:33]

Blessaður Benedikt.

Stundum eru þau augnablik í sögunni, að menn stöðva ekki rás tímans.

Gamli hugsunarhátturinn er gjaldþrota, og þeir verða hetjur morgundagsins sem skynja það og koma með svör við kallinu sem hljómar út um allt; ný vinnubrögð, nýjar nálganir, framtíð.

Kveðja að austan.