Aumingja stelpan, ósköp eru tengsl hennar við veruleikann lítil.

Hún segir að ICEsave sé "lausleikakrógi Sjálfstæðisflokksins og Framsóknar".

Höfum eitt á hreinu, þessi söguskýring er af ætt Stalíns þegar hann kenndi Nasistum um fjöldamorðin á Pólverjum í Katynskógi.  Það vissu hvort sem allir að þeir voru ekki góðir menn.  En ICEsave reikningarnir urðu alvarleg ógn við íslenska þjóð þegar Björgvin G. Sigurðsson var viðskiptaráðherra.  Og það var hans ráðuneyti, og Fjármálaeftirlitið, sem var undir hans ráðherravaldi, sem klúðruðu að koma þessum reikningum í skjól dótturfélaga (þó glæpurinn gegn hrekklausum sparifjáreigendum hafi verið sá sami).  

Og Björgvin G. er í hvorugum flokknum sem hún eignar krógann.

En þetta er ómerkileg sögufölsun, veruleikafirringin kemur í kjölfarið á lyginni.

Hún segir að "Samfylkingin axlar ábyrgðina, ætlar að klára málið og sjá um að reka þetta land".

Hvernig dettur þessari ungu konu í eina mínútu að það verði einhver framtíð á þessu landi eftir að flokkurinn hennar með bros á vor þvingar  í gegnum Alþingi víxil upp á 1.000 milljarða með vöxtum, það er þúsund, þúsund milljónir????

Hvernig dettur heilvita manneskju það í hug að landsmenn hafi eitthvað að segja um auðlindanýtingu sína og annað sem viðkemur rekstri þessa þjóðfélags eftir að ICEsave víxill breta verður samþykktur?????????

Það eina sem er öruggt að fólk eins og hún verður síðast spurð álits um það.  Og það er einnig öruggt að þeir, sem munu taka ákvörðun um nýtingu auðlynda Íslands,  verða þeir sem hafa yfirtekið þær upp í skuldir.  

Og þeir tala ekki íslensku.

En svona fólk, eins og þessi unga kona, það fær að sprikla, og halda að það sé mikilvægt, svona rétt á meðan það er í vinnu við að selja landið og íbúa þess.

Nytsamir sakleysingjar eru það fyrsta sem hákarlarnir láta fara, þegar það hefur þjónað tilgangi sínum.

Kveðja að austan.

 

 

 

 

Kreppan eins og prump í eilífðinni