Ennþá lekur myglan frá Hamasdeild Morgunblaðsins.

 

Núna þegar heimsbyggðin fagnar friði, jafnvel hinir meðvirkustu stuðningsmenn Hamas meðal vestrænna þjóðarleiðtoga, þá getur fréttaritstjórn Morgunblaðsins ekki einu sinni haldið Hamas deild sinni í skefjum.

Í frétt sem fjallar um fögnuðinn, um væntanlegt frelsi síðustu gísla Hamas á Gasa, fölskulausan fögnuð ættingja hins hertekna fólks, þá kemur þessi klausa frá Hamas deildinni.

 

"Alls voru 1.219 manns drepnir í árás Hamas á Ísrael, flestir almennir borgarar, samkvæmt tölum AFP sem byggja á opinberum ísraelskum tölum.

Í hefndaraðgerð Ísraels á Gasasvæðinu hafa að minnsta kosti 67.194 verið drepnir, einnig flestir almennir borgarar, samkvæmt upplýsingum heilbrigðisráðuneytisins á Gasa þar sem Hamas fer með stjórn. Sameinuðu þjóðirnar telja tölurnar vera réttar.".

 

Hvað þarf oft að ítreka að í kjölfar árásar Hamas á Ísraels, þá réðst Ísraelsher inní Gasa með því markmiði að frelsa gísla og uppræta Hamassamtökin, réttmæt innrás í tvennum skilningi.

Engin þjóð lýður annarri þjóð að taka gísla í landi sínu og flytja þá yfir landmæri sín í gíslingu.

Engin þjóð sættir sig við árásarríki sem hefur það eina markmið að útrýma henni.

 

Árásir Bandamanna á Þýskaland í Seinna stríði voru ekki hefndarárásir, þær voru átök í stríði þar sem þau ríki sem urðu fyrir árásum Þjóðverja, snérust til varnar og gátu svo knúið fram uppgjöf ríkisstjórnar nasista, alveg eins og Ísraelsmenn réðust inní Gasa til að knýja fram uppgjöf Hamassamtakanna.

Markmið sem þessir friðsamningar innsigla.

 

Þeir um 9 milljónir Þjóðverja sem féllu í Seinna stríði, voru ekki drepnir af Bandamönnum, þeir féllu í átökum og í árásum og borgir og bæi Þýskalands.

Alveg eins og rúm 67 þúsund Palestínumenn féllu í átökunum á Gasa auk hundruða ísraelskra hermanna.

 

Þjóðverjar drápu hins vegar um 6 milljónir í útrýmingarbúðum sínum, auk milljóna annarra vopnlausra borgara, fólk sem var drepið en féll ekki í átökum.

Hamasliðar drápu mörg hundruð manns í Ísraels, vopnlausa óbreytta borgara, auk þess féllu hátt í þriðja hundrað ísraelskra hermanna í þeim átökum auk rúmlega 1.000 Hamasliða.

 

Framsetning Morgunblaðsins í tilvitnaðri klausu er því fals áróðursins, og þó þetta fals hafi ítrekað mengað síður blaðsins, þá er það hreint óeðli í frétt eins og þessari.

Óeðli sem menn eiga að skammast sín fyrir og biðjast afsökunar á.

 

Eða vera minna á eftir.

Kveðja að austan.

 

Ísraelar fagna: „Þeir eru að snúa aftur“

Athugasemdir

[Kolbeinn Hlöðversson (IP-tala skráð) 9.10.2025 kl. 15:15]

Góður og rérttmætur pistill.

Það er orðið eitthvað mikið að inann veggja morgunblaðsins,getur verið að sósoaldemokratisminn sé búinn að hertaka blaðið?

[Bjarni (IP-tala skráð) 9.10.2025 kl. 15:29]

Júðarnir frelsuðu 20 gísla og drápu óvart 70.000 almenna borgara í leiðinni.

Hvað skyldu vera margir palestínumenn í fangelsi í ísrael án dóms? Örugglega þúsundir.

En friður? Get ekki ímyndað mér að eitthvað gott komi útúr því þegar barnaníðingur og barnamorðingi taka höndum saman.

[Ómar Geirsson, 9.10.2025 kl. 16:24]

Blessaður Kolbeinn.

Nei, ég held ekki, átakalínur fortíðarinnar, eru ekki átakalínur dagsins í dag.

Það væri nær að benda á forheimsku og fávitahátt Rétttrúnaðarins, það að Einfeldningurinn leiki lausum hala, held ég að sé málamiðlun á milli blaðamanna, og vísa þá í blaðamenn Spursmála, sem tóku við af Agnesi í alvöru blaðamennsku.  Og vissulega eru fleiri góðir blaðamenn á Morgunblaðinu, en málamiðlunin er á milli blaðamanna og froðu Rétttrúnaðarins, þar sem blessaðar konurnar hafa öll prófskírteini í lagi, hafa örugglega einhvern tímann skrifað eitthvað frá eigin brjósti, en ráða hvorki yfir viti eða skynsemi til að hefja sig yfir flatneskju Rétttrúnaðarins.

