Með sorg í hjarta.

 

Þurfa athyglissjúklingar sem og þau viðrini sem þrá það eitt að dauðinn og eyðileggingin á Gasa haldi áfram út í hið óendanlega, að sætta sig við að það er talað um frið á Gasa í Kaíró.

Tyrkir fengu reyndar ekki að vera með, Morgunblaðið með einfeldninginn sem fulltrúa sinn á staðnum, fékk ekki að vera með, og ekki síst hvað er sárast fyrir viðrini þess heims sem telja það í góðu að myrða, limlesta, nauðga óbreytta borgara í Ísraela, því það er í þágu MÁLSTAÐARINS, og fylkja sér núna undir öfugmælinu; Frelsisflotinn, að þá fengu þau heldur ekki að vera með.

 

Tyrknesk stjórnvöld, sem hafa sannarlega skipulagt nauðganir þúsunda kvenna á svæðum Kúrda í Tyrklandi, sem sannarlega hafa ráðist á vopnlaus þorp Kúrda og drepið tugþúsundir, sem sannarlega vopnuðu leifar af her Ríki Íslams og siguðu þann fordæmda óþjóðalýð á byggðir Kúrda í Sýrlandi, þar sem kvenkyns kúrdískum hermönnum var misþyrmt, þeim nauðgað, brjóstin skorin af þeim lifandi, ef þið trúið ekki þessum lýsingum á ríkisstjórn Íslamista í Ankara, talið þá við Ögmund Jónasson, fordæma núna aðgerðir Ísraelshers gagnvart Frelsisflotanum svo vitnað í frétt erlendra frétta á Morgunblaðinu.

Þessi frétt er ekki skrifuð af Einfeldningum, sem skrifaði viðtal við einn af morðingjum Hamas, þar sem viðkomandi morðingi sagði að Palestínumenn vildu frið með kristnum og gyðingum, þá var Mannréttindavakt Sameinuðu þjóðanna nýbúin að birta skýrslu um voðaverk morðingja Hamas 7. október árið áður.

 

Þessi frétt, sem vitnað er í er skrifuð út frá einbeittum vilja Morgunblaðsins að taka þátt í atlögu Hamas að lífi og limum íbúa Gasa, þar sem blóðþyrst viðrini og meðvirkir stuðningsmenn þjóðarmorðs Hamas, þrá það eitt að blóðsúthellingunum á Gasa linni ekki.

Að gjöreyðingarstríð Íslamista gagnvart öðrum trúarbrögðum og trúarhópum, stríð sem hefur þurrkað út eldri trúarmenningu fyrir daga Íslams um gjörvallan hinn Gamla heim siðmenningarinnar þar sem bæði kristin trú og gyðingatrú á sínar rætur, taki þann enda fyrr en síðasta gyðingnum fyrir botni Miðjarðahafs, við norðanverðar stendur Miðjarðarhafsins verði drepinn, eða til vara hrakinn á brott.

 

Þannig er arfleið Morgunblaðsins í dag, þessa áður borgarlega fjölmiðils sem stóð með kristnum borgaralegum gildum, með frelsi gegn öfgum og alræði.

Til að háðung blaðsins verði sem mest, þá má vitna í aðra frétt blaðsins, frétt sem var ekki hægt að skrumskæla í þágu hins göfuga markmiðs Íslamista að útrýma okkur hinum, því fréttin fjallaði um markmið Hamas með samningaviðræðum sínum í Kaíró.

Þar var ekki minnst á Möggu Stínu, ekki minnst á Frelsisflotann eða vængbrotna Tyrkja sem fengu ekki að vera memm í Kaíró.

 

Þar var aðeins minnst á Vonina um frið.

Um endi átakanna, um nýja tíð, þar sem konur og börn láta ekki lífið vegna þess að kolbrjálaðir ofstækismenn ákveða að fórna lífi þeirra, og öfuguggar vestrænna góðmenna og annarra viðrina klappa upp þessa kolbrjáluðu ofstækismenn og markmið þeirra um fórna sínu eigin fólki, konum og börnum.

Þar efa ég reyndar að nauðleit í öryggisfangelsum Bandaríkjanna, sem geyma sjúkustu öfuguggana og raðmorðingjana, finni eitthvað sem er rotnara og ógeðslegra en stuðningur kaþólskra stækra gyðingahatara og vestrænna góðmenna við mannfórnir þessara kolbrjáluðu Íslamista.

Orð, sem þessi frétt, sem og fyrri frétt í dag, eða þegar fréttaritstjórn Morgunblaðsins hleypti í gegn í gær frétt sem Einfeldningurinn skrifaði um að Ísraelsmenn væru að herja á íbúa Gasa, sjálfsagt í þeim eina tilgang að drepa þá, að til væri meðal vor verra fólk en það sem vill viðhalda ófriðnum á Gasa, eða telur voðaverk Hamas réttlætanleg.

 

Því jafnvel Hamas sér rangindi þess að fórna sínu eigin fólki fyrir einhverja meinta alþjóðlega viðurkenningu.

Hamas vill frið.

 

En auðvita munu viðrinin rífast við þessi orð.

Orð sem ég ætla samt að hafa eftir; "Háttsettur embættismaður hjá Hamas-samtökunum segir bjartsýni ríkja í viðræðum um að enda stríðið á Gasasvæðinu. „Sáttasemjarar leggja sig fram við að ryðja úr vegi öllum hindrunum fyrir framkvæmd vopnahlés, og andi bjartsýni ríkir meðal allra aðila,“ sagði Taher al-Nunu, talsmaður Hamas,". 

 

Þeim mun átakanlegri er fréttaflutningur Morgunblaðsins.

Þar er einfeldningurinn ekki skálkaskjól.

Kveðja að austan.

 

Saka Ísrael um sjóræningjastarfsemi