Aðeins eitt getur bjargað þessu samstarfi félagshyggjunnar við Alþjóðagjaldeyrissjóðinn.

Herforingjastjórn.

 

Veit einhver um atvinnulausa herforingja sem gætu tekið að sér að stýra samstarfinu við Alþjóðagjaldeyrissjóðinn á farsælan hátt.?   Menn með reynslu af blóðugum niðurskurði??

Ef svo er, þá ættu þeir hinir sömu að koma á tengslum við þessa atvinnulausu menn, og tengja þá við Vinstristjórnina.  Hún hlýtur að geta komið saman nokkrum hermönnum, svo hægt sé að gera herforingjabyltingu og fara að drífa í þessum niðurskurði, og einnig gætu þeir nýst vel til að halda "skrílnum" í skefjum.  Svona þegar allir eru búnir að sjá í gegnum blekkingarvef trúboðsins um erfiðar ákvarðanir.

Svona samstarf reyndist vel í Chile á sínum tíma, í raun svo vel að það þurfti kosningar og lýðræðisstjórn til að slíta því, svo farsælt var það.  Að vísu fór efnahagur Chile þá að braggast, en slíkt þarf ekki að vera raunin á Íslandi í dag.  Það hlýtur að koma að því, að það sem er þrautreynt, og hefur alltaf mislukkast, nema að því leytinu að þeir ríku urðu miklu ríkari, að það heppnist.  Svona einu sinni.  

Þess vegna vantar Vinstristjórninni, herforingja, og það strax.  Skyldu þeir ekki vera farnir að losna úr fangelsinu þarna suður í Chile.   Gætu þeir ekki fengið far með varðskipinu hingað á klakann og tekið upp sína fyrri iðju;

Árangursríkt samstarf við Alþjóðagjaldeyrissjóðinn.

Þetta eru jú fagmenn með reynslu.   

Höskuldur þyrfti ekki að hafa neinar áhyggjur af því að það næðust ekki hallalaus fjárlög eftir þrjú ár.  Reyndar þyrfti það ekki að taka svo langan tíma, ef aðstoðin yrði fengin strax.

Ég held að það sé brýnt að Ungir VinstriGrænir álykti um þetta.  Þar innanborðs eru menn með staðgóða þekkingu á herforingjum og hæfileikum þeirra.

Það þarf jú að moka flórinn og taka erfiðar ákvarðanir.

Kveðja að austan.

 

 

 

Líst illa á fjárlögin

Athugasemdir

[Hólmdís Hjartardóttir, 1.10.2009 kl. 22:01]

GÓÐUR

[Arinbjörn Kúld, 1.10.2009 kl. 22:15]

Góður

[Umrenningur, 1.10.2009 kl. 22:20]

Snilldarhugmynd.

[ElleE (IP-tala skráð) 1.10.2009 kl. 23:06]

Heldurðu að þessi dugi, Ómar?: 

[Ómar Geirsson, 1.10.2009 kl. 23:09]

Takk fyrir kæra fólk.

Ég varð að enda daginn á jákvæðu nótunum.

En öllu gamni fylgir nokkur alvara.  Og í þessu fjárlagafrumvarpi eru það hinn blóðugi niðurskurður velferðar og heimskulegar skattahækkanir.  Gera ekkert annað en að auka samdráttinn í hagkerfinu.  

Og peningarnir blasa við öllum, þeir heita óþarfa vaxtagreiðslur.

Af hverju halda menn að vextir í Bandaríkjunum séu innan við 1%????  Það er til þess að fjármálakerfið sé ekki að taka pening út úr hagkerfinu á krepputímum.  Það er engin ávöxtun til staðar í þjóðfélaginu, og hún verður ekki fyrr en hagkerfið fer aftur af stað.  Þá geta fjármagnseigendur fengið sína vexti, ekki fyrr.

En þetta augljósa samhengi sjá a.m.k. ekki herforingjarnir.

Þarfir menn til síns brúks.

Kveðja að austan.

[Ómar Geirsson, 1.10.2009 kl. 23:11]

Já og blessuð Elle.

Ég held að hann sé nú þegar í vinnu og hann er orðinn mjög feitur af allri þeirri heimsku sem hann er fóðraður með.

Er hann ekki svo með lögheimili upp í háskóla.

Kveðja, Ómar.