Tillaga!!! Tökum laun starfsmann Moggans upp í ábyrgð Tryggingasjóðsins.

 

Þeir sem vilja réttlæti, þeir vilja borga.  Morgunblaðið vill að íslenskir öryrkjar, sjúkir og aldraðir lifi í fátækt og hungur til þess að íslenska fjármálakerfið fái að blómstra og dafna, fjárbröskurum og fjárúlfum til góðs.

En það er svo auðvelt að fara fram á þjáningar annarra, sérstaklega ef það snertir mann ekki sjálfan.

Ofsalega væri það gott að fólk muni þjást og þjást vegna skulda Björgúlfs.  Og hann var nú einu sinni góður og gildur eigandi Morgunblaðsins.

Hverjum stendur það næst að stíga fyrsta skrefið til að ná sáttum við bretana????

Starfsmenn Morgunblaðsins geta stigið það skref og lýst því yfir að hungur og þjáning sé þeirra val.  Og um leið skorað á starfsmenn ASÍ og starfsmenn Samtaka atvinnulífsins að gera slíkt hið sama.

Já og þingmenn Samfylkingarinnar gætu alveg lifað á skertum bótum og tekjum þeirra sem áttu að bera kostnaðinn við hinn upprunalega samning við breta.

Vilji er allt sem til þarf.

Og viljann á að sýna í verki.

Þeir sem vilja þennan góða samning við breta eiga að sýna gott fordæmi og byrja strax að efna skyldur hans.   Látum ekki íhaldið, í boði Davíðs Oddssonar og Hannesar greyisins ráða för.

Borgum strax laun okkar inn á reikning breska sendiráðsins.  Þannig sýnum við vilja okkar í verki og vekjum hvatningu hjá Íslenskum stuðningsmönnum ríkisábyrgðar á innlánum, þannig að þeir borgi líka.

Látum  ekki aldraða og öryrkja, sjúka og fátæka borga skuldir okkar.

Gerum það sjálf.

Morgunblaðið og starfsmenn þess styðja breta í þeirra sanngirnis  kröfum á hendur íslenskri þjóð

Borgum!!!!

Kveðja að austan.

Bretar skoða fyrirvarana

Athugasemdir

[Loftur Altice Þorsteinsson, 28.8.2009 kl. 14:24]

Þörf ádrepa hjá þér Ómar. Samkvæmt könnunum eru 75-80% landsmanna andvíg þeirri ábyrgð sem Alþingi var að samþykkja. Hvaða heiti á að velja fólki sem valið er til forustu almennings, en hugsar einungis um eiginn hag ? Er Aþingi að ögra almenningi til að gera vopnaða uppreisn ?

Morgunblaðið segir fyrirvaralaust: "Tryggingasjóður innstæðueigenda ábyrgist 20.887 evrur á hvern reikning." Flestir vita samt að 20.887 Evrurnar eru tryggðar með þeim fyrirvara, að þær séu til í tryggingasjóðnum. Að auki er tryggingin alls ekki á hvern reikning, heldur hvern innistæðu-eiganda. Er til of mikils mælst að fréttamenn hafi einföldustu atriði rétt, eftir 10 vikna stanslausa opinbera umræðu ?

[Ómar Geirsson, 28.8.2009 kl. 14:56]

Blessaður Loftur.

Vissulega styðja 25-20 % íslendinga þennan samning.

Því miður er þessi minnihluti í áhrifastöðum.  Nú er ljóst að bið verður á efndum Svavarssamningsins, vegna fyrirvara Alþingis.

Kallaði ekki Gylfi forseti þessa fyrirvara "leðjuslag".  Gylfi er á góðu kaupi.  Og hann Vilhjálmur, okkar mesti aðdáandi "friðs" við bresk stjórnvöld , er líka á ágætis launum.

Og ekki má gleyma starfsmönnum Ruv og Fréttablaðsins og henni Kolbrúnu og Ólafi.  Allt þetta fólk er á ágætis launum.

Og allt þetta fólk vill tafarlausa sátt við bretana.  

Vissulega er vandi með þessa fyrirvara.  Einhver hefur áhyggjur af breiðu bökunum.  

En þá má allt þetta góða fólk sína vilja sinn í verki.

Eða þegja.  Ég kýs það betur en ég  er ekki mjög hlynntur sátt við breta sem byggist á brotum á stjórnarskrá Íslands, en ég er "unrelavant" í þessu dæmi.  Til dæmis sem ég ekki áróðursgreinar sem eru birtar í Mogganum sem frétt.

Og ég tel að lög sú lög.  Þess vegna borga ég ekki fyrr en ESA hefur sagt að ég skuli gera það.  Og þá mun ég áskilja mér rétt til að lögsækja alla þá sem komu skuldum einkafyrirtækja á mig.  

En á meðan má Mogginn borga, eða halda kjafti.  Ólafur má eiga það við sig hvort hann sé ættleri eða ekki, en hann á að sjá sóma sinn í að borga sinn reikning, án þess að framvísa honum fyrst á Öryrkjabandalagið.  

Annars er hann tvöfaldur ættleri.

Kveðja að austan.

[HA (IP-tala skráð) 29.8.2009 kl. 00:23]

Við skuldum þessa peninga og verðum að borga, spurningin er bara á hvaða kjörum!!

75-80% landsmanna andvíg ábyrgðinni! hmm ég er 100% andvígur að borga mínar skuldir en verð þó!

"Tryggingasjóður innstæðueigenda ábyrgist 20.887 evrur á hvern reikning." Bíddu ábyrgjumst við ekki 100%? eða skiptir máli í hvaða útibúi maður átti peningana?

[Ómar Geirsson, 29.8.2009 kl. 10:35]

Blessaður HA.

Fullyrðingar þína eru orð út í loftið.  Styðjast hvorki við íslensk lög eða lög og tilskipanir ESB.  En ég geri ekki lítið úr mætti trúarinnar og ef þú trúir því að þú skuldir þessa peninga, þá máttu borga þá mín vegna.  Breska sendiráðið getur örugglega gefið þér upp reiknisnúmer sem þú getur greitt inn á.

Hættu hins vegar að troða trú þinni uppá þá sem koma málinu ekkert við.

Kveðja að austan.