Hver er fréttin???

Maðurinn sem er sammála böðlum okkar í grundvallaratriðum, fékk að spjalla við þá. 

Hneigði hann höfuð allan tímann?  Bað hann  um miskunn, svona rétt á meðan hann er að ljúga þjóð sína inní samband kúgananna?

Þessi fréttatilkynning minnir mig á frétt í blaði Kvislinga frá um 1944, þegar þeir sögðu stoltir frá því að foringi þeirra fékk að spjalla við hernámsstjórann um harkalega framgöngu hernámsliðsins gegn Norskum almenningi.  En Norðmönnum var alveg sama.  Þeir vissu hverjir buðu böðlana velkomna, þeir vissu hverjir áttu þann draum heitastan að vera hluti af 1.000 ára sælu þeirra.

Þeir vissu hverjir sviku.

Kveðja að austan.

Össur fundaði vegna Icesave

Athugasemdir

[Ragnar Örn Eiríksson (IP-tala skráð) 26.9.2009 kl. 10:37]

rosalega átt þú bágt.

[Ómar Geirsson, 26.9.2009 kl. 19:52]

Blessaður  Ragnar.

Er alveg að drepast í bakinu eftir erfiðan dag.

Hvernig vissir þú það?

Kveðja að austan.

[ElleE (IP-tala skráð) 26.9.2009 kl. 20:02]

Ekki nema von hann Ómar eigi bágt, eins og við hin Ragnar, með EU og ICE-SAVE nauðung yfir okkur og óhæft og svikult fólk innan um í bönkum, embættum og stjórnvöldum landsins. 

[Ómar Geirsson, 26.9.2009 kl. 20:43]

Blessuð Elle.

Vildi hafa betri heilsu en er annars búinn að eiga indælan dag.  Setti skuldahalann í hús á Stöðvarfirði, og fór síðan með tvíburana í sund á staðnum.  Lítil og heimilisleg laug, eins og maður væri í stofunni heima hjá sér.  Og síðan voru hamborgarar á eftir í Brekkunni, og við hliðina var heil afmælisveisla.

Það er þetta líf sem ég er að verja.  

Ég kann ekki að gera Molotov kokkteila, en þetta er það næst besta.  Ergja landsölumenn út í hið óendanlega.  

Kveðja að austan.

[Elle_, 27.9.2009 kl. 00:09]

Stórkostlegt, Ómar.  Það væri nær að allir feður hugsuðu eins og þú.  Já, verjum synina okkar og ergjum andskota okkar og landsölumennina óendanlega.  Það eru sko þeirra skulda-halar.  Og alls ekki sona okkar.

Kveðja að sunnan.