Það afsakar samt ekki fréttaritstjórn Morgunblaðsins, meðvirkni hennar með voðamönnum Hamas, meðvirkni sem var gjaldþrota í nótt þegar Trump gaf öllu þessu fólki fingurinn, og samdi frið á Gasa, þvert gegn fávitahætti og forheimsku hinna meðvirku, þvert gegn stuðningi Rétttrúnaðarins við voðaverk Íslamista, hvort sem þau voru framin í Ísrael 7. október, í Sýrlandi eða Írak fyrir nokkrum árum, eða eru raunveruleiki kristinna íbúa Norður Nígeríu.

Góða fólkið Kolbeinn er nefnilega ekki gott fólk.

Fyrir utan að vera heimskt.

Líkt og ég bendi á í pistlum mínum, en líklega of heimskt til að kunna að skammast sín.

Ég vorkenni blaðamönnum Morgunblaðsins.

Kveðja að austan.

[Ómar Geirsson, 9.10.2025 kl. 16:27]

Blessaður Bjarni.

Það kemur fyrir að ég er þakklátur athugasemdum þínum um málefni Gasa.

Þú segir eiginlega allt sem segja þarf um mygluna.

Á því augnabliki Vonarinnar að Hamas hætti að fórna lífi samlanda sinna til að ná því göfuga markmiði að fólk eins og þú froðufelli.

Ég held hinsvegar að íbúar Gasa fagni í dag.

Kveðja að austan.

[Hördur Thormar (IP-tala skráð) 9.10.2025 kl. 17:26]

 Hér er dæmi um tilgangslausar loftárásir Bandamanna á þýskar borgir skömmu fyrir stríðslok:                          Pforzheim’s Destruction: A Forgotten World War II War Crime #history #shorts #ww2 #wwii           

[Ómar Geirsson, 9.10.2025 kl. 17:57]

Blessaður Hörður.

Guð hjálpi þér með svona eftirá skýringar, það er auðvelt að benda, þegar maður lifir ekki sjálfur óhugnað samtímans.

Þér að segja þá hef ég mikið spáð í þetta, nota reyndar ekki orðið "stríðsglæpur", en tel, og taldi, spurning reyndar hvað ég taldi svo, en tel samt ennþá, að ef þú vilt bera betri en þú gagnrýnir, þá skaltu ekki haga þér eins og hann.

Mótrökin eru víða, flott hjá Truman í Oppenheimer, þar sem hann bað Oppenheimer að hætta þessu væli, það var hann, það er Truman sem tók þá ákvörðun að drepa saklausa borgara með kjarnorkuárásinni á Japan, í þeirri vissu að þar með hefði hann bjargað milljónum mannslífa, þar á meðal hundruð þúsunda bandaríska hermanna.  Dauði hinna saklaus var samt jafn djöfullegur fyrir því.

Síðan má vitna í átakafund hjá bresku herstjórninni þar sem Sprengju Harrý, breski flugmarskálkurinn sem bar ábyrgð á loftárásum Breta á borgir Þýskalands, loftárásum sem Bandaríkjamenn gengu inn í, þar sem Harry spurði andmælanda sinn, hvort hann væri tilbúinn að bera út skeytin til mæðra fallinna hermanna, sem féllu vegna þess að sprengjum var ekki varpað á þýskar borgir.

Þessi tilvitnun þín Hörður, er seinna tíma skilgreining á stríðsglæpum, smán fyrir þá sem töldu sig betri en þá sem börðust fyrir lífi sínu og tilveru.

Útgangspunkturinn er alltaf að nasistarnir gátu alltaf gefist upp, þess vegna reyndu þýskir herforingjar, aðallega Prússar sem bjuggu að 200 ára hlýðni áa sinna við stríð, konung og síðan keisara, rúmlega 30 sinnum að drepa Hitler.  Því dauði hans var forsenda uppgjafar.

Þú átt að skammast þín fyrir þessa athugasemd þína Hörður því þú veist alveg eins og ég að Hamas gat frá fyrsta degi endað þessi átök með uppgjöf, að leggja niður vopn og skila gíslum sínum.

Þetta kallast meðvirkni með dauða, drápum, þjáningum og hörmungum óbreyttra borgara, á öllum tímum.

Það eru skýringar á að Pólverjar gáfust upp til að þyrma Varsjá, það eru skýringar á að Hollendingar gáfust upp til að hlífa Amsterdam, eða Belgar til að hlífa Antwerpen, að Frakkar reyndu ekki að verja París.

En sá sem kaus að heyja vonlaust stríð, hann kallaði dauða og eyðileggingu yfir sitt eigið fólk.

Ég hélt að þú værir ekki svoleiðis Hörður.

Samt með kveðju að austan.